Jax sâu thưr 2 hnuz 15/2/2016:

Ntux yiêz Chiềng Ban

 

 

Ntux yiêz lok txos, Chiềng Ban xưk li iz đêiv đuôz jông gâux muôx chor tsêr cxiv tsa lox jông, chor tsêr lơưx vor vuôk liêz yưv plox pliês hâur chor vax cà phê njuoz xiêz, chor têz chos txir cam tsênhv txi txir chuôs tsi hêik tơưv zuôr muôx iz chiv sâu tâu ntâu.

Muôx 1.200 thax tsav chocc ca phê, txix ntâu shôg lok no, no zos xã li zav tsoz chos chênhr. Thiêz Chiềng Ban cux tâu sêiz zos I thax tsav chos cà phê ntâu nhoz tỉnh Sơn La. Tiv tsar tov, qiv hơưv huv đros, đros trau sir zôngv khoa học kỹ thuật lok uô xênhz yar viv li tsoz cà phê huôv tsar jông thiêz paz muôx tsơưr lươngv siêz. Xưk li chôz zis zơưv Hoàng Văn Chất nhoz jok Củ 2, iz hâur chor chuôz zis chos cà phê ntâu shông. Shông 2013, tiv lok tê, zơưv chuoz zis tsuv muôz cà phê txiêr tas nro xar muôx 3 hec ta. Viv li shông no zơưv chuôz zis chor cà phê thiêz tror muôx txir chiê sâu đê, taz sik cux tưz sau tâu 20 tâu tấn txir nhôngk, muôs tâu xar muôx 120 triệu đêiv. Chiv tov kaz no thâuv chor cà phê tưz txi ntâu đuô mak uô chak cux zuôr sâu tâu siêz đuô thiez. Zơưv Chất thiêz pêx xenhv nhoz no vav tiêk zuôr muôx tâu qơư muos thiêz gri muôs cà phê truôx:

 “Phiv liv ma zos gri tsik truox. Viv li vav tiêk tỉnh, huyện zuôr njuôk xav cov muôx qơư muôs truôx”.

Oz pêz shông tror lok no, pox nhuôs nhoz Chiềng Ban tsênh chos shơư txir cam, txir thênhx caz đros cà phê. Txos nhiv no iz huôv xã tưz muôx 100 hec ta chor zav ntông nox txir no.

Tix lâus Đỗ Xuân Khởi, jok Hoa Mai, xã Chiềng Ban puz pâuz: tix lâus piz chos 400 tsoz cam shông 2007, 150 tsoz bưởi diễn thiêz 50 tsoz bưởi tơưr njuôz. Chor shông uô ntêx tsik pâuz sir zôngv kỹ thuật viv li tsơưr lươngv kik. Tov kaz no muôx yênhx tưv uô viv li chor txir tưz sâu tâu ntâu đuô. Chiv txir cam shông no sâu tâu 6 tấn đros gri muôs 30-35 cxênhz đêiv iz cir ntơưv vax mak tix lâus tưz sâu tau muôx 1 tỷ đêiv. Tưz tsik tau hêik txos phênhv sâu txix cà phê. Tix lâus Đỗ Xuân Khởi puz pâuz:

 “Cur chuôz zis hlôngr txix tsoz cà phê chiê chos chor tsoz chos txơưr đuô. Cur chuôz zis pâuz tâu tiêk chor tsoz chos co sau tâu ntâu, siêz đuô 3 jiês tsoz cà phê. Shông 2016 cur chuôz zis li phênhv sâu mak zuôr truôx tuk”.

