Viv li chas ntâu dự anr nhoz tỉnh pluôs Lai Châu kênhz uô tiêr?

Hli 12/2013, Công ty Cổ phần khoáng cxax Lai Châu tâu UB tỉnh Lai Châu cungz ntơưr côngz jênhv yưv pênhr khơưz khoáng cxax Đông Pao ntơưv xã Bản Hon, huyện Tam Đường. Lơưr ntơưr côngz jênhv yưv pênhr, qơư khoáng cxax tâu tso chei khơưz đar 385 hecta, hâur co mênhv chêx qơư khoáng cxax tâu Bộ tênhx qơư tso chei zôngv zos 132 hecta ntâu, đros tas nro 1,79 tsov tênhr quặng. Dự án tâu njênhs njôngr thâuv krêz uô zuôr car chêx hâux lưv uô yax six trâu 200 ntâu lênhx nênhs lox tôngv tiv phaz thiêz muôx phênhv sâu trâu tỉnh. Taz sik, zuôr xar 8 shông tâu cungz ntơưr côngz jênhv yưv pênhr, dự án cux tsi tâu krêz uô.

Zơưv Nguyễn Ngọc Lâm, Tsar phongx ký thuật- tổng hợp, Công ty cổ phần khoáng cxax Lai Châu puz pâuz:

“Txos hnuz 13/7/2016 Chính phuv muôx ntâuz ntơưr tso chei tso tsês tsi hux jos đros Nhật Bản thiêz Bộ công thương chox kriê Tập đoàn thênh khoáng cxax Việt Nam nriêr đối tác muôx txâuk pênhr xưv thiêz chênhz zênhv, chiê nriêr zok thiêz tsiv uô khoáng cxax muôx chêx cuk thiêz taz por tênhx qơư. Taz sik cxôngx thâuv co txos nhiv no, têx đối tác hâur têz qơưk tsi muôx công nghệ, tsi muôx tsêr meir tưs tsiv uô khoáng cxax, chiê tax tâu Bộ công thương li têx ploz tsênhr muôs tơưv. Viv li dự án krêz uô tsi tâu”.

Hâur 32 dự án kênhz tâu krêz uô ntơưv Lai Châu, muôx 16 dự án yưv pênhr hâur vênhv thix kôngz, jôngr nuv, muôv muôs, jix vuv thiêz ju lix; 16 dự án zos vênhv thix công nghiệp, cxiv tsa, hâur co phênhv ntâu zos đêx tênhv mê thiêz muôx njik mê. Têx dự án kênhz tâu krêz uô chêx chôngk nhoz têx huyện Tam Đường, Phong Thổ thiêz Mường Tè. Zơưv Phạm Văn Toàn, Tổng giám đốc Công ty sông Đà 702, tsưr yưv pênhr dự án Đêx tênhv Nậm Thi 1, ntơưv huyện Tam Đường heik:

“Qir tiv dự án truz ntêr zos hlôngr yiêz cơ chế chính sách lok pháp lý, muôx lênhx coaz txos njuôs xav niêv pas đêx tênhv Đông Pao. Thâuv ntêx nhoz huyện muôx tsưr ziv huôv tsar lok kôngz nuv thiêz njuôs xav iz luz pas lox, nhoz trơưk pêz tul njưk tar đêx. Viv li uô zênhr shar txos pêz cxôngx shông 2007-2015. Nhiv no tsênhv zos viv Đảng li chủ trương, cêr chei hlôngr ar jôngr. Jôngr nhoz no zos jôngr chos yiêz, cux tsi uô zênhr shar ntâu txos tênhx qơư tiv phaz”.

Zơưv Lê Công Viên, Phưv giám đốc Công ty cổ phần SCI Lai Châu, tsưr yưv pênhr dự án đêx tênhv Nậm Lụm 1 thiêz Nậm Lụm 2 sâuv thax tsav huyện Phong Thổ pheiz kênh:

“Hâur six hơưv uô mak tsôngv box cux muôx têx tir tar tsi chiê công ty uô sâuv ar têz tưz tâu choz. Doanh nghiệp cux tưz muk thav đros yênhx ziv chuôz zis thiêz cux car chêx tâu phênhv tưs. Taz sik tsênhv yuôr iz cxiê ziv chuôz zis muôx têx zoz qơưx tsi huv đros, đros têx mênhv ar nhoz buôk têx tuk đêx teix pâux nzir mak cux lok six lax. Vênhv thix car chêx tsôngv box li têx tsi tâu to tâuz mak cux thix ziv chính quyênx tiv phaz, têx chiz coaz, ban nganhx paz txưv cxaz trâu doanh nghiệp”.

