Kuz Tổng Bí thư Lê Khả Phiêu: Lênhx nênhs moz siêz cxiv tsa Đảng hâur ntu hlôngr yiêz thiêz sik côngv đros luôs 2 chas têz qơưk sâuv ntiêx têz

 Heik hâur kriz cơưv T.Ư 6 jiês 2 (khoá 8), đros moz siêz lês uô jông têx hâux lưv tâu zok muôz, Tổng Bí thư Lê Khả Phiêu tưz phênhz tsênhz mênhx lok Đảng li tsênhv tsênhz thiêz phiv liv li đrav kaz: “Đhâu zuôr xar 3 shông xav txix Đại hội Đảng jiês tiv 8 shông 1996 txos nhiv no, pêz tưz tsuv tik cêr cxâuv trâu 60 cxênhz lênhx đảng viên, hâur co, tsi puz nhoz hâur đảng 11 cxênhz lênhx, muôx iz cxênhz 108 lênhx nênhs trâul nhoz tux. Zos đảng tsi pov tsênhz têx tsi jông co, tsi sir jos cxiv kho thiêz phax tir thêir, mak muôx têx Đảng zuôr ziv hnuz ziv trâul tsi jông, lês uô tsi tâu têx hâux lưv têz qơưk, px zok muôz. Zos pêz kho, phax tir thêir tsi tâu têx tsi jông li heik sâuv, lar heik zos lok sâuv chính trị, tsưr ziv, siêz xar , cêr uô nênhx cux xưk li cui tinhv lok têx siz luôs hâur Đảng, zuôr zôngx ziv uô muôx têx tsi jông”.

Chênhr txix jiês cơưv no, BCH T.Ư Đảng tưz muôx iz quyết tênhv zos tsuv vênhv tôngv cxiv kho đảng. Zos iz hâur têx lênhx đros nhênhz chơưv, qênhz shuôs, cxiv sâu chiê cxiv Nghị quyết T.Ư 6 jiês tiv 2 (khoá 8), zơưv Nguyễn Đức Hà, kuz Vụ tsar, Ban tsưr tsix T.Ư tror ndo txos: Jiês cơưv co, cơưv uô kaz đhâu 10 ntâu shông uô lơưr  têx hlôngr yiêz, têz qơưk uô tâu ntâu luôs hâux lưv jông, taz sik cux muôx ntâu phiv liv. Nghị quyết T.Ư 6 jiês 2 (Khoá 8) tưz heik txos ntâu hâux lưv zov chênhr, tsuv lês uô zênhx max, zos uô li chas chiê muôx cêr thôngx ziv sik thôngx siêz hâur Đảng:“Nghị quyết T.Ư 6 jiês tiv 2 (khoá 8) tâu tso tơưv, xưk li iz tsưr ziv, iz hâu cêr yiêz chiê tis seiz njiê trâu têx tsênhv tsênhz thiêz đơưk uô têx hâux lưv uz no. Đhâu 10 shông hlôngr yiêz, đhâu têx tsi jông, phiv liv sâuv ntiêx têz, lar heik zos têx cik txos phôngz yaox cộng sản ntiêx têz, đảng li tsưr tsix….tsuv tror qênhz shuôs đuô. Pêz chor canr bôv iz chas têx luôs hâux lưv uô tâu thiêz sir jos mak iz jiês co têx tsưr ziv, siêz xar tsi jông, uô tuôr xuôv têz qơưk têx nhiêx txiêx, qir muôx yưv têx phiv liv”.

