Lào Cai paz txưv nênhs lox tôngv trâus pôngz hâux lưv uô tiv caz moz Covid-19

  Cxôngx Gia Lai tuôx trâu Sa Pa huôv tsar cêr uô nox, 6 shông uô luôs hâux lưv uô jâuz mor, grêix cxuô zav chiê muôs trâu tsôngv kruô, taz sik kaz hlik hli 4 txos nhiv no, niêv lâuk Nguyễn Thị Lan tsuv tso tsês zuk li hâux lưv tsik uô, tiv têx qơư ndis shuôk uô si tsuv cơư trôngx. 2,3 luz hlik đhâu, niêv lâuk muk trâu cxuô qơư chiê nriêr hâux lưv uô xơưk pax ntâuz, taz sik phênhv sâu cux tsi tâu ntâu. Tâu tsưr tsix Công đoanx tiv phaz thiêz taz viv qơư uô hâux lưv kuz paz txưv, tưz paz niêv lâuk phênhv tưs txu grês tâu têx phêv liv hâur luz nênhx. “Cur nhiv no lok six txov nhêv. Iz tul mê nhuôs tsênhv cơưv đại học nhoz Sài Gòn, nhiv no lok tsi tâu cux tsuv muôz nhiêx txiêx xa muk trâu mê nhuôv. Đros taz viv li phênhv paz txưv mak tưz muôz zuôr tas trâu tus mê nhuôv co, yuôr tul zâu shông no cơưv lớp 4, cur cux sir jos cxơưx li ntơưv xưz”.

          Cux tsi muôx hâux lưv uô xưk li niêv lâuk Lan, niêv lâuk Lục Thị Huệ nhoz tuêv 1, phường Phan Xi Păng, thị xã Sa Pa, hâur ntâu luz hlik no cux tsi muôx phênhv sâu tưs trâu chuôz zis. Niêv lâuk tul txir mak tsar yêz meir xa thâux kruô, hâux lưv cux tsi truôx tul, caz moz Covid-19 huôv xênhz ziv phêv liv đuô, chuôz zis muôx 2 tul mê nhuôs tsuv cxơưx trâu mê nhuôv cơưv ntơưr, tsi muôx nhiêx txiêx lok six txov nhêv, tâu tsưr tsix Công đoàn tuôx seiz nus, pheiz kênh, tưz ziv paz niêv lâuk txo grêk tâu iz phênhv tưs têx phiv liv hâur luz nênhx:“Chuôz zis cux tâu taz viv Liên đoàn lox tôngv thị xã Sa Pa tuôx paz, seiz nus thiêz tôngv vênhx. Cur xar njôngr jiês no zuôr tu zus cxaz mê njik keiz, tsêz chos cxaz mê njik tsoz chos hâur ntu muôx caz moz Covid-19 tsênhv huôv xênhz li nhiv no”.

          Thôngz sâu tso pov, nhoz Sa Pa nhiv no muôx 1 cxênhz ntâu đoàn viên Công đoàn hâur têx tsưr tsix, taz viv trâus tsi muôx hâux lưv uô tiv moz Covid-19 huôv xênhz, tas nro cux puôr lênhx tâu tsov cưv paz txưv txơưv phênhv paz txưv. Zơưv Nguyễn Ngọc Hưng, Chủ tịch Liên đoàn lox tôngv thị xã Sa Pa puz pâuz, hâur ntu zuôr txos, Liên đoàn zuôr tror đros têx Công đoàn ntơưv qơư nriêr cxaz phênhv paz txưv cxôngx Công đoàn thênhv siêz thiêz cxôngx xã hội chiê paz nênhs lox tôngv:“Pêz cux tror sik côngv đros têx chiz coaz chuyên môn chiê uô li chas cov têx tsênhv chêi cov chor nênhs lox tôngv tâu paz txưv lơưr Chính phuv li Nghị quyết tuôx txos nênhs lox tôngv sei tiv zix, txu grês phênhv tưs têx phêv liv trâu nênhs lox tôngv hâur ntu nhiv no”.

          Nganhx lox tôngv tỉnh Lào Cai li thôngz sâu tso pov, cxôngx hâur shôngk shông txos nhiv no, tas nro tỉnh muôx 12 cxênhz ntâu nênhs lox tôngv trâus tsi muôx hâux lưv uô, hâur co muôx têx lênhx nênhs lox tôngv muk uô hâux lưv đêz tror lok tiv phaz.

          Đrâuv hâux lưv cxơưz tiês qênhz yuôx lênhx nênhs lơưr Chính phuv li Nghị quyết 68, têx huôx tôngv sik côngv, heik kriê hâux lưv uô, thox cxov hâux lưv uô tsênhv tror tâu tsov cưv krêz uô.

