Nus zơưv Nguyễn Hữu Đông, Bí thư Tỉnh ủy Sơn La lok fuô kriê Nghị quyết đhâu Đại hội Đảng bộ tỉnh

1.Thor cox puz pâuz, 24 luôs hâux lưv hâur Đại hội Đảng bộ tỉnh jiês tiv 15 tưz thôngz đhâu, kror tưs zos têx luôs hâux lưv tâu xav zos phiv liv uô?

Hâur 24 luôs hâux lưv, pêz xav lok sâuv chuôz tsar 7,5% zos phiv liv đuô hur si, viv hâur têx ntu fênhx yax cux zuôr uô tâu. Taz sik, hâur ntu cê uô lơưr 2 luôs hâux lưv lok phax tar moz Covid thiêz huôv tsar kinh tế cux tsik zôngx ziv uô tâu, cấp ủy, hâu nov cxuô cấp, côngv thôngx doanh nghiệp thiêz tsôngv px tsuv sir jos uô.

Tiv 2 zos lok sâuv têx pênhr yưv trâu tas nro XH, tỉnh sir jos cov tâu 120 cxênhz tyv đeiv. Hâur ntu đhâu, tỉnh uô tâu 80 cxênhz ntâu tyv đeiv, hâur ntu zuôr txos zos sir jos uô cov tâu 120 cxênhz tyv đeiv.

Iz kro tỉnh lax uô tâu zos lok sâuv phênhv sâu tâu fênhx pheiz iz lênhx nênhs. Tỉnh cux xav 60 tsov đeiv iz lênhx nênhs iz shông, đros chor thax tsav nhoz trơưk 2 saz ntus cêr lox sôr 6 cux zuôr uô tâu, taz sik têx thax tsav tox siêz, ntus đriv, cux phiv liv uô tâu.

2.Uô li hâur tsaz yênhx uô têx luôs hâux lưv cxuz cêr yeiz pluôs trâu tsôngv box thax tsav tox siêz, ntus đriv, tỉnh zuôr fuô uô li chas? Cox ho heik pâuz nzir?

Hâur thax tsav tox siêz, tỉnh tsênhv xar lok six ntâu, viv nhiv no tsôngv box phênhv ntâu uô nênhx khov lok têx nhiêx txiêx pâux nzir tênhx qơư jôngr heik cxuô, txiêr tơưk muôs thiêz tu zus tsiêx cxu, taz sik lav uô iz kro mê njik, lar heik zos têx chuôz zis pluôs tsênhv yuôr ntâu, hâur co têx tsêr lav uô lav nhoz tax cux yuôr ntâu.

Tỉnh Sơn La xav, iz chas 12 cxênhz ha têz txir tuôz ziz muôx nhiv no, tỉnh zuôr tror nhênhz chơưv, zok nriêr cxuô zav tsoz chos, hâur co nhênhz chơưv tsưr ziv tsiv uô têx txir tuôz ziz. Pêz tưz hux jos đros tập đoàn TH thiêz lơưr tưz muôz têx txir tuôz ziz lok tsiv uô têx xiv huv, tov kaz no lơưr công ty zuôr sâu zuôr têx txir ntơư trâu tsôngv box.

Tiv 2 zos chos têx yuôx đrox njuôz hâur têx xuz jôngr, no zos luôs hâux lưv tỉnh zuôr heik trâu Ủy ban mênhx cxưx chiê uô cov tâu truôx luôs hâux lưv no.

Tiv 3 zos chêx tsôngk tu zus têx tsiêx lox thiêz pêz cux xar cov iz chuôz zis muôx 1, 2 tus tưv lok sik nhux, tu zus trơưk tsưr ziv chêx tsôngk, cê taz por lok vêv xênhz tênhx qơư.

3.Thor cox heik pâuz, têx kror yiêz hâur Đảng bộ tsaz yênhx uô têx hâux lưv heik sâuv hâur ntu 2020-2025 zos li chas?

Tỉnh Sơn La tsaz yênhx uô têx hâux lưv hâur ntu no tâu uô lok six nzor thiêz tâu T.Ư kruôs txos. Iz chas dự thảo Nghị quyết tưz tso tơưv tâu tsaz yênhx uô thiêz ntơưv Đại hội dự thảo tsaz yênhx tưz tâu heik txos chiê chor đại biểu seiz lax ntơưv tổ thiêz chêx tsôngk, sâu sđ li ziv chênhv, tsưr ziv heik trâu đoanx chủ tịch, đhâu ntơư muôz tso hâur Nghị quyết chiê đại hội thôngz đhâu.