12 shông uô Thư ký trâu kuz Tổng Bí thư Lê Khả Phiêu, zơưv Nguyễn Giáp Dần pâuz tsênhz lok lênhx nênhs sơưr thơưx hâur Đảng  li têx phiv liv thâuv co. Viv phuôx tôngv iz jiês cxiv kho têx tsi jông ntơư, zuôr cik txos iz cxiê lênhx hâu nov. Viv hâur têx jiês xênhz huôx chính trị iz txưv thâuv tưs tưz heik txos sđ têx cêr sik thôngx siêz no, tsuôk iz kro mê njik tsi ndo seiz, chênhr phax, cux zôngx ziv uô muôx têx tsi jông, uô ruôr hiêv lox trâu đảng. Txơưv li ntơư, taz sik kuz Tổng Bí thư Lê Khả Phiêu tưz uô siêz truôx bo six sir jos hâur hâux lưv cxiv kho Đảng:“Nghị quyết ntơư, thâuv xuz thơưx Tổng Bí thư Lê Khả Phiêu tưz xar lok six ntâu, viv thâuv co tưz muôx iz cxiê têx tsi jông hâur Đảng. Chênhr li co, uô têx hâux lưv li heik sâuv zos zênhx max thiêz muôz iz tsưr ziv cxơưz paz đas jos trâu Đảng, trâu px shir phaz thiêz cux njênhs njôngr lok Đảng luôs hâux lưv chox car. T.Ư 6 jiês tiv 2 li tsưr ziv thiêz cux iz zav li tov kaz no zos T.Ư 4 khoá 11 (khoá 12) paz trâu cxiv kho Đảng”.

90 ntâu shông cxiv tsa thiêz huôv tsar, luôs hâux lưv cxiv tsa Đảng thâuv tưs tưz tâu moz siêz txos. Zơưv hloz Hôx têx luk heik kriê, ntâuz ntơưr sâu tsês trâu cxênhx tov kaz cux cxơưx ntâu txos têx hâux lưv no. Txuôk lơưr jiês cơưv T.Ư 3 (khoá 7) shông 1992 lok iz cxiê luôs hâux lưv hlôngr yiêz thiêz cxiv kho Đảng, jiês cơưv T.Ư 6 jiês tiv 2 (khoá 8), Bộ Chính trị, BCH T.Ư, sơưr thơưx zos kuz Tổng Bí thư Lê Khả Phiêu tưz tror heik txos, tror cxiv kho đuô cov truôx têx luôs hâux lưv no. Nghị quyết jiês cơưv tưz chêx tsôngk lol sơưr tơưv txênhz, phax tar nox nhiêx têz qơưk, têx tsi jông , sir jos muôz têx txuz uô cxâuv lox tik cêr cxâuv txos qơư. Lar heik zos txuz Năm Cam; txuz Nguyễn Văn Mười Hai-Tsưr tsiv uô, zuôr muôs têx yuôx tsư kaz Thanh Hương nziêk đas luôs lưv tus têx nhiêx txiêx….Zơưv Nguyễn Túc, Uỷ viên đoanx Chủ tịch Uỷ ban T.Ư MTTQ VN tsênhv ndo njôngr, thâuv co, ntâu lênhx canr bôv uô zuôv chei tưz trâul tik cêr cxâuv:“Đại hội 8 tưz heik txos iz lênhx canr bôv đảng viên lês car uô têx hâux lưv lox, xar tsưr ziv uô têx tsi jông. Cur ndo jiês cơưv T.Ư 6 tiv 2 yênhx lix Ban chox kriê lok phax tar nox nhiêx têz qơưk. Txos đại hội 9, tsi  yuôr iz lênhx nênhs tưs yênhx tsi tsơưs iz cxiê lênhx canr bôv đảng viên lês uô têx hâux lưv lox muôx têx tsưr ziv, siêz xar tsi jông. Txos Đại hội 10, xar tso têx li heik ntơư tsês, taz sik tso tsi tâu. Ciês Đại hội 10 cux muôx têx lênhx uỷ viên T.Ư Đảng tưz trâul tik cêr cxâuv, tso nhoz tux viv nox nhiêx têz qơưk”.

