Tsi muôx hâux lưv uô, luz nênhx tsênhv yeiz pluôs nhoz thax tsav mênhx cxưx tsơưs nênhs zos luôs hâux lưv phêv liv

          Nhiv no muôx 54 tsênhv chêi tsênhv muôx txux zôngv paz txưv huôv tsar kinh têr xã hôiv, tox siêz, paz txưv trâu tsôngv box mênhx cxưx tsơưs nênhs. Taz sik, chor ziv chuôz zis pluôs tsav zuôr xar 53% chor chuôz zis pluôs hâur tas nro têz qơưk. Ziv chuôz zis tsôngv box mênhx cxưx tsơưs nênhs nhoz ntâu qơư li phênhv sâu fênhx pheiz tsuôk bâuv 40-50% fênhx pheiz phênhv sâu hâur thax tsav; tsênhv yuôr muôx nhos 21% tsôngv box mênhx cxưx tsơưs nênhs sâuv 15 shông hnuz nhôngs tsi txơưx nhênhv thiêz sâu ntơưr. 54 cxênhz ntâu ziv chuôz zis tsi muôx txâuk ar uô kôngz lôngk, 58 cxênhz ntâu ziv chuôz zis tsi muôx txâuk ar nhoz thiêz 223 cxênhz ziv chuôz zis tsi muôx txâuk đêx xênhz huôx zuôr trâus tâu paz txưv, tsi tâu tâu car chêx txos qơư. Zơưv Đỗ Văn Chiến, Bộ trưởng, Chủ nhiệm Ủy ban Mênhx cxưx puz pâuz tsênhv yuôr ntâu hâux lưv tsi tâu uô tâu hâur chính sách yưv pênhr trâu thax tsav mênhx cxưx tsơưs nênhs, tox siêz mak ntu zuôr txos tsuv tsov cưv. Lơưr co, tsov cưv têx chính sách thox cxov lênhx nênhs muôx tsơưr lươngv siêz, chuôz cxaz têx phênhv puz txeik tsov cưv, hâur co txu grês hâux lưv puz khôngz thiêz chuôz tsar paz txưv muôx theox chênhv... Zơưv Đỗ Văn Chiến thix ziv:

          “ Pêz muôx 2 cxênhz 139 xã txov nhêv tiv zix, thax tsav đar taz sik yưv pênhr mak kis. Iz shông iz xã tsuôk tâu yưv pênhr 1 tỷ đeiv, iz jos txov nhêv tiv zix tsuôk tâu yưv pênhr 200 tsov đeiv. Đros thiêz phênhv yưv pênhr li ntơưv uô tsi tâu tul tsi. Viv li, chor xã txov nhêv njuôs xav txu grês tâu taz sik phênhv yưv pênhr tsuv chuôz ndê chiê uô li chas cov muôx pênhr jos uô tâu hâux lưv”.

          Hâur ntâu shông đhâu, cxix luôk chính sách mênhx cxưx tox siêz tsi so tâu uô jông, huv đros thiêz tsưr ziv huôv tsar cxuô, tiv zix zos paz txưv zaoz zux, y tế, tsoz phưz đas jos tsôngv box, txu grês cêr pluôs truôx vênhs, uô xã hội ziv siz bâuk thiêz hlôngr yiêz. Taz sik, ntâu chính sách tsês trâu thax tsav tsôngv box mênhx cxưx tsơưs nênhs tsi tâu tâu huv đros, tsi tâu huôv tsar tâu thax tsav mênhx cxưx, cxơưz cxiz tâu tsôngv box sir jos hla đhâu cêr pluôs, luz nênhx tsênhv txov nhêv. Phưv thủ tướng thường trực Trương Hòa Bình thix ziv UB mênhx cxưx thiêz têx Bộ, nganhx muôx lênhx coaz tsuv khưx phưx têx tsi tâu huv đros thiêz tso tơưv têx tsưr ziv chiê phuôx huiz têx muôx jos nhoz thax tsav mênhx cxưx tsơưs nênhs:

          “ Thix ziv têx Bộ, nganhx, tiv phaz, têx lênhx nênhs khoa học, chuyên gia muôx chênhz zênhv ntâus grê cxix cxuô đuô lok cxix luôk chính sách mênhx cxưx ntu 2016-2018. Seiz car jông lok tsôngv box mênhx cxưx tsơưs nênhs li luz nênhx, phênhv sâu, tsưr ziv uô nox uô hâuk, lok zaoz zux, y tế, gôngr ntâu ziv chênhv trâu hâux lưv cxiv tsa cxix luôk chính sách mênhx cxưx ntu zuôr txos cov huv đros, muôx txux zôngv, muôx chêx cuk”./.

(BTS-Txâur Vax cxeik nhênhv)

Phênhv kôngz nuv tox siêz

Tsôngv kruô sđ tsuv pâuz tâu muôz nhiêx tso hâur tsêr nhiêx kôngz nuv tsi xav six hơưv, hnuz nhôngs

1. Nhiêx tso hâur tsêr nhiêx tsi xav six hơưv, hnuz nhôngs zos li chas?

Nhiêx tso hâur tsêr nhiêx tsi xav six hơưv, hnuz nhôngs, zos têx nhiêx muôz tso hâur tsêr nhiêx paz đros tuôr chiê tsi muôx cui tinhv lok sâuv six hơưv tso chor nhiêx trâu hâur co thiêz pês tsơưs nhiêx, viv li tsôngv kruô muôx têx sir zôngv chor nhiêx tso hâur tsêr nhiêx co chiê xa trâu lưv tuk thiêz zôngv uô ntâu lưv zav hâux lưv muôx liv txơưr đuô trơưk tsêr nhiêx kôngz nuv tso chei.

2. Têx jông lok sâuv muôz nhiêx tso hâur tsêr nhiêx kôngz nuv

Tsôngv kruô tâu sơưv têx nhiêx nju tsi trơưk six hơưv, hnuz nhôngs lok hnuz hâur kaz hli lơưr tsêr nhiêx cui tinhv nhiv no.

Tsi sâu zuôr têx lênhx nênhs muôz thiêz tuôx gra nhiêx ntơưv tsêr nhiêx kôngz nuv mak lênhx kruô ntơư đas cir, uô ntơưr tso nhiêx thiêz gra nhiêx.

Muôz thiêz gra nhiêx pêk tsơưs jiês lok cux tâu hur si.

Txơưv gra thâuv tưs thiêz gra li chas lok cux tâu.

Chor nhiêx tso hâur tsêr nhiêx tâu zôngv chiê thêv têx uz no, xa muôz trâu lưv tuk......puôr lênhx zôngx ziv thiêz tâu trơưk tsưr ziv.

 Por hưv thiêz đros jêik jông sđ têx nhiêx muôz tso hâur tsêr nhiêx, taz por truôx tuk tsi chiê lênhx tưs pâuz, lênhx tưs pov.

3. Têx jông lok sâuv chor nhiêx co

Six hơưv: Tsi cui tinhv six hơưv, hnuz nhôngs tso têx nhiêx.

Uô lơưr nhiêx: VN, USD, EUR.

Muôz tso hâur tsêr nhiêx thiêz gra tsi cui tinhv, txơưv pêk tsơưs jâuk lol tưz tâu hur si.....

4. Têx ntâuz ntơưr

Ntâuz ntơưr đas cir muôz nhiêx tso hâur tsêr nhiêx kôngz nuv tsi xav six hơưv, hnuz nhôngs lok six zôngx ziv uô thiêz tâu sei, tsôngv kruô sđ tsuv bax têx ntâuz ntơưr li đrav kaz:

Ntơưr chứng minh nhân dân, ntơưr hộ khẩu

Ntơưr đas cir pâuz lok têx xor mông, krêz uô thẻ gra nhiêx, muôz nhiêx trơưk li tsêr nhiêx cui tinhv./.

(Hồng Việt-Riê Lâux cxeik, nhênhv)