Hluôk nênhs yungz phongz thâuv ntêx jông nhoz cêr yuôv Cò Nòi

          “Txơưv tros châuz li yêz za chuôs tsi sâuv iz nta ntux, hluôk nênhs yungz phongx cux uô lơưr tsưr ziv zos ciêr chênhr krêz cêr, uô li chas chiê taz por tsâus ntux yêz thiêz bộ đội, dân công muk tâu đhâu”.

          83 shông hnuz nhôngs, zơưv Thái Hữu Hoành, zos iz lênhx hluôk nênhs yungz phongz thâuv ntêx đros uô hâux lưv kriz cêr trâu cêr yuôv Cò Nòi đros pêz thav. Zơưv ndo njôngr txos ntu tsav txênhz zov chênhr zơưv cux zưk li lưx lươngv yungz phongz phưx vưv trâu jiês tsav txênhz Điện Biên Phuv thâuv ntêx.

          Hâur cxiv tsav txênhz Điện Biên Phuv, cêr yuôv Cò Nòi zos qơư txuôk niêv cêr 41 (nhiv no zos niêv cêr 6) thiêz niêv cêr 13 (nhiv no zos niêv cêr 37). Tas nro cxuô huôx tôngv paz txưv lưx lươngv, thâux vưv qiv, kôngz krâur muk Điện Biên Phuv puôr lênhx muk đhâu ntu cêr yuôv no. Chênhr viv li mak tros châuz Pháp chêx chôngk ntâus zov chênhr ntơưv cêr yuôv Cò Nòi chiê pêz muk tsi tâu đhâu. Tsi nyei tsuôv tav, bông tơưs, cxuô lênhx hluôk nênhs nhoz têx đại đội 300, 301, 303, 403 hâur co muôx zơưv Thái Hữu Hoành uô jênhv vưv ntơưv cêr yuôv Cò Nòi truôx siêz krêz thôngz cêr, phưx vưv bộ đội, tsôngv box paz trâu qơư tsav txênhz Điện Biên Phuv. 100 lênhx hluôk nênhs yungz phongz tưz tâu tas siv nênhx chiê por vêv cêr yuôv. Lơưr zơưv Hoành: zov chênhr tiv zix zos têx hnuz tov kaz hnuz 13/3/1954, thâuv krêz jiês tsav txênhz lix xưv Điện Biên Phuv, 10 phênhz tros châuz ho tso bôngk iz jiês, muôx têx hnuz ntơưv cêr yuôv Cò Nòi muôx yênhx puôk luz bôngk cxuô zav:“Zov chênhr tiv zix zos đhâu hnuz 13, hnuz tưs cux leiv tsuôv tav, muôx têx hnuz cê tso bôngk cê tuô fov. Riêz nênhs tiv zix zos lơưr tso bôngk tơưs lơưv, iz paz tov kaz tror tso bôngk tsi tâu tơưs, tso pôngz lol toz muôx nhos 5-10 yiv”.

          3 shông hluôk nênhs yungz phongz, 29 shông uô bộ đội, đros uô ntâu zav hâux lưv txơưr, zơưv tưz cxaz chuôz 6 chiến dịch đros 100 ntâu jiês tsav txênhz por vêv têz qơưk, giải phóng mênhx cxưx Lào. Truôx siêz hla đhâu cxuô phêv liv hâur têx jiês tsav txênhz, nhiv no hâur zơưv kuz nênhx fênhx yax zơưv cux tror phuôx huiz chinhz yênhx lênhx bộ đội zơưv côngz Hôx, Phưx vưv hâur quân đội txos shông 1987 thiêx so lâus, zơưv Thái Hữu Hoành truôx siêz yênhx lix doanh nghiệp tư nhân Duy Liêm uô hâux lưv cxiv tsa. Hâur ntâu shông đhâu, thâuv njiz trâus têx phêv liv, doanh nghiệp cux tror huôv tsar jông, taz por tsơưr lươngv côngz tsinhx, uô jông hâux lưv khiêz nhiêx sê trâu têz qơưk, muôz hâux lưv uô trâu yênhx puôk nênhs lox tôngv nhoz tiv phaz, tâu kruôk zos doanh nghiệp- doanh nhân jông 3 thax tsav lok shông 2014. Lơưr zơưv Hoành: Uô jông tsưr ziv “tsi nyei lax, tsi nyei khưr, tsi tso tsês, truôx siêz uô jông côngz tsinhx” mak txơưv yênhx côngz:“Zơưv xar nhiv no tsi muôx tsưr ziv tưs đrâuv chox zuk li đas jos chiê xar tơưv hâux lưv uô, paz mê nhuôs muôx hâux lưv uô muôx tâu phênhv sâu, taz por luz nênhx chuôz zis”.

