Nênhs Cần Thơ li têx hâux lưv siêz jông hâur jiês moz huôv xênhz

          Huôx tôngv cxôngx hnuz 31/11/2020, đros mênhv chêx đar muôx nhos 100 yiv ndis, qơư uô mor siêz jông Yên Vui, nhoz số 73, Võ Văn Kiệt, Phường An Hòa, quận Ninh Kiều, TP Cần Thơ zos qơư paz pluôk nox trâu nênhs lox tôngv pluôs thiêz shux xênhz txov nhêv lok têx hnuz thứ 2,4,6 yênhx ciêz. No zos iz hâur têx qơư uô mor siêz jông zos Cuiv siêz jông Bông Sen yênhx lix, phưx vưv 1 cxênhz suất nox mor chay thiêz 2 cxênhz đeiv iz suất mor kaz njêr. Txơưv grê iz pluôs nox tsi siêz taz sik cux muôx txâuk cxix cxuô têx tsơưr pưr thiêz lênhx nênhs li têx siêz jông.

          “6 six sơưr nzor cur tưz tuôx ntơưv no, thâuv tưs uô tas cxuô hâux lưv cur thiêx muk tsêr. Cur cxaz chuôz thiêz cxuô lênhx nênhs muôx mor nox cur txơưv jông siêz lơưv. Zos tsi tâu nox chêx chôngk mak muôs gra muk tsêr nox. Cur xar tiêk têx lênhx nênhs siêz jông zuôr paz max trâu qơư uô mor chiê muôx cxaz nhiêx txiêx uô têx hnuz thứ 3,5,7 thiêz, viv nhiv no tsuôk nhiv kruôr uô lok têx hnuz thưr 2,4,6 xưz”.

          Hâur têx hnuz khưr uô hâux lưv mak têx pluôk mor xaz zênhz zuôr paz tâu lơưr phênhv tưs. Tuôr teik mor đros grê zos 2 cxênhz đeiv, tix lâuk Phan Văn Hoài, uô công nhân nhoz quận Ninh Kiều pheiz kênh:

          “Zos nênhs uô lox tôngv uô tâu hnuz tưs mak muôx nox hnuz co, tsi muôx chiê cxênhx tês, viv li cur thiêx tuôx ntơưv no viv tâu iz lênhx fôngx zưs heik kriê. Mor ntơưv no kaz, cux jông siêz viv muôx qơư uô mor nox no krêz ntơưv no, cur thiêx cxênhx tsês tâu 18 cxênhz đeiv”.

          Hâur têx hnuz sik côngv tês phax tar moz covid-19, đrâuv têx qơư uô hâux lưv siêz jông tưz muôx, muôx nhos 1 ciêz tror lok no, nhoz têx quận, huyện sâuv thax tsav Cần Thơ tưz pov muôx cxaz ntâu qơư uô mor nox siêz jông li: qơư An Nhàn nhoz cêr Trần Việt Châu; qơư uô mor 5 cxênhz đeiv nhoz số 17 Hải Thượng Lãn Ông....Têx qơư uô mor no huôx tôngv đros thiêz tsưr qơư uô mor li tas nro têx siêz jông, xar paz max, pheiz kênh đros tsôngv box. Pos Lưu Thị Liên, hnuz tưs cux muôs vé số chiê cxơưx trâu tul txir tsi muôx pênhr xưv uô lox tôngv, ntiêr tsêr nhoz ntơưv quận Bình Thủy puz pâuz:

          “Nhiv no hnuz tưs cux nox mor ntơưv no. Mor nox kaz, muôx greix, muôx tâuv, cuô jâuz cxix cxuô. Huôx tôngv no cux paz ntâu lênhx nênhs txov nhêv thiêz thâuv tâu jênhv mor nox lok sik six jông siêz”.

          Moz Covid-19 huôv xênhz uô têx lênhx nênhs pluôs luz nênhx ziv txov nhêv đuô. Hâur têx cêr phêv liv co, ntâu huôx tôngv tsênhv tsênhz thiêz muôx ziz njiêz nhoz Cần Thơ tâu krêz uô, uô trâu cxuô lênhx nênhs ziv jênhv pov tâu têx siêz jông, sik paz max hâur luz nênhx. Đhâu co, iz lênhx nênhs zuôr ziv sir jos đuô thiêz truôx siêz tsi chiê lênhx tưs trâus tso tsês trâu tov kaz hâur ntu phêv liv tiv moz Covid-19 huôv xênhz li nhiv no./.

(VOVĐBSCL-Txâur Vax cxeik nhênhv)

Chuôz zis mênhx cxưx Hmôngz txơưx uô kinh têr

Tsôngv pox nhuôs sơưr đơưk hmor yuô! Chuôz zis tix lâus Lý Seo Phù, mênhx cxưx Hmôngz nhoz jok Giang Nam-xar Thanh Thủy-huyện Vị Xuyên, tỉnh Hà Giang, têx shông đhâu zos iz ziv chuôz zis uô ntêx hlo hâur huôv tsar kinh têr ziv chuôz zis. Tix lâus chuôz zis tưz kir txêik pênhr nhiêx chiê kriz uô ntâu tsưr ziv uô nox, txix co paz trâu chuôz zis muôx phênhv sâu truôx, luz nênhx hlôngr yiêz ntâu. chiê pâuz tsênhz đuô tix lâus Lý Seo Phù chuôz zis li têx tsưr ziv uô nox zos li chak, zâuv sơưr đơưk đros mnôngs jax sâu đrav kaz:

(Hlôngr suôz): Cux xưk li ntâu ziv chuôz zis txơưr đuô nhoz ntơưv thax tsav qơư, xênhz zus thiêz hloz lox ntơưv thax tsav qơư nhoz ntus đriv tsênhv yuôr ntâu txov nhêv viv li tix lâus chuôz zis tsik so trâus yêiz paz thâuv chêix kôngz lôngk tsik tâu siêr. Tsik chưx yêiz pluôs, tix lâus Phù tsik so xar tsuv uô li chak chiê paz trâu chuôz zis muôx nzir phênhv sâu ciês sâuv zuk têx ar têz ntơưv qơư nhoz. Txos hâur shôngk shông 2017, tix lâus tưz sêiz lax đros chuôz zis thiêz kir txêik 75 triệu đêiv nhiêx liv kik hâur zênhx hangx tsênhv chêi xar hôiv huyện. Muôx pênhr, tix lâus zôngv zuôr 3 tuk me nhuôv nhux đas tas 50 triệu đêiv, tsênhv yuôr mak tix lâus zôngv chiê uô tsêr guôx, chos 0,5 héc ta tâux uô jâuz nox trâu tu zus thiêz zuôr 1 tuk mâuv buô lok zus chiê uô nôngz. Đhâu xar muôx 1 shông sir jos tu zus, tix lâus tưz muôs 3 tuk nhux đas sâu tâu 110 triệu đêiv. Pov tu zus nhux đas sâu tâu liv ntâu viv li tix lâus tror yưv pênhr zuôr nzir 4 tuk nhux, iz tuk tưv nôngz lok zus; thôngx cxix, kriz đar thax tsav tu zus chor mâuv buô, buô muôs grêix thiêz tu zus kêiz.

Nhạc cắt

Kaz shông 2018, khov chor nhiêx sâu tâu txix tsưr ziv tu zus tôngv hợp, tix lâus tưz tsik zos thêv tas chor nhiêx txêik hâur zênhx hangx mak tsênhv paz sâu tâu liv muôx 200 triệu đêiv ntâu. Đsor co, sir zôngv chor đêx ntưk lok đhâu je ntơưv vax tsêr, tix lâus tưz ntiêr nênhs khơưz 2.500 ntâu thiêr ndis pak njêl chiê zus têx njêl li: Njêl nox jâuz, rô phi, pok nêiz, mè hoa…chiê paz cov muôx tâu ntâu zav njêl zus hâur pak đêx. Tix lâus Phù puz pâuz: chiê huôv tsar tâu tsưr ziv uô nox no mak tsuv tsik so cơưv shâuv tsưr ziv tu zus trâu yênhx zav tsiêx cxu txix têx tsưr ziv luôs tưz uô tâu nox muôx sâuv thax tsav qơư. Nênhs tu zus cux tsuv tsik so cơưv shâuv têx tsưr ziv kỹ thuật yiêz thiêz tsưr ziv phax tar caz moz trâu chor tsiêx cxu, kêiz ol thôngz đhâu chor jiês kruôz kriê đhâu têx chuôz zênhx thôngz xor mông (li pov chir, đeix, ti vi…). Đuô li, chiê chor tsiêx cxu hloz lox sêi thiez tsik trâus cik têx zav caz moz mak chor tsêr guôx tu zus tsuv hur si thiêz lax nziês trâu chêix ntus sor thiêz tsik yâu chuô trâu chêix ntux no… Njuôk xav txix shông 2019 txos nhiv no, yênhx shông tix lâus Phù chuôz zis li phênhv sâu txix muôs nhux, tưv tâu muôx 150 triệu đêiv ntâu; nhiêx muôs buô thiêz kêiz tâu xar muôx 120 triệu đêiv; muôs njêl tâu xar muôx 100 triệu đêiv. Đhâu thâuv xav tas cxuô kror yưv pênhr uô, tix lâus chuôz zis tsênhv sâu tâu liv muôx nhos 200 triệu đêiv.

Nhạc cắt

Đrâuv huôv tsar uô tsưr ziv tu zus tôngv hợp paz muôx tâu phênhv sâu siêz, tix lâus tsênhv chos xar muôx 1 héc ta poz cưk thiêz 0,5 héc ta ntâu blêx iz chiv chiê paz muôx nzir kôngz krâur trâu chuôz zis sir zôngv cux xưk li paz muôx tâu zav nox trâu tu zus chor tsiêx cxu. Tix lâus Lý Seo Phù ziv chuôz zis zos iz chuôz zis uô ntêx hlo lok txơưx uô nox, huôv tsar kinh têr ziv chuôz zis chiê hla đhâu cêr pluôs, sir jos uô bluô nux khov têx tsưr ziv uô nox tổng hợp huôv tsar tu zus thiêz chos kôngz lôngk chiê trâu sơưr đơưk cơưv shâuv thiêz uô trơưk.

Nhạc cắt

(Hlôngr suôz): Phênhv “Nôngx mênhx zuôr tsuv pâuz” hnuz no tsuôk xâuk li no zưz. Phênhv no zos Đaix TNVN nhoz thax tsav faz Bắc kriz uô đros muôx Tsênhv qơư cxơưz cxiz uô kông Têz qơưk đros paz uô./.

(Lik Thox cxêik nhênhv+lưu-in đĩa)