Têx vênhx huôv phongx cxưx hâur hêir nênhs Thái Tây Bắc li trôngx chơưr

Hêir nênhs Thái xav tiêk, lênhx nênhs tsênhv uô nênhx nhoz cux zênhx muôx lênhx nênhs tâu tas siv nênhx li tus njux plis đros đrêiv, paz trâu zuk cxiê qơư, tiv zix zos têx thâuv muk đêz tsêr, sêiz shuôk cưr tix nênhx tsa sơưr đơưk, cux xưk li hâur têx ntênhk yôngz cok, uô đaz uô kruô…Viv li, txix lênhx nênhs lâuk txos hluôk, pox niêv, txir nênhx uô ntêx thâuv zuôr nox hâuk, sơưr đơưk cux tsuv nquôr iz, oz tênhr chơưr hâur piz chơưr xuz thơưx ciês đros siêz xar tsik so ndo njôngr txos chor nênhs tưz tâu tas siv nênhx. Thâuv muôx nox, muôx hâuk tsik car zôngv uô ntêx mak tsuv zâuv lươr uô ntêx, chiê lơưr paz trâu zuk, lơưr co mav li sik đros nox hâuk phôngv côngz hmôngr.

Zơưv Tòng Văn Xôm, nhoz jok Mòng, xã Hua La, thành phố Sơn La, iz lênhx nênhs pâuz tsênhz lok phôngx cxưx no hêik:

“Lơưr hêir nênhs thiêz siêz xar mak thâuv tưs, nhoz kror tưs cux muôx plis nênhs tưz tas siv nênhx đros đrêiv, thâuv zuk nox hâuk, mak lơưr cux thor nox, zos zưk tsik uô li co mak lơưr zuôr tsik muôx nox, muôx hâuk. Thâuv zuôr hâuk chơưr mak tsuv muôz piz uô ntêx nquôr mê njik trâu lơưr hâuk uô ntêx, li co mak lơưr zuôr paz trâu zuk chiê zuk njiz tâu ntâuz kror jông hâur luz nênhx”.

Tưz tsik zos nquôr iz oz tênhr hâur luz piz chơưr xuz thơưx thâuv zuôr nox, hâuk xưz mak chôngz lênhx nênhs tsênhv muôz iz kror mor, iz kror grêix thiêz iz piz chơưr hâur tsuv mor por thiêz nquôr trâu đrâuv jôngr chiê nênhs tưz tas siv nênhx nox uô ntêx. Chor nênh uô li no mak zos nênhs tưz muôx niêv, txir lok sik pox niêv, tuk txir trâus tuôs. Hok thâuv muk pêv liêx têz, muk hâur har jôngr, txơưv tsik hâuk chơưr taz sik thâuv ox mor mak cux muôz mê njil jâuz, mor uô li co. No zos iz kror vênhx huôv jông tâu tsês chiê txix thâuv ntêx lok. Tix lâus Quàng Văn Hưng, nhoz jok Hìn Phường Chiềng An, thành phố Sơn La, tỉnh Sơn La hêik:

“Txơưv tiêk cxênhx hluôk li pêz no, tz sik thâuv tưs hâuk chơưr mak zuk cux ndo njôngr nquôr oz pêz tênhr chơưr lơưr zuk mênhx cxưx li têx phongx cxưx, tsik chiê lênhx tưs hêik zuk hlo. Zuk uô li co mak tso siêz thiêz pov shir phaz đuô”.

Tiv zix, hâur hêir nênhs Thái trôngx mor tiêv kruô, lok sik thâuv chuôz zis muôx tos nênhx tsa tuôx nox mor đros chuôz zis mak thâuv tưs tsưr tsêr cux tsuv muôx oz piz chơưr txơưz sâuv tsuv mor hêik tơưv siêz nhiêv kruô thiêz tsov cưv txos tos nênhx tsa. 2 khoz chơưr no tsuôk tâu chiê li co mak tsik muôx nênhx hâuk. Tsuôk thâuv tưz nox hâuk tas, kruô muk tsêr mak oz piz chơưr no thiêx tâu tsưr tsêr muôz lok zâuv kruô đros hâuk. Thâuv co mak nênhs tâu zâuv hâuk zuôr iz lênhx lok sik nquôr trâu sơưr đơưk hâur tsuv mor đros hâuk. Zơưv Tòng Văn Xôm, jok Mòng, xã Hua La, thành phố Sơn La, tỉnh Sơn La puz pâuz nzir:

“Thâuv muôx kruô tuôx txos tsêr, tiv zix chor kruô co zos saz nênhx tsa mak tsuv muôx oz piz chơưr tso trâu sâuv tsuv mor. Thiêz oz piz chơưr no mak uô ntêx thâuv zuôr trâu chơưr tsuv trâu trâu oz luz piz no uô ntêx chiê hêik tơưv siêz nhiêv thiêz tsov cưv txos kruô tuôx sêiz yuôx zuk, thâuv lơưr tuôx shuok mak cux muôx lơưr chor nênhs cxênhz jê tưz trâus tuôs têx njux plis đros tuôx thiêz tâu hâuk oz piz chơưr trâu tsuv sâuv tsuv mor co”.

Phôngx cxưx nquôr oz pêz tênhr chơưr uô ntêx thâuv zuôr hâuk hâur zuk luz piz chơưr xuz  thơưx, lok sik trâu 2 piz chơưr tso sâuv trôngx mor thâuv muôx kruô cux tsênhv tâu pox nhuôs hêir nênhs Thái tuôr chiê txos trâu nhiv no. Co zos zos hêir nênhs Thái iz vênhx huôv jông tsênhv tuôr tsês, muôx đros đrêiv hâur luz nênhx tsik chiê pôngz plox./.

