Tsôngv box thiêz têx tuz lênhv cêr sor siêz, sik thôngx ziv hâur cxuz cêr yeiz pluôs nhoz thax tsav heir nênhs tsơưs Cư M’gar

Cheix ntux nas no, lênhx tuz lênhv trâus moz thâuv ntu tir ntâul trok châuz, lênhx hluôk nênhs uô ntêx nyuôs hâur cxuô luôs hâux lưv đrav ntêx pos H’ber Byă thiêz zơưv Y Đia Êban, heir nênhs Ê Đê, nhoz jok Pốk B, xã Ea Pôks, huyện Cư M’gar 2 niêv txir tưz tsi trâus cxơưx lok tsêr nhoz đaz pêk tuôs. Shông no tưz 60 ntâu shông, đas jol ntâus tal, nhiêx paz niêx hli tsi txâuk 2 niêv txir  zôngv hâur niêx hnuz, tsênhv thâuv co tsênhv txoz cxơưx trâu 4 lênhx nhuôs thiêz. Pos H’ber Byă heik, txix thâuv ntêx txos nhiv no, 2 niêv txir lok six sir jos khưr nhiv kruôr txâuk nox, txâuk hnar xưz, tưz tsi tâu muôx iz jiês tưs xar txos zuôr uô tsêr nhoz. Tuk txir zos tuz lênhv trâus moz trâus saz thâuv ntu tir ntâul trok châuz đrav ntêx, tsi muôx đas jos uô nox, ho hmôngr tsi jông trâul yêz đrâu thiêz, luz nênhx ziv txov nhêv đuô. Hâur shôngk shông no, Ban chỉ huy Quân sự huyện Cư M’gar paz chuôz zis 80 tsov đeiv, tso têx tuz lênhv tuôx paz chuôz zis uô hâux lưv, cxiv uô tsêr đar 100 xưv phaz:

“Cur đrav ntêx zos chuôz zis pluôs, tuk txir mak trâus yêz đrâu, nox nhoz, pư iz pơưs tsi pâuz đaz tsi txix shông 2007 txos nhiv no. Thâuv ntêx zos luz tsêr ntông đaz pêk tuôs xưz, viv li têx tuz lênhv tuôx paz uô tsêr trâu cur chuôz zis, zos tsi li mak cur tưz tsi car xar txos cxiv uô iz luz tsêr yiêz nhoz, viv cur zos pox niêv thiêz tưz lâuk lơưv. Cur uô tsâus ntâu txos huyện đội Cư M’gar tưz paz tuôx uô iz luz tsêr puz trâu cur chuôz zis”.

Niêv lâuk H’mui Niê, heir nênhs Ê đê chuôz zis zos iz hâur têx ziv chuôz zis  hâur jok Pốk B, thị trấn Ea Pốk, huyện Cư M’gar tsênhv txov nhêv lok tsêr nhoz. Chuôz zis li phênhv sâu tâu tsuôk pâuz tok njôngr lok 720 xưv phaz liêx blêx thiêz 2 niêv txir têx nhiêx uô jos. Hâur shôngk shông 2016, Ban chỉ huy Quân sự huyện Cư M’gar paz chuôz zis iz gơưk nôngz nhux thiêz 2 tsov đeiv cxiv uô qơư tu zus. Niêv lâuk H’mui Niê heik pâuz, khov tâu bôv đôiv kriê tsưr ziv tu, viv li đhâu zuôr xar 2 shông, gơưv nhux nôngz ntơư tưz sha nhuôs, paz lok six ntâu trâu chuôz zis li phênhv sâu tâu:

“Cur chuôz zis zos chuôz zis pluôs, bôv đôiv muôz 2 tuk nôngz yis chiê zus huôv tsar kinh tế, iz chas ntơư bôv đôiv tsênhv muôz nhiêx zuôr vuôk uô qơư cơư, kriê tsưr ziv tu viv li yis tưz sha mê nhuôv lơưv. Khov muôx nzir phênhv nhiêx muôs yis mak chuôz zis tưz tsi yuô txov nhêv. Zos tsi muôx bôv đôiv paz chuôz zis, mak tsi pâuz zuôr uô li chas, pêz uô tsâuk ntâu txos têx bôv đôiv. Cur chuôz zis zuôr sir jos tu zus cov  jông chiê hla đhâu yeiz pluôs, muôx nhiêx txiêx trâu têx tuz nhuôs muk cơưv ntâuz cơưv ntơưr”.

