Yên Bái: Tsôngv box pênhr qơư tsiv uô thênh uô vuôz tsuôz kiêk nênhs tênhx qơư

Jok Đào Kiều, xã Thịnh Hưng nhoz iz saz txox cêr lox số 37, kuôk đêz tsênhv qơư huyện Yên Bình 2, 3 cêik. Pos Phạm Thị Liễu nhoz hâur jok tsi jông siêz heik pâuz: Đrav ntêx,  nhoz  thax tsav no kror tưs cux hur si viv muôx ntâu shôngz ntông njuôz. Iz txix thâuv qơư tsiv uô thênh lok nhoz no, tsôngv box luz nênhx xênhz huôx nxor loangv  tas hur si:

“Nhiv no tsư kiêk, tsư nxiêz txix qơư uô thênh mak lok six lax hniê, chor nhuôs  trâus moz ka, moz ntâu zav, muôx kênh lênhx tsuv muk chơưv kho zênhx max trâu tsêr kho moz. Têx hnuz ntux nas, chor đêx kiêk nênhs ntưk lok mal tsư nxiêz cơưk, tưz hniê tsi tâu,  txơưv uô li chas lok cux hnor tsư têx kiêk nênhs vuôz tsuôz co. Pêz heik mak tsuv yeik txar qơư uô thênh   co muk trâu iz kro kror tưs chiê tsôngv box truôx tuk luz nênhx”.

Trơưk li seiz njiê, qơư tsiv uô thênh nhoz hâur đruôz đraz thax tsav qơư tsôngv box nhoz. Thiêz trơưk li tsôngv box mak thax tsav  qơư tsôngv box nhoz no zos vuôk har,  4 faz zos têx trôngz siêz lâus lok thêir, têx pa nqo txix qơư tsiv uô thênh tsi muôx qơư muk viv li chor pa ntơư tror tis za lok trâu tsôngv box têx vax tsêr xưz. Zơưv Đặng Tiến Đạt, nhoz jok Đào Kiều heik pâuz li no:

“Pêz tưz ntâu jiês uô ntơưr trâu lơưr, nhiv no tưz chiê qơư tsiv uô thênh uô hâux lưv lơưv mak têx cơ quan muôx vax huôv tsuv seiz sêz têx pa nqo ntơư li chas, ho chiê doanh nghiệp lok nhoz hâur đruôz đraz jok tsôngv box nhoz li no? Têx cơ quan muôx vax huôv tsuv têz cov nzor trâu pêz pâuz, chiê pêz tsôngv box truôx tuk luz nênhx”.

Đhâu seiz shuôs tâu pâuz, qơư tsiv uô thênh heik sâuv nhoz hâur thax tsav jok Đào Kiều zos pos Lê Thị Thơm uô tsưr,  tưz tâu Phongx nhiêx txiêx, tsưr ziv huyện Yên Bình muôz ntơưr đas cir tso chei uô txix hli 2/2017. Hâur six hơưv uô siv, hnuz 18/6/2017, Sở nhiêx txiêx thiêz tênhx qơư tỉnh Yên Bái qir qênhz yuôx pov têx uô cxâuv, tưz heik qơư tsiv uô thênh co cov tso tsês chiê khưx phưx têx tsi jông. Đhâu ntơư, qơư tsiv uô thênh no tror uô hâux lưv. Pos Lê Thị Thơm, tsưr qơư tsiv uô thênhv heik sâuv heik pâuz:

“Trơưk li cur mak têx pa nqo tsi uô hiêv txos txix tưs. Pêz qơư uô thênh tâu xưv lik ntov jông, tsi tso têx kiêk nênhs vuôz tsuôz li heik sâuv trâu hâur tênhx qơư. Têx nqo yưv sâuv zos pa đêx xưz, tsi zos pa kiêk nênhs vuôz tsuôz. Cux iz zav li zuk ciz poz cưk, ciz tâuv cuôz xênhz têx, nưk tsi muôx đêx”.

