NÊNHS HÀ NHÌ TUÔR CHIÊ JÔNGR PÊV HÂUR ĐÊX ĐAS

(Tiếng động nền: Buổi tuyên truyền của đồn Biên phòng Ka Lăng với người dân bản Mé Gióng về công tác bảo vệ rừng mùa khô hanh)

Hnuz no, Đại úy Cao Văn Quý, Chính trị viên phưv đros chor cán bộ đônx pênhz phax Ka Lăng, huyện Mường Tè, tỉnh Lai Châu muôx njêx muôs ntơưv tsêr vênhx huôv jok Mé Gióng chiê yax kriê, hêik pox nhuôs gra siêz tsưr ziv por vêv jôngr, phax tar cuz tox cuz jôngr hâur chêix ntux kruôr:

“Pox nhuôs pâuz tiêk zus cuz jôngr lox đar, tiv iz mak zuôr trâus xưv bluô nhiêx txiêx. Zos cux thax tsav lox, tiv zix zos cuz jôngr lâul mak zuôr trâus muôx txơưx jênhv hình sự, cux tiêk tsuv nhoz tux. Lok six vav tiêk pox nhuôs thâuv luôx têz mak uô ntơưv têx qơư zos har gênhz”.

(Suôz buôx têk)

Chor har jôngr njuôz xiêz. Têx tsoz ntông lox pêz plâuz lênhx nênhs puôs tsik tas nhoz luz jôngr hâur luz đraz jok puz pov tiêk, tsôngv box Hà Nhì nhoz no nhiêv jôngr li chak.

Niêv tix Ly Mụ Dứ puz pâuz: txos chêix ntux kruôr, thâuv ntux lok nas tsơưs pox nhuôs hax zav tsuv por vêv jôngr đuô, tiv zix zos tsuv uô zos thiêz sik côngv đros bôv đôiv pênhz phax por vêv đêx, tsik muk hâur har jôngr hlơưr njênhz, gơưx uô txêik cuz jôngr:

“Thâuv muk hâur har jôngr txiêr tơưl mak pox nhuôs cux uô trơưk li cán bộ pênhx phax kruôz kriê, jêx jok li chêi thiêz muk trơưk hnuz tâu cuiz tênhv thiêz tsuôk tâu txiêr têx chês ntông kruôr xưz”.

Zơưv Pờ Pó Chừ, Chủ tịch UBND xar puz pâuz: Ka Lăng zos pêv hâur, zos qơư muôx tuk đêx đas ntưk lok hâur têz qơưk Việt. Viv li, hâux lưv tuôr chiê jôngr, por vêv jôngr zos kror hâux lưv lok six zov chênhr. Xar muôx 10 cxênhz ntâu hec ta jôngr, hâur co jôngr phax phưv muôx 8.600 ntâu hec ta. Đros muôx 11 tôv đội phax cuz tuôx cuz jôngr tưz tsik so sik côngv jông đros bôv đôiv pênhz phax hâur côngz xưv sêiz car, por vêv jôngr:

“Côngz xưv sik côngv nhoz bôv đội pênhz phax lok por vêv jôngr mak pêz phêiz yênhx thax tsav qơư nhoz, iz jok sêiz car iz thax tsav jôngr. Hok bôv đôiv pênhz phax thiêz chính quyền tiv phaz tsêx trung sêiz car têx thax tsav jôngr nhoz đêz qơư pêx xênhv nhoz. Viv li mak hâur ntu đhâu tsik muôx yưv jiês cuz tox cuz jôngr tưs thiêz tsik muôx lênhx tưs ruôr hiêv txos jôngr tsik zos chêi”.

Thôngz đhâu Bôv đội pênhz phax chor jiês yax kriê, pêx xênhv, tiv zix zos cxênhx hluôk nênhs Hà Nhì tưz nzor tâu kruôz kriê lok txơưx jênhv tuôr chiê jôngr. Lơưr co, thax tsav muôx jôngr vor tưz tax tâu 75%, ntâu shông lok no tsik muôx yưv cuz tox cuz jôngr.

Nhoz thax tsav ntus đriv Ka Lăng, chor har jôngr njuôz xiêz njiê pov mak lok six jông./.

(Thanh Thủy-Khắc Kiên-Lik Thox cxêik nhênhv)

PHÊNHV NRIÊR PÂUZ CHEI TÊZ QƠƯK

Nuk: X xar chiv chir ứng cử đại biểu HĐND xã taz sik X tuk txir heik tiêk, tsi cxoz uô li ntơư viv X zos pox niêv thiêz ho zos heir nênhs tsơưs, lênhx tưs chiê cxaz chuôz lês uô hâux lưv co. X tsi pâuz chei têz qơưk cui tinhv li chas lok sâuv vax huôv siz luôs hâur cxaz chuôz uô têx hâux lưv têz qơưk, hâux lưv XH?

Têz:

Trơưk li grê 26 Hiến pháp 2013 cui tinhv:

1. Cxuô lênhx txir nênhx, pox niêv muôx vax huôv siz luôs hâur cxuô luôs hâux lưv. Têz qơưk muôx chei por hưv vax huôv thiêz sđ puôr lênhx muôx chei iz zav.

2. Têz qơưk, XH thiêz chuôz zis muôz jông six hơưv chiê pox niêv huôv tsar uô cxuô zav nuv xưk li luôs lưv tuk, phuôx huiz zuk pưs txux hâur XH.

3. Txưr tsi tâu shênhx pox niêv, txir nênhx.

Iz chas ntơư, Grê 27, Grê 28 Hiến pháp 2013 mak tsôngv box txâuk 18 shông tror zar sâuv muôx vax huôv bo xeir thiêz txưv 20 shông tror zar sâuv muôx vax huôv ứng cử nhoz hâur Côx hôiv, HĐND. Uô lơưr têx vax huôv no zos chei têz qơưk cui tinhv. Tsôngv box muôx vax huôv cxaz chuôz lês uô têx hâux lưv têz qơưk, hâux lưv XH, cxaz chuôz seiz lax thiêz thix ziv trâu cơ quan lês uô hâux lưv têz qơưk lol têx nuv ntơưv qơư thiêz hâur hur si têz qơưk. Têz qơưk muôz jông six hơưv chiê tsôngv box cxaz chuôz seiz car têz qơưk thiêz XH; tsênhz mênhx hâur hâux lưv tol txeik tsôngv box sđ têx ziv chênhv, thix ziv./.

(Tuyết Lan-Riê Lâux cxeik, nhênhv)