Câuk Tông hâur chêix ntux yiêz

Hâur têx hnuz no, tsôngv px cxuô hêir nênhs nhoz thax tsav tox siêz Câuk Tôngx, têx pax txir khơưz txir đuôx tsênhv taz tov tơưs yiêz huv đros tsôngv tuz nxêik hluôk nthuôr uô cêr lov jêv por poz, taz sik shông no, viv muôx moz  Covid-19, li ntơư chor hâu nov xã, tsik kriz nthuôr uô ntâu cêr lov jêv, tsuôk zos muk lok sêiz shuôk cưr tix nênhx tsa, têx nênhs cxênhz jê hâur thax tsav, hâur jêx jos thiêz uô jông trơưk luôs hâux lưv tir thêir moz gênhk zos đrêiv têz qơưs têx chêi tso. Tus tix lâus Gax Nênhx x Vưx nhoz xã Câuk Tông, huyện Thuận Châu hêik pâuz:

  Câuk Tông cux zos iz thax sav qơư đar, taz sik phênhv ntâu zos tox trôngz câuv har cxaz, ar tsêz chos kôngz lôngk tsuôk muôx txos  960ha, hâur ntơư, blêx liêx muôx 39 ha ntâu, poz cưk thiêz têz blêx muôx nhos 900 ha, đuô l zos têx ar têz chos cxuô tsoz chos txơưr. Taz sik, hâur têx shông đhâu lok no cux tâu têz qơưs moz siêz paz max txos, hur si cxuô luz jêx jos hâur thax tsav xã tưz muôx tênhv tênhz têz qơưs sir zôngv, muôx cêr muk lok, têx tuz nxêik zôngx ziv muk lok cơưv ntâuz ntơưr. Đros co, hâu nov xã Câuk Tông cux chox yax kriê tsôngv px sđ hlôngr yiêz tsoz chos, tsiêx tu zus cov zos đrêiv tsưr ziv kriê, muôx phênhv sâu tâu kôngz lôngk. Chênhr zos li hêik ntơư, chiv kôngz lôngk hâur shông 2020 đhâu, hur si xã sâu tax tâu 7.600 tấn thiêz muôx ntâu chuôz zis tưz muôz têx ntông nox txir chos lok chos trâu têx ar têz cxaz, huôv tsar tu zus tsiêx cxu muôs trâu tuz luôv, hlôngr yiêz tsưr ziv uô nox, iz thênhv jux juk txo grêk tâu cêr yêiz pluôs. Zơưv Nzôngr Vax x Vưx nhoz jos Har Kruôr, xã Co Tòng, huyện Thuận Châu, tỉnh Sơn La shir phaz lul hêik:

Xav txos tas shông 2020, chor chuôz zis pluôs hâur xã tưz txo grêk tâu 4% pir li têx shông uô ntêx, pov njôngr tsôngv px luz nênhx  hlôngr yiêz jux juk. Chênhr zos li hêik ntơư, shông 2021 no, tsôngv px sđ puôr lênhx nox tsiêz shir phaz lul hla trâu shông yiêz. Tus cưr Đruôk x Vưx, chủ tịch uỷ ban xã Câuk Tông, huyện Thuận Châu, tỉnh Sơn La hêik pâuz:

Nox tsiêz shir phaz lul hâur shông 2021, txuôs nox txuôs hâuk, uô jông trơưk cxuô faz tsưr ziv tir thêir moz Covid-19 thiêz đhâu ciês tsiêz, tsôngv px sđ cux zuôr chuôz piz muk uô chiv kôngz hâur shôngk shông yiêz cov tâu ndax chêix, muôx phênhv sâu tâu ntâu kôngz lôngk zos đrêiv luôs haux lưv tso tơưv./.