Hâur six hơưv tsênhv uô hâux lưv lok sik tưz so lâuk, Tổng Bí thư Lê Khả Phiêu thâuv tưs tưz yax kriê trâu sđ cêr uô nênhx jông, sir jos phax tir thêir chor nênhs fêv, siêz tsi ndax, paz cxiv tsa pêz Đảng ziv hnuz ziv hur jông thiêz truôx. Hâur jiês têz chor sâu xor xưv Đeix nta suôz VN têx luk nus hâur hli 2/2016, ndax chiv nhênhv 86 shông Hnuz tsa tâu Đảng Cộng sản VN, kuz Tổng Bí thư Lê Khả Phiêu tror khav tinhv:“Tsuv uô tsênhz mênhx đuô thiêz, uô li chas cov Đảng hur jông thiêz truôx. Lar heik zos têx canr bôv hâur Đảng, uô li chas cov chor canr bôv co moz siêz lês uô jông têx hâux lưv viv px, heik thiêz uô cov tâu txos trâu px tâu sơưv. Tiv zix zos têx tsênhv tsênhz hâur têz qơưk tsuv uô jông đuô. Li ntơư thiêx txar jav tâu têx tsi jông, chor nênhs nox nhiêx têz qơưk, uô tuôr xuôv nhiêx txiêx, tsi moz siêz uô hâux lưv….Taz sik têx tsik jông co tsuv đơưk cov tâu, pêz Đảng thiêx truôx thiêz hur jông”.

Đhâu jiês cơưv T.Ư 6 tiv 2 (khoá 8), hli 1/2012 pêz Đảng tror tso tơưv Nghị quyết T.Ư 4 (khoá 11) lok “Iz cxiê luôs hâux lưv zov chênhr hâur cxiv tsa Đảng nhiv no” thiêz hli 10/2016 tso tơưv Nghị quyết T.Ư 4 (khoá 12) lok “chuôz tsar tiês cxiv kho Đảng; phax tir thêir, txo grêk tsơưs têx tsi jông li heik sâuv. Oz Nghị quyết zov chênhr no tưz uô trơưk thiêz huôv tsar Nghị quyết jiês cơưv T.Ư 6 tiv 2 (khoá 8) li hâux lưv cxiv kho đảng, phax tar nox nhiêx têz qơưk.

Tis seiz njiê têx luôs hâux lưv uô tâu hâur cxiv tsa thiêz cxiv kho Đảng, Tổng Bí thư Nguyễn Phú Trọng phuôx tôngv thiêz tuôr tsês, uô đreiv lơưr hâur ntu txix thâuv Đại hội 12 txos nhiv no, ziv pov tsênhz lok têx jông hâur vênhv tôngv cxiv tsa thiêz cxiv kho Đảng tâu kuz Tổng Bí thư Lê Khả Phiêu fuô kriê thiêz uô txix kriz cơưv T.Ư 6 jiês tiv 2 (khoá 8)./.

(VOV1-Riê Lâux cxeik, nhênhv)

Taz por vax huôv tâu sơưv lok zoz zux, muôz siêz

tsơưr lươngv pênhr jos tsôngv box mênhx cxưx tsơưs nênhs

Lơưr zơưv Điểu Mưu-Phưv Vụ trưởng Vụ tiv phaz II (Ủy ban Mênhx cxưx), ntơưv Tây Nguyên, chor y, bác sỹ nganhx Y têr têx tỉnh hâur thax tsav Tây Nguyên nhiv no cê muôx tsơưs, tsik txâuk lok pênhr jos thiêz txux chi uô hâux lưv kik. Muôx têx qơư nhoz đêz, tox siêz, pox nhuôs xar njuôk shuôk đas jos tsuv tuôx xar tas iz hnuz thiêx tuôx txos trâu têx qơư y têr jê tiv zix.

