Điện Biên: Phiv liv qênhx shênhx yêz thâux ntâu muk đhâu qơư lux yêz

Nhiv no ntơưv tỉnh Điện Biên tsuôk muôx iz kror qơư lux têx yêz uô jênhv vưv qênhz yuôx yêz lux yêz sâuv ntu cêr lox thiêz cêr muk hâur têx tỉnh đhâu thax tsav. Thâuv ntêx, kror qơư lux yêz tưz tso ntơưv thax tsav phường Thanh Trường, ntâu lênhx nênhs tsar yêz tưz nriêr cêr muk cov đhâu kror qơư co. Viv li txos shong 2016, Ủy ban tỉnh tưz tso tơưv tsưr ziv chuôz cxaz qênhz yuôx yêz thâux ntâu lơưr cuêz tênhv số 105, txar qơư qênhz yuôx lux yêz hnhar cir TC059 tsik so ntơưv thax tsav jok Mển, xar thanh Nưa, huyện Điện Biên.

Taz sik, ntơưv kror qơư tso tsi lux no tsênhv ho muôx yưv qênhx shênhx, chor yêz tải zôngv ntơưr lo thêir tas biển số, muk đhâu trạm lux yêz, txơưv tiêk chor lưx lươnv thanh tra zoz thôngz tưz hêik cov đrêk yêz; taz sik chor tsar yêz cux tsik đrêk. Lơưr chor cán bộ uô hâux lưv ntơưv no, qênhx shênhx co muôx yưv hâur yênhx hnuz, njiê tsik pov biên số yêz thiêz tsik pov kaz uô li chak. Zơưv Hà Ngọc Anh, cán bộ trạm qênhz yuôx yêz thâux đra TC059, thanh tra zoz thông tỉnh Điện Biên puz pâuz:

“Qênhx shênhx yêz thâux ntâu muk đhâu quuw luz yêz muôx yưv tsik so, chor yêz tsik so thêir biển số thiêz muk chênhr cov đhâu qơư lux yêz, tsik uô trơưk chor nhân viên qơư lux yêz li luk hêik cov đrêk yêz chiê qênhz yuôx. Qênhx shênhx no uô muôx yưv lok six ntâu phiv liv trâu chor cán bộ uô hâux lưv ntơưv no”.

Zơưv Bùi Vĩnh Phú, Phưv Chánh Thanh tra zoz thôngz tỉnh Điện Biên puz pâuz: đhâu thâuv Bôv zoz thôngz vận tải li thông tư 06 hnuz xiêz 1/5/2017 tso chêi tâu sir zôngv têx chuôz zênhx kỹ thuật uô hâux lưv chiê xav jênhv, xưv bluô uô cxâuv hành chính hâur hâux lưv zoz thôngz cêr ar, mak chor nênhs tsar yêz tsik uô trơưk cêr chêi txix tsưr ziv thêir biển số yêz, muk chênhr đhâu trạm, uô phiv liv lok six nâtu trâu chor cán bộ uô hâux lưv ntơưv no:

“Kror no hâur shông no mak lok six phiv liv. Pir li cxiê shông mak chor yêz muk đhâu tsik ntâu, taz sik ho phiv liv đuô. Txơưv đruôz hnuz, hmo ntux lok yêz cux thêir biển số thiêz li pêz njiê pov mak yêz thâux ntâu, muk chênhr. Thâuv lưx lươngv qênhz yuôx hêik cov đrêk yêz, chuôz zênhx mak tsik uô trơưk uô phiv liv trâu chor nênhs uô hâux lưv ntơưv trạm”.

Cux lơưr zơưv Bùi Vĩnh Phú, tsênhv tsênhz lưx lươngv Thanh tra zoz thôngz tỉnh muôx lok six tsơưs nênhs, chiê qênhz yuôx tas nro cxuô ntu cêr thiêz xưv lik têx nênhs tsik uô trơưk chêi. Viv li tsuv muôx cxuô cấp, nganhx sik côngv truôx đros qênhx shênhx yêz thâux ntâu muk đhâu qơư lux yêz. Ntu đhâu, nganhx zoz thôngz vận tải tỉnh Điện Biên cux tưz muôx ntâu ntâuz ntơưr xa trâu têx cơ quan txơưx jênhv hêik cov sik côngv tir tar qênhx shênhx no, taz sik txos nhiv no cux tsik tâu hnor têz li chas./.