Tsu Vưx cxêik nhênhv thiêz cxiv sâu

Ntênhs phêv Gruôv Tox- sik côngv cêr niêv côngv siêz hâur côngv thôngx Hmôngz nhoz Hà Giang

          Ntênhs Gruôv Tox zos tsôngv box Hmôngz nhoz Hà Giang li ntênhs phêv jông tâu krêz thâuv txos cheix ntux yiêz. Ntênhs phêv no khênhr tâu krêz cxôngx hnuz xiêz 3 txos hnuz xiêz 6 Tsiêz chiê txi côngv ntux têz phôngv trâu chuôz zis muôx jông đas jos, phôngv uô tâu nox tâu hnar trâu tsôngv box jêx jos Hmôngz, iz shông sâu tâu kôngz tâu lông, tsiêx cxu pur guôx. Tiv zix zos têx gơưv niêv txir tsi muôx mê nhuôs cux tuôx ntơưv no chiê thor muôx tâu mê nhuôs. Zơưv Xênhr Zoz Xênhv Vax, iz lênhx nênhs pâuz lok vênhx huôv mênhx cxưx Hmôngz nhoz xã Thanh Vân, huyện Quản Bạ, tỉnh Hà Giang puz pâuz:

          Chiê krêz ntênhs Gruôv Tox, xuz thơưx tsuv xeir tâu jông hnuz, muk txiêr iz tsoz nxông lok cxok tov qar tiêx. Fênhx yax tsuv cxok uô ntêx muôx nhos iz ciêz chiê pov trâu pox nhuôs pâuz qơư zuôr tsưr tsix ntênhs Gruôv Tox. Heik lok tsưr ziv xeir tsoz nxông, zơưv Xênhr Zoz Xênhv Vax puz pâuz cxaz:

          Thâuv txi côngv thiêz cxok tâu tsoz nxông, têx hluôk tuz hâur jos zuôr sik đros tưr tik ndê muk sâuv tsoz nxông, lênhx tưs ndê hênhr, muôz tâu hưx chơưr, tês blêx thiêz đeiv ntâuz liêz khi sâuv njik nxông lok zos iz shông muôx jông đas jos, luz nênhx tsâu sor. Chênhr viv li, tas nro têx hluôk nênhs hâur têx jêx jos Hmôngz puôr lênhx lok six nhiêv cxaz chuôz huôx tôngv no. Tix lâuk Yuôz Hênhx Xênhv Vax, hluôk nênhs nhoz xã Nghĩa Thuận, huyện Quản Bạ, tỉnh Hà Giang puz pâuz:

          Ntênhs Gruôv Tox zos qơư chiê cxuô lênhx nênhs sik đros uô si lov jêv, sik đros đhiê kênhx, chuôz cxaz cêr sik côngv siêz hâur jêx jos. Coaz tsôngv tiv zix, no zos jiês chiê thor tâu iz shông ntux nas jông, lênhx nênhs muôx jông đas jos, nhoz uô nênhx shir phaz lov jêv. Têx shôngk jê ntơưv no, ntênhs Gruôv Tox tâu tsưr tsix li iz tsưr ziv zaz zâuv tsôngv kruô tuôx ndis shuôk têz qơưk Hà Giang. Hâur tsưr ziv krêz ntênhs Gruôv Tox nhiv no tsi tuôr tsês tâu têx tsưr ziv li thâuv ntêx têx lâuk krêz uô. Shông no tiv trâus moz Covid-19 uô zênhr shar, têx ntênhs phêv sâuv thax tsav tsi krêz uô thiêz, taz sik zơưv Xênhr Zoz Xênhv Vax thâuv tưs cux xar njôngr ntênhs phêv zuôr tror tâu hôx phưx, tuôr tsês chiê cxênhx hluôk nênhs pâuz tsênhz mênhx đuô lok vênhx huôv mênhx cxưx:

          Cxôngx ziz njiêz qir thơưx zos txi côngv, uô tsâus ntâu txos ntux têz thiêz phôngv jông trâu gơưv niêv txir muôx chôngz mê nhuôs yênhx pox nhuôs mênhx cxưx Hmôngz Hà Giang li iz ntênhs phêv lox, ntênhs Gruôv Tox tsênhz tsênhz zos qơư chiê chuôz cxaz cêr sik côngv siêz hâur côngv thôngx têx jêx jos./.

(Txâur Vax cxiv sâu, cxeik nhênhv)