Lâm Đồng: Hla đhâu cêr pluôs sâuv têx ar jôngr ntông

Luôs hâux lưv chos ntông cao su chêx tsôngk sâuv têx ar jôngr ntông đaz tuôs tâu tỉnh Lâm Đồng fuô uô ntơưv jok Con Ó, xã Mỹ Đức, huyện Đạ Tẻh. Iz chas ntơư, 62 ha têz ntông cao su tâu chos thiêz choz trâu têx chuôz zis tu, seiz shuôs trơưk tsưr ziv têz qơưk paz nhiêx txiêx zos: Zuz ntông, qir, yuôx tsuôs tuô đrox, tuô caz hmoz thiêz tsưr ziv kriê chos, tsôngv box gôngr hnuz côngz lox tôngv, tu thiêz car seiz, por hưv trơưk tsưr ziv. Txos nhiv no, đhâu 7 shông uô, têx ntông cao su tưz qir tâu tso cuô mik, xuz thơưx gra lok têx muôx liv trâu tsôngv box heir nênhs tsơưs nhoz no. Zơưv K’Hùng, nhoz jok Con Ó, xã Mỹ Đức, lênhx tâu sơưv têx muôx liv txix đêx anr no heik pâuz, thâuv ntêx zơưv thiêz tsôngv box hâur jok muôx tsi txâuk ar uô nox viv li thâuv tưs cux trâus yeiz pluôs, thâuv muôx nzir phênhv sâu tâu txix têx cuô mik ntông cao su, kinh tế chuôz zis tưz jux juk tâu hlôngr yiêz: “Txix thâuv têx ntông cao su tâu tso cuô mil mak tsôngv box cux muôx nzir nhiêx txiêx chiê txoz cxơưx trâu chuôz zis thiêz trâu têx tuz nhuôs muk cơưv ntơưr. Txix ntơư tsôngv box lok six shir phaz”.

Chos ntông cao su chêx tsôngk sâuv têx ar têz por tox đo uô tsi jông kôngz chiê paz tsôngv box hâur jok Con Ó hla đhâu cêr pluôs zos đêx anr xuz thơưx tâu fuô uô ntơưv tỉnh Lâm Đồng. Trơưk li zơưv Nguyễn Ngọc Thư, Chủ tịch Ủy ban xã Mỹ Đức, xav tâu đêx anr zos tsưr ziv uô jông thiêz cxơưz paz zov chênhr trâu luôs hâux lưv txo grêk cêr pluôs truôx, hâur six hơưv fuô uô đêx anr, hâu nov ntơưv qơư thâuv tưs tưz sir jos đros cxuô taz viv cik txos uô trơưk six hơưv, cui tinhv, khov co tâu tsôngv px sđ njênhs njôngr thiêz bax uô tâu jông luôs hâux lưv tu, car seiz por hưv thiêz tso sâu têx cuô mik ntông cao su. Muôz iz suôv qơư jôngr ntông, por tox đo tsi muôx grik uô yênhx iz thax tsav jôngr ntông lox njuôz jông, gra lok phênhv sâu tâu trâu tsôngv box, xuz thơưx iz hlik 5 tsov đeiv ntâu iz ha. “Hâur six hơưv uô mak cxuô lênhx nênhs hâur xã thâuv tưs tưz đros Tsênhv qơư cxiz kôngz, Tsênhv qơư kôngz nuv hâur huyện chiê tsi so muk qênhz yuôx têx caz hmoz thiêz shuôs têx ntông cao su. Txix ntơư heik tsôngv box moz siêz txos hâux lưv tu têx ntông. Nhiv no tưz muôx 25 cxênhz tsoz ntông cao su jông tso cuô mik”.

Trơưk li zơưv Bùi Văn Hùng, Chủ tịch Ủy ban huyện Đạ Tẻh, iz chas đêx anr chos ntông cao su chêx tsôngk li heik sâuv, tưz fuô uô tâu jông thiêz choz trâu iz chuôz zis iz ha, huyện cux tsênhv fuô kriê uô têx tsưr ziv chos shôngz, chos jâuz caz tu zus caz chaz xor chiê paz tsôngv box heir nênhs tsơưs nhoz no hla cêr pluôs.... “Thâuv uô đêx anr no trơưk tsưr ziv li heik sâuv mak paz tâu tsôngv box tuôr tâu tsês têx liêx têz, tsi muôz muôs, muôz trâu lưv tuk. Tiv 2 zos yưv pênhr uô truôx tuk thiêz tâu ntêr đros tsưr ziv txo grêk cêr pluôs truôx. Txos iz jiês no mak đêx anr tưz yênhx côngz, uô tâu lok six jông trơưk tsưr ziv tso tơưv. Vav chiê siêz tiêk, thâuv hur tiz si têx liêx têz ntông cao su no jông tso cuô mik thiêz muôx phênhv sâu mak huyện luôs hâux lưv txo grêk cêr pluôs tưz uô tâu”.

