Jax sâu thưr 6, hnuz 15/4/2016:

Tuz lênhv biên phôngx Lai Châu zos qơư trâu px nhoz ntus đriv njênhs njôngr

          Chẻo Diếu Phù, hêir nênhs Cho nhoz jos Tả Phùng, xã Vàng Ma Chải, huyện Phong Thổ, zơưv Phù ziv chuôz zis tus tưs cux hâuk zax zênhz, uô trâu ziv chuôz zis vax tsêr puôk tsuôx tas. Txix iz lênhx gruôs khưr txâuk nox txâuk hnar, muôx luz nênhx tsâu sor. Taz sik, đhâu ntâu shông, muôx zênhk zax zênhz, cxuô chuôz zênhx chuôz tav hâur ziv chuôz zis cux tsik yuôr zav tưs tsiv grê hlo, luz nênhx txov nhêv njuôr. Zơưv Phù thav tiêk: Đhâu 10 ntâu shông hâuk zax zênhz, txox siêr tưz zuôr tu, taz sik hmôngr jông ho muôx tuz lênhv biên phôngx ntơưv qơư paz max chox muk chiv zênhk zax zênhz. Đhâu iz luz hli chiv zênhk zax zênhz trâu zênhx biên phôngx tror lok tsêr ho tâu hau nov ntơưv qơư thiêz têx nênhs cxênhz jê yax kriê tiêk: Tsuv tso zax zênhz tsês tsik hâuk, chiê tror cxiv kho luz nênhx cov truôx tuk tsâu sor. Txix ntơư, zơưv Phù tưz truôx siêz bo chiv tâu zênhk zax zênhz thiêz  truôx siêz bo đros pox niêv mê nhuôv khưr huôv tsar uô kôngz lôngk, tu zus tsiêx cxu; chênhr zos li hêik ntơư, nhiv no zơưv Phù thiêx muôx luz nênhx tsau sor.

           “Xar txos hâur ntu đrav ntêx muôx zênhk zax zênhz mak qiv siêz hênhr; hâur jos lênhx tưs cux nzuz zuk. Nhiv no mak txơưr đuô hâur ntu đrav ntêx; tsuôk pâuz khưr huôv tsar cêr uô nox. Cur muôx luk uô tsâus ndo tuz lênhv biên phôngx yar ntux”.

          Xã Vàng Ma Chải, huyện Phong Thổ-phênhv ntâu zos hêir nênhs Cho sik chos huôv tsar cêr uô nênhx nhoz; hâur ntu đrav ntêx cux zos iz thax tsav qơư muôx chôngz chor nênhs hâuk zax zênhz, zuôr muôs zax zênhz muk lok đhâu ntus đriv hâur thax tsav tỉnh Lai Châu.

          Zơưv Phàn Chỉn Màn, phó chủ tịch uỷ ban xã Vàng Ma Chải hêik pâuz: nhiv no xã  tsênhv yuôr 74 lênhx nênhs muôx zênhk zax zênhz; txơưv shông  tưs xã cux tso tơưv chêi trâu chor nênhs muôx zênhk zax zênhz, muk chiv zênhk zênhz. Taz sik, chiv tas cux tror hâuk, uô tsik tâu trơưk tsưr ziv xar. Đros ntơư, ho tâu tuz lênhv zênhx biên phôngx Vàng Ma Chải paz max đros chiv zênhk zax zênhz trâu chor nênhs muôx zênhk zênhz thiêz paz nôngz kôngz, zuz tsoz chos, tsiêx, trâu chor ziv chuôz zis muôx nênhs hâuk zax zênhz-huôv tsar tu zus.

           “Tuz lênhv zênhx biên phôngx thiêz hâu nov ntơưv qơư cux sêiz car njôngr chor nênhs muôx zênhk zax zênhz thiêz fuô yax kriê cxuô ziv chuôz zis sđ hlôngr yiêz tsưr ziv huôv tsar cêr uô nox, tsêz chos kôngz lôngk, tu zus tsiêx cxu….chiê txo grêk tsơưs chor ziv chuôz zis yêiz pluôs. Ntơư zos iz luôs hâux lưv tuz lênhx zênhx biên phôngx thiêz hâu nov ntơưv qơư uô muôx liv lox trâu tsôngv px sđ luz nênhx”.

Trơưk li thôngz sâu, hâur thax tsav tỉnh Lai Châu muôx 23 xã nhoz ntus đriv, nhiv no muôx 1.600 lênhx muôx zênhk zax zênhz. Xav txix shông 2011 txos trâu nhiv no, tuz lênhv cxuô zênhx biên phôngx hâur thax tsav tưz chiv zênhk zax zênhz trau 600 lênhx, chor tso tâu zax zênhz tsês tsik hâuk zos 50%.

Trung tá Bùi Văn Mạnh, thơưx sêiz car zênhx biên phôngx  Vàng Ma Chải, huyện Phong Thổ hêik pâuz: Luôs hâux lưv uô ntêx hlo, zos fuô yax kriê chor nênhs muôx zênhk zax zênhz, tsuv muk chiv zênhz zênhz thiêz cxiv tsa ziv chuôz zis tsik muôx zax zênhz.

 “Uô ntêx tsuv cxươx txos tsôngv px, cov px muôx luz nênhx tsâu sor, muôx txâuk nox txâuk hnar thiêz tso cưk yuôx muk sêiz shuôk njuôk moz trâu px hâur yênhx hnuz; yax kriê tsôngv px sđ uô nênhx zos đrêiv Đảng têz qơưs têx chêi kriê đros trâu tsưx phưv truôx an ninh jêx jos”.

