Jax sâu thưr 3, hnuz 15/11/2016:

Cxiv uô qơư ciêz muôs hax huv ntơưv Sơn La uô tuôr xuôv têz qơưs têx nhiêx txiêx

    Qơư ciêz muôs hax huv ntơưv jok Hôm, xã Chiềng Cọ cxiv uô tiêr thiêz muôz lok sir zôngv txix shông 2015, xav hur si têx nhiêx uô tas muôx 2 tỷ đeiv ntâu txix têx nhiêx txiêx cxiv tsa jêx jêx jok yiêz. Hâur têx tsêr  ciêz tâu cxiv uô đar, muôx cxix cxuô tênhv tênhz, đêx, qơư vêv xênhz jông trâu muôs têx xiv huv uz no….. Taz sik zuôr xar 2 shông lok no, kror cxiê qơư phaz hnho, ntâu côngz trênhx trâus puôk tsuôx tas, tưz tsi muôx lênhx tưs tuôx uô ciêz, muôs huv hâur no. Đros thiêz tsưr ziv, no zos ciêz côngz têx xiv huv kôngz nuv trâu thax tsav faz Tây TP Sơn La, taz  sik ciêz nhiv no tưz yênhx têx lênhx tsar yêz qơư tso yêz, trâu xuôz jêz, qơư jiêz poz cưk, jiêz kok…. Taz tis tror lok trâu tov ntus cêr lox no, kuôk ntơư tsi yuô đêz, tsôngv box sđ ho muôs jâuz, muôs uz muôs no chuôs tsi ntơưv ntus cêr, uô tsi ngaz tuk zoz thôngz. Niêv lâuk Tòng  Thị Hoa, nhoz jok Hôm, xã Chiềng Cọ heik:

“ Ciêz mak nhoz siêz đuô cêr, muk lok phiv liv viv li kruô tsi yuô muk hâur ciêz, tsi muôs tsi tâu huv. Pêz tuôx nhoz muôs jê ntus cêr li no muôx kruô zuôr huv đuô”.

Đhâu jiês yeik txar tsôngv box muk nhoz qơư yiêz chiê zuôr qơư uô tsêr meir tênhv tênhz Sơn La, 3 ciêz yiêz tâu cxiv uô ntơưv xã Mường Giàng, tsênhv qơư huyện Quỳnh Nhai, ntơư zos ciêz tsênhv qơư, ciêz Phiêng Nèn thiêz ciêz jê ntơưv tsêr kho moz, nhiv no hlôngr đuô bê hu zos ciêz Huổi Cuổi. Taz sik ciêz tsênhv qơư li muôx lênhx nênhs zuôr muôs têx xiv huv mê njik, ciêz Huổi Cuổi mak nhiv kruôr muôz hlôngr, iz ciêz muôs iz, 2 jâuk huv, yuôr ciêz Phiêng Nèn tưz tsi muôx lênhx nênhs tưs muôs huv, uô ciêz hlo, uô tuôr xuôv têz qơưs têx nhiêx txiêx. Zơưv Tòng Văn Năm, nhoz jok Phiêng Nèn 3, xã Mường Giàng nhoz jê thax tsav ciêz heik sâuv, cux xưk li ntâu ziv chuôz zis txơưr đuô heik khur  xiv li no:

“ Jiês tiv iz uô ciêz cux chôngz lênhx thiêz, jiês  2 mak tsơưs mê njik, jiês tiv 3 tưz tsi pov lênhx tưs tuôx car ciêz, tuôx zuôr têx huv. Tsôngv box sđ puôr lênhx muk ciêz lox, lok six tuôr xuôv têx nhiêx txiêx. Nhiv no mak tso tsês li ntơư”.

Chiê uô tâu trơưk tsưr ziv tiv 7 lok cxiv tsa jêx jok yiêz, Sơn La njuôk xav tsênhv zuôr cxiv uô yiêz 40 luz ciêz hâur 4 shông thiêz. Xav hur si têx pênhr uô tas muôx nhos 250 tỷ đeiv, hâur ntơư pênhr txix têz qơưs nhiêx txiêx zos 100 tỷ đeiv, têx pênhr nhiêx hâur XH zos 150 tỷ đeiv. Đros têx muôx tsênhz tiês 90% côngz trênhx têx ciêz tox siêz tsi muôx lênhx nênhs muôs huv, uô ciêz li nhiv no, mak tsênhv zuôr yuôr pêk tsơưs luz ciêz trâus tso tsês, uô tuôr xuôv têz qơưs têx nhiêx txiêx thiêz?

Taz ik trơưk li zơưv Nguyễn Duy Nhượng, Giám đốc Sở Công Thương tỉnh Sơn La mak, ntơư nhiv kruôr zos tsưr ziv njuôk xav xưz. Têx thax tsav, suôv qơư seiz lok sâuv zoz qơưx tsênhv tsênhz chiê quyết tinhv cxiv uô ciêz yiêz. Taz sik cxuô thax tsav cux tsuv xav tinhv tsênhz mênhx qơư, cxiv uô ciêz li chas cov huv, fiv đros trâu huôv tsar, cxiv tsa jêx jok yiêz, uô tâu trơưk tsôngv box sđ zoz qơưx. Zơưv Nguyễn Duy Nhượng heik:

“ Njuôk hov qơư uô ciêz mak zos xav tsưr ziv li ntơư. Tưz muôx tsưr ziv njuôk hov qơư uô ciêz txix shông 2012 txos 2020 taz sik tsi tas cxiv kho li chas lơưv. Zov chênhr zos xav tinhv uô trâu thax tsav qơư tưs cov huv thiêz xav uô trâu luz six hơưv tưs cov fiv. Tsi thav xã tưs cux tsuv muôx ciêz, 2, 3 xã cxiv uô iz luz ciêz xưz cux tâu”.

