Đhâu ntux nas đêx ngaz cuôr nhoz Mường La, nriêr qơư nhoz truôx trâu px zos luôs hâux lưv tsuv uô sêi đrơưv

        Ar nhoz ntơưv qơư tsik muôx txâuk chiê txar đuô qơư nhoz trâu pêx xênhv, tas nro thax tsav ar tsêz chos kôngz lôngk tsik jông, zos têx kror mak tỉnh Sơn La xav tiêk tsuv tâu njuôk xav đuô qơư nhoz trâu chor ziv chuôz zis trâus ruôr hiêv tiv ntux nas đêx ngaz cuôr njiz trâus; ntơư zos chor chuôz zis nhoz trơưk ntus đêx Nặm Păm tsuv txar lok qơư nhoz yiêz. Zơưv Lò Minh Hùng, phưv chủ tịch UBND tỉnh Sơn La puz pâuz:

        “Tas nro uô xênhz yar, pêx xênhv cxiv luôs cxuô zav uô chak cov iz zav, tsik chiê njiz trâus phiv liv tiv ntux têz uô ruôr hiêv. Đros qênhx shênhx qiv hơưv txơưr txar li nhiv no mak pêz tsuv xav jênhv, tsuv xêir tsov têx tsưr ziv uô, zok nriêr đuô qơư nhoz cov huv đros”.

Chiê txo grêk tsơưs tiv zix têx trâus trâus ruôr hiêv txix ntux nas chuô đêx ngaz cuôr, chor nênhs nhênhz chơưv nhoz cxuô Bộ, ngành trung ương muk sêiz shuôk ntơưv thax tsav trâus đêx ngaz cuôr Mường La hêik pâuz tiêk, tỉnh Sơn La tsuv zok nriêr qơư nhoz yiêz trâu pêx xênhv.              Tsênhv tsênhz ntơưv têx qơư muôx tox nxaz nhoz thax tsav đêx Nặm Păm, tsuv yêik px txar trâu qơư nhoz yiêz, tsuv taz por lok ar tsêz chos kôngz lôngk, qiv hơưv thiêz thax qơư co tsik muôx đêx lox, tsik chiê tror muôx yưv njiz trâus đêx ngaz cuôr. Thôngx cxix ntơưv qơư nhoz yiêz, hâux lưv cxiv uô cêr muk lok, tênhv, đêx liv….

         Đros thiêz cêv kuôk jông qơư nhoz yiêz trâu pêx xênhv trâus đêx ngaz cuôr uô ruôr hiêv, hâur ntu zuôr txos chiê tir thêir cov tâu ntux têz uô ruôr hiêv, tỉnh Sơn La tsuv zok nriêr thax tsav qơư muôx ar huôv tsar uô nox; hâur co jôngr zos kinh tế zov chênhr thiêz pêx xênhv zos tsưr sêiz car, tsưx phưv. Vênhv thix no, Bộ trưởng bộ kôngz nuv thiêz huôv tsar jêx jok Nguyễn Xuân Cường hêik:

       “Đros qiv hơưv txơưr txar, đros thax tsav, qênhx shênhx li nhiv no, tsuv njiê đêz đuô lok tỉnh Sơn La li kho đuô kinh tế, tsik zos tiêk sêiz shuôk hlôngr yiêz luz jok no chos poz cưk li chak, luz jok tor chos blêx li chak. Viv Sơn La tsuv muôx jôngr, jôngr zos kinh tế zov chênhr, truôx đrênhk muk ntêr, zos kror chênhr. Tiv zix zos tsuv uô li chak chiê pêx xênhv uô nênhx tâu txix jôngr”.

