Trôngx vas trâus poz vâu nhoz Lào Cai:

Ndêx trôngx vas tsi muôx xor hlâu pok zos iz hâux lưv tsuv tsov cưv?

          Đhâu nriêr pâuz, tul ndêx trôngx vas tâu cxiv uô lox xar muôx 2 đok, zôngv thưx chiz lok zos vuôs luôx puôz mác 75, xi măng mác 50, saz đrâuv mak zôngv cuô môngr jêz siz qêz trâu tul ndêx.

          Njuôs xav chor nhiêx txiêx uô trôngx vas thiêz puôz vuôk luôx thêir luz tsêr cơưv no tas 72 tsov đeiv, hâur co xav oz tul ndêx trôngx vas thiêz oz đêiv trôngx vas hlâu mak tas nro zos 14 tsov đeiv. Iz đêiv trôngx vas hnhar 80 cir.

          Tsưr yưv pênhr uô zos UB xã Khánh Yên Thượng, taz viv uô zos doanh nghiệp tư nhân H.A, côngz tsinhx tâu uô tiêr hâur kaz shông 2016.

          Têz luk nus lok hâux lưv cxiv uô ndêx trôngx vas tsi muôx xor hlâu hâur tul ndêx pok zos iz hâux lưv tsuv tsov cưv? Zơưv Phí Công Hoan, Chủ tịch UB huyện Văn Bàn puz pâuz, hâux lưv no zos fênhx yax, muôx ntâu nhoz thax tsav tox siêz Lào Cai:

          “Tsưr ziv cxiv uô kuz mak khênhr cxiv uô li no. Thâuv ntêx viv phêv liv, tsêr cơưv nhoz đêz khênhr zôngv chuôz zênhx li ntơưv cxiv uô cov zôngx ziv”.

          Lơưr zơưv Hoan, zos pir đros trôngx vas zôngv bê tông cxiv uô muôx xor hlâu mak truôx đuô, taz sik pênhr nhiêx cxiv uô tas ntâu đuô, đros tiv phaz tsênhv txov nhêv li Văn Bàn, muôx txos 85 tsêr cơưv nhoz đêz mak hâux lưv yưv pênhr uô zos lok six lax. Yuôr ndêx trôngx vas zôngv thưx chiz cxiv uô cux taz por tuôv zênhv zoz qơưx, trôngx vas trâus poz vâu taz por lok sik tsi taz por mak chiz coaz muôx txơưx jênhv zuôr uô tsênhz mênhx. Heik cxuô mak tsi muôx trôngx vas tưs cxiv uô mak tir tâu ntâu lênhx shux xênhz ndê muk uô si li ntơưv:

          “Đhâu hâux lưv no, pêz cux chox kriê ciêr chênhr seiz car tas nro cơ sở cxuô zav nhoz tas nro têx tsêr cơưv sâuv thax tsav huyện, chiê cxôngx co ntâus grê thiêz muôx tsưr ziv khưx phưx taz por”

          Hâux lưv khưx phưx sâuv chinhz yênhx chêx chôngk lok têx hâux lưv njuôs xav tsi taz por, tsi zos lav muôz ruôr por tsês tas chiê cxiv yiêz, viv lơưr zơưv Hoan shông no huyện li pênhr yưv uô lok six tsơưs.

          Tsênhv zos cheix ntux nas, zơưv Hoan cux lok six cxơưx viv tox siêz ar têz nxaz, têx tsêr cơưv khênhr tâu cxiv uô pêv tox siêz, ar nxaz, thâuv muôx ntux nas mak khênhr muôx tox poz. Tsi taz zos trôngx vas mak nja tsêr cux tsi taz por; đrâuv têx hâux lưv co, trôngx vas zos zuôr trâus uô lơưr cui tênhv chiê jênhv pâuz qơư zaoz zux./.

(An Kiên- Txâur Vax cxeik nhênhv)

Lênhx hluôk tuz Hmôngz sâu tâu puô tsov đeiv nhiêx iz shông txix tu zus

keiz đuz grêix

Xênhz zus shông 1993, tix lâus Nzơưs Xênhv Muôk zos iz hâur tsơưs lênhx hluôk nênhs hâur jok tâu muk cơưv tas ntơưr siêz thiêz  tâu muk uô hâux lưv têz qơưk. Txơưv li ntơư, taz sik viv txox hmông, pâuz txos têx lênhx nênhs txơưx huôv tsar uô nox txix tu zus tsiêx cxu, muk uô hâux lưv tâu 3 shông ntâu mak Nzơưs quyết tinhv so hâux lưv, lok cxiv uô qơư tu zus keiz. Xar mak zôngx ziv taz sik, têx hâux lưv uô hâur tsênhv tsênhz phiv liv cơưs.