                                                                                               (Vũ Lợi-Lik Thox cxêik nhênhv)

Tror njiê đuô Phêv ziv Trung ương 8:

Hlôngr yiêz hâur muôz siêz txơưx jênhv uô ntêx nyuôk

          Phêv ziv Trung ương 8 tưz thôngx ziv siêz xar hâux lưv tso tơưv Cuiz tênhv lok cán bộ, đangv viên li txơưx jênhv uô ntêx nyuôk, zos đeiv iêr chiê cxuô lênhx nênhs uô lơưr, uô ntêx zos Ủy viên Bộ chính trị, Ủy viên Ban Bí thư, Ủy viên Ban chấp hành Trung ương Đảng. Trung ương xar tiêk, hâur têx shôngk đhâu, khov muôx Ban chấp hành Trung ương, Bộ chính trị, Ban Bí thư li têx chủ trương, cui tênhv huv đros lok txơưx jênhv uô ntêx nyuôk viv li cán bộ, đangv viên li txơưx jênhv yênhx trus tâu muôz siêz, cxôngx co muôx têx huôx tôngv tsênhv tsênhz hâur côngz xưv thiêz luz nênhx, uô hlôngr yiêz jông. Hâux lưv uô Đangv li têx chủ trương, cui tênhv lok txơưx jênhv uô ntêx nyuôk tưz gôngr phênhv chuôz tsar Đảng li kỷ luật, kỷ cương; gôngr phênhv tir tar, txu grês têx siêz xar tsi jông, thaz huôz nox nhiêx, uô trâu canr bộ, đangv viên thiêz tsôngv box ziv njênhs njôngr txos Đangv li lênhs tov. Đrâuv hâux lưv tsuv zos lênhx nênhs uô ntêx nyuôk, cán bộ, đangv viên lênhs tov tsiv cxiv tsa têx tsưr ziv huôx tôngv huv đros thiêz zuk hâux lưv uô:

          “Hâux lưv cán bộ, đangv viên, lênhs tov Đangv muôz siêz txơưx jênhv uô ntêx nyuôk zos cxiv tsa Đangv li đruôz shav, muôz siêz tsôngv box li siêz njênhs txos Đangv, viv li tsuv lok six tsưv ziv, tsuv tso tơưv têx njiêz luv, qơư tsov txos, tsưr ziv tsênhz mênhx đros yênhx cán bộ lênhs tov, đangv viên uô. Cam kết no muôx ziz njiêz chinhr trị, paz cán bộ lênhs tov, đangv viên muôz siêz txơưx jênhv uô ntêx nyuôk hâur tas nro Đangv, ndar txos uô cov zuk jông đuô, jav têx cui tênhv cxuô cxuô. Têx cui tênhv co cux tsuv côngz fur tsênhz mênhx chiê tsôngv box tsov lơưr, jav qênhx shênhx heik tơưv xor mông tsi cxix cxuô chiê têx nênhs fêv liv zôngv, heik đaz tuôs uô zênhr shar txos tsưr ziv uô”.

          Phuôx plov suôv câuv Phêv ziv Trung ương 8, Tổng Bí thư Nguyễn Phú Trọng heik mênhx: “ zos zuôr xar 200 Ủy viên Trung ương khóa 12, yênhx đồng chí tsênhz tsênhz tror seiz đuô zuk, chiê muôz siêz txơưx jênhv uô ntêx nyuôk uô mak zuôr zaz zâuv tâu chôngz lênhx nênhs uô lơưr, uô hlôngr yiêz jông hâur tas nro Đangv, tas nro cxix luôk chinhr trị”. Ủy viên Bộ chinhr trị, Ủy viên Ban Bí thư, Ủy viên Ban chấp hành Trung ương zos Đảng li têx lênhx nênhs coaz tsôgnv, zos têx cán bộ tsênhv. Viv li, têx đồng chí no li iz hâux lưv uô tâu jông cux zuôr tâu tas nro Đảng, tas nro têz qơưk, xã hội pâuz txos. Viv li, txơưx jênhv uô ntêx nyuôk tsuv uô hâur yênhx hnuz, yênhx six hơưv, reik đros yênhx hâux lưv uô tsênhz mênhx. Zơưv Nguyễn Đức Hà, kuz Vụ tsar Vụ cơ sở Đảng, Ban tsưr tsix Trung ương khav tênhv: Canr bộ ziv muôz siêz txơưx jênhv uô ntêx nyuôk mak ziv tâu tas nro xã hội pâuz txos uô lơưr:

