Bôv đội pênhz phax Đắk Lắk đros cxiv tsa jêx jok yiêz

Huôk njôngr hâur têx hnuz ntux yar đris, txix hâur shôngk shông no, yênhx châuv cán bộ, chiến sĩ đônx pênhz phax Ia R’vê (bộ đội pênhz phax Đắk Lắk) tưz đros pêx xênhv cxuô luz jok 2,3 thiêz 4 xã ntus đriv Ia R’vê, huyện Ea Súp cxiv kho đuô txox cêr muk trâu têx jêx jok. Zơưv Mai Hữu Huỳnh nhoz jok 4 puz pâuz:

“Thâuv ntêx, txox cêr jok 4 txix đônx pênhz phax 737 muk qơư cêr siz yuôv 3 txox tsênhv qơư xã lok sizz lax muk lok, tiv chor yêz lox muk lok ntâu. Txos nhiv no, tâu thênhv siêz cux xưk li đônx pênhz phax li tsov cưv txos, pêz đros chor lưx lươngv tưz tsưr tsix kho đuô thiêz uô bê tông yiêz ntêr zuôr xar 3 cêik cêr. Ciês bôv đôiv pênhz phax paz hnuz côngz viv li nhiv no txox cêr tưz jông đuô, paz pox nhuôs muk lok tâu zôngx ziv đuô thâuv ntêx lok six ntâu”.

Txos nhiv no, xã ntux đriv Ia R’vê, huyện Ea Súp tưz uô tiêr 10/19 luôs hâux lưv cxiv tsa jêx jok yiêz. Hâur co lưx lươngv pênhz phax tưz gôngr côngv ntâu hâur luôs hâux lưv y tế, zoz zux, chính trị, ngaz tuk côx phax. Zơưv Cao Minh Lự, Chủ tịch UBND xã Ia R’vê puz pâuz, txix nhiv no txos shông 2020, xã sir jos uô cov tiêr  5 luôs hâux lưv cxiv tsa jêx jos yiêz, hâur co luôs hâux lưv cxiv uô cêr muk lok mak khov vav txos đônx pênhz phax Ia R’vê đros paz:

“Lok zoz thôngz tsênhv yuôr ntâu kror tsik jông, tiv zix zos cêr muk lok hâur jêx jok đrak liêx têz zuôr xar 800 cêik cêr, 5 shông đhâu, pêz nhiv kruôr uô tiêr tâu xar muôx oz pêz châuv cêik cêr. Vav tiêk hâur ntu zuôr txos, thênhv siêz tsov cưv txos yưv pênhr, pêx xênhv thiêz doanh nghiệp sik côngv đros đônx pênhz phax gôngr côngv hnuz côngz chiê cxiv tsa nzir trâu tiv phaz”.

Txix shông 2010 txos nhiv no, đros trâu têx pênhr nhiêx xar muôx 6 tiv đêiv chiê zuôr cxuô zav chuôz zênhx cxiv uô thiêz uô yiêz 30 ntâu cêik cêr muk lok trâu jêx jok, bôv đôiv pênhz phax tỉnh Đăk Lăk tưz paz xar muôx 6 cxênhz hnuz côngk đas jos đros uô muôx 250 cêik cêr jêx jok thiêz iz cxiê côngz trinhx sir zôngv hâur luz nênhx nhoz thax tsav ntus đriv. Pênhz phax tỉnh cux tưz cxiv uô yiêz 200 ntâu luz tsêr jông siêz trâu nênhs pluôs, chor nênhs tâu sơưv tsênhv chêi đros nhiêx txiêx zuôr xar 10 tiv đêiv, cxiv tsa 18 côngz trinhx đros tas nro chor nhiêx muôx 2 tiv đêiv ntâu, khơưk muôz 83  tuk nhux đas nôngz trâu chor chuôz zis pluôs, chuôz zis tâu sơưv cêr chêi. Đros co, lưx lươngv Bôv đội pênhz phax Đăk Lăk tưz tso 51 Đảng viên muk xênhz huôx ntơưv tiv phaz, hâur co muôx 4 lễnh xnênhs cxaz chuôz cấp ủy ntơưv 4 xã ntus đriv.

