Jax sâu thưr 3, hnuz 15/9/2015

Điện Biên: Đêx anr 79 phênhz qơư trâu tsôngv box nhoz tsênhv uô kênhz

 

 

 

Đêx anr qơư tsov txos tâu Chính phủ thôngz đhâu Quyết tinhv 79 zos: Txos kaz shông 2015, tas nro huyện Mường Nhé muôx zuôr xar 12 cxênhz ziv chuôz zis, xar 6,8 vav lênhx tsôngv box tâu phênhz qơư nhoz ntơưv 210 luz jok, muôx hur si têx jok tưz muôx nhiv no, chor jok nhiv kruôr pheiz thiêz têx jok yiêz. Taz sik txos nhiv no, tas nro huyện Mường Nhé nhiv kruôr muôx zuôr xar 600 ziv chuôz zis tâu phênhz qơư nhoz ntơưv 13 jok, hâur ntơư 480 ziv nhoz 9 jok tâu phênhz qơư nhoz txix têx shông uô ntêx lơưr Chính phủ quyết tinhv 141, nhiv no tâu hlôngr trâu Quyết tinhv 79. Pir li Đêx anr tsưr ziv uô, têx ziv chuôz zis no nhiv kruôr tâu 5%. Nhiv no tas nro huyện tsênhv yuôr zuôr xar 120 ziv tưz uô ntơưr lơưr đêx anr thiêz cxiv tsa tsưr ziv phênhz qơư nhoz, taz sik huyện cux tsênhv tok têx hloz chiê thôngz đhâu. Đêx anr 79 hâux lưv thênhv tok hâu nov thênhv siêz qênhz shuôs, thôngz đhâu têx Dưv anr zos iz hâur têx qir tiv uô kênhz luôs hâux lưv no. Zơưv Lù văn Thanh, Chủ tịch UBND huyện Mường Nhé, tỉnh Điện Biên heik:

Băng: “Têx tsênhv chei hâur six hơưv đhâu cux tưz muôx ntâu hlôngr yiêz li: Luật ar têz, Luật yưv pênhr côngz đas jos uô…. Txơưv li ntơư, têx Bộ, ngênhx têx ntâuz ntơưr kriê khênhr uô kênhz, viv li uô phiv liv trâu têx qơư hâur tsưr tsix fuô uô lơưr”.

Thâuv têx tsưr ziv fuô uô phênhz qơư nhoz ntơưv têx jêx jok tsi tâu thôngz đhâu, cux xưk li luôs hâux lưv têx dưv anr li: Njuôk hov, cêv kuôk, pâux nzir zuôr ar; cxiv tsa têx côngz trênhx; paz tsôngv box huôv tsar uô nox…..tsênhv  fuô uô tsi tâu tâu. Têx luôs hâux lưv uô kênhz hâur yênhx shông lok sik ntêr đuô, viv li uô trâu tsôngv box tsi njênhs, tsi uô trơưk. Muôx kênh ziv hâur ntu nhoz tok chiê tâu têz qơưs phênhz qơư nhoz, lơưr muôx têx tâu liêx têz uô thiêz vax tsêr nhoz truôx, viv li tsi xar đros cxaz chuôz đêx anr xưk li tưz ký ntơưr. Thâuv ntơư, ho tror hlôngr đuô lok sik cxiv kho đuô. Kror no ziv uô ntêr têx dưv anr uô tsi txơưx tiêr. Co zos têx luôs hâux lưv uô trâu tsôngv box tsi njênhs thiêz uô trâu hâu nov ntơưv qơư tsik thôngx ziv đros lơưr chiê uô hâux lưv phênhz qơư nhoz trâu tsôngv px. Zơưv Pờ Xè Chừ, Chủ tịch UBND xã Chung Chải, huyện Mường Nhé, tỉnh Điện Biên heik:

Băng: “Tiv iz zos têx ar têz. Trơưk tsôngv box tsuv txâuk liêx têz uô, iz ziv chuôz zis tâu pêk tsơưs ar têz…..Iz chas ntơư, lơưr tsênhv xar cov tâu ntâu đuô thiêz. Tiv 2 zos trơưk tsôngv box, xar tâu nhoz đros zuk iz xênhv, nhoz uô cê chiê zôngx ziv siz paz…. Tiv 3 zos qơư nhoz, tsôngv box tiêk tsi jông nhoz, tsi muôx liêx têz…., têx ntơư tưz uô tuôr thênhv txos six hơưv uô kênhz Đêx anr 79 hâur thax tsav xã”.

