Doanh nghiệp têx yêz kruô nhoz chor tỉnh Tây Bắc tror uô hâux lưv thâux xa kruô muk lol taz sik cux tsênhv trâul pôngz pênhr

Đhâu iz ntuk tax so tsi uô hâux lưv thâux xa kruô muk lol, txix thâuv hlôngr trâu ntu sơưr đơưk cê huôv tsar uô nox cê phax tar moz caz moz Covid-19, qơư tsav yêz kruô tỉnh Lai Châu tưz muôx zuôr xar 20 luz yêz tror uô hâux lưv thâux xa kruô muk lol trâu luôs 2 chas tỉnh, 11 luz yêz tâu chei uô hâux lưv 100% thâux xa kruô iz hnuz, yuôr đuô li zos tso 50% têx yêz uô hâux lưv xưz. Taz sik tsênhz tiês nhiv no tsuôk muôx 50% têx yêz kruô tâu chei tror uô hâux lưv. Trơưk li ntâu doanh nghiệp yêz lox ntơưv qơư, qir tiv uô trâu txo grêk tsơưs têx yêz thâux xa kruô thiêz tsi yuô muôx yêz muk lol thâux xa kruô zos viv sâu tsi tâu nhiêx.

Zơưv Trần Mường Thanh, Giám đốc Công ty iz thành viên Việt Anh Lai Châu heik pâuz: Nhiv no doanh nghiệp muôx 40 ntâu luz yêz uô hâux lưv thâux xa kruô muk lol hâur tỉnh thiêz trâu luôs 2 chas tỉnh, hâur co muôx 10 luz muk trâu chor tỉnh Nghệ An, Bắc Ninh, Thái Bình, Nam Định, Ninh Bình, Quảng Ninh thiêz Hà Nội. Hok taz viv têx yêz muk lol hâur tỉnh nhiv no tâu tso chei uô hâux lưv 100% thâux xa kruô, taz sik chuôs li jiês tưs thâux xa kruô muk lol doanh nghiệp cux tsuv thêv nzir nhiêx.

“Nhiv no lok six phiv liv, tiv iz zos kruô muk lol, gri trox yêz mak tsar ndê siêz li nhiv no, mak doanh nghiệp pôngz pênhr xưz, têx yêz sâu tâu nhiêx txiêx. Chor yêz muk txix Lai Châu trâu luôs 2 chas tỉnh mak mul sâuv txox cêr muk chênhr ntâu đuô, nhiêx muk sâuv têx cêr no lok six civ, viv li tas ntâu, iz zav li muk txix Lai Châu trâu TP Vinh (Nghệ An), xav hur si muk thiêz lok tas xar muôx 2 tsov đeiv nhiêx thêv muk đhâu cêr. Tưz tsi tâu heik txos têx nhiêx zôngv uz no hâur iz luz hlik, doanh nghiệp xav kror đruôz đraz iz hlik tưz tsuv thêv nzir txix 500-700 tsov đeiv trâu tsêr nhiêx”.

Zơưv Phạm Văn Tuấn, Giám đốc Công ty iz thành viên Ngân Hà heik: Hâur ntu so tiv muôx moz gênhk ntơư, têz qơưk cux tsi jav trâu têx doanh nghiệp nhiêx muk lol tâus cêr, tsuôk tâu jav 30% xưz. Txơưv tưz tâu tror uô hâux lưv thâux xa kruô muk lol, taz sik moz cux tsênhv huôv xênhz phiv liv thiêz tsôngv pêx xênhv cux tsênhv cxơưx, tsi xar cheix yêz kruô muk lol, viv li têx yêz puôr lênhx sênhv ¾ têx trôngx jâuv, trax pư hâur yêz.

“Cxuô cơ quan seiz car têz qơưk tsuv tuôr xav li chas chiê txo grêk tsơưs têx nhiêx thêv trâu doanh nghiệp, iz zav li nhiêx bảo hiểm lok sik nhiêx muk lol đhâu cêr. Six hơưv nhiv kruôr đhâu, muôx têx luz yêz pêz tsuv tax tso yêz so txos 5 luz hlik, iz hlik xav kror đruôz đraz iz luz yêz tsuv thêv 600 cxênhz nhiêx muk lol đhâu cêr thiêz kho cêr, taz sik nhiv kruôr đhâu ntơư, têz qơưk nhiv kruôr txo grêk tsơưs tâu 30% hâur 3 tsov đeiv xưz. Pêz cux heik têz qơưk cov seiz shuôs, paz max thêv iz kro mê njik têx nhiêx trâu tsêr nhiêx, viv 2 shông đhâu zos pêz cux trâul uô ruôr hiêv sâu tsi tâu nhiêx txiêx, paz pêz iz kro mê njik nzir hâur 2 shông đhâu thiêz”.

  Zơưv Đinh Đăng Khoa, Phưv Giám đốc công ty yêz lox, fuôx gox Yên Bái heik: Taz viv zuôr xar 200 luz yêz kruô muk lol thâux xa kruô hâur tỉnh thiêz luôs 2 chas tỉnh đrâuv, nhiv kruôr đhâu, ntâu luz yêz tưz so hâur 5 luz hlik siz lơưr liês. Nhiv no tror uô hâux lưv thâux xa kruô muk lol taz sik tsi yuô muôx kruô muk, gri têx trox yêz tsar ndê siêz, uô pêz trâul pôngz pênhr, nênhs lox tôngv lok txo grêk tsơưs phênhv sâu tâu, viv li lok six zuôr trâul tâu paz max:

“Hâur six hơưv nhiv kruôr đhâu, tiv muôx moz gênhk huôv xênhz viv li ngênhx yêz lox so tsi uô hâux lưv lok six ntêr, chênhr zos li heik co, pêz heik cơ quan muôx vax huôv tsuv nduô six hơưv đhok têx meir cxeik đuôz sâuv yêz txos hnuz 30/6.2022, trơưk li têx chor doanh nghiệp thiêz Hiệp hội yêz lox heik Bộ Zoz thôngz yêz lox thôngz đhâu trâu Chính phủ, chiê paz doanh nghiệp đơưk iz phênhv tưs têx phiv liv , jux juk khưx phưx hâur huôv tsar uô cxuô luôs hâux lưv, lax luôv”.

Sơưr đơưk tror lês uô têx hâux lưv hâur ntu yiêz nhiv no, taz sik tsênhz tiês, ntâu doanh nghiệp yêz lox nhoz Tây Bắc tsuv nduô, txo grêk tsơưs têx yêz muk lol thâux xa kruô thiêz muôx têx zos so hâux lưv viv trâul pôngz pênhr. Cux pâuz têx li heik no sơưr đơưk tsuv sik thôngx siêz, sik đros uô hâux lưv chiê khưx phưx kinh tế-Xã hội nhoz cxuô thax tsav qơư đhâu têx trâul ruôr hiêv tiv moz Covid-19. Taz sik, chor doanh nghiệp cux lok six zuôr trâul tâu paz max, têx cơ quan muôx vax huôv thiêz hâu nov cxuô thax tsav qơư sik đros pheiz kênh têx cêr txov, phiv liv chiê cxuô luôs hâux lưv uô truôx tuk thiêz huôv tsar./.

(VOVTB-Riê Lâux cxeik, nhênhv)