          Tỉnh li xor tôngx lok lox tôngv iz ciêz cux muôx zuôr xar 200 jiês hu tênhv cxôngx têx tỉnh, thành muôx moz huôv xênhz tuôx, hâur co muôx lok six ntâu luk thix ziv paz txưv. Thôngz đhâu co, Sở lox tôngv thương binh thiêz xã hội tỉnh Lào Cai cux paz sik côngv đros têx nganhx, tiv phaz chiê muôx tsưr ziv paz txưv, car chêx./.

                                                                                                                 (An Kiên-Txâur Vax cxeik nhênhv)

Ciêz Xênhv Vax sir jos  hla đhâu yeiz pluôs txix tu zus tsiêx cxu

Txix shông 2015 txos shông 2019, tâu têz qơưk paz max pênhr txeik, zuz nôngz tsoz chos, tsiêx tu zus, niêv lâuk Ciêz Xênhv Vax tưz đros chor pox niêv vir ndâuk hâur jok Tiêx, xã Por Lông, huyện Thuận Châu, tỉnh Sơn La huôv tsar tu zus kreiz đuz grêix. Xuz thơưx, tiv tsi tâu muôx tsưr ziv tu zus  viv li cux zus tsi tâu trơưk tsưr ziv xar, muôx kênh thâuv tưz trâul tuôs tas hur si, tsi chiêx iz tus hlo. Txơưv li ntơư taz sik niêv lâuk Ciêz cux tsi tso tsês, tror sir jos cơưv shâuv, uô trơưk canr bôv cxiz kôngz tsưr ziv kriê thiêz cơưv đhâu ntơưr pov tsir, têx lênhx txơưx huôv tsar tu zus keiz ok li tsưr ziv, jux juk niêv lâul tưz tu tâu trơưk têk thiêz paz keiz vav hloz lox jông. Txix 10 tus pox keiz xuz thơưx, txos nhiv no niêv lâul paz keiz đuz grêix tưz vav ntâu jux juk tuôx, muôx zuôr xar 300 tus, muôz phênhv sâu tâu tsi so trâu niêv lâul chuôz zis txix muôs kê thiêz keiz grêix. Niêv lâul Ciêz heik “Thâuv keiz puôs kê mak tsi cxoz chiê keiz puôs ntâu hênhr, tsuôk tso puôs txix 10-12 luz kê xưz. Txos thâuv đâus zuk tsuv muôz chor nhuôv keiz chêik ciês, tsi khênhr tus pox chox. Hâur 7 hnuz xuz thơưx chor nhuôv keiz nhiv kruôr đâus, tsênhv mok co tsuôk muôz cxur txuô puz xưz, đhâu ntơư li muôz jux juk têx krâur têz qơưk đo shơư krâur cưk trâu nox. Txos thâuv chor keiz tưz lox luôx 1, 2 luz đris, muôx nhos 5 las ntơư, mak puz poz cưk thiêz blêx gâuk xưz. Thâuv co keiz hloz lox lok six jông, tsi trâul tuôs lơưv”. Niêv lâul Ciêz heik kriê chuôz zis tsưr ziv tu thiêz zus keiz đuz grêix li no.

Nhạc cắt

Iz chas zus keiz đuz grêix, niêv lâul Ciêz tsênhv tu zus buô thiêz khơưz pak đêx tso njêl zus thiêz. 3 tus niêv buô, iz shông iz tus sha 2 jas mê nhuôv, iz jas txix 7-8 tus nhuôv buô, xav kror đruôz đraz iz shông niêv lâul chuôz zis muôs 2 jiês, hur si buô grêix thiêz buô nôngz.

Txix tu zus keiz buô, njêl, niêv lâul Ciêz chuôz zis tưz muôx phênhv sâu tâu truôx 100 ntâu tsov đeiv iz shông. Phênhv sâu tâu no paz niêv lâul chuôz zis muôx nox muôx tsês, txoz cxơưx tâu trâu têx tuz nhuôs muk cơưv ntâuz cơưv ntơưr, nhiv no niêv lâul tus nhuôv hloz tưz cơưv tiêr ntơưr Đại học lok, tsênhv uô ntâuz ntơưr chiê thor hâux lưv uô.

Huôv tsar tu zus tsiêx cxu tâu trơưk tsưr ziv, siêz xar, niêv lâul Ciêz ho kriê têx tsưr ziv huôv tsar uô nox ntơư trâu luôs lưv tus, cux iz zav li paz chor pox niêv vir ndâuk muôx luz nênhx txov nhêv hâur jok cơưv shâuv, uô trơưk têx cêr uô nox uô hnar, huôv tsar tu zus tsiêx cxu: “Đros trâu têx tsưr ziv khưr huôv tsar uô nox tâu trơưk siêz xar li heik sâuv, ntâu lênhx pox niêv vir ndâuk cux cơưv shâuv thiêz uô lơưr txix: 5-6 lênhx hôiv viên sik đros gôngr nhiêx txiêx paz zuôr nôngz tsiêx cxu, sik hlôngr muôz trâu iz tus jux juk tu zus, lok sik txeik chor nhiêx ntơư chiê huôv tsar uô nox uô hnar. Lar heik hâur shông 2019, 2020 tâu Hôiv pox niêv huyện paz max thiêz chor pox niêv sđ iz lênhs paz mê njik, pêz tưz sik đros uô tâu iz luz tsêr trâu iz lênhx pox niêv vir ndâuk muôx luz nênhx txov nhêv, pluôs yax hâur jok nhoz, tas muôx nhos 20 tsov đeiv ntâu”, niêv lâul Ciêz heik pâuz nzir li no.