Đêx anr 79 ntơưv Mường Nhé uô kênhz zos ntâu qir tiv txơưr đuô thiêz, hâur ntơư tsuv heik txos luôs hâux lưv pâux nzir zuôr ar. Tiv hlôngr têx tsênhv chei, grê ar; viv li tsuv cxiv kho ntâu jiês, uô đuô yiêz têx ntâuz ntơưr pâux nzir ar. Iz chas ntơư zos iz cxiê thax tsav tsôngv box nhoz kuz tsi xar chiê trâu têx chuôz zis txơưr đuô yeik lok đros nhoz shơư, tsi puz ar têz trâu lơưr uô. Chênhr zos li hêik ntơư, hâux lưv sâu zuôr ar njiz ntâu phiv liv. Co zos tsi tâu heik txos ntâu jêx jok tưz cxiv uô tâu qơư nhoz trâu tsôngv box thiêz yek txar tsôngv box lok nhoz truôx ntơưv qơư yiêz; taz sik ho tsi tâu muôx liêx têz trâu tsôngv box uô, tsuv kêr têx ziv chuôz zis ntơưv qơư nhoz kuz têx liêx têz trâu têx ziv lok nhoz yiêz uô tax. Kror no uô trâu têx ziv chuôz zis hâur Đêx anr tsi xar yeik muk nhoz qơư yiêz thiêz ntơư cux zos qir tiv uô kênhz six hơưv uô đêx anr. Zơưv Lù Văn Thanh, Chủ tịch UBND  huyện Mường Nhé, tỉnh Điện Biên heik pâuz nzir:

Băng: “Tsôngv box ntơưv  qơư tsưr ziv hux jos, siz paz hâur muôz jông six hơưv paz liêx têz, ar nhoz chiê têx lênhx nênhs cxiv tsa fuô uô cux tsi tâu uô truôx jông. Iz cxiê tsênhv chei hâur Luật ar têz yiêz cux muôx ntâu hlôngr yiêz, tsuv uô tsênhz mênhx. Thâuk ntêx, tiv tsi muôx chei, cui tinhv uô tsênhz mênhx, viv li cux muôx iz cxiê phiv liv lok liêx têz, uô tuôr thênhv txos luôs hâux lưv no. Ntơư muôx têx zos qir tiv uô hiêv txos tsưr tsix fuô uô Đêx anr 79”.

Luôs hâux lưv njuôk hov, fuô uô cxiv uô têx côngz trênhx ntơưv thax tsav tsôngv box nhoz yiêz khênhr uô đêz tsênhv qơư huyện; tox trôngz hâur pêk nxaz, phiv liv muk lok cux zos têx qir tiv uô tuôr thênhv txos six hơưv uô dưv anr. Viv li, têx hâux lưv zuôr trâus uô chiê uô tiêr đêx anr 79 ntơưv Mường Nhé cux tsênhv yuôr ntâu phiv liv. Têx tsưr ziv khưx phưx, đơưk têx phiv liv ntơư, phênhv ntâu cux tsênhv nhoz hâur têx ntâuz ntơưr thiêz tok chiê tâu thôngz  đhâu. Txix têx phiv liv, uô tsi tiêr, Điện Biên tsuv nzor muôx têx faz tsưr ziv khưx phưx chiê Đêx anr uô  tâu trơưk Chính phủ luôs hâux lưv tso tơưv./.

