Sơn La: Chuôz tsar têx faz tsưr ziv zênhx max phax tir thêir moz ơưk buô châu Phi siz cik

Ngênhx muôx vax huôv thiêz cxuô thax tsav qơư hâur Sơn La têx đoanx qênhz yuôx têx hnuz no tsênhv tror muk trâu thax tsav qơư heik, kriê têx qơư zôngx ziv muôx moz huôv xênhz siêz, thax tsav tu zus ntâu, têx qơư muôx chôngz kruô mul lok ndis shuôs ntux uô si thiêz muôx yêz fax thâux tuôx txix têx tỉnh fuô uô têx tsưr ziv phax tir thêir moz ơưk buô châu Phi siz cik lol hâur thax tsav; tsưr tsix qênhz shuôs njôngr thơưv hnuz thơưv hmo chiê zênhx max qênhz pov thiêz sir jos xưv lik qênhx shênhx nhiês zuôr muôs têx buô, grêix buô lơưr têz qơưk cui tinhv. Zơưv Lừ Văn Trường, Chi cục phưv Chi cục kho moz tsiêx cxu tỉnh Sơn La heik pâuz:

“Chi cục tu zus thiêz kho moz tsiêx cxu tưz nhênhz chơưv trâu Sở Kôngz nuv thiêz huôv tsar tox siêz tỉnh thôngz đhâu trâu Ủy ban tỉnh yênhx lix 2 qơư qênhz shuôs moz tsiêx cxu tax ntơưv Nghĩa Hưng, xã Mường Cơi thiêz jok Bãi Đu, xã Tân Lang, huyện Phù Yên. 2 zos nhênhz chơưv trâu Sở thôngz đhâu Ủy ban tỉnh tso tơưv Chỉ thị uô lơưr Thủ tướng Chính phủ Chỉ thị 04, hnuz 20/2/2019 uô trơưk tsưr ziv sir jos phax tir thêir moz ơưk; hâur chỉ thị heik mênhx txos cxuô cấp, cxuô ngênhx cxaz chuôz li txơưx jênhv. Iz chas ntơư, heik Ủy ban huyện Quỳnh Nhai thiêz Thuận Châu yênhx lix têx qơư qênhz shuôs moz tax chiê tir thêir hâux lưv fax thâux têx buô thiêz xiv huv grêix buô txix huyện Tuần Giáo-suôv qơư tsênhv muôx moz huôv xênhz hâur tỉnh Điện Biên lok hâur thax tsav”.

Đros thiêz thax tsav qơư zos muôx ntâu tsôngv box heir nênhs tsơưs uô nênhx nhoz, tsôngv box tsi yuô tâu muôx txux chi tsưr ziv jênhv pâuz, Sơn La xav tinhv cxơưz tiês hâux lưv yax kriê txos trâu têx jêx jok, txix ntâu zav lul heik chiê sđ pâuz tsênhz lok moz ơưk buô châu Phi têx riêz nênhs, siz cik thiêz tsưr ziv bax phax tir thêir moz ơưk buô châu Phi, lok sik buô trâul tuôs tsi pâuz tsênhz qir tiv mak tsi tâu jêik, tsuv heik ciês trâu cơ quan lês car uô đreiv têx nuv sâuv thiêz hâu nov ntơưv qơư pâuz chiê fuô uô têx tsưr ziv phax tar moz. Zơưv Lò Minh Hùng, Phưv Chủ tịch Ủy ban tỉnh Sơn La heik:

“Lênhx nênhs tu zus cux li lênhx nênhs sir zôngv hâur tỉnh tsuv sik đros tỉnh qênhz pov, phax tar moz. Têz qơưk zuôr muôx chei paz, hur si chor buô trâul tuôs, lok sik têx buô tsuv muôz hlơưr por tsês viv moz ơưk buô châu Phi, lok sik buô moz ơưk, tơưv ndâux hlê trâu....hâur six hơưv no puôr lênhx tâu paz. Thiêz phênhv paz shông no mak Thủ tướng tưz quyết tinhv paz txix 80% grê hâur ciêz đrôngs, zos phênhv paz ntâu pir li shông uô ntêx; Chor niêv buô, tơư buô zuôr tâu paz ntâu mê njik. Chênhr viv li, lênhx nênhs tu zus tsuv tso siêz, njênhs njôngr sik côngv têk đros hâu nov chiê uô lơưr têx tsưr ziv phax tir thêir moz zos muôx moz huôv xênhz”.

Tỉnh Sơn La nhiv no muôx 582 cxênhz ntâu tuk buô, phênhv ntâu zos tu zus mê njik hâur têx chuôz zis thiêz qơư tu zus buô chêx tsôngk. Phiv liv yax hâur phax tar moz ơưk buô châu Phi ntơưv Sơn La nhiv no zos, thax tsav lox đar, ntâu cêr mul lok, hur si cêr ar thiêz cêr đêx. Sâuv têx cêr ar tsênhv muôx cêr đriv têz ntêr 250 cêik buôk têz qơưk Lol Tsuôk, ntâu cêr mê lus mul lok đhâu, zos tsi uô jông hâux lưv qênhz shuôs, phax tir thêir mak caz moz ơưk zuôr lok six zôngx ziv siz cik tâu./.

