Đắc Lắc: Shux xênhz heir nênhs tsơưs sir jos hla đhâu têx phiv liv hâur cêr cơưv ntơưr

Ziv chuôz zis muôx cêr txov nhêv, cơưv tas ntơưr lớp 12, Nông Thanh Hùng, heir nênhs Tày, xênhz shông 1990 tưz tso ntơưr tsês, tror lok tsêr chiê paz niêv txir huôv tsar uô kôngz lôngk. Zuôr xar 5 shông uô đhâu cxuô luôs hâux lưv, txix uô jos, uô công nhân xơưs tsôngk trik yo, txiêr plâuz hâu, khưr tsêz chos kôngz lôngk…., Hùng xar, txơưv li chas tsuv tâu tror muk cơưv thiêx zuôr muôx luz nênhx truôx tuk, paz tâu chuôz zis hla đhâu têx cêr txov, yeiz pluôs. Đros trâu têx tsưr ziv, siêz xar li ntơư, Hùng tưz thik tâu muk cơưv trâu Khoa côngz xưv XH, tsêr cơưv Cao đẳng Sư phạm Đắc Lắc. Iz chas muk cơưv ntơưr hâur tsêr cơưv, Hùng tsênhv huôk njôngr six hơưv têx thâuv so ntơưr chiê muk uô jos, muôx nzir nhiêx txiêx sir zôngv nox nhoz muk lok. Đros têx sir jos li co, 2 shông siz lơưr liês Hùng tâu côngz jênhv zos shux xênhz cơưv coz, tâu bâux uô bí thư chi đoanx thiêz zos tsêr cơưv Cao đẳng Đắc Lắc li lênhx Đội trưởng Đội uô tâu hâux lưv jông.

Tsi tiêk zos lênhx shux xênhz uô ntêx nyuôs hâur cxuô luôs hâux lưv hâur tsêr cơưv, ntơưv qơư, Hùng cux zos iz lênhx nênhs uô ntêx nyuôs hâur xã Ea Kly, huyện Krông Pắc hâux lưv đoanx hluôk nênhs thiêz phôngz yaox têx tuz nxeik hluôk nhuôs zâu. Shông 2011, Hùng hmôngr jông tâu xeir nhoz hâur Đảng thâuv nhiv kruôr muôx 21 shông. Nông Thanh Hùng heik: “Thâuv tsênhv cơưv hâur tsêr cơưv mak zuk cux xar, uô li chas chiê uô tiêr tâu jông têx luôs hâux lưv đoanx hluôk nênhs hâur tsêr cơưv cux li chi bộ thiêz sđ zok muôz. Lok ntơưv qơư mak cux xar tiêk, têx tsưr ziv, tuk tsi zuk cơưv tâu hâur tsêr cơưv, zuk zuôr uô lơưr hâur phôngz yaox đoanx ntơưv thax tsav qơư nhoz”.

Yuôr đros thiêz H Phi La Niê (heir nênhs Ê Đê, shux xênhz Khoa Y dược, tsêr cơưv Đại Tây Nguyên), tsưr ziv thiêz siêz xar njôngr cov yênhx iz lênhx cưk yuôx; txix têx tsưr ziv siêz xar ntơư, tưz cxươz cxiz  H Phi La Niê sir jos cơưv chiê uô tâu trơưk zuk tsưr ziv, siêz xar. Xênhz txơưv hâur iz ziv chuôz zis, txir zos công nhân cao su, niêv uô cưk yuôx hâur qơư y tế xã, hur si 3 lênhx nuk muôs, cưr tix, vir ndâuk puôr lênhx tsênhv muk cơưv ntơưr, viv li txix thâuv tsênhv zâu H Phi La tưz cơưv shâuv uô têx nuv thiêz thâuv tưs tưz sir jos hâur cêr cơưv txux chi. H Phi La heik, pâuz tâu hâux lưv zuk xeir tsov ntơư lok six zov chênhr, viv cik txos lênhx tiz nênhs txox siê thiêz đas jos; chênhr li co thâuv tưs zuk tưz sir jos chiê cơưv tâu têx txux chi, tsưr ziv jông cov tov kaz no paz chơưv kho moz trâu têx lênhx nênhs moz. Iz chas ntơư, H Phi La tsênhv cxaz chuôz têx hâux lưv đoanx, hội zos khoa tsưr tsix….Khov li co hâur 2 shông cơưv nhiv kruôr đhâu, H Phi La puôr lênhx tâu shux xênhz cơưv coz, zos iz lênhx shux xênhz uô ntêx nyuôs hâur lớp cơưv ntơưv tsêr cơưv Đại học Tây Nguyên. H Phi La Niê heik: “Txix thâuv tsênhv cơưv ntơưr cấp 3, cur tưz xar njôngr cov tov kaz no yênhx iz lênhx cưk yuôx chiê chơưv kho moz trâu tsôngv box sđ, cur xar gra tas zuk têx txux chi, tsưr ziv zuk cơưv tâu lok paz jêx jok cux li paz têx lênhx tsôngv box muôx luz nênhx txov nhêv. Iz chas ntơư, tsi tiêk thâuv tưs cux zos cơưv ntơưr xưz, tsi moz siêz uô têx nuv uz no, tsi đros cxaz uô têx hâux lưv đoanx, hội. Kror tưs zuk cux sir jos uô cov tiêr tâu jông”.