Đró têx kror liv muôx, Chiêng Ban zos iz hâur chor xã tâu tỉnh Sơn La xêir cxiv tsa jêx jok yiêz ntu 2011-2015. Txix têx sir jos chính quyền thiêz pêx xênhv tiv phaz, hli 11/2015, xã tưz tâu côngz jêhv tax ploz tsênhr jok yiêz; pêx xênhvluz nênhx tsik so hlôngr yiêz, chor chuôz zis bluô nux chuôz ndê. Txos nhiv no, xã tưz tax tâu phênhv sâu 21 triệu đêiv iz lênhx nênhs iz shông. Iz huôv xã muôx zuôr xar 1.700 chuôz zis, nhiv no tsuôk yuôr 103 chuôz zis pluôs. Chiê tuôr truôx chêx cur tưz tax tâu, zơưv Hoàng Văn Sương, phưv chủ tịch UBND xã Chiềng Ban puz pâuz:

 “Shông 2015, xã tưz tâu tỉnh, huyện côngz jênhv zos xã uô tiêr tsaz yênhx cxiv tsa jêx jok yiêz. Chiê tuôr chiê chêx cur co xã tưz tso tơưv nghị quyết lok hlôngr đuô tsiêx zus, tsoz chos, tiv zix zos uô 1.200 hec ta cà phê thiêz chuôz ndê chos cxuô zav tsoz chos muôx 100 ntâu hec ta. Xã sir jos uô tâu tsưr ziv shông 2016 phênhv sâu trơưk lênhx nênhs tâu 23 triệu đêiv iz lênhx nênhs iz shông thiêz sir jos txo grêk chor chuôz zis pluôs yuôr tsơưs đuô 6% hâur shông 2016”.

Ntux yiêz no, Chiềng Ban shir phaz đuo hur si viv tưz tâu Đaix TNVN khơưk muôz trạm thu thiêz nta suôz tsik muôx hluôk, têx xor mông đror nxê ntưk txos tax nro cxuô jêx jok. Hâur chor vax tsêr tâu cxiv uô lox jông ziv hnuz ziv ntâu, pox nhuôs mênhx cxưx Thái-tsoz tsiz nhoz no nhiv kruôr tok iz luz tsiêz lov jêv, tsâu sor thiêz shir phaz./.

(Cà Thành-Lik Thox cxêik nhênhv)

 

 

 

 

 

 

Phênhv “Tsôngv box thiêz Côx hôiv’ thưr 2, hnuz 15/2/2015:  

Nzor chiê Đangv li Nghị Quyết Đại hội 12 đros sđ luz nênhx

 

 

          Đảng li Nghị quyết Đại hội 12 tưz xav tâu tiêk, hâur 5 shông zuôr txos, zos zuôr cxiv kho Đảng cov truôx tuk, gra siêz tsưr ziv sêiz car, tuôr truôx Chính trị, hlôngr yiêz cxuô luôs hâux lưv uô, sir jos cov zos iz luz têz qơưs muôx ntâu   hlôngr yiêz, tsưx phưv truôx zuk têz qơưs xã hội chủ nghĩa. Nghị Quyết tưz tso tơưv ntâu luôs hâux lưv uô tsênhz mênhx, zos huôv tsar kinh tế, txo grêk yêiz pluôs. Zơưv Nguyễn Du, uỷ viên Trung ương Đảng khoá 12, bí thư tỉnh uỷ, chủ tịch hội đôngx tỉnh Bắc Kạn cux xav tiêk: Cxuô luôs hâux lưv pêz têz qơưs tso tơưv ntơưv Đảng li nghị quyết Đại hội 12, Đảng thiêz px tỉnh Bắc Kạn, tưz xav tâu truôx cxuô luôs hâux lưv chiê cxiv uô:

          “Uô ntêx, tsuv fuô hur si Đảng li Nghị quyết 12 cov txos cxuô lênhx cán bộ, đảng viên thiêz px hâur thax tsav tỉnh Bắc Kạn thiêz tso tơưv cxuô luôs hâux lưv uô cov tâu trơưk li Đại hội 12 hur si têz qơưs. Cxiv kho cxuô luôs hâux lưv uô cov huv đros Đảng li Nghị quyết Đại hội 12, thôngz đhâu thiêz cxuoo lênhx sđ sir jos đros Ban chấp hành Trung ương sêiz car, cxiv kho têz qơưs-huôv tsar kinh tế xã hội- tsưx phưv truôx an ninh quốc phôngx”.