Chiê khưx phưx qênhx shênhx no, zơưv Điểu Mưu hêik tiêk, Nganhx Y têr têx tỉnh Tây Nguyên tsuv sik côngv đros cxuô cấp, chính quyền, đoanx thêv kriz uô jông hâur kriz đar dịch vụ hêik pâuz, njuôk shuôk đas jos tsik zuôr nhiêx txiêx uô ntêx thâuv siz zuôr trâu chor hluôk nênhs mênhx cxưx tsơưs nênhs, sêiz car xênhz nhuôs hâur chêr, njuôk shuôk têx mê nhuôs xênhz hâur chêr tsik so, cxaz nzir têx zav tsơưr tsuv muôx trâu chor uô niêv zos mênhx cxưx tsơưs nênhs hâur ntu xênhz nhuôs hâur chêr. Đros co, chính phủ tsuv nhênhz chơưv, kho đuô lơưr saz paz nzir trâu chor y têr, nênhs paz xênhz zus mê nhuôs ntơưv têx jêx jok mênhx cxưx tsơưs nênhs, hêik chuôz zis mênhx cxưx tsơưs nênhs cxaz chuôz bảo hiểm y têr chiv chir zuôr. Lok côngz xưv zoz zux, đros tsênhv tsênhz sâu nhiêx txiêx têz qơưk nhoz têx tỉnh thax tsav mênhx cxưx tsơưs nênhs tsênhv tsik tâu txâuk, yênhx shông cux tsuv muôx phênhv paz txix Chính phủ, pos Lê Thị Thanh Xuân, têiv plor Côx hôiv Đoanx Đắk Lắk hêik tiêk, chor bôv, nganhx thiêz têx tiv phaz cxuô thax tsav nhoz Tây Nguyên tsuv uô truôx jông tsưr ziv cêv kuôk, tsưr ziv cxiv tsa, kriz uô ntâu têx tsêr cơưv phôv thôngx mênhx cxưx nội trú, niêv txir zus mor nhoz têx huyện pluôs, đros thiêz chiê cơưv ndê trâu cxênhx oz, cxênhx pêz nhoz têx tsêr cơưv no.“Cur hêik Chính phủ tsuv sêiz shuôk hêik cov chuôz ndê pênhr yưv trâu tsaz yênhx zoz zux, viv têx tiv phaz nhoz thax tsav mênhx cxưx tsơưs nênhs thiêz tox siêz puôr lênhx tsênhv uô tsik tâu huv, siz bâus lok nhiêx txiêx sâu, sir zôngv viv li lok six txov, tiv zix zos yưv pênhr trâu uô vax tsêr cxuô zav trâu zoz zux cov huv đros trâu hlôngr yiêz têx ntơưr cơưv. Lơưr Côx hôiv li Nghị quyết 88 tsưr ziv tsênhz mênhx txos shông 2025 mak 100% chor tsêr cơưv, lớp cơưv tâu cxiv uô cov truôx jông, hok têx tsêr cơưv truôx jông li co nhoz thax tsav no mak tsênhv muôx lok six tsơưs pir li kror cxuô hâur têz qơưk. Zos Chính phủ tsik sir jos paz mak zuôr lax uô  tâu. Viv li lơưr cur, chor côngz trinhx paz trâu zoz zux mak pênhr yưv uô zos 100% txix trung ương têx phênhv pênhr paz”.

Ntơưv thax tsav Tây Bắc, đros zos thax tsav trâus cêv kuôk, pêx xênhv tsik nhoz siz jê uô cê, kinh tế-xar hôiv kik mak tsơưr lươngv pênhr jos cux zuôr tsơưs thiêz kik đuô  hur si hâur têz qơưk. Lơưr zơưv Đinh Văn Thơ, Phưv giám đốc Sở Lox tôngv, Xaz pênhz thiêz Xar hôiv tỉnh Lào Cai, Chiê muôz siêz tsơưr lươngv pênhr jos thax tsav tsôngv box mênhx cxưx tsơưs nênhs nhoz Lào Cai, txix hâur shôngk shông txos nhiv no, tas nro tỉnh Lào Cai tưz kruôz kriê hâux lưv uô trâu xar muôx 3 cxênhz lênhx nênhs zos lox tôngv mênhx cxưx tsơưs nênhs. Xav txix shông 2016 txos shông 2020 tưz muôx zuôr xar 46 cxênhz lênhx nênhs mênhx cxưx tsơưs nênhs tâu kruôz kriê hâux lưv uô. Chor mênhx cxưx muôx nênhs cxaz chuôz cơưv hâux lưv uô phênhv ntâu zos mênhx cxưx Hmôngz, Tày, cho, Dáy, Nùng…