Chênhr zos muôx tuz lênhv zênhx biên phôngx nhoz thax tsav ntus đriv tỉnh Lai Châu uô tâu truôx luôs hâux lưv yax kriê chor nênhs muôx zênhk zax zênhz muk chiv zênhk zênhz thiêz yax kriê tsôngv px sđ hlôngr yiêz tsưr ziv huôv tsar cêr uô nox, muôx luz nênhx tsâu sor./.

                                                   (Tsu cxêik, nhênhv-An Kiên)

Phênhv thưr 6, hnuz 15/4/2016

Phênhv tsênhv chei têz qơưs

6. Nuk: Đại biểu hôiv đôngx vax huôv, hâux lưv tâu cui tinhv li chas?

Têz: Đại biểu hôiv đôngx muôx vax huôv cxaz chuôz dự cxix cxuô têx jiês cơưv HĐND, tâu đros seiz lax thiêz thôngz đhâu têx hâux lưv zos HĐND hâux lưv, vax huôv. Đại biểu HĐND cxaz chuôz dự cơưv tsi tâu mak tsuv heik  trâu Chủ tịch HĐND pâuz uô ntêx seiz zos viv li chas cơưv tsi tâu. Zos lênhx đại biểu tưs tsi cxaz chuôz cơưv iz jiês hlo hâur têx jiês cơưv tsi so hâur iz shông mak tsi pâuz tsênhz mênhx shor viv l chas, thường trực HĐND tsuv heik trâu HĐND pâuz chiê tso tsês zuôr lênhx nênhs no uô đại biểu HĐND.

Đại biểu hôiv đôngx tsuv hux jos truôx đros cử tri ntơưv thax tsav qơư bo xeir zuk, taz cử tri seiz kaz, muôx vax huôv sâu jênhv thiêz heik cử tri têx luk thix ziv xa trâu têx cấp muôx vax huôv; por hưv cử tri vax huôv thiêz liv zix lơưr chei têz qơưs; uô lơưr jông têx cui tinhv chuôs njiz cử tri thiêz tsơưs tsơưs iz shông heik trâu cử tri pâuz txos zuk thiêz HĐND ntơưv thax tsav zuk uô đại biểu têx nuv uô, têz thiêz xa cử tri têx luk heik, thix ziv txos trâu têx hloz muôx vax huôv.

Đhâu iz jiês cơưv Hộiv đôngx, đại biểu HĐND muôx vax huôv heik trâu cử tri pâuz lok têx hâux lưv, tsênhv njiêz hâur jiês cơưv, fuô kriê thiêz phênhz tsênhz mênhx HĐND têx Nghị quyết trâu cử tri pâz thiêz vênhv tôngv, heik tsôngv box sđ sik đros uô lơưr têx Nghị quyết ntơư.

Đại hộiv đôngx muôx vax huôv lênhk tok tsôngv box lơưr chei têz  qơưs cui tinhv. Thâuv lênhk txeik tsôngv box têx ntâuz ntơưr siz pênhr, luk thix ziv, đại biểu hộiv đôngx muôx  vax huôv qênhz shuôs, zax max xa trâu txos trâu têx lênhx muôx vax huôv đơưk tu thiêz tror heik trâu lênhx nênhs uô ntơưr pênhr, thix ziv ntơư pâuz; heik, sox kaz seiz tâu đơưk tu li chas. Lênhx nênhs muôx vax huôv tsuv heik trâu đại biểu hộiv đôngx pâuz lok hâux lưv đơưk tu tsôngv box têx txuz plâuz, luk heik co hâur six hơưv, hnuz nhôngs trơưk chei têz qơưs. Zos seiz têx ntâuz ntơưr heik sâuv tâu đơưk tu,  uô tsi trơưk chei, đại biểu hộiv đôngx muôx vax huôv chuôs njiz lênhx sơưr thơưx cơ quan, tsưr tsix, taz viv hữu quan chiê pâuz qir tiv viv li chas, heik tror qênhz shuôs, đơưk tu đuô; thâuv zuôr trâus txos, đại biểu HĐND heik lênhx nênhs sơưr thơưx cơ quan, tsưr tsix, taz viv thênhv siêz buôk ti seiz car cơ quan, tsưr tsix, taz viv ntơư đơưk tu.

7 Nuk: Đại biểu Côx hội, đại biểu hôiv đôngx tsuv muôx txâuk têx li chas trơưk chei, cui tinhv?

Têz:

Đại biểu Côx hội, đại biểu hôiv đôngx tsuv muôx txâuk têx li đrav kaz:

-Thôngx iz siêz đros têz qơưs, tsôngv px thiêz Hiến pháp, sir jos cxiv tsa têz qơưs hlôngr yiêz, viv tsôngv px luz nênhx, têz qơưs cêr huôv tsar.

-Muôx txux chi tsưr ziv, zos lênhx tiz nênhs jông, uô tâu nuv, sir jos phax tar nox nhiêx têz qơưs, tsi uô tuôr xuôv, tsi liv zôngv zuk vax huôv, hâux lưv uô têx nuv tsi trơưk chei têz qơưs.

-Muôx txux chi, tsưr ziv, đas jos jông, uô tâu nuv, tâu sđ njenhs njôngr, nhiêv trâus….

-Hux jos truôx đros tsôngv box, mnôngs tsôngv box heik, tâu tsôngv box njênhs njôngr.

-Muôx six hơưv, hnuz nhôngs cxaz chuôz côx hội, HĐND têx hâux lưv./.

( Thanh Thủy-Riê Lâu cxeik, nhênhv)