Nhiêx paz nox nhoz hâur tsêr cơưv niêv txir zus mor, iz cêr shir phaz trâu shux xênhz nhoz tsêr cơưv niêv txir zus mor thax tsav tox siêz Yên Bái

Iz chas tâu sir zôngv lok sâuv têx côngz trênhx, chuôz zênhx phưx vưv nox nhoz hâur tsêr cơưv mak trơưk li Chính phủ Nghị định 116, iz lênhx shux xênhz nhoz hâur tsêr cơưv niêv txir zus mor tâu têz qơưs paz 15 cir cxur thiêz 520 cxênhz đeiv nhiêx iz hlik hâur 9 luz hlik cơưv hâur shông cơưv ntơư. Txix nhiv no, têx shux xênhz zuôr muôx six hơưv cơưv tâu ntơưr jông đuô, tâu nox cxix cxuô têx jâuz mor, tâu txoz cxơưx, tâu cơưv shâuv têx txux chi tsưr ziv uô nênhx...... Đặng Thị Cói, shux xênhz tsêr cơưv phưv thôngz mênhx cxưx niêv txir zus mor lok zos tsêr cơưv Phổ thông dân tộc niêv txir zus mor cxênhx 2 xã Phong Dụ Thượng, huyện Văn Yên, tỉnh Yên Bái heik pâuz:

“Cur tsêr nhoz đêz tsêr cơưv. Txix thâuv cur tuôx cơưv hâur tsêr cơưv no mak cur tâu têz qơưk paz cxur thiêz nhiêx nox, tuôx nhoz no mak cur cơưv ntơưr thiêz nox nhoz tâu jông đuô”.

Têx shux xênhz nhoz hâur tsêr cơưv niêv txir zus mor tâu paz cxur  thiêz nhiêx nox cux tưz paz txo grêk têx phiv liv lok nhiêx txiêx trâu chor chuôz zis tsôngv box heir nênhs tsơưs, lar heik zos têx chuôz zis pluôs, chuôz zis txov nhêv. Tix lâus Dình Xênhv Shôngx, nhoz xã Phong Dụ Thượng, huyện Văn Yên, tỉnh Yên Bái heik

“Cur chuôz zis zos chuôz zis pluôs, zos tsi muôx têz qơưk paz mak zuk têx mê nhuôv zuôr trâus so ntơưr xưz, nhiv no zuk mê nhuôv muk cơưv ntơưr  tâu zus mor, iz chas tâu cơưv ntơưr jông têx cưk kriê nhoz no tsênhv kriê zuk têx nhuôs pâuz lok sâuv tsưr ziv chos jâuz, tu zus tsiêx cxu. Uô tsâus ntâu txos chính phủ tưz moz siêz txos, cux vav chiê siêz tiêk, hâur six hơưv zuôr txos, têz qơưk tror muôx chei paz pêz têx nhuôs chiê chor nhuôv tâu cơưv ntâuz cơưv ntơưr jông đuô thiêz”.

Tsêr cơưv Phưv thôngz mênhx cxưx niêv txir zus mor cxênhx 2 xã Phong Dụ Thượng, huyện Văn Yên zos xã tox siêz, tsênhv yuôr ntâu txov nhêv; shux xênhz zos heir nênhs Hmôngz, Cho, Tày tsav 96% ntâu. Shông cơưv 2017-2018 tsêr cơưv muôx zuôr xar 350 lênhx shux xênhz tâu sơưv têz qơưk têx chei paz heik sâuv. Tâu paz lok sâuv cxur , nhiêx nox thiêz nhiêx cơưv ntơưr, têx shux xênhz thâuv tưs tưz tso siêz nox nhoz cơưv ntơưr, chor shux xênhz thâuv tưs tưz tuôx cơưv xar cxix cxuô muôx 98%. Iz chas ntơư tsêr cơưv tsênhv tsưr tsix trâu chor cưk kriê ntơưr thiêz shux xênhz chos jâuz, tu zus tsiêx cxu chiê hlôngr pluôk nox hâur niêx hnuz. Cưk kriê Lê Văn Trung, thơưx seiz car tsêr cơưv heik pâuz:

“Txix thâuv tâu têz qơưk paz txix Thủ tướng chính phủ Nghị định 116 mak tsêr cơưv tưz hlôngr yiêz ntâu. Tiv iz zos lok sâuv hâux lưv têx shux xênhz tuôx cơưv hâur tsêr cơưv zos 100%. Tiv 2 zos chor shux xênhz gruôs tuôx cơưv ntơưr, nhiv no cơưv ntơưr tas tsi muk tsêr li thâuv ntêx lơưv thiêz cux muôx ntâu shux xênhz gruôs tuôx cơưv ntơưr đuô. Tiv 3 zos têx shux xênhz tuôx cơưv ntơưr cxix cxuô , tsi yuô tso ntơưr tsês. Iz kro thiêz zos tsơưr lươngv zoz zux cux hlôngr yiêz ntâu....”.

