Cao Bằng: Cuz nxor hâux lưv nhiês muk lok đhâu ntus đriv tsi trơưk chei

          “Cur cux hnor pov tsir, Đeix heik ntâu txos qênhx shênhx moz huôv xênhz, hâur co Việt Nam cux tsênhv tir tar tâu jông, taz sik nhoz thax tsav ntus đriv li Cao Bằng, lênhx nênhs Việt Nam nhoz têx tiv phaz hâur huyện muk Trung Quốc uô lox tôngv chôngz, thâuv tror lok Việt Nam mak nyei trâus cêv kuôk, nhiês muk lok mak njuôs xav moz siz cik lok six siêz. Têx lênhx nênhs nhiês muk lok tsi trơưk chei lok txos têz qơưk cux tsi pâuz pok trâus moz, thâuv muk hâur côngv thôngx mak njiz ntâu lênhx nênhs njuôs xav cux trâus moz”.

          “Cur cux lok six cxơưx zos lơưr muk lok seiz car tsi tâu, njuôs xav moz zuôr cik txos Việt Nam. Têx lênhx nênhs nhiês muk lok trâu pêz têz qơưk VN zos yênhx côngz mak lok six nyei, viv lơưr cux tsi pâuz zuk pok muôx caz moz thiêz”.

          Sâuv 330 ntâu cei cêr ntus đriv ntơưv tỉnh Cao Bằng, muôx ntâu mêr cêr, têx hnuz no tsi muôx hnuz tưs tsi muôx lênhx nênhs nhiês muk lok đhâu ntus đriv. Cxôngx hâur shôngk shông 2020 txos nhiv no, tưz muôx 14 cxênhz lênhx nênhs VN cxôngx Trung Quốc tror lok đhâu ntus đriv ntơưv Cao Bằng, hâur co xav hâur 3 luz hlik kaz shôngk shông 2020 tưz muox 3 cxênhz 500 ntâu lênhx tsôngv box. Têx lênhx nênhs thâuv muk Trung Quốc uô hâux lưv phênhv ntâu zos nhiês muk đhâu ntus đriv muk, tsi muôx ntâuz ntơưr tul tsi....Ntâu lênhx nênhs uô ntâuz ntơưr muk Trung Quốc ndis shuôk uô si, muk seiz nênhs cxênhz jê, taz sik tas six hơưv tsi tror lok kuz têz qơưk mak tror nhoz Trung Quốc chiê uô jos tsi trơưk chei, trâus lưx lươngv muôx txơưx jênhv saz Trung Quốc xa lok. 2,3 hnuz đhâu, chungz fênhx iz hnuz lưx lươngv muôx txơưx jênhv pov, yưr lir muox nhos 50-70 lênhx tsôngv box cxôngx Trung Quốc tror lok, chuôz ndê zuôr xar 10 jiês pir đros thâuv ntêx.

          Tsênhz mênhx, lưx lươngv muôx txơưx jênhv tỉnh Cao Bằng tưz tik cêr cxâuv lok six ntâu txuz án muôx lênhx coaz txos hâux lưv nhiês chox lênhx nênhs muk lok đhâu ntus đriv. Hâur têx lênhx nênhs nhiês chox lênhx nênhs muk lok đhâu ntus đriv, muôx iz pưv phênhv tsôngv box tiv phaz tiv jênhv pâuz kis, xar muôx tâu nhiêx txiêx tưz trâus têx nênhs fêv liv zôngv chox lênhx nênhs muk lok đhâu ntus đriv. Thiếu tá Nguyễn Xuân Mạnh, Chính trị viên Zênhx pênhz phax Đàm Thủy, Bộ đội pênhz phax tỉnh Cao Bằng heik: “Pêz tưz sir jos uô côngz xưv yax mông, vênhv tôngv tsôngv box đros Bộ đội coar lik jông cêr ntus đriv, yax six uô têx trâur nuv, tsaz yênhx đros qơư tsov txos zos paz pox nhuôs cê muôz siêz jênhv pâuz, cê muôz siêz luz nênhx. Chêx cuk zos pox nhuôs sir jos cxaz chuôz, cungz ntâu xor mông lok ntâu txuz nhiês muk lok đhâu ntus đriv hâur ntu moz Covid-19 huôv xênhz chiê pêz ciêr chênhr tir tar, chox lênhx nênhs muk cêv kuôk lơưr cui tênhv”.