Chiê uô tsênhz mênhx đuô lok têx li heik co seiz pok uô kiêk nênhs vuôz tsuôz tênhx qơư lok tsi uô, chor tuz sâu xor xưv VOV tưz muôx jiês uô hâux lưv đros hâu nov huyện Yên Bình, zơưv Nguyễn Văn Trọng-Chủ tịch UB huyện Yên Bình heik li no:

“Ủy ban huyện tưz choz trâu Phongx đêx ar thiêz tênhx qơư muk qênhz shuôs ntơưv qơư. Đhâu qênhz yuôx shuôs mak Phongx đêx ar tênhx qơư tưz muôx ntơưr heik pos Lê Thị Thơm qơư tsiv uô thênh heik sâuv tsuv uô trơưk cui tinhv, xưv lik têx vuôz tsuôz, tsi chiê kiêk nênhs tênhx qơư thiêz têx nuv heik sâuv uô tâu li chas mak xa ntơưr lok heik trâu têx hloz pâuz uô ntêx hnuz 20/9/2017”.

Yuôr trơưk li zơưv Hà Mạnh Cường, Phưv Giám đốc Sở đêx ar thiêz tênhx qơư Yên Bái mak, Sở đêx ar thiêz tênhx qơư Yên Bái cux tưz chox kriê huyện Yên Bình uô luôs hâux lưv qênhz yuôx chiê đơưk uô jông thiêz tsênhz mênhx têx nuv heik sâuv. Zos qơư tsiv uô thênh no uô tâu trơưk têx tsưr ziv lok sâuv tsi uô kiêk nênhs, vuôz tsuôz tênhx qơư mak tror tso lơưr uô hâux lưv, zos uô cxâuv chei, cui tinhv heik ntơư mak Ủy ban huyện Yên Bình zuôr tik cêr cxâuv trơưk chei têz qơưk.

Chiê pâuz tsênhz pos Thơm qơư tsiv uô thênh co uô cxâuv têx chei, cui tinhv lok tênhx qơư lok tsi cxâuv, chor cơ quan seiz car tỉnh Yên Bái cux tsuv tok seiz qênhz yuôx shuôs li chas. Hok tsôngv box jok 7, xã Thịnh Hưng, huyện Yên Bình mak cux tsênhv niêx hnuz nhoz tok njôngr seiz têx hloz muôx luk têz li chas thiêz lar heik đuô zos chor cơ quan muôx vax huôv txix tỉnh txos hâur huyện muôx faz tsưr ziv tưs đơưk uô, tu têx tsôngv box sơưr đơưk tsi jông siêz heik sâuv. Viv qơư uô thênh co tsi tiêk uô hiêv txos tsôngv box nhoz no luz nênhx xênhz huôx mak tsênhv uô hiêv, tuôr thênhv txos xã Thịnh Hưng luôs hâux lưv cxiv tsa jêx jok yiêz hâur shông 2017./.

(Tuấn Xuân-Riê Lâux cxeik, nhênhv)

PHÊNHV TSÊNHV CHEI THIÊZ LUZ NÊNHX

Ntâu tsênhv chei yiêz cxơưz cxiz huôv tsar thax tsav tsôngv box mênhx cxưx tsơưs nênhs

          Thax tsav mênhx cxưx tsơưs nênhs thiêz tox siêz đros 13,4 tsov lênhx nênhs, tsav 14,6% jênh số tas nro têz qơưk, taz sik ho nhoz uô nênhx phênhv ntâu ntơưv têx thax tsav txov nhêv. Hâur co, muôx 8 tsov ntâu lênhx tsôngv box mênhx cxưx tsơưs nênhs nhoz thax tsav ntus đriv, lax mul lol tâu txos, ar têz đar...Thiêz zoz qơưx lok pênhr yưv lok six lox, thâuv pênhr nhiêx tsênhv phêv liv li nhiv no. Txơưv tiêk Chinhr phuv lok six sir jos taz sik ntu 2011-2015, đrâuv Tsaz yênhx 135 muôz pênhr zos 16 cxênhz 726 tỷ đeiv, têx tsênhv chei tsênhv yuôr tâu 7 cxênhz 557 tỷ đeiv/ 14 cxênhz 615 tỷ đeiv ( tsav 51,7%) lơưr đês án tâu thôngz đhâu. “ Txơưv pênhr muôz tsi txâuk, taz sik tsênhz mênhx thax tsav mênhx cxưx tsơưs nênhs thiêz tox siêz tưz muôx têx trus huôv tsar jông”.

