Yên Bái sir jos xưv lik chor nênhs uô cxâuv hâur phax, tir thêir moz Covid-19

Zơưv Nguyễn Ngọc Trúc, Phưv Chủ tịch Ủy ban thành phố Yên Bái puz pâuz, hâur ntu đhâu, thành phố tưz kriz uô ntâu tsưr ziv yax kriê li: cơưv pêx xênhv, muôz ntơưr sêiz, yax kriê sâuv têx loa nta suôz xar, phường….Tiv zix, lưx lươngv yax kriê txos cxiê qơư tưz zôngv loa nta suôz cxuô nro xor mông lok phax, tar caz moz trâu cxuô txos cêr, yênhx kror qơư. Txos nhiv no, 100% chuôz zis nhoz hành phố cux tưz cir jênhv phax, tar moz Covid-19… Txix nhiv no, thành phố zuôr sir jos xưv bluô truôx chor nênhs  uô cxâuv. Đrâuv chor lưx lươngv ntơưv têx xar, phường, thành phố cux bax lênhx nênhs kriz uô qênhz yuôx tsik so sâuv thax tsav:

“Thành phố tưz yênhx lix oz đôiv, tiv iz zos yax kriê ntơưv têx qơư muk qênhz yuôx, zos pov uô cxâuv mak xưv lik ciês. Chor nênhs no zos lưx lươngv Công an, quân sự, sêiz car ciêz đrôngs thiêz hlôngr njêx muôs Ủy ban thành phố li iz cxiê phongx, ban, muk uô hâux lưv cxuô nro hâur yênhx hnuz, tiv zix zos thâuv muôx chôngz nênhs muk lok li thâuv sơưr nzor, zuôr tsâuk ntux”.

NTơưv Yên Bái txos nhiv no tsik tâu pov muôx nênhs trâus moz Covid-19, 27 lênhx nênhs xav tiêk trâus moz cux tưz tsik moz; tiv zix, zuôr xar 400 lênhx nênhs txix tsêr kho moz Bạch Mai lok đhâu njuôk shuôk cux tsik trâus cik caz moz Sát Cô-vi-2… Đros co, xor mông lok chor nênhs trâus moz thiêz jông moz nhoz Việt Nam nhiv no  tsênhv loz six jông. Tsênhv tsênhz no tsênhv uô trâu iz cxiê lênhx nênhs nhoz thành phố Yên Bái, thiêz têx thị xar, thị trấn tso siêz, tsik uô truôx jông lơưr têx tsưr ziv cêv kuôk xar hôiv li: tror kriz kror trôngx muôs têx hax huv tsik zov chênhr; tsik muôx hâux lưv zov chênhr lok cux tơưv muk đrâuv têx cêr thiêz iz cxiê lênhx nênhs tsik chox đêiv bos kror ndâux…

Chiê uô jông hâux lưv no thiêz uô jôngz côngz xưv phax, tar caz moz Covid-19, tỉnh Yên Bái tưz muôx ntâuz ntơưr hêik chor sở, nganhx thiêz têx tiv phaz, chor doanh nghiệp, taz viv cik txos kho đuô, uô cov truôx jông têx tsưr ziv cêv kuôk xar hôiv sâuv thax tsav. Zơưv Đỗ Đức Duy, Chủ tịch Ủy ban tỉnh Yên Bái puz pâuz:

“Cux tsênhv chiê muôs huv ntơưv têx ciêz zov chênhr chiê pox nhuôs sơưr đơưk zuôr muôs tâux têx hax huv, tsuôk hêik cov pêx xênhv uô truôx jông lơưr cêv kuôk, zos tsik uô jông mak zuôr trâus xưv bluô. Tsênhv tsênhz mak tỉnh Yên  Bái cux tưz yax kriê tsik so, taz sik cux muôx chor nênhs tsik uô trơưk tsênhv uô cxâuv têx chêi mak cux trâus xưv lik truôx. Tỉnh cux chox kriê Sở thôngz mông thiêz yax mông thav đros VNPT thiêz Viettel sâu têx tin nhắn hêik pâuz chor nênhs tsik uô trơưk zuôr trâus xưv bluô thiêz hêik pâuz tsênhz mênhx chor nênhs tưz trâus xưv bluô chiê pox nhuôs sơưr đơưk pâuz”.

Txos nhiv no, thành phố Yên Bái tưz xưv lik 91 lênhx nênhs tsik uô lơưr têx tsưr ziv phax, tar moz Covid-19, đros chor nhiêx xưv bluô muôx yênhx châuv triệu đêiv. Tsuôk hâur hnuz 10/4, 40 ntâu lênhx nênhs nhoz thành phố Yên Bái thiêz huyện Lục Yên cux tưz trâus xưv bluô tiv tsik chox đêiv bos kror ndâux thâuv muk đrâuv cêr. Thành phố Yên Bái cux xưv bluô 5 lênhx nênhs nhoz uô cê chiê muôs hax huv….

