Yên Bái: Muôx chôngz lênhx nênhs zok nriêr

khơưz poz jêz tsiv grê chiê muôs

Trơưk li tsôngv box xã Liễu Đô, xor mông hêik pâuz tiêk: tưz muôx lênhx nênhs khơưz tâu luz poz jêz tsiv grê muôs tâu 5 tỷ đeiv nhiêx, tâu sđ heik chuôs tsi txos kaz hli 6. Đhâu ntơư tsi ntêr, tsôngv box sđ, chuôz zis tưs cux siz zâuv đrông ntưk tuôx muk khơưz zok nriêr zav poz jêz tsiv grê heik co.  Tsi tiêk zos tsôngv box ntơưv qơư, mak têx lênhx nhoz chor xã iz ndis, têx huyện jê, tỉnh siz buôk chiêv cux siz zâuv chôngz lênhx, ntâu tuk tuôx trâu thax tsav qơư txir lưk pax,  jok Chính Quan, xã Liễu Đô chiê khơưz zok nriêr zav poz jêz co. Taz sik tsi pov muôx zav poz jêz tsiv grik tưs hlo, tsuôk pov yênhx pơưs ar, têx poz jêz lox, zos blav tơư ntos, tsiv pov kaz zuôr uô li chas. Tsi tas li tsênhv khơưz têx luz kror toz, yênhx pơưs ar ntơưv têx khik jêz thiêz, zos poz jêz tu, ntos lok mal shor lênhx nênhs zuôr uô li chas. Tix lâus Nông Văn Luân, nhoz xã Yên Thắng heik pâuz:

“Pov cxuô lênhx sđ muk khơưz zok cux tâu, taz sik pêz muk tâu 2, 3 hnuz cux tsi pov zav poz jêz tsiv grê tưs hlo. Txix hnuz tuôx txos nhiv no tưz tâu 2 hnuz lơưv, taz sik cux khơưz tsi tâu đaz tsi hlo. Pov lơưr khơưz têx luz kror toz, zos tiêk ar, poz jêz xưz poz lok mal cux riêz nênhs cơưk”.

Pos Lý Thị Trúc, nhoz xã Tân Lập, 50 ntâu shông cux đros luôs ndê trôngz ndê har tuôx muk trâu thax tsav qơư heik sâuv trâu tas cik hnuz xiêz 8/7. Pos Trúc heik pâuz, iz shông tsuôk uô tâu iz chiv liêx xưz, luz nênhx lok six txov nhêv, viv li thâuv pov tsôngv box sđ siz zâuv đrông ntưk tuôx muk, pos cux trơưk lơưr tuôx, viv hnor tiêk pêv trôngz muôx ntâu têx poz jêz tsiv grik, pos tuôx đros luôs khơưz zok nriêr seiz pok tâu, taz sik tsi tâu đaz tsi:

“Hnuz no nhiv kruôr hnuz xuz thơưx, hmôngr tsi jông hlo. Hnor lơưr  hêik tiêk pêv no muôx ntâu zav huv jông, cur thiêx đros lơưr tuôx zok nriêr siv seiz hmôngr pok jông, pok nriêr tâu têx li lơưr heik co tiês. Tuôx no mak canr bôv tsi khênhr khơưz zok, uô ruôr hiêv jôngr. Hnuz no tưz li no mak cur zuôr tsi tuôx lơưv, tso tsês tsi tuôx hlo”.

Zơưv Bùi Văn Thịnh, Chủ tịch Ủy ban huyện Lục Yên heik pâuz, txix thâuv tsôngv box sđ siz zâuv đrông ntưk tuôx thax tsav qơư no, huyện tưz yênhx lix tổ côngz xưv lênhx ngênhx yax kriê, heik tsôngv box, tir thêir tsi khênhr khơưz zok nriêr têx poz jêz li lơưr heik co tsi trơưk chei ntơưv xã Liễu Đô. Tổ côngz xưv tưz fuô kriê yênhx lix 2 qơư seiz jor, thêir cêr ntơưv thị trấn Yên Thế thiêz iz qơư nhoz xã Liễu Đô chiê tir thêir tsi khênhr tsôngv box sđ muk pêv trôngz khơưz ar, zok nriêr khơưz zav poz jêz sđ khênhr heik txos ntơư tsi trơưk chei, iz chas ntơư tso lưv lươngv muk qênhz shuôs thax tsav co chiê heik tsôngv box sđ tror lok tsêr. Huyện cux txưr têx lênhx canr bôv, đảng viên, công chức, viên chức, nênhs lox tôngv tsi cxoz đros uô têx nuv tsi trơưk chei li heik sâuv, xưv bluô ntov jông têx canr bôv, công chức, , nênhs lox tôngv hâur zuk taz viv, qơư uô hâux lưv zos tiêk uô cxâuv. Lok sâuv qir tiv muôx têx li heik co, zơưv Bùi Văn Thịnh jênhv tinhv:

“Lục Yên zos huyện muôx têx poz jêz tsiv grê, taz sik têx poz jêz co muôx nhoz cxuô nro trâu ntâu thax tsav qơư. Txơưv luz six hơưv, hnuz nhôngs tưs lok tsôngv box cux muôx têx pov kênh luz poz jêz  tsiv grê chiê muôs tâu 2, 3 puôk lok sik 2, 3 tsov đeiv. Iz, oz lênhx zok nriêr, pov tâu têx luz poz jêz txêix jông ntơư, iz tul heik đhâu iz tul, iz lênhx heik yax mê njik, đhâu ntơư ntâu lênhx xar cov muôx luz nênhx bluô nux, njiz tâu hmôngr jông, co zos kror tiv iz. Tiv 2 zos têx thâuv, muôx kênh lênhx nênhs lơưr zuôr muôs têx poz jêz tsiv grê co tsi trơưk chei liv zôngv têx li no chiê uô trâu sđ njênhs”./.