Nông Thanh Hùng thiêz H Phi La Niê tsuôk zos 2 hâur 3 cxênhz ntâu lênhx shux xênhz heir nênhs tsơưs hâur tỉnh Đắc Lắc tsênhv cơưv ntơưr ntơưv têx tsêr cơưv Đại học, Cao đẳng hâur hur si thôngz têz qơưs. Shông nhiv kruôr đhâu, tas nro tỉnh muôx 115 lênhx shux xênhz zos shux xênhz cơưv coz. Tsi tiêk cơưv tâu ntơưr jông mak ntâu lênhx shux xênhz tsênhv sir jos đros uô têx hâux lưv đoanx, hội hâur cxuô cấp, sik đros paz đas jos, tsưr ziv huôv tsar uô tiêr cxuô luôs hâux lưv. Tix lâus Y Nhuân Byă, Bí thư Tỉnh đoanx Đắc Lắc heik pâuz, đros têx tsưr ziv, hâux lưv uô zos uô ntêx nyuôs hâur sik thôngx siêz, chêx tsôngk hluôk nênhs, six hơưv đhâu đoanx hluôk nênhs thiêz Hội liên hiệp hluôk nênhs tỉnh Đắc Lắc cux muôx ntâu hâux lưv paz têx hluôk nênhs, shux xênhz heir nênhs tsơưs chiê lơưr tso siêz cơưv ntơưr thiêz sir jos hla đhâu têx phiv liv hâur luz nênhx: “Têx shông đhâu, đros thiêz pưs txux, zuk hâux lưv uô, đoanx hluôk nênhs cộng sản HCM tưz paz tsưr ziv trâu hâu nov tỉnh chiê đros moz siêz txos têx shux xênhz heir nênhs tsơưs. Tiv iz zos kêr txeik pênhr nhiêx shux xênhz chiê muk cơưv ntơưr , tiv 2 zos niêx shông njiz têx shux xênhz thiêz tôngv zênhx shux xênhz chiê lơưr sir jos hâur cêr cơưv txux. Tiv 3 zos Ban thường vụ tỉnh đoanx cux muôz têx học bổng paz trâu chor shux xênhz muôx luz nênhx txov nhêv chiê tso siêz cơưv cov tiêr ntơưr”.

Txix zuk têx sir jos, hâu nov thiêz đoanx thể cêr moz siêz txos, ntâu lênhx shux xênhz heir nênhs tsơưs nhoz Đắc Lắc tsênhv sir jos hla đhâu têx phiv liv chiê cơưv tâu ntơưr trơưk tsưr ziv thiêz siêz xar. Đhâu ntơư, paz muôx tâu têx lênhx hluôk muôx txux chi, tsưr ziv jông, sir jos đros paz cxơưz cxiz huôv tsar kinh tế-XH ntơưv qơư cov ziv hnuz ziv uô tâu truôx./.

