Jax thưr 3, hnuz 15/12/2015

Sơn La: Têx lênhx nênhs lâuk thiêz nhuôs zâu tuôx kho njuôk moz  trâu tsêr kho moz, tiv ntux no njiv

 

 

Txix hâur hli 12 txos nhiv no, muôx 4 cxênhz ntâu lênhx nênhs moz tuôx njuôk shuôs moz ntơưv tsêr kho moz Đa khoa tỉnh Sơn La, hâur ntơư muôx zuôr xar 500 lênhx nênhs tsuv nhoz hâur tsêr kho moz chiê chơưv kho têx moz gênhs, chuôz tsar ntâu lênhx pir li hli uô ntêx. Phênhv ntâu têx lênhx moz tuôx seiz njuôk shuôs, kho moz puôr lênhx zos nênhs lâuk hnuz nhôngs siêz, thiêz nhuôs zâu, thiêz ntơư puôr lênhx zos trâus moz li: Hnôngk, iz chêr uô cuz uô no, uô tsi yuô tâuk pa, lok sik moz têx poz cxax… Tix lâus Xênhz Xênhv Shôngx nhoz xã Nà Bó, huyện Mai Sơn heik:

“ Nhoz đrav tsêr mak hnôngk, hơưz poz, đhâu ntơư mê nhuôv gênhs, pư jôngx jiêz, tsi truô muôs, tsi nox đaz tsi hlo, li chox mê nhuôv tuôx tsêr kho moz qênhz njuôk shuôs moz, tuôx txos no lơưr chor cưk yuôx tiêk lênhx nhuôs trâus moz njưk hnhar, đrav huyện chor cưk yuôx lơưr kho tsi tâu cov pêz chox tuk nhuôs tuôx pêv no. Tuôx txos no, chor bác sĩ cux moz siêz paz chơưv kho moz trâu mê nhuôv, 2, 3 hnuz no tưz nhoz khênhr mê njik”.

Tiv ntux txơưr txar ntâu thiêz no njiv viv li têx nhuôs zâu nhoz tox siêz Sơn La zôngx ziv trâus moz li: Moz njưk, moz ka….. Lơưr pos Nguyễn Thị Phương Thảo, tsar  khoa mê nhuôv zâu, tsêr kho moz Đa khoa tỉnh Sơn La heik pâuz: Ciês ntơưv  khoa chơưv kho moz trâu têx mê nhuôv zâu hâur 10 hnuz đhâu, xav kror đruôz đraz iz hnuz lênhk tok txix 10-20 lênhx nhuôs zâu tuôx nhoz kho moz, chuôz tsar 30-50% pir li têx hnuz fênhx yax. Pos Nguyễn Thị Phương Thảo cux heik tơưv tsưr ziv kriê trâu têx ziv chuôz zis muôx mê nhuôv zâu li no:

“ Chiê phax tar têx moz gênhs trâu chor nhuôs zâu hâur tsêr, pêz heik kriê chuôz zis, chor uô niêv uô txir li no: Tiv iz zos tsuv muôz trik yo sor trâu nhuôs hnar thiêz muôz cxix cxuô têx jâuz mor trâu nhuôs nox chiê têx nhuôs muôx têx chuôz cxaz đas jos tir moz, tiv 2 zos thâuv pov mê nhuôv hnôngk, iz chêr cuz, uô tsi yuô tâuk pa mak tsuv chox ciês muk chuôs cưk yuôx trâu têx qơư y tế chiê muôx tsưr ziv kho tâu moz zênhx max trâu têx nhuôs”.

Chiê bax tsưr ziv thiêz taz por tsơưr lươngv seiz njuôk shuôs, kho moz hâur cheix ntux no, tsêr kho moz Đa khoa tỉnh Sơn La tưz moz siêz tsês têx qơư jông chiê seiz njuôk shuôs moz trâu têx nhuôs zâu li: Chor mê nhuôv tsi tâu muôx 6 shông, nênhs lâuk muôx 80 ntâu shông, pox niêv xênhz nhuôs hâur chêr txix 6 luz hlik ntâu tror zar sâuv…. Zơưv Nguyễn Đức Toàn, Giám đốc tsêr kho moz Đa khoa tinhr Sơn La heik pâuz:

“ Luôs hâux lưv mak phax tar no trâu lênhx nênhs moz hâur cheix ntux no mak têx khoa seiz njuôk shuôs, kho moz, pêz fuô kriê tsưr ziv zos: Iz, tsuv cơưv ntov têx kror trôngx, tsi  chiê chuô txiêk yâu lok hâur têx qar tsêr nênhs moz nhoz, pư; 2 zos hâur têx qar tsêr muôx nênhs moz nhoz, pư, iz cxiê khoa pêz tưz muôz têx luz tênhz tơưk ntê cov sor tso trâu hâur chiê nênhs moz tâu ntê, iz chas ntơư cux cơư ntov têx kror trôngx chiê taz por tsi muôx chuô txiêk yâu”.

Hâur têx hnuz zuôr txos, ntơưv Sơn La tror muôx ntux lok nas yâur, lok tê, muôx kênh thax tsav lok six no njiv, jê tưv grêk kis đuô 14 tưv. Chênhr viv li tsêr kho moz Đa khoa tỉnh Sơn La tưz bax tsưr ziv chiê lênhk tok têx lênhx nênhs moz thâuv tuôx qênhz njuôk shuôs, kho moz./. 

                                            (Trấn Long-Riê Lâux cxeik, nhênhv)

 

 

 

 

Phênhv “Tsưr ziv huôv tsar uô kôngz” hnuz 15/12/2015:

Iz cxiê caz moz ơưk cik trâu tsiêx cxu, tsuv tâu  cxax yuôx tir thêir

 

 

 

          Tsôngv…! Cxax yuôx vắc ci nê zos iz faz tsưr ziv tir thêir tâu caz moz ơưk trâu tsiêx cxu thiêz tas nhiêx txiêx tsơưs.

          -Yuôx vắc ci nê, zos cxax trâu buô, zuôr tir thêir tâu caz moz ơưk kror ndâuk hlê krâur, caz moz ơưk trơưk plaz; caz moz ơưk đôngl nyar.

          -Nhux tưv nhux đas: zos cxax yuôx vắc ci ne, cux zuôr tir thêir tâu caz moz ơưk  kror ndâux hlê krâur, đrôngs nyar

          -Yik, zax: Zos cxax yuôx vắc ci ne, cux tir thêir tâu, yik tsik trâus cik caz moz ươk kruô tâuv, tsik trâus cik caz moz ơưk kror ndâux hlê krâur.

          -Đêr: Tsuv tâu cxax yuôx moz vưv

          -Kêiz: Tsuv tâu cxax yuôx vắc  ci ne chiê tir thêir caz moz ơưk.

          -Ok: Tsuv tâu cxax yuôx vắc ci ne tsik chiê cik caz moz ơưk trơưk plaz.

          Lênhx nênhs huôv tsar tu zus tsiêx cxu tsuv tâu nus cưk yuôx thú y ntơưv xã, phươngx lok sik nus trạm thú y ntơưv tsênhv qơư chiê hêik kriê trâu px sir zôngv yuôx vắc ci ne cxax trâu tsiêx cxu nhux tưv nhux đas, kêiz buô, tsik chiê têx tsiêx cxu trâus cik caz moz ơưk.

                                                                   (Tsu cxêik nhênhv-Thu Thuỳ)