                                                                                                                                                               (Tòng Đức Anh-Lik Thox cxêik nhênhv)

Lov jêv ntưk siz tưr đê yuôx zêx nhoz tox siêz Mộc Châu

Hội sik tưr đê yuôx zêx shông no tưz hu zâuv tâu 6 paz tuôx siz tưr thik, 30 lênhx tưr thik đê yuôx zêx zos canr bôv, công nhân, tsôngv box thiêz lênhx nênhs uô yuôx zêx hâur thax tsav huyện Mộc Châu, tỉnh Sơn La. Nhoz no, têx lênhx siz tưr đê yuôx zêx tưz sir jos sik tưr đê jông têx njik yuôx zêx, uô li chas cov đê tâu sei thiêz đơưv trơưk cui tinhv iz luz njik 3 đeiv blôngx. Niêv lâuk Đỗ Thị Yến, zos iz hâur têx  lênhx nhoz hâur đội thik shir phaz heik:

“Tuôx sik tưr thik đê yuôx zêx shông no mak lok six shir phaz, viv uô ntêx thâuv zuôr tuôx siz tưr thik, pêz paz tưz sik thôngx siêz hur si lơưv. Txơưv tiêk ntux lok six no, taz sik pêz sđ tưz sir tal zuk đas jos chiê đê tâu ntâu yax têx yuôx zêx hâur hnuz no”.

Iz chas ntơư zos ntâu tuk chôngz lênhx tsôngv box sđ hâur thax tsav huyện li têx suôz luôs, kư buô tês lov jêv ntưk paz cxơưz tsưr ziv, đas jos trâu têx lênhx siz tưr đê yuôx zêx. Suôz đruôl, suôz luôs thiêz heik lul lov jêv lus ntơư tưz iz phênhv tưs uô trâu thax tsav sik tưr đê yuôx zêx tsênhv lok six no njiv co chuôs li sor đuô. Têx suôz luôs, cêr lov jêv, chor nênhs sei đrơưv txơưx đê yuôx zêx tưz uô trâu tsôngv kruô nhoz luôs 2 chas thax tsav, têz qơưk đrâuv tuôx seiz hội thik ndo njôngr hâur đruôz siêz tsi plox. Niêv lâuk Trần Thúy Hằng, nhoz Hà Nội tuôx seiz hội thik heik pâuz:

“Txơưv tiêk hnuz no nhoz Mộc Châu lok six no njiv, no đuô pir li Hà Nội, taz sik sđ cux lok six moz siêz sir jos sik tưr đê yuôx zêx. Zos tiêk muôx six hơưv, cur zuôr tror tuôx trâu Mộc Châu, iz thax tsav qơư tox siêz lok six nziv nhiêv”.

Txix thâuv nzor lok, têx yuôx zêx thâuv tưs tưz zos fôngx zưs sưv jông đros đreiv suôv qơư, lênhx nênhs thiêz vênhx huôv Mộc Châu, yuôx zêx tưz uô hlôngr yiêz luz nênhx, paz tsôngv box cxuz cêr yeiz pluôs, sir jos truôx tuk, huôv tsar uô nox uô hnar. Chor shông jê lok no, têx yuôx zêx tsênhv uô hlôngr yiêz jêx jok tox siêz nhoz Mộc Châu, đros thiêz yênhx thax têz, vuôs har yuôx zêx lox đar njuôz xiêz, jông jav tưz hu zâuv yênhx tsov lênhx tsôngv kruô tuôx ndis seiz Mộc Châu hâur niêx shông. Pos Nguyễn Thị Hoa, Phưv Chủ tịch Ủy ban huyện Mộc Châu, tỉnh Sơn La heik:

“Luôs hâux lưv huôv yuôx zêx đros trâu uô ju lix cux zos Mộc Châu iz hâur têx tsưr ziv zov chênhr hâur six hơưv zuôr txos. Lar heik zos txos iz jiês no Mộc Châu tưz tâu Thủ tướng Chính phủ thôngz đhâu tsưr ziv njuôk hov uô qơư ju lix têz qơưk Mộc Châu, chênhr viv li ntơư, têx hâux lưv no zos lok six muôx liv chiê paz trâu tas nro huyện  cêr huôv tsar cxuô thiêz huôv tsar chos yuôx zêx cux li thax tsav ju lix têz qơưk Mộc Châu li cêr huôv tsar hâur ntu zuôr txos”.

Huyện Mộc Châu muôx zuôr xar 1.900 ha têz yuôx zêx, hâur ntơư xar muôx 1.800 ha yuôx zêx tsênhv taz tov jông sâu đê. Hâux lưv tsưr tsix têx Hội yuôx zêx tox siêz Mộc Châu jiês tiv III, shông 2018 cux li têx hnuz hội piêr kriê têx xiv huv kôngz nuv huyện Mộc Châu niêx shông, tưz hu zâuv tâu ntâu tuk chôngz lênhx tsôngv kruô cxaz chuôz li cêr moz siêz txos, đhâu ntơư muôz jông six hơưv chiê têx doanh nghiệp, hợp tác xã tâu siz chuôs njiz, siz pâuz thiêz cir ntơưr sik paz hâur uô têx yuôx zêx-sâu zuôr têx xiv huv đros doanh nghiệp, qơư zuôr muôs hax huv hâur thiêz đrâuv luôs 2 chas tỉnh tâu truôx tuk./.

(Trấn Long-Riê Lâux cxeik, nhênhv)