(Thu Thùy-Riê Lâux cxeik, nhênhv)

2020, zuôr thêv nhiêx hli trâu nênhs uô hâux lưv têz qơưk lơưr qơư uô hâux lưv

No zos iz hâur têx tsênhv njiêz ntơưv dự án Luật kho đuô, cxaz nzir iz cxiê gri Luật Can bộ-Công chức thiêz Luật Viên chức tsênhv tâu Bôv Nội vụ zuôr ziv chênhv.

Lơưr co, Bôv Nôiv vụ hêik hlôngr yiêz têx cuiz tênhv nhiv no muôx lok xav jênhv qơư uô thiêz kror hâux lưv uô, xêir zuôr, ntâuk gri, phêiz cán bộ, côngz chức, viên chức chiê hlôngr yiêz nền công vụ. Dự thảo Luật muôx 3 Grê, hâur co: Grê 1 kho đuô, cxaz nzir Luật Công chức, viên chức li 18 Grê, Khoản; Grê 2 kho đuô, cxaz nzir 11 Grê, Khoản Luật Viên chức thiêz Grê 3 zos six hơưv txơưx jênhv uô trơưk.

Tsênhv njiêz dự thảo Luật chiê uô tsênhz mênhx đuô Đảng, têz qơưk têx cêr chêi huv zos li tsưr ziv uô ntơưv Bôv Chính Trị li Tsưr ziv số 10-KH/TW hnuz 6/6/2018 lok uô lơưr Nghị quyết Hôiv nghị jiês tiv sha BCH Trung ương Đảng khóa 12 lok tsêx trung cxiv tsa chor cán bộ cxuô cấp, tiv zix zos cấp zov chênhr, muôx txâuk shưz xar, txux chi thiêz txơưx uô têx hâux lưv. Dự thảo cuiz tênhv, xav jênhv tsênhz mênhx qơư uô hâux lưv zos kror chiê xav jênhv biên chế, kriz uô hâux lưv xêir zuôr, sir zôngv thiêz thêv nhiêx hli trâu cán bộ, công chức, viên chức.

Lok tsênhv chêi cxơưz cxiz, sir zôngv, cxơưz cxiz nênhs muôx txux chi, Chính phủ zuôr cuiz tênhv têx tsênhv chêi thiêz phêiz cấp cán bộ, nganhx, tiv phaz khov lơưr tsar tov tsênhv tsênhz chiê cuiz tênhv tsênhz mênhx. Tiv zix, hâux lưv ntâuk gri, phênhz cán bộ, côngz chức zuôr tâu tso nzir cuiz tênhv ntâuk gri txix têx hâux lưv uô tâu, hêik pâuz tsênhz chêx cur thiêz siz pir đros hâux lưv uô, taz por uô tsik so, txix ntâu kror, dân chủ, ndax ndênhk. Phênhz công chức cux zuôr tsik zuôv txos têx ngạch công chức txix siêz txos kik tsuôk muôx 4 zav (A, B. C, D) xưk li thâuv ntêx no, mak choz trâu Chính phủ cuiz tênhv tsênhz mênhx thênhv chor bậc công chức uô hâux lưv txix siêz txos kik chiê paz muôx tsar tov zôngx ziv trâu hâux lưv cxiv tsa cxiv luôs qơư uô hâux lưv thiêz thêv nhiêx hli lơưr qơư uô hâux lưv thiêz kror hâux lưuv uô.

Đros co, dự thảo luật tưz kho đuô, cxaz nzir têx zav hux thôngx uô hâux lưv zos:  xav jênhv six hơưv thiêz tsik xav jênhv six hơưv. Đros hux thôngx xav jênhv six hơưv sir zôngv đros thiêz nênhs nhiv kruôr tâu xêir uô hâux lưv thiêz xav txix hnuz luật tâu uô trơưk; tas nro chor nênhs tsik tâu uô hux thôngx uô hâux lưv tsik xav jênhv six hơưv tsuv cir hux thôngx xav jênhv six hơưv…Dự thảo cux cxaz nzir cuiz tênhv xưv lik kỷ luật trâu cán bộ, công chức, viên chức tưz so lâul, so hâux lưv lok sik tưz hlôngr yiêz đuô hâux lưv uô, taz sik muôx têx uô cxâuv thâuv tsênhv uô hâux lưv, chiê uô tsênhz mênhx, truôx jông đuô Đảng têx cêr chêi, taz por pháp luật têx kỷ luật, kỷ cương thiêz uô truôx jông.

Njuôk xav, Luật tâu uô trơưk txix hnuz 1/1/2020./.

(Thanh Thủy-Lik Thox cxêik nhênhv)