       Ntơưv qơư trâus đêx ngaz cuôr Mường La nhiv no, ntâu qơư tsuôk zos têx ar, têz poz jêz nhoz cxiê qơư, têx côngz trinhx cxuô zav, tênhv, cêr, tsêr kho njuôk moz…trâus puôk tsuôx tas. Phênhv ntâu zos thax tsav ar uô xênhz yar ar, poz jêz trâus poz lok cxuz tas. Đros qênhx shênhx no, huyện tưz hêik txar qơư nhoz sêi đrơưv trâu 8 luz jok nhoz xã Nặm Păm thiêz 4 tiểu khu, thị trấn Ít Ong tsuv txar muk nhoz qơư yiêz. Taz sik, kriz uô txar qơư nhoz njiz ntâu phiv liv; viv tiv phaz muôx ar tsơưs tiv zos px nhiv kruôr txar qơư nhoz trâu qơư yiêz, cxiv uô tsêr mêir tênhv Sơn La. Đros co, têx qơư txơưr đuô zuôr chiê pêx xênhv nhoz tâu mak thax tsav trâus cêv kuôk, cêr muk lok njiz phiv liv. Zơưv Nguyễn Thành Công, Bí thư huyện ủy Mường La, tỉnh Sơn La puz pâuz:

        “Nhiv no pêz tsênhv cêv kuôk, xav jênhv qơư txar lok nhoz tsuv tâu uô sêi chiê kror qơư tưs pêx xênhv txar lok txos mak nhoz tâu ciês, uô tâu xênhz yar ciês chiê truôx tuk luz nênhx. Tiv oz mak thax tsav co tsuv tâu xav jênhv tsik zos qơư zuôr njiz trâus têx phiv liv lox mak pêz thiêz chiê txar lok nhoz. Thiêz ar nhiv no cux yuôr lok six tsơưs”.

         Hâux lưv txar px trâus đêx cuôr uô ruôr hiêv ntơưv Mường La nhiv no, zos iz luôs hâux lưv tsuv tâu uô zênhx max, taz sik cux zuôr tsik zos iz, oz hnuz zuôr uô tâu ciês. Viv kror qơư nhoz yiêz tsuv taz por ngaz tuk, muôx txâuk đêx sir zôngv, ar tsêz chos kôngz lôngk, cêr muk lok...thiêx truôx tuk luz nênhx trâu px./.

(Thanh Thủy-Lik Thox cxêik nhênhv)

Tsuv hlôngr yiêz tsênhv chei cxaz nzir điểm tsov cưv

          Xeir zuôr shux xênhz shông 2017, đrâuv điểm têx tsêr cơưv tuôv shux chuôz ndê mak tsênhv muôx hâux lưv uô trâu ntâu lênhx nênhs xar tsi txos zos tâu điểm lok six siêz taz sik cux tsi tâu xeir. Jiês thik trung học phôv thôngz têz qơưk shông no, shux xênhz tax tâu điểm siêz cux chôngz... Đrâuv co, têx shux xênhz tax tax điểm siêz, phênhv ntâu chêx chôngk lol iz cxiê nganhx, iz cxiê tsêr cơưv; viv li uô muôx yưv qênhx shênhx: ntâu shux xênhz điểm siêz đuô taz sik tsi tâu xeir zuôr; viv tsi tâu cxaz nzir điểm tsov cưv. Kror no uô ntâu lênhx shux xênhz, niêv txir lok six tsi jông siêz.  Zơưv Nguyễn Đăng Lý, Hiệu trưởng tsêr cơưv Cao đẳng hâux lưv uô ntiêx têz Thành phố Hồ Chí Minh xar tiêk: tsênhv chei cxaz nzir điểm tsov cưv li nhiv no tsi huv đros lơưv thiêz muôx yưv ntâu hâux lưv tsi huv đros. Kror no tso pov tsênhv mênhx nhoz tsênhv chei tsov cưv thax tsav:

          “ Nhiv no xor mông tâu tso tơưv đêz đar lơưv thiêz shux xênhz cxuô qơư cux pâuz tâu xor mông. Viv li, hâux lưv cxaz nzir điểm tsov cưv zôngx ziv uô tsi huv đros thiêz tsi côngz fênhx”.