Taz sik, iz kror phiv liv nhoz pênhr jos thax tsav tsôngv box mênhx cxưx tsơưs nênhs puz pov tiêk, co zos kror truôx tuk, tsưr tsix thiêz kỷ luật lox tôngv tsik tâu siêz. Zơưv Đinh Văn Thơ hêik:“Hâur lox tôngv lok truôx tuk, tsik so mak tsôngv box mênhx cxưx tsơưs nênhs muôx njil kik lok kror no. Pêz uô lơưr saz zos, iz zos thâuv pêz kriê ntơưv têx tsêr cơưv, thiêz ntơưv têx qơư kriê hâux lưv uô mak tsuv kruôz kriê nzir kỷ luật lox tôngv chiê tsôngv box pâuz tâu thiêz sưv đros jux juk, tsuv hlôngr yiêz tâu tsưr ziv uô hâux lưv. Nênhs lox tôngv zos thor so ntâu hnuz mak zuôr phiv liv txos têx doanh nghiệp li tex hâux lưv uô nox”.

Chiê muôz siêz tsơưr lươngv pênhr jos cxuô mênhx cxưx tsơưs nênhs hêik cxuô, hli 6/2020 Côx hôiv tưz thôngz đhâu Nghị quyết tso tơưv tsưr ziv yưv pênhr Tsaz yênhx tsưr ziv têz qơưk huôv tsar kinh têr-xar hôiv thax tsav tsôngv box mênhx cxưx tsơưs nênhs thiêz tox siêz ntu 2021-2030. No zos kror zov chênhr chiê Chính phủ kriz uô chor tsaz yênhx huôv tsar kinh têr-xar hôiv, muôz siêz tsơưr lươngv pênhr jos thax tsav tsôngv box mênhx cxưx tsơưs nênhs, tox siêz. Lơưr Thứ trưởng, Phưv chủ nhiệm Ủy ban mênhx cxưx Hoàng Thị Hạnh, côngz xưv kriê hâux lưv uô đros paz muôx hâux lưv uô trâu nênhs lox tôngv nhoz têx thax tsav Tây Bắc, Tây Nguyên thiêz têx thax tsav mênhx cxưx tsơưs nênhs hâur tas nro têz qơưk tưz paz trâu huôv tsar kinh têr-xar hôiv nhoz têx tiv phaz. Txix côngz xưv kruôz kriê hâux lưv uô tưz paz txo grêk tsơưs chor nênhs tsik muôx hâux lưv uô, muôz siêz phênhv sâu, thiv pluôs truôx đrênhk, truôx tuk qênhx shênhx ngaz tuk xar hôiv ntơưv tiv phaz.“Nghị quyết 88 tâu chor têiv plor Côx hôiv thôngz đhâu tưz khav tênhv tiêk nhân quyền nênhs mênhx cxưx tsơưs nênhs, Đảng, têz qơưk têx sir jos paz trâu tsôngv box. Thiêz kror shir phaz đuô zos jiês xuz thơưx ciês Côx hôiv cuêz tênhv tsênhv chêi mênhx cxưx huv zos li Hiến pháp shông 2013. Thâuv ntêx txos nhiv no mak tsuôk muôx Chính phủ tso tơưv cuêz tênhv li: Kriz uô tsaz yênhx 134, 135, 2085, 2086…taz sik nhiv no mak pêz pâuz tsênhz tiêk Côx hôiv tưz thôngz đhâu Nghị quyết lơưv”.

Thứ trưởng, Phưv chủ nhiệm Ủy ban mênhx cxưx Hoàng Thị Hạnh cux hêik têx nganhx, tiv phaz oz thax tsav Tây Bắc, Tây Nguyên sir jos uô truôx jông tsaz yênhx tsoz phưz đas jos xênhz zus, đas jos trâu pêx xênhv cxuô mênhx cxưx đros tsưr ziv, tsơưr lươngv pênhr jos cxuô mênhx cxưx tsơưs nênhs. Uô ntêx, taz por cov truôx tuk dân số sâuv thax tsav, muôx tsưr ziv txo grêk tsơưs tsir qơư nhoz txix thax tsav no muk trâu thax txav tor nhoz iz phênhv tưs tsôngv box mênhx cxưx tsơưs nênhs paz huôv tsar kinh têr, xar hôiv thax tsav mênhx cxưx tsơưs nênhs cov truôx đuô./.

(Hoàng Thái/VOV4-Lik Thox cxêik nhênhv)