Zơưv Trần Đăng Quế, Bí thư Đảng ủy thị trấn Ea Pốk heik pâuz:

“Ban chỉ huy Quân sự huyện tưz fuô uô ntâu tsênhv njiêz li: Paz zuz nôngz kôngz, tsiêx cxu, qir zuôv jông trâu tsôngv box chiê tsôngv box uô lơưr; iz chas ntơư tsênhv tso canr bôv chiến sĩ muôx txux chi tsưr ziv jông lok kriê tsôngv box uô nox, tu zus tsiêx cxu. Lar heik, têx chiến sĩ tsi nyei cêr txov, phiv liv tưz tuôx txos ciês ntơưv jêx jok đros tsôngv box nhoz đros tsôngv box nox chiê paz sđ huôv tsar uô nox hla đhâu yeiz pluôs”.

5 shông đhâu, Ban chỉ huy Quân sự huyện Cư Ma’gar tưz paz cxiv uô tâu 10 luz tsêr niêv côngv siêz tsiv grê nhos 800 tsov đeiv, muôz 30 ntâu tuk nôngz nhux, yênhx châuv gơưv yis nôngz thiêz têx nôngz kôngz li: Cà phê, hưx txoz, blêx liêx, poz cưk txuôv puz trâu tsôngv box tu zus, tsêz chos. Taz viv huiz tôngv yênhx cxênhz lênhx canr bôv, chiến sĩ đros uô cêr mul lok jêx jok, paz uô tâu 1.500 thiêr cêr luôv suôz jêz tas zuôr xar 250 tsov đeiv..... Iz chas ntơư, tsưr tsix seiz njuôk shuôs moz thiêz pheiz yuôx tsi zuôr nhiêx trâu xar muôx 500 lênhx tsôngv box heir nênhs tsơưs, muôx luz nênhx txov thiêz têx lênhx muôx côngz trâu têz qơưk. Thượng tá Hoàng Thanh Tùng, chính trị viên Ban chỉ huy Quân sự huyện Cư M’gar heik pâuz:

“Pêz tror chox kriê lưv lươngv jênh quân tưv vêv ntơưv qơư, têx canr bôv nhân viên hâur taz viv fuô uô têx cêr mul lok jêx jok paz tsôngv box; hux jos đros jok tror qênhz shuôs nzir têx chuôz zis pluôs chiê đros hâu nov ntơưv qơư muôx tsưr ziv paz zuz nôngz tsoz chos, tsiêx tu zus paz tsôngv box huôv tsar uô nox uô hnar. Sir jos đros hâu nov ntơưv qơư chiê cxuôv cov tas têx chuôz zis pluôs hâur têx shông zuôr txos. Txix ntơư, cxiv tsa cêr sik thôngx siêz nhoz bôv đôiv thiêz tsôngv box cov ziv hnuz ziv truôx jông đuô”.

Iz chas uô tiêr tâu jông hâux lưv kriê, shâuv txux chi tsưr ziv sơưr tơưv txênhz phax tir thêir têx nênhs fêv, chor shông đhâu, Ban chỉ huy Quân sự huyện Cư M’gar, tỉnh Đắc Lắc tsênhv uô tâu jông hâux lưv jênh vênhv reik đros paz txiv ngaz XH. Têx hâux lưv uô muôx liv tsênhv tsênhz no tâu cấp ủy, hâu nov ntơưv qơư sâu jênhv, Bộ Côx phax muôz ntơưr kruôs zos “Taz viv sik tưr uô tâu nuv jông 5 shông siz lơưr liês”. Têx huv muôz thiêz kruôs txos co zos đal jos chiê cxơưz têx canr bôv, chiến sĩ Ban chỉ huy Quân sự huyện Cư M’gar tror sir jos uô jông đuô thiêz lênhx tuz lênhv zơưv Hloz Hôx li pưs txux, hâux lưv, cêr nênhx jông hâur ntu têz qơưk tiêx tuk chiê đros tsôngv box sđ cxiv tsa, tsưx phưv têz qơưk./.

                       (VOVTN-Riê Lâux cxeik, nhênhv)

Heik kriê tsưr ziv sâu tsês têx hnaz, hưx trâu yuôx por vêv đrox tsuôk thâuv zôngv tas

Tsôngv cưr...yuô! Hnaz, hưx yuôx por vêv đrox tsuôk thâuv sir zôngv tas thâuv tưs cux yuôr mê njik têx yuôx hâur co.