Đại tá Phạm Hữu Chiến, Phưv chính ủy Bôv chỉ huy Bôv đôiv pênhz phax tỉnh Đăk Lăk puz pâuz, txơưv tiêk tâu cấp ủy, chính quyền tiv phaz tsov cưv, taz sik qênhx shêhx cxiv tsa jêx jok yiêz nhoz 4 xã ntus đriv tỉnh Đăk Lăk cux tsênhv njiz ntâu phiv liv. Ntu zuôr txos, Bôv đôiv pênhz phax zuôr tror cxaz chuôz trâu ntâu kror, xuk li cxiv tsa cxuô zav, cxuôv yêiz thiv pluôs, tsoz phưz đas jos, gra siêz txux chi thiêz uô truôx côx phax ngaz tuk nhoz tiv phaz chor xã ntus đriv:

“Pêz zuôr tror sir jos đrov tiv phaz sir jos cxaz chuôz trâu tsaz yênhx cxiv tsa chor luôs hâux lưv jêx jok yiêz, tsêx trung uô chor tsênhv njiêz chênhr li: Kriz uô cêr thiêz chox pêx xênhv muk nhoz jê ntus đriv. Đros co, kriz uô đêz đar têx tsưr ziv, hâux lưv uô muôx chêx cur hâur ntu đhâu chiê kriz uô nho chor tiv phaz txơưr đuô. Đros co zos phổ cập zoz zux cxênhx iz, cxiv tsa uô truôx cxiv luôs chính trị taz por cxiv tsa thax tsav ntus đriv truôx jôngz”./.

(TTTN-Lik Thox cxêik nhênhv)

Lênhx  pox niêv bôv đôiv li hợp tác xã jâuz hur công nghệ siêz

Njiz Phạm Diệu Vân  hâur iz tas hnuz yar ntux cuz sor, hâur lênhx bôv đôiv hluôk têx hưk ntưk si lus, zos têx jâuz krưr, chos tsi trơưk cheix tâu muôz tuv tsês jông trâu têx thôngz huv chiê bax muôs, Vân heik pâuz: Shông 2016, thâuv tsênhv uô Bí thư chi đoanx jok 8, phường Chiềng Sinh, TP Sơn La, seiz pov têx tuz nxeik hluôk shux xênhz cơưv tas ntơưr zok nriêr tsi tâu hâux lưv uô, lar heik jok 8 tsênhv zos qơư tsôngv box Quỳnh Nhai yeik txar lok nhoz yiêz chiê zuôr qơư uô tsêr meir tênhv tênhz, ntâu lênhx tsênhv tsi yuô tâu muôx txux chi tsưr ziv uô nox thiêz zok nriêr tsi tâu hâux lưv uô truôx, viv li txơưv cơưv tas ntơưr Trung cấp Quân y I, taz sik đros thiêz tsưr ziv xar paz têx lênhx nênhs txov nhêv muôx hâux lưv uô truôx, Vân quyết tinhv sơưr hu zâuv yênhx lix hợp tác xã ciês ntơưv zuk qơư nhoz, zuôr bê zos hợp tác xã kôngz nuv 26/3:

“Thâuv têx pox niêv cxaz chuôz uô lax luôv mak njiz ntâu phiv liv đuô pir li têx txir nênhx, ntơư zos pox niêv tsi yuô muôx six hơưv lok lês uô têx hâux lưv co viv iz chas têx no pox niêv tsênhv zuôr lês uô têx nuv hâur vax hâur tsêr.....Hok tưz cxaz chuôz uô lax luôv mak zuk zos iz lênhx pox niêv hluôk, qir têk uô têx hâux lưv co mak tsi yuô tâu muôx tsưr ziv uô; tiv 2 zos pênhr chiê uô lax luôv, zuk tsi muôx viv tsi muôx pênhr bax tsês”.