(Tuấn, Xuân-Riê Lâux cxeik, nhênhv)

Heik kriê lok Tsaz yênhx têz qơưk li qơư tsov txos lok

txu gris cêr pluôk truôx vênhs ntu 2016-2020

          Nus: Tsaz yênhx têz qơưk li qơư tsov txos lok txu gris cêr pluôs truôx vênhs ntu 2016-2020 tso tơưv têx luôk hâux lưv tưs tsuv tax tâu txos shông 2020?

          Têz: Tsaz yênhx têz qơưk li qơư tsov txos lok txu gris cêr pluôs truôx vênhs ntu 2016-2020 tso tơưv têx luôk hâux lưv tsuv tax tâu txos shông 2020 li no:

          - Sir jos 50% chor huyện pluôk hla đhâu huyện txov nhêv tiv zix lơưr Nghị quyết số 30a/2008/NQ-CP; 30% chor xã txov nhêv txov nhêv tiv ziv nhoz thax tsav ntus đêx hiêr, poz hiêr hla đhâu xã txov nhêv tiv zix; 20-30% chor xã, jêx jos txov nhêv tiv zix thax tsav mênhx cxưx tsơưs nênhs hla đhâu chor xã, jêx jos txov nhêv tiv zix.

          - Yưv pênhr cxiv tsa cxuô zav phưx vưv huôv tsar uô kôngz lôngk, uô nox uô hâuk sâuv thax tsav têx xã, jêx jos nhoz tsaz yênhx njuôs xav qơư tsôngv box nhoz thiêz tsiv uô kôngz lôngk, taz por phưx vưv muôx chêx cuk tsôngv box li luz nênhx thiêz huôv tsar uô kôngz lôngk.

          - Ziv chuôz zis cxaz chuôz dự án paz txưv huôv tsar uô xênhz yar li phênhv sâu, muôx ntâu tsưr ziv uô nox uô hâuk thiêz krêz đar trâur nuv txu gris cêr pluôs ndê 20%-25% iz shông; fênhx pheiz iz shông muôx tsơưs tiv zix 15% ziv chuôz zis cxaz chuôz dự án hla đhâu cêr pluôs.

          - Paz txưv thox cxov hâux lưv uô thiêz zaoz zux trâu muôx nhos 20 cxênhz nênhs lox tôngv zos ziv chuôz zis pluôs, chuôz zis zuôr xar pluôs, chuôz zis nênhs mênhx cxưx tsơưs nênhs, hâur co cxôngx 60%-70% lox tôngv tâu muk uô hâux lưv saz đrâuv têz qơưk.

          - 100% cán bộ uô côngz xưv txu gris cêr pluôs cấp xa, tsar jos tâu kriê cxaz yênhx tưv, pênhr xưv lok coar lik, tsưr tsix uô têx tsaz yênhx, chính sách, dự án txu gris cêr pluôs; muôx tsưr ziv uô, cxiv tsa tsưr ziv huôv tsar côngv thôngx.

          - 100% cán bộ cấp xã uô côngz xưv thôngz xor mông tâu thox cxov muôz siêz pênhr xưv, nghiệp vụ thôngz xor mông; 50% têx xã pluôs muôx qơư thôngz xor mông, yax mông; muôx 100 huyện thiêz muôx nhos 600 xã tâu bax têx chuôz zênhx thôngz xor mông; muôx tsơưs tiv zix 20 qơư thôngz xor mông ntơưv têx thax tsav ntus đriv, trôngx đriv, tsênhv qơư muôv muôs.

          - 90% têx ziv chuôz zis nhoz thax tsav huyện pluôs, xã pluôs tâu pâuz txos Đảng, têz qơưk li chính sách, cêr chei; chênhz zênhv tsiv uô xênhz yar kôngz nuv; qênhx shênhx huôv tsar kinh têr xã hội hâur têz qơưk thôngz đhâu ntơưr pov tsir, têx chuôz zênhx thôngz xor mông txơưr; paz txưv meir mnôngs- seiz trâu muôx nhos 10 cxênhz ziv chuôz zis pluôs nhoz uô nênhx nhoz têx poz hiêr, chuôz zis pluôs zos têx mênhx cxưx lok six tsơưs nênhs; ziv chuôz zis pluôs nhoz ntơưv têx xã txov nhêv tiv zix./.

                                   (Bích Thủy- Txâur Vax cxeik nhênhv)