          Zơưv Lê Đình Sơn, uỷ viên Trung ương Đảng khoá 12, bí thư tỉnh uỷ Hà Tĩnh cux xav tiêk: Nghị quyết Đại hội 12 tưz tso tơưv cxuô luôs hâux lưv uô cxiv cxiv kho pêz têz qơưs cov yênhx iz luz têz qơưs muôx ntâu kror hlôngr yiêz, chiê Đảng li Nghị quyết đros trơưr px luz nênhx:

          “Têx ntâuz ntơưr hâur Đại hội  tưz bax tâu cxix cxuô thiêz hlôngr yiêz hâur ntu no. Ntơư zos luôs hâux lưv zov chênhr, nzor chiê pêz têz qơưs muôx ntâu hlôngr yiêz, zos tỉnh Hà Tĩnh tsênhv taz tov sir jos huôv tsar uô. Hà Tĩnh sir jos txos shông 2020, tsênhr uô cov tâu truôx cxuô luôs hâux lưv hêik ntơư”

          Ntâu lênhx Đại biểu cux hêik  cxuô ntâuz ntơư hâur Đại hội 12, lar hêik zos huôv tsar kinh tế xã hội trâu tsôngv px hêir nênhs tsơưs nhoz thax tsav txov nhêv, thax tsav ntus đriv hâur 5 shông zuôr txos. Zơưv Vũ Văn Tỉnh, uỷ viên Trung ương Đảng khoá 12, bí thư tỉnh uỷ Hoà Bình hêik pâuz, zos iz luz tỉnh tox siêz, muôx ntâu cêr txov nhêv; zos chiê fuô Đảng li Đại hội 12 uô cov tâu truôx, Hoà Bình zuôr cxiv uô vax tsêr, huôv tsar uô kôngz lôngk, zos luôs hâux lưv uô txo grêk yêiz pluôs:

          “Pêz zuôr cxiv uô cxuô luôs hâux lưv cov tsênhz mênhx chiê uô cov tâu truôx Đảng li Nghị quyết Đại hội 12 cux li Nghị quyết Đại hội 16 Đảng bộ tỉnh, lar hêik zos luôs hâux lưv cxiv kho Đảng, huôv tsar kinh tế xã hội, hlôngr yiêz huôv tsar uô kôngz lôngk, txo grêk yiêz pluôs”.

          Trơưk li zơưv Vương Quốc Tuấn, Đoanx đại biểu tỉnh Bắc Ninh, chiê uô cov tâu truôx Nghị quyết Đại hội tso tơưv, zos nzor cxiv kho pêz têz qơưs yênhx têz qơưs hlôngr yiêz, Đảng thiêz px sđ tsuv sir jos uô. Đros ntơư, tsuv moz siêz txos luôs hâux lưv huopv tsar kinh tế-huôv tsar khoa học công nghệ, ntơư chênhr zos luôs hâux lưv huôv tsar-cxiv kho pêz têz qơưs cov muôx ntâu hlôngr yiêz:

          “Trơưk li cur mak pêz zuôr tsuv moz siêz txos luôs hâux lưv huôv tsar công nghiệp chiê paz trâu cxuô doanh nghiệp huôv tsar truôx kinh tế. Kror tiv oz zos tsuv moz siêz txos huôv tsar uô kôngz kôngz trâu thax tsav tox siêz đêz đrôngl cov px txo grêk tâu yêiz pluôs, muôx luz nênhx tsâu so, truôx tuk”.

          Cxuô lênhx đại biểu cux xav tâu tiêk: fuô Đảng li nghị quyết Đại hội 12 cux li nzor cxiv uô cxuô luôs hâux lưv uô cov tsênhz mênhx,  zos luôs hâux lưv tâu  cxuô Đảng bộ, px cxuô tsênhv qơư fuô uô cov tâu trơưk Đảng li cxuô luôs hâux lưv tso tơưv cov đros trơưr sđ luz nênhx./.

                                                                       (Tsu cxêik, nhênhv-TTT)