Lơưr zơưv Vương Thế Mẫn, Chủ tịch UB huyện Phong Thổ, tỉnh Lai Châu puz pâuz:

“Pêz tưz yênhx lix têx tuêv côngz xưv chiê seiz car têx phêv liv thiêz tsôngv box li thix ziv, chiê yênhx trus car chêx thiêz uô tsênhz mênhx têx mak tsôngv box uô zos thiêz tsi zos. Tul tsi tsôngv box zos mak tsưr yưv pênhr tsuv tuôv zênhv tsôngv box li zoz qơưx, yuôr tul tsi tsi zos mak truôx siêz heik trâu tsôngv box to tâuz, pâuz lok têz qơưk li chủ trương hâur côngz xưv zaz zâuv yưv pênhr thiêz paz tsưr yưv pênhr krêz uô têx dự án sâuv thax tsav”.

Xav txos tas hli 3/2021, tỉnh Lai Châu muôx zuôr xar 250 dự án tâu UB tỉnh cuiz tênhv yưv pênhr thiêz cungz ntơưr côngz jênhv yưv pênhr, đros tas nro pênhr đăng cir yưv zos 125 cxênhz tỷ đeiv ntâu. Nhiv no muôx 135 dự án tưz chox lok krêz uô, sir zôngv, gôngr phênhv muôz cxaz phênhv sâu sê trâu tiv phaz. Hâur co 114 dự án tsênhv krêz uô mak muôx 32 dự án tsi tâu krêz uô, đros tas nro pênhr yưv zos zuôr xar 7 cxênhz 200 tỷ đeiv.

Zơưv Trần Tiến Dũng, Chủ tịch UB tỉnh Lai Châu puz pâuz: Qơư tsov txos hâur Nghị quyết đại hội đảng bộ tỉnh jiês tiv 14 tso tơưv zos “sir jos chox Lai Châu yênhx tỉnh huôv tsar hâur thax tsav lok shông 2025”.

“ Hlôngr njêx muôk UB tỉnh zuôr uô hâux lưv đros Hiệp hội doanh nghiệp seiz phêv liv ntơưv tus chiê muôx tsưr ziv car chêx. Zos lok chính sách ntơưv tiv phaz mak pêz zuôr chox kriê seiz shuôk thiêz hlôngr yiêz. Yuôr zos têx chính sách co mak muôx lênhx coaz txos têx Chei, Nghị định lok sik Thông tư têx chiz coaz trung ương tso tơưv mak tỉnh zuôr thix ziv thiêz uô hâux lưv đros chiz coaz Trung ương chiê car cheix phêv liv trâu doanh nghiệp”.

Têx dự án krêz uô kênhz nhoz Lai Châu nhiv no phênhv ntâu chêx chôngk lok vênhv thix pâux nzir ar têz thiêz lênhx coaz txos jôngr. Chiê paz têx tsưr yưv pênhr yênhx trus car chêx têx phêv liv, cxơưz tiês hâux lưv krêz uô dự án, nhiv no chính quyênx tiv phaz tưz hox kriê têx huyện, thành phố yênhx lix têx tuêv côngz xưv, zos Chủ tịch Ub uô tuêv tsar; thôngx cxix chox kriê têx sở, nganhx tror seiz car têx quy chế thiêz ntâuz ntơưr cux xưk li uô jông quy chế sik côngv hâur têx sở, nganhx chiê paz jông tiv zix trâu têx doanh nghiệp./.