          Thôngx ziv hâux lưv cxaz nzir điểm tsov cưv taz sik lơưr zơưv Phạm Thái Sơn, Giám đốc Tsênhv qơư xeir zuôr shux xênhz thiêz jix vuv thox cxov tsêr cơưv Tuôv shux Công nghiệp zav nox Thành phố Hồ Chí Minh, tsênhv qơư no lok six jông, tsuv tâu hlôngr yiêz chiê tâu xã hội thôngx ziv siêz. Đros tsênhv qơư tsov cưv thax tsav, zos têx tsêr cơưv tuôv shux tâu hciv chir uô hâux lưv no mak zuôr muôx ntâu kror huv đros, txu grês têx qênhx shênhx muôx ntâu lênhx nênhs tâu điểm siêz taz sik tsi tâu xeir zuôr. Zơưv Phạm Thái Sơn heik:

          “ Lơưr cur li siêz xar, tsênhv chei cxaz nzir điểm tsov cưv lơưr lênhx nênhs tsuv tâu tuôr truôx sâuv tas nro têz qơưk. Đros tsênhv chei tsov cưv lơưr thax tsav mak choz trâu têx tsêr cơưv. Thâuv co, têz qơưk tsuv cui tênhv tiêk đros têx thax tsav txơưr mak tâu sơưv têx điểm tsov cưv li chas. Zos muôx điểm tsênhz mênhx têx tsêr cơưv tsov lơưr uô zuôr jav tâu qênhx shênhx cxaz nzir điểm tsi trơưk lênhx nênhs”.

          Lơưr tiến sĩ Nguyễn Đức Nghĩa, Phưv giám đốc Tuôv shux têz qơưk Thành phố Hồ Chí Minh, hâux lưv tuôr truôx tsênhv chei cxaz nzir điểm tsov cưv trâu shux xênhz zos zuôr trâus. Vênhv thix tsuv car chêx zos uô li chas cov têx điểm tsov cưv hâur têx thax tsav txơưr hâur têx shux xênhz tsi lox hor ntâu. Nhiv no, lênhx nênhs tsov cưv tiv 1 li điểm thiêz têx thax tsav tsov cưv zos 0,5 điểm. Cxôngx co iz lênhx shux xênhz tâu điểm tsov cưv siêz tiv zix zos 3,5 điểm, siêz đuô lok six ntâu đros iz lênhx shux xênhz tsi tâu tsov cưv tul tsi. Đros jiês thik muôx zuôr xar 1 tsov lênhx shux xênhz cxaz chuôz, iz lênhx kuôk iz lênhx 0,5 điểm cux zuôr uô trâu yênhx puôk lênhx, lok sik yênhx cxênhz lênhx shux xênhz tsi xeir zuôr. Tiến sĩ Nguyễn Đức Nghĩa puz pâuz:

          “ Nhiv no đros thiêz phênhv điểm cux xưk li têx theox chênhv cơưv ntơưr, kriê ntơưr ziv hnuz ziv jông mak tsuv seiz shuôk đuô tsênhv chei tsov cưv. Hâux lưv no tsuv uô thâuv tsov lơưr têx cxeix laov seiz car cxix cxuô tiv zix, jông tiv zix chiê cxôngx co tso tơưv cov huv đros tiv zix”.

          Ntâu ziv chênhv xar tiêk: Tsênhv chei cxaz nzir điểm tsov cưv tsênhz tsênhz muôx ziz njiêz zos tâu hlôngr yiêz huv đros thiêz qênhx shênhx nhiv no hâur têx thax tsav. Đrâuv co, cux muôx lênhx nênhs thix ziv tsi cxoz sir zôngv tsênhv chei no trâu têx nganhx muôx zoz qơưx shux xênhz muôx tsơưr lươngv siêz thiêz tsuv uô jông đuô tsưr ziv tsov cưv thax tsav chiê txu grês têx hâux lưv tsi jông muôx yưv./.

( TTHCM-Txâur Vax cxeik nhênhv)