Tsôngv box Hmôngz xã Mản Thần li lênhx Thạc sỹ

Xênhz zus thiêz hloz lox hâur iz ziv chuôz zis pluôs muôx 6 lênhx cưr tix nuk muôs, niêv txir puôr lênhx tsik pâuz ntơưr, muôx 10 shông, Zax Seo Châu thiêx tâu muk cơưv ntơưr. Viv li, Châu tsik so sir jos cơưv ntơưr chiê tov kaz no tâu paz zuk li iz phênhv đas jos cxiv tsa jok Mản Thẩn hla đhâu yêiz pluôs. Đhâu thâuv cơưv tiêr ntơưr lớp 12, lênhx shux xênhz Hmôngz no jênhv tâu oz đêiv ntơưr muk cơưv Đai học kôngz nuv 1 (nhiv no zos học viện kôngz nuv Việt Nam) thiêz Đại học sư phạm Hà Nội 2 thiêz cuêz tênhv cơưv ntơưv tsêr cơưv Đại học kôngz nuv 1; thâuv ntơư tsik muôx txâuk nhiêx txiêx sir zôngv hâur tsêr cơưv thiêz hâur shông cơưv tiv iz, shux xênhz Châu tưz tsês ntâu six hơưv muk uô jos ntơưv cxuô qơư uô zuz ntông thiêz qơư uô jâuz mor nox trâu shux xênhz cov muôx txâuk nhiêx txiêx nox nhoz muk lok hâur tsêr cơưv. Hla đhâu ntâu phiv liv Zax Seo Châu sir jos cơưv chiê cơưv cov tiêr, tror lok paz phênhv đros cxiv tsa jêx jos cov ziv hnuz ziv hlôngr yiêz. Shôg 2012, đhâu cơưv tiêr đại học, thâuv co dự án xêir tsov 600 lênhx hluôk nênhs cơưv ntơưr siêz, cơưv tiêr Đại học lok uô phưv chủ tịch UBND xã nhoz 62 huyện pluôs (nhiv no zos 64 huyện pluôs) sâuv thôngz têz qơưk tâu kriz uô, Châu thor đros uô dự án thiêz tâu uô hâux lưv. Tix lâus Zax Seo Châu tror ndo: “Thâuv cur cơưv tiêr cấp 3, cur tưz thik tâu muk cơưv oz luz tsêr cơưv Đại học, taz sik cur txir tsik khênhr cur muk cơưv. Cur txir hêik tiêk “cur tsuôk pov lơưr thâux blêx, poz cưk muk muôs tov ciêz tâu nhiêx xưz, cur tsik tâu pov lênhx tưs muk cơưv tâu nhiêx”. No zos tsôngv box Hmôngz li tsưr ziv xar cxuô thâuv co. Chênhr kror no tưz uô trâu ntâu lênhx fôngx zưs Hmôngz tsik tâu muk cơưv ntơưr, tsuv zuôr pox niêv nzor nhoz tsêr paz niêv txir uô liêx têz. Taz sik cur cux sir jos muk cơưv ntơưr, cơưv tiêr thiêz cxaz chuôz dự án 600 lênhx phưv chủ tịch xã lok zuk tiv phaz”.

Xar njôngr cov muôx txâuk tsưr ziv, txux chi siêz, phưv chủ tịch UBND xã Zax Seo Châu tror cơưv nzir cao học. thâuv co, muk lok sâuv txox cêr txix Lào Cai-Hà Nội tsênhv tsik tâu jông xưk li nhiv no. Txos thâuv zar hnuz kêix thưr 6, pox nhuôs hâur xã ho pov lênhx cán bộ hluôk bax cxuô zav, chêix yêz kruô muk trâu thành phố Lào Cai, chiê chêix yêz hlâu muk cơưv đrav Hà Nội. Nhiêx txiêx cơưv ntơưr tâu tix lâus cxênhx txuôs txix nhiêx hli, nhiêx paz muôx tsik ntâu…Đros ntơư, Zax Seo Châu zos lênhx nênhs xuz thơưx muôz tsoz tam thất lok chos chiê đê sâu pax thiêz kok muôs tâu grê chox lok chos hâur jêx jok, paz pox nhuôs mênhx cxưx tsơưs nênhs huôv tsar kinh tế, gra siêz phênhv sâu thiêz yax kriê px sđ tsưr ziv chos jâuz krưr ntơưv Mản Thẩn chiê muôs. tsưr ziv tu zus buô nôngz tiv phaz nhoz Si Ma Cai huôv tsar jông thiêz tâu kriz uô đêz đar hâur pêx xênhv…tâu ntâu taz viv haur tỉnh tuôx ndis shuôk cơưv shâuv thiêz tâu ntâuk gri siêz. Tix lâus cux hêik trâu cấp ủy, chính quyền tiv phaz uô tâu 18 cêik cêr jêx jok. Nhiv no pêx xênhv hâur xã tưz hêik kriz uô chor cêr bê tông muk trâu têx liêx têz, siz txuôk têx jêx jok chiê muk lok zôngx ziv đuô. Hêik lok cán bộ hluôk, uô tâu hâux lưv jông ntơưv tiv phaz, bí thư tỉnh đoàn Lào Cai Zax Quốc Hưng puz pâuz: “Khav tênhv tiêk hâur Châu li sir jos hâur Dự án 600 lênhx hluôk nênhs mak tsik zos lênhx tưs cux uô tâu li co. txos thâuv dự án tâu uô tiêr mak Châu tâu sơưr đơưk njênhs thiêz nhiêv, tâu Đảng bộ chính quyền xã chiê uô phưv bí thư Đảng ủy, chủ tịch UBND xã”.

Nhiv no, Chủ tịch UBND xã Mản Thẩn, Zax Seo Châu thâuv tưs cux yax kriê tsôngv px hâur thax tsav huôv tsar cêr uô nox thiêz paz trâu chor tuz nhuôs hâur jok tâu muk cơuv ntơưr cxix cxuô. Txos thâuv hâur shôngk shông cơưv yiêz, tix lâus puôr lênhx muk đros kriz shông cơưv yiêz sâuv thax tsav xã, chiê hêik kriê cxuô lênhx shuv xênhz sđ tsuv sir jos cơưv cov tiêr ntơưr, chiê tov kaz tror lok paz cxiv tsa xã Mản Thẩn huôv tsar cêr uô nox, px muôx luz nênhx tsâu sor, truôx tuk đuô ntu đhâu./.