          Đros siêz xar tsênhv muôx đas jos tsênhv gôngr côngv, zơưv tưz cxaz chuôz uô ntâu hâux lưv nhoz ntơưv qơư, zos Bí thư Chi bộ, Phưv bí thư thường trực Đảng ủy phường, phưv Chủ tịch Hội hluôk nênhs yungz phongz thâuv ntêx tỉnh Sơn La, tov kaz no zos tsar Ban mặt trận, Chủ tịch Hội nênhs muôx hnuz nhôngs siêz nhoz tuêv jênh phố....Uô hâux lưv tul tsi zơưv Hoành cux truôx siêz uô, viv tas nro cxuô lênhx nênhs, viv tsôngv box. Uô li chas chiê phường truôx vênhs, tuêv jênh phố sik côngv siêz-vênhx huôv, chor ziv chuôz zis pluôs txu grês thiêz têx tiv nanv xã hội tâu txu grês. Zơưv Chu Mạnh Hùng, tuêv tsar tuêv jênh phố 11, phường Quyết Thắng heik:“Zơưv Hoành zos iz hâur têx lênhx nênhs phuôx huiz jông cêr chax chês cơưx mênhv, lênhx bộ đội zơưv Hloz Hôx, hluôk nênhs yungz phongz  thâuv ntêx, zơưv zos iz lênhx nênhs muôx shưz xar cơưx mênhv jông. Pox nhuôs, tuz nhuôs, đảng viên hâur thax tsav qơư lênhx tưs cux seiz zơưv tsiv grê zơưv têx cêr uô nênhx jông”

          Đảng, têz qơưk tưz khơưk muôz ntâu huân, huy chương tsiv grê trâu zơưv Thái Hữu Hoành; tiv phaz, têx nganhx cux khơưk muôz ntâu ntơưr kruôk. ZƠưv cux tâu kruôk zos tsôngv box jông nhoz tỉnh Sơn La, muôx côngz jông sâuv tas nro têz qơưk.

          Yuôr zơưv, tror lok cxôngx têx cxiv tsav txênhz zov chênhr, lok six ntâu huôx tôngv jông zơưv thiêz têx đồng đội tưz tâu uô chiê paz têx chuôz zis hluôk nênhs yungz phongz cêr yuôv Cò Nòi tsênhv muôx luz nênhx txov nhêv, sir jos đuô hâur luz nênhx./.

(T.Lan-B.Thủy-Txâur Vax cxeik nhênhv)

TSOZ PHƯZ ĐAS JOS TRÂU NÊNHS LÂUL

Grê 12. Njuôk, kho moz

1. Hâux lưv njuôk, kho moz trâu nênhs lâul tâu uô li đrav kaz:

a) Nênhs txix txưv 80 shông tror sâur tâu tsov cưv txos chiê njuôk shuôk moz uô ntêx chor nênhs moz txơưr, yưx chor nênhs tsuv tâu chơưv paz, nhuôs zâu tsik tâu muôx 6 shông, nênhs trâus sêv khiz hnhar;

b) Bax têx txax pư cov huv đros thâuv chơưv kho nhoz hâur tsêr kho moz.

2. Chor tsêr kho moz, yưx tsêr kho moz trâu nhuôs zâu, muôx txơưx jênhv li đrav kaz:

a) Tsưr tsix khoa chơưv kho moz nênhs lâul lok sik tsês iz cxiê luz txax chiê chơưv kho trâu nênhs moz zos chor nênhs lâul;

b) Paz khưx phưx đas jos trâu nênhs moz zos nênhs lâul đhâu chor jiês chơưv kho moz ntơưv tsêr kho moz thiêz kruôz kriê tror chơưv kho, tsoz phưz đas jos ntơưv vax tsêr;

c) Uô uô cê têx tsưr ziv chơưv kho y học cổ truyền đros trâu y học yiêz, kruôz kriê têx tsưr ziv chơưv kho moz tsik zôngv yuôx ntơưv y têr tiv phaz đros nênhs moz zos nênhs lâul.

3. Têz qơưk cxơưz cxiz têx tsưr tsix, tiz nênhs paz njuôk, kho moz tsik zuôr nhiêx txiêx trâu nênhs lâul.

Nhạc cắt

Grê 13. Tsoz phưz đas jos xuz thơưx ntơưv zuk qơư nhoz

1. Trạm y têr xar, phường, thị trấn muôx txơưx jênhv đrav kaz:

a) Kriz uô têx tsưr ziv yax kriê, hêik pâuz txux chi lok tsoz phưz đas jos; kruôz kriê trâu nênhs lâul tsưr ziv phax, tar moz, kho moz thiêz chiv chir tsoz phưz đas jos trâu zuk;

b) Uô ntâuz ntơưr chiê sêiz shuôk đas jos trâu nênhs lâul;

c) Njuôk, kho moz huv đros hâux lưv uô chơưv kho moz trâu nênhs lâul;

d) Sik côngv đros qơư njuôk, kho moz thênhv siêz tsưr tsix njuôk shuôk đas jos tsik so trâu nênhs lâul.

2. Trạm y têr xar, phường, thị trấn tso cán bộ y têr tuôx njuôk, kho moz ntơưv qơư nhoz trâu nênhs lâul tsik muôx nênhs tu zus trâus moz hnhar zuôr tuôx njuôk shuôk thiêz kho tsik tâu moz ntơưv têx qơư njuôk, kho moz. Ủy ban xar, phường, thị trấn muôx txơưx jênhv paz chox nênhs moz lơưr cui tênhv ntơưv khoản no muk qơư njuôk, kho moz trơưk trạm y têr xar, phường, thị trấn li nghị định.

3. Têz qơưk cxơưz cxiz tsưr tsix, tiz nênhs njuôk, kho moz trâu nênhs lâul ntơưv têx qơư nhoz.

4. Nhiêx txiêx chiê uô lơưr têx cui tênhv ntơưv điểm a, b thiêz d khoản 1 thiêz khoản 2 Grê no zos nhiêx txiêx têz qơưk taz por uô./.

Bích Thủy BT-Lik Thox cxêik nhênhv)