          Chiz coaz muôx txơưx jênhv thiêz taz viv tsiv uô li chêx cuk nhênhz chơưv, muôv muôs yuôx por vêv đrox tsuôk, chor hnaz, hưx trâu yuôx tsav 12-15%, hnaz thiêz têx zav txơưr tsav 3-5%; hâur co, hưx choz tsav 70-80%, têx hnaz thiêz têx zav txơưr tsav 20-30%. Đros chor yuôx por vêv đrox tsuôk tâu sir zôngv li heik sâuv iz shông sâuv thax tsav tỉnh Sơn La, chor hnaz, hưx trâu yuôx por vêv đrox tsuôk thâuv zôngv tas por trâu tênhx qơư zos cxôngx 15-20 tênhr, chêx chôngk ntâu ntơưv têx thax tsav chos yuôx zêx, kuôr njuôs, poz cưk, ntông nox txir, tiv zix zos chor hưx trâu yuôx tuô đrox tsav txos 50-60%. Nhiv no, phênhv ntâu têx hnaz trâu yuôx por vêv đrox tsuôk thâuv zôngv tas tsi tâu tâu sâu por tsês jông. Đrâuv co sâuv thax tsav tỉnh tsi tâu muôx tsưr tsix, doanh nghiệp muôx txâuk pênhr xưv yưr lir têx hnaz, hưx trâu yuôx por vêv đrox tsuôk đhâu thâuv zôngv tas lơưr cui tênhv.

Nhạc cắt

          Hlôngr suôz: Tsôngv...yuô! “Đề án coar lik, sâu, muôz por tsês têx hnaz, hưx trâu yuôx por vêv đrox tsuôk thâuv zôngv tas tỉnh Sơn La ntu 2018-2020”, tâu cxiv tsa chiê ntâus grê qênhx shênhx côngz xưv sâu, yưr lir têx hnaz, hưx trâu yuôx por vêv đrox tsuôk thâuv zôngv tas tuôx sâuv thax tsav, đề án li qơư tsov txos, jênhv vư, tsưr ziv thiêz pheiz côngz tsênhz mênhx txơưx jênhv trâu têx ban, nganhx, đoanx thêv, têx cấp chinhr quyênx, tiv phaz, tsưr tsix, lênhx nênhs chiê tsưr tsix uô. Pêz sik đros nriêr pâuz lok đề án no li jênhv vưv. Uô ntêx zos jênhv vưv yax mông, heik kriê sir zôngv yuôx por vêv đrox tsuôk lơưr tsưr ziv 4 uô trơưk, tsi liv zôngv thiêz uô txu grês hâux lưv zôngv yuôx por vêv đrox tsuôk, heik kriê cxiv qơư sâu tsês têx hnaz, hưx trâu yuôx por vêv đrox tsuôk thâuv zôngv tas lơưr trơưk cui tênhv, muôx:

          - Cxơưz tiês côngz xưv yax mông, muôz siêz tsôngv box li jênhv pâuz, txux chi lok yuôx por vêv đrox tsuôk, tiv zix zos siêz xar khov ntâu txos yuôx por vêv đrox tsuôk chiê tuô caz hmoz.

          - Cxơưz cxiz uô trơưk tsưr ziv tsiv uô VietGap, paz txưv hâux lưv zôngv têx zav yuôx por vêv đrox tsuôk sinh học, yuôx yiêz hâur tsiv uô xênhz yar kôngz nuv, uô ntêx zos têx tsoz chos li yuôx zêx, cà phê, txir lưs hmaz, txir lưv tsiz....thax tsav chos jâuz taz por hâur tỉnh...

          - Chox hâux lưv coar lik, sir zôngv yuôx por vêv đrox tsuôk lol têx hương ước, quy ước nhoz tuêv, jêx jos, cui tênhv tsênhz mênhx hâux lưv sir zôngv yuôx por vêv đrox tsuôk tiv zix zos yuôx tuô đrox ntơưv têx thax tsav hâur đêx.

          - Heik kriê, vênhv tôngv tsôngv box sâu têx hnaz, hưx trâu yuôx por vêv đrox tsuôk thâuv zôngv tas trơưk qơư cui tênhv.

          - Cxiv tsa fiêx pano, áp phích heik kriê sir zôngv yuôx “4 uô trơưk”, “5 tsưr ziv uô tsiv grê” hâur sir zôngv yuôx por vêv đrox tsuôk thiêz heik kriê sâu têx hnaz, hưx trâu yuôx thâuv zôngv tas ntơưv têx thax tsav tsiv uô chêx chôngk.

          - Heik kriê têx tiv phaz cxiv qơư por têx hnaz, hưx trâu yuôx trơưk cui tênhv.

          - Kriê cxaz, yax mông muôz siêz jênhv pâuz thiêz yênhx tưv trâu tsôngv box nôngx mênhx lok hâux lưv coar lik, sâu tsês, yưr lir têx hnaz, hưx trâu yuôx por vêv đrox tsuôk thâuv zôngv tas./.

                                (Bích Thủy- Txâur Vax cxeik nhênhv)