          “ Hâur 200 lênhx Ủy viên trung ương ho muôx 20 lênhx hâur Bộ chinhr trị, Ban Bí thư, no zos Ban chấp hành Trung ương li têx lênhx nênhs tsênhv. Jiês no Trung ương sik seiz lax thiêz tso tơưv cui tênhv lok cán bộ, đangv viên heik cxuô, cán bộ cấp chiến lược heik taz li txơưx jênhv uô ntêx nyuôk, taz sik hâur co heik mênhx uô ntêx zos têx đ/c Ủy viên Bộ chinhr trị, Ủy viên Ban Bí thư, Ủy viên Ban chấp hành Trung ương. Têx đồng chí no li iz hâux lưv uô tâu jông cux paz hlôngr yiêz tas nro têz qơưk”.

          Chủ tịch Hồ Chí Minh tưz kriê: “ Pov tâu iz lênhx nênhs jông  muôx tsiv grê đuô yênhx puôk jax lul yax kriê”. Thâuv cán bộ, đangv viên mul uô ntêx nyuôk zuôr paz cxuô lênhx tsôngv box mul thiêz uô lơưr. Têx hâux lưv muôx yưv hâur Đảng txơưv jông lok sik tsi jông cux heik tơưv Trung ương li tsưr ziv chox kriê, lênhs tov, uô ntêx zos Bộ chinhr trị, Ban Bí thư, Ban chấp hành Trung ương thiêz lênhx nênhs sơưr thơưx têx Bộ , nganhx, tiv phaz. Tsôngv box njênhs Đangv lok sik tsi njênhs uô ntêx zos tsov lơưr têx lênhx nênhs lênhs tov co li hâux lưv uô:

          “ Trung ương truôx siêz cui tênhv lok cán bộ, đangv viên li txơưx jênhv uô ntêx nyuôk, uô ntêx zos Ủy viên Bộ chinhr trị, Ủy viên Ban Bí thư, Ủy viên Ban chấp hành Trung ương cur xar tiêk lok six huv đros. Thênhv siêz uô uô ntêx thâuv tưs cux jông đuô, tâu ntâu lênhx nênhs txơưr njênhs njôngr uô lơưr đuô. Thênhv siêz uô jông mak cxuô lênhx nênhs cux uô jông, tâu tsôngv box njênhs njôngr đuô lok Đảng li tsưr ziv lênhs tov…”

          Hâux lưv cán bộ, đangv viên muôz siêz txơưx jênhv uô ntêx nyuôk chinhr zos cxiv tsa Đảng li tsiv grê, qơư sơưr. Yênhx ủy viên Bộ chinhr trị, Ủy viên Ban Bí thư, Ủy viên Trung ương tsuv truôx siêz tir tar liv zôngv nov uô, thaz huôz nox nhiêx… yênhx cán bộ, đangv viên tsuv chiv chir zos lênhx nênhs uô ntêx nyuôk; muôz siêz siêz xar txơưx jênhv,…gôngr phênhv coaz tsôngv cxiv tsa Đangv hur si, truôx vênhs…Lơưr Tổng bí thư Nguyễn Phú Trọng, zos zuôr xar 200 lênhx Ủy viên Trung ương tsênhz tsênhz tror seiz đuô zuk tiz nênhs, muôz siêz txơưx jênhv uô ntêx nyuôk uô mak zuôr lok six jông. Zos uô jông mak zuôr chuôz tsar tsôngv box li siêz njênhs txos Đangv./.

                               (Lại Hoa- Txâur Vax cxeik nhênhv)