Tsaz yênhx co pêz xav muôx 9 luôs hâux lưv tsuv chêx tsôngk fuô uô hâur six hơưv zuôr txos, hâur co muôx iz hâux lưv cxiv tsa Đảng, chêx tsôngk lok cxiv kho cxix luôs chính trị nhoz cấp xã, phường, thị trấn.

Tiv 2, lok sâuv huôv tsar kinh tế, vênhx huôv, XH, txiv ngaz, côx phax, pêz muôx 8 luôs hâux lưv chiê fuô uô, hâur ntơư cux muôx têx luôs hâux lưv lox, tsuv muôx T.Ư paz max cux li doanh nghiệp thiêz côngv thôngx sik đros côngv têk uô.

4.Đảng bộ tỉnh Sơn La tror lês uô Đảng, lênhx nênhs sơưr thơưx cxuô cấp li hâux lưv chox car, nzor muôz Nghị quyết Đại hội Đảng bộ jiês tiv 15 uô li chas hâur luz nênhx, thor cox heik nzir mê njik trâu sđ pâuz?

Têx luôs hâux lưv uô hâur 5 shông đhâu, pêz pov Đảng luôs hâux lưv chox car thiêz nênhs sơưr thơưx cấp ủy, hâu nov cxuô cấp li txơưx jênhv lok six zov chênhr. Co zos txix ciês thâuv tỉnh Sơn La tso tơưv Nghị quyết tưz uô tâu zos thiêz trơưk li tsưr ziv xar, taz sik hâux lưv fuô uô, muôz Nghị quyết uô lơưr hâur luz nênhx lok six zov chênhr.  Iz zav li hâur ntu uô ntêx, Đảng bộ tỉnh tso tơưv 7 tsaz yênhx, tỉnh tưz yênhx lix 7 ban chox kriê lok 7 tsaz yênhx no thiêz têx lênhx sơưr thơưx hâur ban chox kriê, puôr lênhx zos chor hâu nov uô hâux lưv hâur tỉnh. Co zos lênhx nênhs sơưr thơưx li pưs txux.

Cấp ủy cxuô cấp, hâur co muôx Bí thư huyện ủy, Chủ tịch Ủy ban têx huyện cux tsuv sir jos hâur muôz Nghị quyết lok uô lơưr hâur luz nênhx niêx hnuz.                                    

Thor uô cox tsâus ntâu!

(VOVTB-Riê Lâux cxeik, nhênhv)

Pêx xênhv sik tưr uô bluô nux, cxiv tsa jêx jok yiêz

Nhạc nền ĐBSCL….

Txox cêr muk jok 1 xar Mỹ Long, huyện Cao Lãnh, tỉnh Đồng Tháp muôx lok six ntâu chor vax ntông nox txir. Niêv tix Phan Thị Ngọc Hương, nhoz xar Mỹ Long li luz vax txir sầu riêng lox đar muôx 10.000 yiv ndis txi txir ntâu, paz trâu niêv tix chuôz zis sâu tâu yênhx shông zos 500 triệu đêiv. Nhiv no, đros zos Tôv trưởng Tôv sik côngv sầu riêng xar Mỹ Long, niêv tix Ngọc Hương đros pox nhuôs hâur jok sik côngv uô cê, cxiv tsa iz thax tsav chos sầu riêng hữu cơ, tsơưr lươngv:

“Pêz cux sik đros muk qênhz yuôx, sik đros phêiz kênh uô bluô nux. Nhiv no zuk xar uô nox cov ndê muk mak tsuv sik côngv uô cê. Muôx txir ntông lơưv mak zuôr sik côngv đros Công ty Đại Thuận Thiên tuôx sâu zuôr têx hax huv txir ntông. Uô lơưr tsưr ziv hữu co mak lơưr sâu zuôr tas hur si trâu zuk”.

Tưz tsik zos car xar, car uô, muôx phênhv sâu siêz thiêz sir jos paz trâu sơưr đơưk chiê sik đros uô bluô nux, niêv tix Phan Thị Ngọc Hương tsênhv gôngr côngv trâu tiv phaz yênhx châuv triệu đêiv iz shông chiê cxiv tsa jêx jok yiêz thiêz uô côngz xưv ngaz tuk xar hôiv. Niêv tix zos iz hâur têx têiv plor tâu muk dự Hôiv Nôngx mênhx việt Nam li Đại hôiv sik tưr nhiêv têz qơưk jiês no.