          Têx tsênhv chei yiêz.

          Đros thiêz hâux lưv seiz shuôk huv đros qênhx shênhx thiêz sir jos nhênhz chơưv tsưr ziv khưx phưx têx tsi tâu uô tâu, Ủy ban mênhx cxưx tưz heik trâu Chinhr phuv, thủ tướng Chinhr phuv tso tơưv ntâu tsênhv chei mênhx cxưx ntu 2016-2020. “ Tror cxơưz tiês huôv tsar thax tsav tsôngv box mênhx cxưx tsơưs nênhs, Thủ tướng Chinhr phuv tưz tso tơưv ntâu tsênhv chei coaz tsôngv, huv đros qênhx shênhx phêv liv nhiv no. Đros thiêz tsaz yênhx têz qơưk li qơư tsov txos lok cxiv tsa nôngx cxênhz yiêz, Thủ tướng tưz muôx Cuiz tênhv số 1600 hnuz 16/8/2016, heik tsênhz mênhx thâuv muôz pênhr tsuv seiz shuôk tsov cưv thax tsav txov nhêv tiv zix thiêz chuôz ndê 2 txos 4 jiês pir đros têx qơư txơưr; Tsaz yênhx têz qơưk li qơư tsov txos lok txu grês cêr pluôs truôx vênhs, Thủ tướng muôx cuiz tênhv số 1722 hnuz 2/9/2016, thax tsav tsôngv box mênhx cxưx tâu sơưv 2 dự án lok yưv pênhr huôv tsar KTXH têx huyện pluôs 30A; tsaz yênhx 135 đros pênhr yưv zos zuôr xar 35 cxênhz tỷ đeiv”.

          Đrâuv co, chinhr phuv tưz tsov cưv chox kriê tso tơưv cxaz iz cxiê tsênhv chei jông, paz txưv huôv tsar KTXH thax tsav mênhx cxưx tsơưs nênhs, tox siêz ntu 2017-2020 li: Cuiz tênhv số 2085 hnuz 31/10/2016 lok paz txưv ar nhoz, ar uô xênhz yar, đêx xênhz huôx thiêz ngaz tul tsôngv box, puz txeik pênhr tsov cưv; Đề án paz txưv huôv tsar KTXH têx mênhx cxưx tsơưs nênhs ntu 2016-2025, paz txưv trâu 12 mênhx cxưx lok six tsơưs nênhs nhoz 194 jêx jos nhoz 37 huyện nhoz 12 tỉnh, đros tsưr ziv pênhr zos 1.800 tỷ đeiv.

          “ Chiê huôv tsar pênhr jos trâu tov kaz no, Chinhr phuv tso tơưv tsênhv chei paz txưv trâu shux xênhz nhoz tsêr cơưv phôv thôngz, têx xã, jêx jos txov nhêv lơưr Chinhr phuv li Nghị định số 116 hnuz 18/7/2016, đros phênhv paz txưv, đrâuv hâux lưv cungz cxur, nhiêx nox, nhiêx ntiêr qơư nhoz thiêz nhiêx nox trâu 500 cxênhz đeiv iz luz hlik; Nghị định số 52 hnuz 15/6/2016 lok cxơưz tiês huôv tsar lênhx nênhs têx thax tsav mênhx cxưx tsơưs nênhs. No zos Nghị quyết jông lok thox cxov, kriê cxaz, xeir zuôr, sir zôngv, pheiz canr bộ, têx cán bộ mênhx cxưx tsơưs nênhs...uô hlôngr yiêz hâur huôv tsar truôx vênhs thax tsav tsôngv box mênhx cxưx tsơưs nênhs, tox siêz./.

(Thanh Thuỷ- Txâur Vax cxeik nhênhv)