Ar têz, têx shôngz ntông tâu choz tsênhz mênhx trâu yênhx chuôz zis, taz sik hur si cxuô ziv chuôz zis ho tâu muôz lok uô dưv anr chêx tsôngk, trơưk cui tinhv. No muôx têx tâu seiz zos tsưr ziv uô tâu trơưk siêz xar nhoz huyện Đạ Tẻh, tỉnh Lâm Đồng, hâur luôs hâux lưv muôz têx ar têz hlôngr chos lưv zav tsoz chos, muôz ar uô nox trâu tsôngv box heir nênhs tsơưs, têx hâux lưv uô li co cux tsênhv muôx nhoz têx tỉnh Tây Nguyên. Hâux lưv uô jông thiêz truôx ntơư, paz tsôngv box truôx siêz sir jos huôv tsar uô nox, hla đhâu yeiz pluôs sâuv têx suôv qơư, thax tsav ar têz pluôs, txov nhêv./.

(VOVTN-Riê Lâux cxeik, nhênhv)

Têx ntâuz ntơưr chiê tâu paz trâus txiêz nanv lox tôngv

Nam: Tix lâus Lò Văn Công nhoz huyện Than Uyên, tỉnh Lai Châu nus: Cur Công ty muôx nênhs njiz trâus txiêz nanv zoz thôngz thâuv uô hâux lưv lok muk tsêr, tâu cơ quan Công an tiv phaz muôx ntơưr hêik pâuz xa lok trâu công ty. Đhâu co, cur công ty tưz yênhx lix đoanx qênhz yuôx txiêz nanv lox tôngv thiêz uô tiêr ntâuz ntơưr xa trâu Sở Lox tôngv thiêz Xar hôiv. Zos li tov kaz no thâuv uô ntâuz ntơưr trâus txiêz nanv lox tôngv trâu nênhs lox tôngv, puôk tsuv muôx nzir têx ntâuz ntơưr njuôk shuôk pâuz txiêz nanv thiêz têx qơư trâus txiêz nanv?

Nữ: Bào hiểm Xar hôiv Việt Nam têz: Lơưr cui tênhv ntơưv Grê 57 chêi Ngaz tuk, vêv xênhz lox tôngv mak ntâuz ntơưr tâu sơưv txiêz nanv lox tôngv muôx: Sổ bảo hiểm xar hôiv; ntơưr tơưv tsêr kho moz lok sik muôx têx ntâuz ntơưr cxêik đuô zuk têx ntơưr kho moz hâur tsêr kho moz đhâu thâuv tưz chơưv kho trâus txiêz nanv lox tôngv đros chor nênhs nhoz hâur tsêr kho moz chiê chơưv kho; Hôiv đôngx njuôk xav y khoa li tơưr njuôk xav pôngz đas jos lox tôngv; ntơưr hêik cov cêir chêx trâus txiêz nanv lox tôngv trơưk Bảo hiểm xar hôiv Việt Nam tso tơưv đhâu thâuv thôngx ziv đros Bôv Lox tôngv-Xaz pênhz thiêz Xar hôiv (zos ntơưr trơưk mẫu số 05-HSB tso tơưv muôx đros BHXH Việt Nam li cuêz tênhv số 636/QĐ-BHXH hnuz 22/4/2016 tso tơưv cui tênhv lok ntâuz ntơưr thiêz tsưr ziv cêir chêx chiê tâu sơưv chế độ BHXH).

Nhặc cắt ngắn

Nam: Taz sik, Lơưr cui tênhv ntơưv Grê 35 Luật Ngaz tuk, vêv xênhz lox tôngv, thâuv qênhz yuôx txiêz nanv lox tôngv, đros thiêz njiz trâus txiêz nanv zoz thôngz mak ntâuz ntơưr njuôk pâuz thiêz sơ đồ qơư trâus txiêz nanv zoz thôngz zos iz hâur têx ntâuz ntơưr tsuv muôx chiê uô qơư njuôk xav trâu Công ty qênhz yuôx, ntâuk gri txiêz nanv co puôk tâu xav tiêk zos txiêz nanv lox tôngv lok tsik zos thiêz têx ntâuz ntơưr no tsuv tâu tuôr tsês chiê cxix cxuô ntơưv Công ty. Cox tsuv nhênhz chơưv, nriêr pâuz tsênhz mênhx lok Luật Ngaz tuk, vêv xênhz lox tôngv thiêz têx ntâuz ntơưr, chêi kruôz kriê uô lơưr chiê Công ty kriz uô qênhz yuôx txiêz nanv lox tôngv taz por cov uô zos li chêi têz qơưk cui tênhv./.

(Thanh Thủy-Lik Thox cxêik nhênhv)