Nhạc nền Tây Bắc

Muk trâu thax tsav Tây Bắc, zơưv Nguyễn Văn Binh, nhoz jok Hua Đán, xar Tú Nang, huyện Yên Châu, tỉnh Sơn La cux zos iz lênhx nênhs txơưx uô nox, kinh doanh hênhr ntâu shông sik lơưr liês. Đros têx sir jos thiêz txơưx xar tơưv, zơưv Binh zos nênhs tưz chox tsoz txir lưv tsiz zâu lok chos ntơưv thax tsav xar Yên Châu, Sơn La chos muôx 20 shông lok no. Txos nhiv no, zơưv tưz chos tâu muôx 20 ntâu ha txir lưv tsiz, hâur co muôx 10 ha tưz txi txir thiêz iz shông paz muôx phênhv sâu zuôr xar 2 tiv đêiv.

Tưz tsik zos uô xênhz yar kinh doanh hênhr, zơưv tsênhv sir jos paz trâu pox nhuôs tsôngv box mênhx cxưx nhoz hâur jok sik đros uô nox, chiê hla đhâu cêr pluôs:

“Pox nhuôs sơưr đơưk mak cur cux paz ntâu. Cur kriê pox nhuôs uô li chak chiê chor txir ntông txi txir ntâu thiêz muôx chêx cur siêz. Pêx xênhv pluôs mak paz zuôr 13 tuk tưv trâu 13 ziv chuôz zis chiê zôngv đas jos thiêz zus sha mê nhuôs, đhâu co hlôngr đuô, thiêz lơưr co zos zuôr nhux đas sha mê nhuôs lok zus…”.

Têx thâuv, zơưv zos Chi hôiv trưởng chi hôiv Nôngx mênhx ntêr shông tiv zix xar Tú Nang thâuv mak muôx 20 shông lok no, chor hôiv viên nôngx mênhx ntơưv no zênhx njênhs thiêz bâux trâu zơưv. Zơưv Nguyễn Văn Binh zos iz hâur 90 Chi hôiv trưởng Nôngx mênhx uô tâu hâux lưv jông tâu Trung ương Hôiv Nôngx mênhx Việt Nam hênhr kruôk.

Chor phongz yaox sik tưr nhiêv têz qơưk zos Hôiv Nôngx mênhx tso tơưv tưz zaz zâuv yênhx triệu ziv chuôz zis pêx xênhv sâuv thôngz têz qơưk cxaz chuôz, txix trung ương txos tiv phaz, jêx jok. Ndaz ndơưv chiv nhênhv 90 shông hnuz yênhx lix Hôiv nôngx mênhx Việt Nam, chor nênhs uô tâu hâux lưv jông thiêz chi hôiv trưởng nôngx mênhx uô tâu hâux lưv jông tâu hênhr kruô hax zav muôx tsiv gri đuô, chiê hênhr kruôk nôngx mênhx thiêz uô đêz đar sik tưr nhiêv têz qơưk đuô. Zơưv Nhiêx Shôngx Xênhv Thox, Ủy viên Trung ương Đảng, Chủ tịch hôiv nôngx mênhx Việt Nam khav tênhv:

“Đại hôiv sik tưr nhiêv têz qơưk thiêz hênhr kruôk Chi hôiv trưởng nôngx mênhx uô tâu hâux lưv jông zos kror hâux lưv chênhr, zos kror jông trâu phongz yaox sik tưr nhiêv têz qơưk chiv nhênhv 90 shông. Xar uô tâu yênhx côngz mak lênhx nênhs zos kror zov chênhr thiêz tsuôk uô tâu yênhx côngz mak thiêx paz tâu trâu sơưr đơưk, cux zos tiêk nôngx mênhx sik paz mak thiêx uô tâu bluô nux trâu zuk”.

Taz sik, đros têx chêx cur uô tâu, pêx xênhv li hâux lưv khưr uô nox cux njiz tsik tsơưs têx phiv liv, uô trâu uô xênhz yar kôngz nuv phuôx huiz tsik tâu tas nro têx kror liv, ntâu thax tsav qơư tsik pov muôx têx hlôngr yiêz ntâu luôx tưs.

Hôiv Nôngx mênhx, qơư sik côngv thiêz txoz cxơưx luz nênhx cxuô zav trâu pêx xênhv, đuô hur si mak tsuv pâuz tâu txos pêx xênhv luz nênhx nhiv no, cux xưk li phuôx huiz pêx xênhv li đas jos chiê lơưr tsik trâus pôngz kaz, chiê pêx xênhv ziv hnuz ziv tsâu sor, têz qơưk tâu tiêx tuk, xưk hloz Hôx tưz hêik: “Pêx xênhv bluô nux, têz qơưk huôv tsar. sâu tâu kôngz lôngk, muôx luz nenhx tsâu sor”./.

(VOV1-Lik Thox cxêik nhênhv)