Faz Bắc hla đhâu jiês cuz sor ntêr tiv zix hâur 27 shông đhâu

          Nhoz jông, thor cox puz pâuz, cox jênhv tênhv li chas lok jiês yar ntux cuz sor ntêr nhoz têx tỉnh Bắc Bộ thiêz têx tỉnh faz Trung, cox muôx ziv chênhv li chas lok jiês cuz sor lix xưv no?

          Jiês yar ntux cuz sor no tsi taz muôx nhoz Bắc Trung Bộ mak tsênhv nhoz Bắc Bộ thiêz têx tỉnh faz Trung cxôngx hnuz 30/5 txos hnuz 31/5 mak pov muôx nhoz tas nro Bắc Bộ, Bắc Trung Bộ. Lơưr pêz li jênhv tênhv txos hnuz 13/6 yuôr nhoz thax tsav Trung bộ mak tsênhv yar ntux ntêr đuô mê njik. No zos jiês yar ntux cuz sor ntêr tiv zix nhoz thax tsav Bắc Bộ thiêz muôx têx sik xưk li têx jiês cuz sor tov ntêx. Đros số laov pêz njuôs tâu cxôngx hnuz 30/5 txos nhiv no mak phênhv ntâu Bắc Bộ yar ntux cuz sor siêz đuô 35 tưv. Pir đros thiêz số laov lix xưv, pêz njuôs tâu zos jiês cuz sor ntêr thiêz cuz tsi so cxôngx nhiv no txos tas hnuz 13 thiêz jiês cuz sor no ntêr 13-14 hnuz. Pir đros số laov lix xưv pêz muôx mak no zos jiês cuz sor ntêr tiv zix cxôngx shông 1993 txos nhiv no nhoz Bắc Bộ, yuôr nhoz thax tsav faz Trung mak jiês cuz sor no tsi zos jiês ntêr tiv zix viv hâur lix xưv muôx têx jiês yar ntux cuz sor ntêr đuô 30 hnuz.

          Jiês yar tux cuz sor no muôx têx txơưr li chas pir đros thiêz têx jiês cuz sor pêz hla đhâu hâur cheix ntux sor shông no, thor cox puz pâuz nzir?

          Jiês yar ntux cuz sor no cuz tiv zix nhoz thax tsav Hòa Bình, thax tsav trung du, thax tsav faz Nam thiêz niêv tiêx đras Bắc Bộ. Tiv zix jiês yar ntux cuz sor no ntêr cxôngx hnuz 30/5 txos nhiv no xiêz 9/6 zos tưz 10 hnuz thiêz zos truz ntêr cxaz txos hnuz 13 mak zos ntêr 13 hnuz.

          Cxôngx nhiv no txos tas cheix ntux sor yuôr hor ntâu jiês yar ntux cuz sor thiêz njuôs xav pok zuôr muôx têx jiês yar ntux cuz sor ntêr li no thiêz, thor cox puz pâuz zov?

          Xưk li pêz pâuz, pêz tsênhv hla đhâu jiês yar ntux cuz sor ntêr viv li têx jiês yar ntux cuz sor tsi coaz tsôngv thiêz mak coaz tsôngv zos yar ntux cuz sor hor ntêr? Chor jiês cuz sor tsi ntâus grê zos cheix ntux sor shông co pok zos cheix ntux sor tiv zix? Iz cheix ntux sor muôx ntâu jiês yar ntux cuz sor tsi zos cheix ntux sor cuz tiv zix. Iz luz hlik mak muôx 1 jiês yar ntux cuz sor ntêr tsênhv riêz nênhs đuô 1 luz hlik muôx 2-3 yar ntux cuz sor. Lơưr pêz li jênhv tênhv mak hâur hli 7 jêx tưv sâuv tas nro têz qơưk chêx chôngk tiv zix zos nhoz thax tsav Bắc Bộ, Trung Bộ jêx tưv siêz đuô chungz fênhx 1-2 tưv pir đros ntâu shông. Yuôr thax tsav Tây Nguyên, Nam Bộ mak nhiv no tưz txos cheix ntux lok nas njuôs xav thax tsav Tây Nguyên, Nam Bộ zuôr tsi muôx yar ntux cuz sor thiêz. Pêz njuôs xav hli 7 mak tsênhv yuôr têx jiês yar ntux cuz sor nhoz thax tsav Bắc Bộ thiêz Trung Bộ./.

          Thor uô cox tsâus ntâu!

(VOV1-Txâur Vax cxeik nhênhv)