(CTV Quốc Hưng, Bình Dung-Riê Lâux cxeik- nhênhv)  

 

 

 

 

 

 

 

Phênhv “Nôngx mênhx zuôr tsuv pâuz” hnuz 15-9-2015

Phax moz đôngs nyar trâu nhux tưv nhux đas

 

 

 

+ Tsuv uô li chas thiêx pâuz tâu nhuxx tưv nhux đas trâus cik moz đôngs nyar?

- Nhux  tưv, nhux đas trâus moz đôngs nyar tsik so muôx yưv: Tơưr grêix cuz, tsik nox jâuz, tsik jov jâuz, tsav plaz thiêz tsik tso qir lok zos tsik tso kuôr; kror ndâux lok kâuz ndâus, blêis kror ndâux tơưv, hle tơưr. Qir tiv nhuxx tưv nhux đas trâus cik caz moz ơưk đôngs nyar; viv pêx xênhv tsik tâu tsov cưv txos cxax yuôx vắc xin phax moz ơưk.

+Zos nhux tưv, nhux đas trâus moz mak tsuv zôngv yuôx li chak?

- Thâuv pov nhux tưv, nhux đas muôx yưv moz ươk li hêik tas sâur, pox nhuôs tsuv hêik cán bộ thú y xã tuôx cxax yuôx, chơưv kho. Zos zus chôngz tuk nhux tưv nhux đas, tsuv muôz tuk nhux tưv nhux đas trâus cik caz moz ươk ntơư, tso trâu iz kror qơư txơưr chiê cxax yuôx phax tar caz moz ơưk trâu chor tsik tâu cik caz moz ươk.

+ Ntâu chuôz zis pov nhux tưv, nhux đas trâus cik caz moz ươk, nyêi tsav tuôs, tưz ho muôz tuô chiê muôs grêix. Zos nox tâu chor grêix trâus cik caz moz co puôk zuôr uô chak?

- Pox nhuôs sơưr đơưk tsuv ndo njôngr, grêix nhux tưv, nhux đas trâus cik caz moz đôngs nyar zos uô cov siêr, cux nox tâu, taz sik tsuv uô cov siêr lok six jông. Têx plaz hnur, tâuz hâu, têk tơư, tsuv muôz phâuk cov toz, mfông hmôngr jêz siz trâu saz sâur. Zos tsik uô li, đêr, buô nox tâu cux zuôr trâus tuôs đhâu 12 txos 14 hnuz.

Chiê tir tar tsik chiê caz moz siz cik, pox nhuôs sơưr đơưk tsuv cxax yuôx vắc xin phax tar caz moz ươk trâu nhux tưv, nhux đas tsik tâu trâus cik moz ươk.

Đros ntơư, cêv kuôk chor nhux tưv, nhux đas, buô trâus cik caz  moz  ươk chiê chơưv kho. Zos chuôz zis tưs tsênhv tu zus tso yar, tsuv chox lok cơư tsik tso lav.

- Nhiêx cxax iz côngz yuôx vắc xin tsik ntâu, tsuôk txix 8-10 cxênhz đêiv, pox nhuôs sơưr đơưk tsuv cxax cov txâuk chor côngz yuôx, huv six hơưv lơưr cán bộ thú y hêik kriê.

Pox nhuôs tsuv uô, thêir vor têx tsêr guôx cơư nhux tưv nhux đas cov sor so hâur chêix ntux no, muôz txâuk jâuz trâu tsiêx nox; tiv zix zos cxax cov cxix cxuô yuôx vắc xin phax moz ơưk trâu tsiêx cxu; pov tsiêx cxu trâus cik caz moz ươk, tsuv hêik ciês trâu cán bộ thú y pâuz chiê chơưv kho cov huv six hơưv.

Phênhv “Nôngx mênhx zuôr tsuv pâuz” hnuz no, zos Đeix nta suôz VN đros tsênhv qơư cxiz uô kôngz têz qơưk uô./.

                                   (VOV4-Ly Thox cxêik-nhênhv)