Car xar car uô chiê huôv tsar kinh tế, cxuz cêr yeiz pluôs, niêv lâul Ciêz Xênhv Vax cux zos iz lênhx cưk yuôx uô hâux lưv têz qơưk, moz siêz lus lês uô jông têx hâux lưv zok muôz, lar heik zos lok sâuv lênhk txeik thiêz paz chor pox niêv xênhz nhuôv hâur chêr tuôx đơưk chêr, xênhz zus mê nhuôv. Tsi tas li, niêv lâul thâuv tưs cux sir jos đros cxaz chuôz têx phôngz yaox hâur jok, hâur xã, heik tsôngv pox niêv vir ndâuk sđ uô trơưk tsưr ziv “5 tsi tâu uô, 3 hur jông” li: Tsi yeiz pluôs, tsi muôx lênhx nênhs tưs uô cxâuv chei têz qơưk, tsi siz ntâuk tsiv sđ puôr lênhx muôx vax huôv siz luôs, tsi xênhz zus tus nhuôv tiv 3 thiêz 3 hur jông zos tu vax tsêr, qơư nhoz, cêr muk lol hâur jêx hâur jok đu lus, hur si”.

Nhạc cắt

Trơưk li tix lâus Tsuô Vax Xênhv Tsaz, Chủ tịch Ủy ban xã Pá Lông, huyện Thuận Châu, tỉnh Sơn La: Xã Pá Lông muôx 100% zos tsôngv box Hmôngz uô nênhx nhoz. Txơưv Đảng, têz qơưk tưz moz siêz yưv pênhr uô ntâu tsaz yênhx, dưv anr paz tsôngv px chiê sđ muôx luz nênhx hlôngr yiêz, taz sik txos nhiv no txơưv tsi yuôr têx chuôz zis trâul yeiz, taz sik chor chuôz zis pluôs hâur xã cux tsênhv yuôr ntâu, muôx 60% ntâu. Hâur têx cêr txov, phiv liv li co, niêv lâul Ciêz Xênhv Vax chuôz zis tưz sir jos huôv tsar uô nox, tu zus têx tsiêx cxu chiê muôx luz nênhx vav mênhx, thiêz niêv lâul chuôz zis tsưr ziv uô tâu jông co tsiv nhos zos iz kro trâu tsôngv box sđ cơưv shâuv, uô trơưk. No cux zos iz tsưr ziv huôv tsar uô nox huv đros trâu thax tsav tox siêz li xã Pá Lông, zuôr txos no xã zuôr nthuôr uô đar thiêz huôv tsar nzir chiê luôs lưv chuôz zis uô lơưr. Tsuô Vax Xênhv Tsaz, Chủ tịch Ủy ban xã Pá Lông heik mênhx: “Niêv lâul Ciêz Xênhv Vax nhoz jok Tiêx tsưr ziv tu zus keiz tưz uô tâu trơưk tsưr ziv xar thiêz cux tưz kriê trâu têx chuôz zis txơưr đuô uô lơưr. Ủy ban xã zuôr tror chox kriê, nthuôr uô đar tsưr ziv no trâu lưv chuôz zis txơưr đuô chiê lơưr cơưv shâuv, đros tu zus huôv tsar kinh tế chuôz zis”.

Niêv lâul Ciêz Xênhv Vax, iz lênhx pox niêv heir nênhs Hmôngz nhoz thax tsav tox siêz Pá Lông-Thuận Châu-Sơn La tsưr ziv, siêz xar sir jos khưr huôv tsar uô nox uô hnar chiê hla đhâu cêr txov, yeiz pluôs txix ciês ntơưv zuk thax tsav qơư nhoz tsênhv tsênhv zos iz tsov iêr chi cax thiêz jông chiê trâu sđ cơưv shâuv, uô trơưk hâur luz nênhx.

Nhạc cắt

Tsôngv box….! Phênhv “Nôngx mênhx zuôr tsuv pâuz” hnuz no tsuôk muôx li no xưz. Phênhv no zos Đeix TNVN nhoz faz Tây Bắc uô đros trâu Tsênhv qơư cxiz kôngz têz qơưk paz max./.

(Lầu Chia BT-Riê Lâux cxeik, nhênhv)