Phêv thaov 90 shông khav tênhv thiêz phuôx huiz hluôk nênhs Việt Nam li pưs txux hâur tsêr cơưv xar hôiv chuv nghiêr

   Têx ziv chênhv ntươv phêv thaov khav tênhv: 90 shông đhâu, Đoanx hluôk nênhs Cộng sản Hồ Chí Minh tưz kriê yênhx ntâu cxênhx cán bộ hâur têx six cxiv, gôngr phênhv jông trâu hâux lưv cxiv tsa thiêz por vêv Têz qơưk. Tsưr tsix Đoanx cux tưz cxiv tsa iz tsêr cơưv tsênhv tsênhz kriê cxaz lok cơưx mênhv, zaoz zux shưz xar, paz hluôk nênhs yênhx têx đoàn viên jông thiêz heik kriê lok hâur Đangv. Co zos têx tsênhv tsênhz tso pov Đoanx hluôk nênhs Cộng sản Hồ Chí Minh tưz khav tênhv tâu thiêz phuôx huiz pưs txux “zos hluôk nênhs li tsêr cơưv xã hội chuv nghiêr”. Heik txos Hồ Chí Minh li siêz xar lok hluôk nênhs thiêz cxiv tsa tsưr tsix Đoàn, Giáo sư, Tiến sĩ Hoàng Chí Bảo xar li no:

          “Đros tsưr tsix đoanx hluôk nênhs Hloz Hôx muôx ntâu luk kruôz kriê tsiv grê. Hloz heik tiêk tsi nyei tsi muôx lênhx nênhs, tsi nyei tsi muôx hâux lưv uô zos txơưx tsưr tsix uô jông, txơưx chêx chôngk lưx lươngv cov jông, txơưx zaoz zux mak zuôr muôx txâuk lênhx nênhs muôx pênhr xưv, txux chi, muôx shưz xar jông hâur têx hluôk nênhs. Xar li ntơưv, tsuv tsov cuv heik mênhx txos hluôk nênhs li shưz xar, tsưr ziv xar tơưv thiêz nhiv no Trung ương Đoanx cxôngx ntâu shông no tưz muôx tsưr ziv lox zos cxiv tsa cxix luôk tsiv grê hluôk nênhs. Cur xar no zos hâux lưv zuôr trâus”.

          Iz cxiê ziv chênhv cux xar tiêk, tsưr tsix Đoanx hluôk nênhs tưz paz hluôk nênhs phuôx huiz pưs txux uô ntêx nyuôk hâur têx vênhv thix KTXH; tsưr tsix têx phongz yaox, têx cxiv vênhv tôngv thiêz têx huôx tôngv ndar txos qơư tsov txos zos sik côngv siêz chêx chôngk zaoz zux hluôk nênhs, paz hluôk nênhs cơưv shâuv… Taz sik, têx zoz qơưx tso tơưv hâur ntu cxơưz ties công nghiệp hóa, hlôngr yiêz thiêz sik côngv ntiêx têz, tsưr tsix Đoanx tsuv tsi so hlôngr yiêz njiêz luv thiêz tsưr ziv huôx tôngv chiê uô jông txơưx jênhv “hluôk nênhs li tsêr cơưv XHCN”; cxiv tsa cxênhx hluôk nênhs muôx txâuk pênhr xưv, txux chi, tsưr ziv xar tơưv chiê tror uô jông Đảng thiêz mênhx cxưx li hâux lưv cơưx mênhv. Pheiz kênh lok phongz yaox hluôk nênhs yungz phongz hâur ntu tsav txênhz, zơưv Vũ Trọng Kim, Chủ tịch Hội hluôk nênhs yungz phongz Việt Nam thâuv ntêx xar li no:

          “Hloz Hôx thâuv ntêx heik: tsuv tôngv vênhx hluôk nênhs yungz phongz, jênhv pâuz lok hluôk nênhs yungz phongz tsi zos muk đhâu trôngz đhâu har mak hluôk nênhs yungz phongz tsuv muôx chinhz yênhx uô ntêx nyuôk, chiê muôx siêz xar tơưv yiêz, gôngr côngv lok hâur hâux lưv hlôngr yiêz thiêx zos kror coar tsôngv. Viv li cur thix ziv, pêz tsuv muôx phongz yaox tas nro, hluôk nênhs tsuv uô ntêx nyuôk sâuv cxuô côngz xưv. Tsuv muôx têx taz viv têz qơưk choz hâux lưv trâu hluôk nênhs txưv zênhv. Têx lênhx hluôk nênhs tsuv tso tơưv tsưr ziv uô tiêr jông cxuô jênhv vưv tâu choz”.

          Khav tênhv Đoanx hluôk nênhs cộng sản HCM li têx gôngr côngv hâur 90 shông đhâu hâur hâux lưv paz phuôx huiz hluôk nênhs Việt Nam, Tsar Ban tuyên giáo TW Nguyễn Trọng Nghĩa heik mênhx: Trung ương Đoanx hluôk nênhs Cộng sản HCM tsuv thôngz sâu ziv chênhv, nhênhz chơưv, thox cxov cán bộ đoàn thiêz muôx tsưr ziv krêz uô huôx tôngv huv đros yênhx tiv phaz, taz viv hâur ntu zuôr txos:

          “Iz hâur têx njiêz luv tsênhv hâur Đảng li chox kriê nhoz Đại hội 13 zos uô li chas pêz cxơưz cxiz lênhx nênhs Việt Nam li siêz nhiêv têz nhiêv qơư, cxơưz tiês hlôngr yiêz têz qơưk hâur ntu yiêz, mak uô ntêx pêz tsuv zos cxênhx hluôk nênhs, têz qơưk li cxênhx nênhs tov kaz no chiê huôv tsar têz qơưk”./.

(VOV1-Txâur Vax cxeik nhênhv)