Hâur 19 tsưr ziv lok jêx jok yiêz, cxiv uô ciêz zos lok six zuôr trâus txos. Taz sik, thax tsav qơư njuôk hov cxiv uô ciêz ntơư tsuv huv đros tsôngv box ntơưv qơư zoz qơưx chiê uô tâu ciêz thiêx tsi uô tuôr xuôv têz qơưs thiêz ntơưv qơư têx nhiêx txiêx./.

                                          (Hồng Việt-Riê Lâux cxeik, nhênhv)

Phênhv thưr 3.15.11.2016:

PHÊNHV CXIZ KÔNGZ I

Chuôz tsar côngz xưv cxax yuôx phax moz trâu tsiêx cxu chiv ntux tsâus

I. Đros thiêz moz tơưv ndâux hlê khâur, moz ơưk buô

          Tsov lơưr qênhx shênhx moz huôv xênhz nhoz yênhx tiv phaz, Cục thú y li thôngz pov lok caz moz tơưv ndâux hlê khâur, moz ơưk buô thiêz heik kriê sir zôngv yuôx phax moz shông 2016 ( văn bản số 262/TY-DT hnuz 22/2/2016) chiê tsưr tsix zuôr trơưk yuôx phax moz, tir tar moz tax chêx cuk siêz tiv zix.

          1. Đros thiêz moz tơưv ndâux hlê khâur

          Lơưr Cục thú y li chêx cuk seiz njuôs, siv caz moz tơưv ndâux hlê khâur tso pov, caz moz tơưv ndâux hlê khâur huôv xênhz nhoz Việt Nam hâur shông 2015 thiêz 2 luz hlik hâur shôngk shông 2016 zos zav A thiêz O.

          - Tsov lơưr zav caz moz tơưv ndâux hlê khâur njuôs xav phuôv xênhz nhoz yênhx tiv phaz chiê sir zôngv yuôx phax moz tơưv ndâux hlê khâur li no:

          - Sir zôngv yuôx typ A thiêz typ O cxax phax moz trâu tsiêx cxu ntơưv têx tiv phaz muôx caz moz tơưv ndâux hlê khâur typ A lok sik oz zav caz moz A, O thiêz têx tiv phaz njuôs xav muôx caz moz typ A huôv xênhz.

          - Zôngv yuôx typ O cxax trâu tsiêx cxu ntơưv têx tiv phaz tsi muôx caz moz tơưv ndâux hlê khâur typ A hâur 3 shôngk jê ntơưv no.

          Tsuv cxax yuôx cxix cxuô nhoz têx tiv phaz nhoz thax tsav njuôs xav muôx moz siêz, têx qơư thâuv ntêx muôx moz huôv xênhz, muôx paz tsiêx cxu tsi tâu cxax yuôx phax moz tas, tiv zix têx tiv phaz muôx dự án cungz nôngz tsiêx cxu, txu yeiz cxuôv pluôs tsuv chuôz tsar seiz car, pov nzor têx qơư muôx moz huôv xênhz, tsưr tsix cxax yuôx phax moz tơưv ndâux hlê khâur, seiz car hâux lưv fax thâux tsiêx cxu, coar lik hâux lưv feik tuô tsiêx cxu chiê txu grês moz huôv xênhz thiêz cik đêz đar.

          2. Đros thiêz moz ơưk buô

          Lơưr Cục thú y li jênhv tênhv, moz ơưk buô huôv xênhz sâuv paz buô tsi tâu cxax yuôx phax moz, hâur co caz moz ơưk buô njuôs xav nhoz hâur tênhx qơư tu zus uô zênhr shar tsi jông txos hâux lưv tu zus. Hâur six hơưv zuôr txos, njuôs xav moz zuôr huôv xênhz thiêz têx qơư muôx moz huôv xênhz mê sâuv thax tsav têx qơư tưz muôx jiês muôx moz huôv xênhz thiêz têx thax tsav txơưr siêz. Têx tiv phaz tsuv chuôz tsar côngz xưv seiz car, pov nzor moz huôv xênhz, uô jông têx cui tênhv lok qênhz yuôx hâux lưv fax thâux buô thiêz têx greix, plaz nhnur buô, chuôz tsar seiz car qơư feik tuô buô, chuv tôngv tir tar moz huôv xênhz thiêz cik đêz đar.

          Têx zav yuôx phax moz ơưk buô tsênhv tâu tso chei sir zôngv ntơưv Việt Nam tsi tâu taz por phax tar moz, têx tiv phaz tsuv tsưr tsix phax moz, têx tsưr tu zus buô tsuv chuv tôngv cxax yuôx phax moz ơưk buô trâu buô, tiv zix zos chor niêv buô sha nhuôs./.

( Thanh Thủy- Txâur Vax cxeik nhênhv)