Txix têx pênhr cxênhx txuôs tâu thiêz kêr iz kro mê njik chor cưr tix nênhx tsa, têx fôngx zưs, shông 2018 Nzơưs muk trâu Tsênhv qơư uô siv thiêz por hưv tu zus tsiêx cxu nhoz Hà Nội zuôr 1.200 tus nôngz keiz đuz grêix lok zus. Txơưv tiêk chuôz zis zos chuôz zis uô liêx têz, thâuv ntêx, cux tu zus keiz taz tsuôk zus 2, 3 tus tâu tuô nox thiêz zôngv hâur luz nênhx niêx hnuz xưz, chênhr viv li, thâuv qir têk tu zus ntâu, tsi tâu muôx tsưr ziv, Nzơưs fâuv keiz xuz thơưx tưz trâul tuôs zuôr xar 50 tus.

Txơưv li heik sâuv taz Nzơưs tsi tso tsês thiêz ho tâu pox niêv mê nhuôv cxơưz paz đas jos, Nzơưs tror qir zok nriêr têx tsưr ziv tu zus keiz đhâu ntơưr pov tsir, ti vi, Internet. Pâuz tsênhz nzir lok zav keiz đuz grêix co li têx zuôr trâul txos, tsưr ziv phax tar moz thiêz tu, jux juk luôs hâux lưv uô no tưz uô tâu trơưk tsưr ziv, siêz xar, fâuv keiz tưs cux hloz lox jông. Thâuv tưz uô tâu yênhx côngz, Nzơưs mul nus têx tuz luôv khênhr zuôr keiz ok muôs, chiê muôx qơư sâu zuôr truôx tuk. Keiz đuz grêix, ho tâu tu zus nưk trâuz zok nưk caz côngx nox thiêz puz poz cưk, blêx cê fênhx zis đuô pir li zuôr têx krâur têz qơưk lok puz, cê taz por nox kaz grêix; chênhr viv li, muôs tâu gri thiêz tâu chor tuz luôv tuôx zok zuôr txos ntâu.

Tix lâus Nzơưs Xênhv Muôk heik pâuz, nhiv no tix lâus qơư tu zus co muôx iz cxênhz ntâu tus keiz đuz grêix tâu zus trơưk li tsưr ziv zus ntâu fâuv, txix chor tsênhv mê txos trâu têx hloz jos luôx ư, jông hu plis thiêz lox jông muôs chiê luz hlik tưs cux muôx keiz muôs trâu luôs lưv tus. Nhiv no, gri muôs têx keiz đuz grêix co zos txix 150-180 cxênhz đeiv iz cir, viv li tu zus ntâu li ntơư tưz gra lok phênhv sâu tâu ntâu trâu chuôz zis. Xav kror đruôz đraz iz shông sâu tâu txix zus keiz cux tâu puô tsov đeiv nhiêx, paz Nzơưs chuôz zis txoz cxơưx tâu trâu luz nênhx niêx hnuz thiêz cxênhx txuôs tâu iz kro mê njik bax trâu hâur vax hâur tsêr.

Nzơưs Xênhv Muôk zos iz hâur yênhx châuv chuôz zis px hâur thax tsav huyện Trạm Tấu tưz uô tâu yênhx côngz tsưr ziv tu zus keiz đuz grêix. Zav keiz đuz grêix nhoz Trạm Tấu zos poz cxa đuz, mê tsơưr, kaz grêix. Lar heik zos đros tsôngv box Hmôngz nhoz Trạm Tấu, keiz đuz grêix tsi tiêk zos zav nox kaz mak cux tsênhv iz zav jông yuôx tsiv grê thiêz./..

Phênhv “Nôngx mênhx zuôr tsuv pâuz” hnuz no tsuôk xâuk li no xưz. Phênhv no zos Đeix TNVN nhoz iz suôv faz Tây Bắc đros Tsênhv qơư cxiz kôngz têz qơưk cxiv sâu./.

Vàng Lan KT-Riê Lâux cxeik, nhênhv