Tas nro huyện Văn Yên nhiv no muôx 2.800 lênhx shux xênhz tâu sơưv têz  qơưk têx chei paz lok sâuv nox nhoz hâur tsêr cơưv, cơưv ntơưr ntơưv 14 tsêr cơưv. Cxuô chei paz đros thiêz têx nhuôs shux xênhz tâu têx tsêr cơưv thiêz ngênhx zoz zux huyện moz siêz, uô jông taz por trơưk chei, txâuk thiêz zênhx max. Zơưv Phạm Xuân Sơn, Tsar phòng zoz zux thiêz thox cxov huyện Văn Yên, tỉnh Yên Bái heik pâuz:

“Iz chas têx nhiêx txiêx tưz tâu têz qơưk paz mak chor tsêr cơưv tưz bax tsưr tsix uô pluôk nox, gra siêz tsơưr lươngv têx jâuz mor nox trâu shux xênhz, txix ntơư gra siêz đas jos trâu têx nhuôv shux xênhz. Thiêz luôs hâux lưv vênhv tôngv têx shux xênhz tuôx tsêr cơưv chiê cơưv ntơưr tâu jông đuô, chor shux xênhz gruôs tuôx cơưv ntơưr cux chôngz mê njik, đhâu co têx tsêr cơưv li hâux lưv kriê txux chi, tsưr ziv uô nênhx, xênhz huôx....trâu têx nhuôs shux xênhz nox nhoz hâur tsêr cơưv niêv txir zus mor thiêz têx tsêr cơưv mênhx cxưx niêv txir zus mor cux tâu jông đuô”.

Txix têx tsêr cơưv nhoz đêz pêv tox siêz tsênhv yuôr ntâu txov nhêv, uz no muôx tsi tâu cxix cxuô, txix têx pluôk nox tsi muôx cxuô jâuz mor, nhiv no shux xênhz tox siêz Yên Bái tưz tâu cơưv thiêz nox nhoz hâur têx tsêr cơưv jông đuô, muôx cxix cxuô zav đuô thiêz hâur shux xênhz têx pluôk nox muôx txâuk têx jâuz mor. Lar heik, hâur têx cưk kriê ntơưr li cêr moz siêz tu, choz kriê txux chi, cêr uô nênhx, chor nhuôs shux xênhz tsênhv muôx iz tsêr cơưv jông chiê nox nhoz cơưv ntâuz cơưv ntơưr, yênhx nênhs txơưx njê chiê cxiv tsa têz qơưk./.

  (Đinh Tuấn-Riê Lâux cxeik, nhênhv)

Llôngr yiêz tsênhv chei nhiêx hli

          Bộ trưởng Bộ sêiz car nhiêx txiêx Đinh Tiến Dũng puz pâuz tưz thix ziv niêx shông tsês phênhv sâu, chuôz cxaz phênhv sâu siêz đuô ntu đrav ntêx đros têx phênhv nhiêx txiêx Trung ương thiêz tiv phaz chiê hlôngr yiêz sir zôngv nhiêx hli li luôs hâux lưv tưz heik. Lơưr co, zos uô trơưk têx qơư tsov txos lok tror hlôngr yiêz sir zôngv nhiêx hli lơưr Bộ chinhr trị li Nghị quyết 07, yưv pênhr huôv tsar muôx nhos 26% tas nro phênhv nhiêx txiêx tưz zôngv, txu grês têx nhiêx txiêx sir zôngv, phênhv nhiêx txiêx sir zôngv siêz tiv zix shông 2020 kis đuô 3,5 GDP; hâur têx shông tov kaz tuôr truôx thiêz txu grês jux jus; mak phênhv nhiêx txiêx ntâu tiv zix tsês chiê hlôngr yiêz nhiêx hli hâur têx shông 2021, 2022 muôx nhos 35-40 cxênhz tỷ đeiv:

          “ Zos ciês cxôngx shông 2021 chiê uô, uô cê hâux lưv hlôngr yiêz nhiêx shar kis tiv zix zos 4 tsov 140 cxênhz đeiv/iz lênhx nênhs/iz luz hlik thiêz hlôngr yiêz sir zôngv nhiêx hli mak cán bộ, công chức, viên chức li nhiêx hli tâu hlôngr yiêz nzor đuô, no zuôr chuôz ndê fênhx pheiz 25-42% pir đros shông 2020. Taz sik njuôs xav zuôr uô phiv liv txos nhiêx txiêx têz qơưk thiêz tsuv thôngx ziv đros hâux lưv sir zôngv nhiêx txiêx siêz đuô phênhv sâu nhiêx txiêx, phênhv nux grê côngz têx shông xuz thơưx cux siêz. Viv li, chiê uô cov tâu truôx luôs hâux lưv hlôngr yiêz sir zôngv nhiêx hli thiêz phênhv nhiêx txiêx têz qơưk, tsuv nhênhz chơưv  chiê uô cov huv đros. Zos shông 2021 hlôngr yiêz nhiêx hli kis tiv zix tax 4 tsov 140 cxênhz đeiv/ iz lênhx nênhs/ iz luz hlik”.

          Chiê muôx cov txâuk nhiêx txiêx cungz tâu seiz zos kror cuiz tênhv hâux lưv krêz uô nghị quyết yênhx côngz lok sik tsi yênhx côngz. Nghị quyết lok hlôngr yiêz tsênhv chêi sir zôngv nhiêx hli, tsuv tâu uô uô cê đros têx nghị quyết txơưr li Nghị quyết lok hlôngr yiêz kinh têr, Nghị quyết lok txu grês chor nênhs uô hâux lưv. Zơưv Bế Xuân Trường- Thứ trưởng Bộ Quốc phôngx hêik cxaz nzir:

          “Luôs hâux lưv uô tưz tso tơưv 3 tsưr ziv cxiv tsa cuiv nhiêx hli reik đros 3zav  ntâuz ntơưr chuôz tsar kinh têr: 7%, 6% thiêz kis tiv zix zos 5%. Li ntơư, hâux lưv hlôngr yiêz tsênhv chêi nhiêx hli reik đros huôv tsar KTXH hâur têz qơưs. Uô tâu luôs hâux lưv no zos cxôngx Nghị quyết Trung ương 3 khóa 11. Uô yênhx côngz Nghị quyết no kinh têr hla đhâu phênhv sâu fênhx pheiz thiêz tsưr ziv chuôz tsar kinh têr 7% thiêx  uô tâu truôx”.

          Thôngx ziv đros siêz xar no, Zơưv Bùi Nhật Quang, Phưv chủ tịch Viện Hàn Lâm Khoa học Xã hội Việt Nam thix ziv hâux lưv hlôngr yiêz kinh têr, hlôngr yiêz phênhv sâu thiêz hlôngr yiêz nhiêx hli zos hâux lưv tsuv uô ciês nhiv no, tsik tok txos shông 2021:

          “ Tsuv uô truôx lok chinhr trị, tiv zix zos đros luôs hâux lưv, siêz xar chinhr trị tsi zos hlôngr yiêz nhiêx hli mak pêz tsênhv seiz lax. Têx tsưr ziv siêz xar chinhr trị, tsuv tso tơưv đros Nghị quyết Trung ương 6 tưz tso tơưv thiêz Nghị quyết muôx lênhx coaz txos txu grês bộ meir, xav tênhv hâux lưv uô. Viv li, hâux lưv uô têx tsênhv chêi txơưr zuôr cuiz tênhv đros luôs hâux lưv hlôngr yiêz nhiêx hli  li uô tâu truôx”.

          Hlôngr yiêz tsênhv chêi nhiêx hli zos hâux lưv tsuv uô cov tâu truôx. Tsưr ziv lok pênhr jos tưz tâu njuôs xav jông. Taz sik, têx hâux lưv tsi jông muôx yưv cux lax jav tâu hâur qênhx shênhx sik côngv kinh têr nhiv no, viv kinh têr pêz têz qơưk trâus kinh têr thax tsav thiêz ntiêx têz uô zênhr shar. Phênhv sâu nhiêx txiêx khov txos kinh têr li huôv tsar, hâux lưv uô tiêr têx tsênhv chêi sâu, uô têx qơư tsov txos lok txu grês bộ meir, txu grês biên chế thiêz hlôngr yiêz hâux lưv côngz, tsuv muôx six hơưv uô. Hâux lưv krêz đar sir zôngv nhiêx hli, tsuv uô cov huv đros qênhx shênhx kinh têr thiêz phênhv sâu nhiêx txiêx têz qơưk./.

                     (Ban thời sự- Txâur Vax cxeik nhênhv)