          Chor lênhx nênhs tror lok kuz têz qơưk chuôz ndê siêz uô têx qơư cêv kuôk ntơưv tỉnh Cao Bằng tsi muôx txâuk qơư chiê uô côngz xưv cêv kuôk. Nhiv no, têx qơư cêv kuôk chêx chôngk nhoz Cao Bằng muox zuôr xar 1 cxênhz 400 lênhx, hâur co tsênhz mênhx mak têx qơư cêv kuôk no tsuôk txâuk trâu 800-1 cxênhz lênhx nênhs nhoz. Lênhx nênhs trâus cêv kuôk chôngz, tsuv xa yênhx puôk lênhx muk cêv kuôk têx tỉnh nhoz buôk co li Bắc Kạn, Thái Nguyên. Taz sik no tsuôk zos tsưr ziv lav uô uô ntêx. Njuôs pov xar txos tsiêz 2021, tsôngv box nhoz saz đrâuv ntus đriv tsênhv zuôr tror lok kuz têz qơưk chôngz. Zơưv Nông Tuấn Phong, Giám đốc Sở y tế tỉnh Cao Bằng puz pâuz: “Tỉnh Cao Bằng tưz cuiz tênhv krêz cxaz qơư cêv kuôk yiêz chiê tos jênhv lênhx nênhs tuôx cêv kuôk thiêz tror heik têx đoanx côngz xưv muk têx huyện qênhz yuôx, krêz đar têx qơư cêv kuôk. Đros lưx lươngv y tế, pêz zuôr uô jông hâux lưv hlôngr yiêz, têx viên chức nhoz têx qơư y tế tsi uô jênhv vưv phax tar moz zuôr tâu chuôz tsar lok têx qơư cêv kuôk yiêz. Pêz zuôr sir jos chiê uô cxix cxuô têx tsưr ziv phax tar moz chiê tsôngv box tso siêz nox iz luz tsiêz taz por”.

          Cxôngx njuôs pov qênhx shênhx nhiês muk lok đhâu ntus đriv tsi trơưk chei chuôz ndê siêz, Bộ đội pênhz phax tỉnh Cao Bằng thiêz têx lưx lươngv muôx txơưx jênhv tiv phaz tưz muôx ntâu tsưr ziv chuôz tsar quân số seiz car cêr ntus đriv thơưk hnuz thơưk hmo ntơưv 125 qơư seiz car thiêz tuôr truôx têx tuêv seiz car sâuv ntus đriv. Chính quyênx tiv phaz cux tsov cưv txos côngz xưv pâuz tsênhz qênhx shênhx lênhx nênhs; chuôz tsar côngz xưv coar lik hộ tịch, hộ khẩu, coar lik jông têx tsêr so thax tsav ntus đriv, qênhz yuôx têx yêz muk lok ....Đros lưx lươngv muôx txơưx jênhv, iz lênhx tsôngv box cux tsuv muôz siêz chinhz yênhx tsưv ziv, sir jos heik kriê têx lênhx nênhs nhiês muk lok đhâu ntus đriv. Co zos hâux lưv uô tso pov zuk li txơưx jênhv đros chuôz zis, côngv thôngx, gôngr phênhv tir tar tsi chiê moz Covid-19 cik cxôngx saz đrâuv têz qơưk lok pêz têz qơưk./.

(VOVĐB-Txâur Vax cxeik nhênhv)

Xav jênhv hêir nênhs tsênhv yuôr ntâu cêr txov nhêv

  Thủ tướng Chính phủ Nguyễn Xuân Phúc tưz tso tơưv Quyết tênhv số 39/2020 lok luôs hâux lưv xav jênhv cxuô hêir nênhs tsênhv yuôr ntâu cêr txov nhêv ntu 2021-2025. Quyết tênhv tâu uô txxx hnuz 15/02/2021. Ntơư zos tsôngv px cxuô hêir nênhs tsơưs huôv tsar cêr uô nênhx nhoz uô cê hâur côngv thôngx, zos xã thax tsav III thiêz cxuô luz jêx jos tsôngv px hêir nênhs tsơưs nhoz thax tsav tox siêz đêz đrôngl trơưk li Thủ tướng Chính phủ quyết tênhv số 33 hnuz 12 hli 11 shông 2020, tâu quy tênhv ntơưv grê 3 Quyết tênhv no; cxuô cơ quan, tsưr tsix, lênhx nênhs cik txos. Muôx oz kro xav jênhv cxuô hêir nênhs tsênhv yuôr ntâu cêr txov nhêv.

Kror tiv iz zos, hêir nênhs tsênhv yuôr ntâu cêr txov nhêv trơưk li quy tênhv ntơưv ntu 1, grê 2 Quyết tênhv no cov huv đros li đrav kaz: Muôx chor chuôz zis pluôs chôngz đuô txix 1,5 jiês tror sâu, xav pir li kror đruôz đraz chor chuôz zis pluôs hâur 53 hêir nênhs tsơưs; muôx chor nênhs txix 15 shông tror sâu tsik pâuz nhênhv ntơưr, tsik pâuz hêik luk choz tsiz, ntâu đuô 1,5 jiês.

Kror tiv oz, hêir nênhs yuôr ntâu cêr txov nhêv huv đros li quy tênhv ntơưv ntu 1, grê 2  quyết tênhv no thiêz muôx lênhx nênhs chôngz đuô txix 10 cxênhz lênhx.

Nhiêx txiêx uô luôs hâux lưv ntơư, xav jênhv cxuô hêir nênhs tsênhv yuôr ntâu cêr txov nhêv ntu 2021-2025, zos muôz nhiêx têz qơưs uô huv đros./.

(Tsu cxêik nhênhv-vietnamplus.vn)