Chor nênhs yênhx hnuz, yênhx hmo sêiz jor ntơưv têx qơư qênhz yuôx caz moz hâur thax tsav Lào Cai

Oz six sơưr nzor ntơưv qơư sêiz jor qênhz yuôx caz moz cêik cêr 237 txox cêr muk chênhr Nội Bài-Lào Cai, cxuô lưx lươngv cux tsênhv sêiz đrơưv uô têx hâux lưv thâuv mak tsik so muôx nênhs thiêz yêz muk lok txix têx qơư txơưr đuô đhâu ntơưv kror qơư no.Tix lâus Trần Trung Kiên, cán bộ Tsênhv qơư qênhz yuôx caz moz tỉnh Lào Cai nhoz ntơưv no txix thâuv kriz uô qơư sêiz jor, uô kror hâux lưv txêik jênhv cxuô lênhx nênhs li hêik pâuz y têr. Qiv hơưv thâuv chêix ntux sor, hmo ntux lok cux sor li kuz taz sik têx hâux lưv tưz jênhv mak tsuv sir jos uô cov tiêr:“Uô hâux lưv thâuv hmo ntux ntơưv no, chor nênhs thiêz yêz muk lok đhâu lok six chôngz thiêz tsik tâu pư mak cux lok six gênhk.

Hâur côngz xưv phax, tar caz moz Covid-19 lênhx tưs cux sir jos cov uô tiêr jông zuk têx hâux lưv. Pez tsuv sir jos chiê qênhz yuôx, nriêr pâuz tâu chor nênhs zôngx ziv trâus cik moz, txix co muôx tsưr ziv xưv lik cov huv đros thiêz truôx jông”.Iz lênhx cán bôv pox niêv ntơưv qơư sêiz jor zos kỹ thuật viên Phạm Thị Thu Hương, Tsênhv qơư qênhz yuôx phax tar caz moz tỉnh Lào Cai tsêx trung trâu hâux lưv tso nyar njuôk shuôk caz moz. Txix thâuv kriz uô sir zôngv njuôk shuôk sêi caz moz Sát-Covi-2 trâu chor nênhs lok txix têx qơư muôx caz moz, niêv tix Hương tâu chiê lok ntơưv no uô hâux lưv. Têx jiês uô hâux lưv thâuv hmo ntux li no mak phiv liv đuô hur si viv tsuv chiê mê nhuôs nhoz tsêr:“Cur tuk mê nhuôv mak xar zuôr niêv xưz, zos zuk tuôx uô hâux lưv lơưv mak thâuv hmo ntux kuôx nriêr niêv tsik so xưz, cur tuk txir tsuv muôz cur chor yo hnar mak mê nhuôv thiêx li cav pư. Hluz mê nhuôv hênhr, taz sik tiv zos hâux lưv lơưv tsuv uô cov tiêr. Tsuôk vav tiêk caz moz tâu tir tar chiê cov luz nênhx tror jông liz kuz xưz”.

Kuôk yênhx châuv cêik cêr, ciês ntơưv ndâux cê, cux tsik so muôx chor cán bộ, chiến sĩ Cảnh sát zoz thôngz uô hâux lưv qênhz yuôx, kriê têx yêz muk lok. Côngz xưv ntơưv kror qơư no mak tsuv sơưr thiêz zôngv têk tơưl, luk hêik chiê kruôz kriê, têx thâuv muôx nênhs tsik uô trơưk mak hax zav phiv liv đuô, txơưv lik chak lok tsuv chiê muk đhâu kror qơư qênhz yuôx, sêiz jor njuôk shuôk caz moz truôx jông. Đại úy Quách Văn Trường, Phòng  Cảnh sát zoz thôngz, Công an tỉnh Lào Cai hêik:“Yênhv hnuz, cán bộ,chiến sĩ ntơưv qơư phêiz uô 3 ca sêiz jor thiêz sik hlôngr chiê muôx six hơưv nhoz so. Hêik mak uô hâux lưv 8 six hơưv iz ca, taz sik muôx chor yêz muk lok ntau, sơưr đơưk tsuv sir jos uô nzir six hơưv thiêx uô tiêr tâu têx hâux lưv”.

Thôngz sâu puz pov, đhâu iz hli xav txix thâuv kriz uô qơư qênhz yuôx, sêiz jor caz moz liên nganhx ntơưv cêik cêr 237 txos cêr muk chênhr Nội Bài-Lào Cai txos nhiv no, chor lưx lươngv tưz qênhz yuôx xar muôx 200.000 lênhx nênhs muk lok, hâur co muôx 1.000 ntâu lênhx nênhs tror lok txix têx qơư muôx caz moz chor muk cêv kuôk trơưk cui tênhv. Tiv zix, tôv njuôk shuôk caz moz sêi ntơưv qơư sêiz jor no tsênhv kriz uô njuôk shuôk sêi caz moz trâu 1.100 ntâu lênhx nênhs tsar yêz thâux hax huv txix têx qơư muôx caz moz tuôx muk trâu trôngx đriv, qơư công nghiệp nhoz Lào Cai. Đros têx uô tâu co zos txix chor cán bộ, chiến sĩ, chor nênhs uô ntêx hlo li têx sir jos uô hâux lưv hâur yênhx hnuz hmo, chiê paz cov uô tiêr tâu jông oz tsưr ziv cê sir jos phax tar caz moz thiêz cê huôv tsar tâu kinh têr xar hôiv./.

(An Kiên-Lik Thox cxêik nhênhv)