(Khắc Kiên-Txâur Vax cxeik nhênhv)

Đảng viên paz pêx xênhv hla đhâu cêr pluôs nhoz tox siêz Quảng Nam

Tix lâus Hồ Văn Thước oz niêv txir chuôz zis nhoz xar Trà Mai, huyện tox siêz Nam Trà My, tỉnh Quảng Nam tsênhv hluôk, muôx chôngz mê nhuôv, luz nênhx lok six txov nhêv. Kuôk no 3 shông, tix lâus Thước oz niêv txir tsuôk pâuz khov trâu têx liêx têz thiêz uô jos chiê nriêr nzir nhiêx txiêx txoz cxơưx trâu luz nênhx. Shông tưs muôx ntux yar ntux paz mak chuôz zis muôx nox muôx hnar; zos shông tưs tsik muôx ntux yar, ntux nas paz mak chuôz zis ho njiz trâus cêr yêiz. Shông 2017, tix lâus Thước oz niêv txir tâu đảng viên hâur jok tuôx hêik kriê tsưr ziv uô nox. Tâu txêik pênhr txix Zênhx hangx Tsênhv chêi xar hôiv, tix lâus Thước yưv pênhr chiê tu zus niêv buô, nhux đas, đros trâu chos cuêv fix, chuz chơưr chiê muôs. Nhiv no tix lâus Hồ Văn Thước chuôz zis tưz muôx txâuk nox txâuk hnar:

“Khov muôx cán bộ hâur jok paz mak nhiv no cur tưz muôx luz nênhx truôx tuk đuô. Cur cux tsês iz kror nhiêx chiê pox niêv nhoz tsês tu zus buô, chuz chơưr. Nhiv no mak chuôz zis cux muôx tâu 6, 7 tuk buô chiê muôs. Nhiv no xav mak cux cxơưx tâu nhiêx txiêx thiêz luz nênhx cux truôx tuk lơưv”.

Đros muôx chênhz zênhv hêik thiêz paz trâu chor chuôz zis pluôs, niêv tix Đặng Thị Man, cán bộ xar Trà Leng, huyện Nam Trà My tưz paz trâu 8 ziv chuôz zis hla đhâu cêr pluôs truôx đrênhk. Niêv tix Man puz pâuz, zuk tsik so muk trâu yênhx ziv chuôz zis chiê nriêr pâuz txos lơưr luz nênhx, siêz xar thiêz hêik cov lơưr zok nriêr tsưr ziv huôv tsar cêr uô nox chiê hla đhâu cêr pluôs. Khov trâu yênhx ziv chuôz zis truôx siêz huôv tsar uô nox, niêv tix tưz paz hêik kriê pox nhuôs hlôngr yiêz tsoz chos, tsiêx tu zus cov huv đros. Niêv tix Man cux paz trâu pox nhuôs tsưr ziv uô ntâuz ntơưr chiê kir txêik pênhr nhiêx, huôv tsar uô kinh têr. Niêv tix Đặng Thị Man puz pâuz:

“Cur yax kriê, hêik pox nhuôs, tiv zix zos chuôz zis tưs muôx txâuk nênhs, zos chor gơưv niêv txir hluôk zuôr uô tâu chiê hla đhâu cêr pluôs mak pêz hêik cov lơưr đăngk cir hla đhâu cêr pluôs, tâu buôs ti đros têz qơưk têx tsênhv chêi paz. Pêz paz trâu lơưr tâu txêik pênhr chiê huôv tsar kinh têr li chos cuêv fix lok sik huôv tsar tu zus”.

Tsưr ziv đảng viên paz trâu pêx xênhv hla đhâu cêr pluôs tâu Đảng bộ huyện tox siêz Nam Trà My, tỉnh Quảng Nam kriz uô txix shông 2015. Tsưr ziv uô no tưz thiêz tsênhv paz muôx tâu têx kror jông, paz gra siêz đuô pưk txux, suôz bê trâu chor đảng viên. Iz cơ quan taz viv sâuv thax tsav huyện puôr lênhx phêiz côngz 3 lênhx cán bộ, đảng viên paz trâu iz ziv chuôz zis pluôs. Chor cán bộ, đảng viên no tsik so kruôz kriê, hêik kriê trâu chuôz zis pluôs chiê buôs ti tâu chor pênhr txêik nhiêx liv kik, sir zôngv khoa học kỹ thuật huôv tsar cêr uô nox. Kror zov chênhr zos kruôz kriê xưz tsik zos paz lơưr uô ciês, jux juk uô hlôngr yiêz đuô pêx xênhv li siêz xar thiêz têx tsưr ziv uô. Zơưv Châu Minh Nghĩa, Chủ tịch UBND xar Trà Mai, huyện Nam Trà My, tỉnh Quảng Nam puz pâuz, txix côngz xưv yax kriê, hêik sơưr đơưk, txos nhiv no ntâu ziv chuôz zis tưz hlôngr yiêz đuô jênhv pâuz, iz cxiê chuôz zis tsênhv pâuz muôs hax huv, kinh doanh:

“Tas nro chor nênhs choz jênhv vưv paz trâu pêx xênhv hla đhâu cêr pluôs puôr lênhx zos chor nênhs nhoz jê đros pêx xênhv. Cux  tiêk lơưr tsik tas ntâu six hơưv, nhiêx txiêx muk lok ntâu. Tsuôk zos tiêk lơưr nhoz siz jê thiêz sik paz xưz. Thôngx cxix, tsuv tsik so cơưv chie lơưr hêik pâuz qênhx shênhx chor chuôz zis hla đhâu cêr pluôs”.

Ntu jê lok no, Đảng bộ huyện tox siêz Nam Trà My tưz sir jos uô luôs hâux lưv txo grêk cêr yêiz pluôs. Choz zok hâux lưv trâu yênhx lênhx cán bộ, đảng viên tuôx paz trâu pêx xênhv hla đhâu cêr pluôs truôx đrênhk tưz pov uô tâu ntâu kror jông. Zos pir li shông 2015, chor chuôz zis pluôs nhoz huyện Nam Trà My tsav muôx 71% tas nro chor chuôz zis hâur huyện mak txos nhiv no tưz txo grêk tsuôk yuôr muôx 30% ntâu, xav kror đruôz đraz iz shông txo grêk tsơưs muôx 7% ntâu. Zơưv Trần Duy Dũng, Chủ tịch UBND huyện Nam Trà My, tỉnh Quảng Nam puz pâuz, tsưr ziv phêiz côngz trâu đảng viên paz trâu chor chuôz zis hla đhâu cêr pluôs truôx đrênhk  tưz hêik tơưv txơưx jênhv paz phêiz kênh đros pêx xênhv:

“Tsưr ziv no paz muôx tâu ntâu kror jông viv têx cơ quan, taz viv, cán bộ, công chức tâu choz paz trâu chor chuôz zis pluôs zuôr cxiv tsa tsưr ziv paz huôv tsar uô nox, hâur co muôx tas nro paz trâu lơưr txêik pênhr hâur zênhx hangx tsênhv chêi. Đuô li, ntu đhâu huyện cux muôx Chính phủ chor pênhr nhiêx hâur tsaz yênhx tsưr ziv dự án kriz uô đêz đar tsưr ziv txo grêk cêr yêiz pluôs. Nhiv no, huyện tsênhv kriz uô yênhx châuv dự án li co, paz trâu pêx xênhv hlôngr yiêz đuô luz nênhx, muôx nzir phênhv sâu, hla đhâu cêr pluôs thiêz gra siêz đuô jênhv pâuz lok huôv tsar uô nox”.

Hâur ntâu shông đhâu, tỉnh Quảng Nam kriz uô ntâu luôs hâux lưv, tsênhv chêi paz txo grêk cêr pluôs tâu truôx jông. Lơưr co, ntâu ziv chuôz zis pluôs luz nênhx tưz jux juk hlôngr yiêz. Zơưv Lê Văn Dũng, Phưv Bí thư Thường trực tỉnh ủy Quảng Nam puz pâuz, tỉnh tưz tso tơưv tsênhv chêi cxơưz cxiz hla đhâu cêr pluôs truôx đrênhk, kriz uô luôs hâux lưv paz trâu chuôz zis pluôs thâuv uô ntơưr cir hla đhâu cêr pluôs truôx đrênhk, jux juk txo grêk px têx tsưr ziv siêz xar nhoz tok têz qơưk têx tsênhv chêi paz:

“Tox siêz tsêx trung trâu hâux lưv huôv tsar kinh têr jôngr. Đros trâu huôv tsar kinh têr jôngr zos tsêx trung uô iz cxiê kror hax huv txix kôngz nuv, tiv zix zos tsêx trung trâu kôngz nuv công nghệ siêz chiê huôv tsar kôngz nuv cov cxix xcuô, paz trâu nền kinh têr huôv tsar siêz đuô chiê paz pêx xênhv hla đhâu cêr pluôs truôx đrênhk”./.

(TTMT-Lik Thox cxêik nhênhv)