Uô thơưx sêiz car hợp tác xã, Phạm Diệu Vân thâuv tưs tưz sir jos zok nriêr, cơưv shâuv luôs lưv tuk têx tsưr ziv, hâux lưv uô jông chiê hợp tác xã qir uô têx hâux lưv mê jux juk txos trâu têx nuv lox, Vân đros 7 lênhx hâur hợp tác xã, zos têx tuz nxeik tsênhv lok six hluôk, tưz cơưv tas ntơưr Đại học cao đẳng, taz sik thor tsi tâu hâux lưv uô tưz muk kêr txeik pênhr nhiêx têz qơưk, têx fôngx zưs iz lênhs iz kro mê njik, yưv pênhr krêz uô nzir têx liêx têz chos jâuz, tâuv thiêz têx chuôz zênhx uz no phưx vưv uô jâuz li: Meir lêix têz, meir zưs đêx, yêz lox thâux hax huv..... Txos nhiv no hợp tác xã muôx 7,5 ha ar têz tsênhv uô jâuz; chos 30 ntâu zav jâuz tâuv cxuô zav; phênhv ntâu zos têx nôngz jâuz tâuv tsơưr lươngv siêz thiêz chos, uô tsi trơưk cheix txix tsưr ziv tu lok six jông, tâu muôs hâur têx qơư muôs huv ntơưv TP Sơn La thiêz iz cxiê ciêz đrôngs lox li: Quảng Ninh, Thái Bình, Đà Lạt...., xav hur si iz shông sâu tâu iz tỷ đeiv ntâu. Iz chas ntơư, Hợp tác xã tsênhv tsi so moz siêz, paz têx lênhx nênhs muôx luz nênhx txov nhêv lok sik têx shux xênhz nhiv kruôr tơưv tsêr cơưv tsi ntêr zok nriêr tsi tâu hâux lưv uô, txix buôk ti đros zuk uô  hâux lưv ciês ntơưv têx vax jâuz, nhiêx hli tsơưs tsơưs 3,5 tsov iz hlik, đhâu ntơư tso siêz huôv tsar uô kinh tế, truôx tuk luz nênhx, Hoàng Thị Đông, zos lox tôngv ntơưv hợp tác xã kôngz nuv njuôz 26/3 no heik:

“Thâuv nhiv kruôr tơưv tsêr cơưv, zok nriêr tsi tâu hâux lưv uô truôx mak cur tưz tuôx uô hâux lưv hâur hợp tác xã kôngz nuv njuôz 26/3 no. Đhâu iz ntuk uô hâux lưv mak cur pov no zos qơư uô hâux lưv huv đros zuk. Cur txâuk siêz trâu zuk hâux lưv uô thiêz cur zuôr đros uô ntêr zav nuv no”.

Đhâu sir jos khưr uô nuv ntơưv vax jâuz, tror lok tsêr, Vân thâuv tưs tưz zos lênhx niêv, pox niêv siêz jông, thâuv tưs cux tâu tuk txir thiêz 2 tuk nhuôv moz siêz paz, tôngv zênhx txos, Vân heik, no zos iz kro jông, zos qơư khov trâu cur thâuv têx luz six hơưv zuk gênhs, njiz phiv liv:

“Shông 2018, pâuz hâux lưv zuôr lok six ntâu, taz sil zuk zos pox niêv, mak tsênhv muôx chuôz zis, mê tuz mê nhuôv viv li shông 2018 zuk zuôr sir jos trâu hâux lưv uô nox uô hâuk, uô lax luôv thiêz cux taz por tâu trâu luz nênhx, tsês six hơưv trâu zuk chuôz zis thiêz”.

Car xar, car uô, lênhx pox niêv “bôv đôiv” hluôk Phạm Diệu Vân tưz uô tâu  trơưl tsưr ziv, siêz xar, ntơư zos: “Txơưx xar tơưv têx tsưr ziv uô jông, truôx siêz uô tiêr cxuô luôs hâux lưv tso tơưv; zos iz lênhx pox niêv moz siêz txoz cxơưx trâu chuôz zis muôx luz nênhx truôx njês./.

(Hoàng Long-Riê Lâux cxeik, nhênhv)