Sik njiz sik thav hluôk nênhs côngv tês cxiv tsa jêx jok yiêz.

Sik thav ntơưv jiês siz chuôs njiz, Bộ trưởng bộ kôngz nuv thiêz huôv tsar tox siêz Nguyễn Xuân Cường uô tsênhz mênhx đuô têx luôs hâux lưv mak ngênhx kôngz nuv thiêz huôv tsar tox siêz uô tâu hâur six hơưv đhâu cux li six hơưv thiêz têx phiv liv ngênhx njiz trâus hâur ntux txơưr txar thiêz sik côngv đros luôs 2 chas thax tsav sâuv ntiêx lok ngênhx kinh tế.

Ntơưv jiês sik njiz sik thav, chor hluôk nênhs tưz heik tơưv têx phiv liv njiz trâus hâur fuô uô têx hâux lưv chor hluôk nênhs cxaz chuôz cxiv tsa jêx jok yiêz li: Buôk ti têx pênhr txeik zok nriêr hâux lưv uô trâu hluôk nênhs; uô kôngz nuv tâu cheix pôngz gri, qơư sâu zuôr têx xiv huv kôngz nuv uô tâu..... Tix lâus Vương Mạnh Phú, Bí thư huyện đoanx Bát Xát, tỉnh Lào Cai heik:

“Muôx têx cui tinhv, tsênhv chei tưs chiê paz hluôk nênhs zok nriêr hâux lưv uô cux li huôv tsar têx trâur nuv lok kinh tế. Viv tsênhz tiês, têx hluôk nênhs nhiv kruôr qir zok nriêr hâux lưv uô lok six phiv liv, hâur thax tsav nhiv no heir nênhs tsơưs tsav phênhv ntâu viv li ziv njiz phiv liv đuô, lar heik zos lok sâuv têx tsưr ziv uô nox, pênhr...., iz chas ntơư têx hluôk nênhs nhiv kruôr qir uô hâux lưv co cux khênhr njiz trâus têx tsi jông”.

Têz thiêz phênhz lok chor hluôk nênhs li têx phiv liv, siêz xar sâuv, Bộ trưởng Bộ Kôngz nuv thiêz huôv tsar tox siêz Nguyễn Xuân Cường heik pâuz:

“9 zênhx hax muôv muôs li chor nhiêx 100 cxênhz tỷ txos hli 11 nhiv kruôr đhâu tưz chêx tsôngk yưv pênhr tâu nhos 36 cxênhz tỷ. Lok sâuv Bộ Kôngz nuv zuôr heik lok têx kênh tsênhv chei, nhiêx txiêx chiê chor hluôk nênhs nhoz ntơưv qơư pâuz tâu têx phênhv pênhr hâur six hơưv nhiv kruôr zok nriêr hâux lưv uô. Lar heik zos hluôk nênhs tsưr ziv, siêz xar, iz thax tsav qơư, iz chas têx phiv liv mak tsênhv muôx ntâu têx jông, viv li hâur six hơưv nhiv kruôr qir uô hâux lưv tsuv xeir tsov têx muôx jông lok sâuv kôngz nuv ntơưv qơư chiê yưv pênhr uô tâu trơưk têk, trơưk tsưr ziv”.

Hluôk nênhs Phan Thanh Sang, Chủ tịch Hiệp hội pax Đà lạt, tỉnh lâm Đồng heik li no:

“Têx lênhx hluôk thâuv lơưr muôx tsưr ziv xar krêz uô iz zav nuv, tsi muôx ntâu chuôz zênhx tsiv grê chiê ntâuk grik trâu tsêr nhiêx cov muôx pênhr tror huôv tsar uô nox. Tiv 2 zos thâuv muôx thiêz uô tâu xiv huv lơưv taz sik tsi muôx qơư sâu zuôr truôx viv li iz cxiê lênhx hluôk tsi car uô. Vav thiêz chiê siêz cxuô cấp cơ sở đoanx tsi so hux jos đros têx sở ngênhx cik txos thiêz muôx Bộ kôngz nuv, huôv tsar tox siêz moz siêz chox kriê, paz têx hluôk nênhs cov lơưr truôx siêz đuô yưv pênhr krêz sưr ziv huôv tsar uô nox ntơưv qơư”.

Cik txos luôs hâux lưv no, Bộ trưởng Nguyễn Xuân Cường khav tinhv, hâux lưv đơưk tu têx phiv liv lok pênhr nhiêx thiêz têx ar têz thâuv yưv pênhr uô kôngz nuv lơưr tsưr ziv yiêz tưz thiêz tsênhv tâu têx bộ, ngênhx cik txos đơưk tu. Zuôr txos, têx qơư, têx chuôz zênhx uô lơưr tsưr ziv yiêz heik sâuv cux zuôr tâu seiz zos chuôz zênhx muôz ntâuk gri trâu tsêr nhiêx chiê muôx nzir pênhr trâu têx hluôk nênhs zok nriêr nuv uô. Iz chas ntơư, hâux lưv Thủ tướng chính phủ zuôr thôngz đhâu Nghị định số 210 kho đuô lok tsênhv chei cxơưz cxiz doanh nghiệp yưv pênhr trâu kôngz nuv, tox siêz zuôr txos zuôr paz đơưk tu têx phiv liv lok pênhr li nhiv no...... Bộ trưởng Nguyễn Xuân Cường khav tinhv,  cxiv tsa jêx jok yiêz zos tas nro cxix luôs chính trị thiêz tas nro XH li hâux  lưv. Hâur ntơư, têx hluôk nênhs pưs txux muôx liv lok six zov chênhr. Co zos têx lênhx uô ntêx nyuôs hâur vênhv tôngv, yax kriê trâu hluôk nênhs tox siêz cxiv tsa jêx jok yiêz txix têx nuv uô tsênhv tsênhz hâur đêx anr cxiv tsa jêx jok yiêz cấp  cơ sở đoanx, paz cxiv tsa tâu ntâu trâur nuv huôv tsar uô kôngz trơưk tsưr ziv, siêz xar, muôz hâux lưv uô trâu ntâu lênhx lox tôngv ntơưv qơư thiêz reik đros trâu cxiv tsa jêx jok yiêz..... Bộ trưởng Nguyễn Xuân Cường khav tinhv:

“Nhiv no tưz muôx 2 cxênhz 853 xã uô tâu luôs hâux lưv cxiv tsa jêx  jok yiêz, tsav 32% thiêz muôx 42 huyện nhoz 24 tỉnh tưz uô tâu 19 luôs hâux lưv lok cxiv tsa jêx jok yiêz. Đros thiêz têx uô tâu jông li nhiv no, txos shông 2020 sir jos cov 50% xã uô tâu luôs hâux  lưv cxiv tsa jêx jok yiêz. Thâuv ntơư uô trâu hlôngr yiêz, muôz jông six hơưv chiê thax tsav kôngz nuv, tsôngv box, tox siêz tror huôv tsar. Hluôk nênhs cê zos têx lênhx zov chênhr uô ntêx nyuôs cê zos lênhx tsưr, cê sir jos đros uô têx nuv  hlôngr yiêz kôngz nuv, cxiv tsa jêx jok yiêz”./.

(TTT-Riê  Lâux cxeik, nhênhv)

BHXH Việt Nam tso tsês tsik puz têx tsêr kho njuôk moz tưx cxiv uô sir zôngv ntơưr BHYT

Têz chor sâu xor xưv nhoz Đêix nta suôz VN li luk nus, zơưv Phạm Lương Sơn hêik pâuz, hâur ntu đhâu lok no cơ quan bảo hiểm xã hội VN, tsuôk zos xa ntâuz ntơưr trâu cơ quan BHXH cxuô tỉnh, thành phố, hêik kriê uô luôs hâux lưv tsưr tsix hợp đồng shông 2018. BHXH Việt Nam tsik xa ntâuz ntơưr tưs trâu têx tsêr kho njuôk moz tưx cxiv uô thiêz tsik hêik txos têx tsêr kho njuôk moz tưx cxiv uô tsik tâu sir zôngv ntơưr BHYT.

Bộ y tế Thông tư số 43 tưz quy tênhv tsênhz mênhx luôs hâux lưv xav tênhv têx tsêr kho njuôk moz tưx cxiv uô. Thông tư no cux hêik tsênhz mênhx: Têx cơ  quan muôx vax huôv zos Bộ y tế lok sik sở y tế cxuô tỉnh, thành phố nhoz saz Trung ương tsuv uô trơưk cxuô quy tênhv thông tư 43 chiê muôz ntâuz ntơưr trâu têx tsêr kho njuôk moz tưx cxiv uô sâuv thax tsav; txix ntơư thiêx xav tâu têx nhiêx sir zôngv ntơưr bảo hiểm y tế kho njuôk moz. Nhiv no, Bộ y tế tsênhv tsik tâu muôx têx thông tư ntâuz ntơưr hêik lok têx tsêr kho njuôk moz tưx cxiv uô, cux uô phiv liv txos tsưr tsix kho njuôk moz thiêz thêv nhiêx kho njuôk moz BHYT. Hâur niêx shông, BHXH Việt Nam tưz hêik trâu BHXH cxuô tsênhv qơư tsuv qênhz yuôx cov cxix cxuô têx qơư kho njuôk moz tưx cxiv uô, sir zôngv ntơưr BHYT kho njuôk moz cov zos đrêiv quy tênhv. Zơưv Phạm Lương Sơn hêik thav tiêk:

“Bộ y tế tsuv nzor tso tơưv Thông tư xav tênhv lok luôs hâux lưv têx tsêr kho njuôk moz tưx cxiv uô. Cxuô qơư kho njuôk moz tưx cxiv uô tsuv uô cov tâu truôx đuô luôs hâux lưv kho njuôk moz. Hiệp hội tsêr kho njuôk moz tưx uô cxiv tsa, tsuv uô hâux lưv đros Bộ y tế thiêz sở y tế cxuô tỉnh, thành phố chiê hêik Bộ y tế, sở y tế cxuô tỉnh muôx quyết tênhv xav jênhv zos lênhx nênhs hâur Hiệp hội. Muôx li ntơư thiêx paz max tâu trâu cxuô cơ quan BHXH thiêz cxuô tsêr kho njuôk moz tưx uô cxiv tsa, cxuô qơư y tế, phôngx sêiz shuôk njuôk moz tưx uô cxiv tsa, uô cov zos đrêiv quy quy tênhv BHYT thiêz muôx liv trâu lênhx nênhs kho njuôk moz cux li têx tsêr kho njuôk moz tưx uô cxiv tsa./.

                            (Tsu cxêik nhênhv-TTT)