Hâux lưv xưv lik truôx chor nênhs uô cxâuv, têx qơư muôs chor hax huv tsik zov chênhr nhoz Yên Bái nhiv no tưz cơư kror trôngx, pêx xênhv tsik nhoz chôngz nênhs uô cê, ntâu ntu cêr hâur tsênhv qơư thành phố, thị xar, thị trấn tưz tsik povmuôx chôngz nênhs muk lok viv sơưr đơưk puôr lênhx nhoz tsêr, tsik tơưv đrâuv jôngr thâuv tsik muôx têx hâux lưv zov chênhr./.

(Tuấn Xuân-Lik Thox cxêik nhênhv)

Bác sỹ nhoz Sơn La xar tơưv uô chuôz zênhx zôngv tơư niêk cov yuôx tơưv chiê nzuôr tês

***

          Hâur têx hnuz tas nro têz qơưk sik côngv tês tir tar moz covid-19, hnuz tưs mul uô hâux lưv, Bác sĩ Nguyễn Xuân Tùng cux pov nênhs moz thiêz cán bộ nhân viên hâur taz viv zôngv tês niêk cov yuôx tơưv lok chiê nzuôr tês.

          Jênhv pov hâux lưv ntâu lênhx nênhs sik đros zôngv tês niêk uô yuôx tơưv lok nzuôr tês li ntơưv mak zuôr zôngx ziv cik moz trâu cxuô lênhx nênhs, viv li tix lâuk tưz xar tơưv tsưr ziv uô chuôz zênhx zôngv tơư niêk uô cov yuôx tơưv lok chiê nzuôr tês.

          Lơưr tix lâuk Tùng, qir thơưx tix lâuk xar txos chuôz zênhx zôngv tơư niêk jông li luz meir xơưk khâuz ndơưk, viv li tưz zôngv car zak zưr uô siv. Taz sik zôngv tâu 2,3 hnuz tiv muôx chôngz lênhx nênhs zôngv viv li zôngv tsi tâu ntêr tưz liêv. Tix lâuk tror xar thiêz zôngv siv chuôz zênhx txơưr chiê uô, co zos têx kuôr hlâu tsi zôngv txos nhoz tsêr kho moz. Đhâu sir zôngv siv, pov muôx chêx cuk đuô:

          “Tsênhz mênhx mak lok jông siêz viv lênhx nênhs sir zôngv pov taz por đuô thâuv cxuô lênhx nênhs tsi txos zôngv tês niêk uô cê iz hưx yuôx nzuôr tês thiêz”.

          Chiê chuôz zênhx no jông seiz đuô, tix lâuk Tùng cui tênhv hlôngr zôngv inox uô. Thâuv chox lok sir zôngv, ntâu qơư pov chuôz zênhx no muôx chêx cuk jông, viv li tưz heik tix lâuk uô cxaz chiê cungz trâu têx qơư zuôr trâus.

          Jông siêz thâuv zuk li xiv huv uô tâu tâu ntâu lênhx nênhs tos jênhv, đrâuv six hơưv uô hâux lưv, lok sik txos kaz ciêz tâu so, bác sỹ Tùng puôr lênhx mul fôngx zưs li qơư uô inox, heik tơưv zuk li siêz xar thiêz sik đros uô tâu xiv huv jông cungz trâu ntâu lênhx nênhs sir zôngv. Zơưv Nguyễn Quốc Tuấn, tsưr qơư inox nhoz TP Sơn La- qơư tix lâuk Tùng uô cxaz ntâu chuôz zênhx zôngv tơư niêk muôz yuôx nzuôr tês pheiz kênh:

          “Cur zos tsưr qơư uô inox ntêr lok no, taz sik cur pov tix lâuk Tùng zos iz lênhx nênhs txơưx njê, zos bác sĩ, taz sik tix lâuk Tùng tsênhv chiv chir hav, txiêr uô têx chuôz zênhx”.

          Cxôngx thâuv sir zôngv chuôz zênhx zôngv tơư niêk muôz yuôx nzuôr tês zos bác sĩ Tùng xar tơưv uô, nênhs moz, nênhs moz li nênhs cxênhz jê cux xưk li cán bộ, y bác sĩ tuôx tsêr kho moz puôr lênhx pov tso siêz đuô, tsi cxơưx trâus cik moz covid-19 thiêz. Zơưv Quàng Văn Phớn nhoz jos Hào, xã Mường Bằng, huyện Mai Sơn (Sơn La)- nênhs moz nhoz tsêr kho moz njưk Sơn La puz pâuz:

          “Thâuv ntêx zôngv tês niêk mak zôngx ziv trâus cik moz cxôngx lênhx nênhs no trâu lênhx nênhs txơưr, nhiv no muôx chuôz zênhx zôngv tơư niêk mak jông đuô, tsi cxơưx trâus cik moz thiêz”.

          Tsêr kho moz njưk Sơn La iz hnuz puôr lênhx tos yênhx puôk jiês lênhx nênhs tuôx seiz njuôs thiêz kho moz. Bác sĩ Tùng li hâux lưv xar tơưv uô chuôz zênhx no txơưv zos iz hâux lưv uô mê, taz sik muôx ziz njiêz lox, gôngr phênhv paz txu gris moz covid-19 siz cik hâur côngv thôngx, tiv zix zos ntơưv têx tsêr kho moz./.

(Đắc Thanh- Txâur Vax cxeik nhênhv)