Jax sâu thưr 7 hnuz 15/4/2017

Tsôngv box Thái đơưz Mộc Châu li phôngx cxưx yôngz cok

      Đros tsôngv box Thái đơưz nhoz Mộc Châu, txix thâuv ntêx lok, chor tuz nxêik puôr lênhx tâu chêi chiv chir siz nriêr siz nhiêv. Thâuv tuk nxêik tưz jông siêz, mak tuk hluôk tuz zuôr hêik trâu niêv txir pâuz thiêz zok nriêr nênhs muk yax so, tênhv yôngz cok. Nênhs muk uô têx co tsuv zos nênhs muôx suôz bê, pâuz tâu têx vênhx huôv zuk mênhx cxưx, tiv zix tsuv zos nênhs muôx luz nênhx vax tsêr shir phaz, tsâu sor.

      Thâuv xêir tâu hnuz nhôngs jông, tos tuz chiê lênhx nênhs yax so co đros iz cxiê nênhs muk tos nxêik tsêr chiê hêik thiêz tênhv yôngz. Têx zav tsuv muôx zos iz gơưv câux tôngx baz, iz gơưv lêr, iz luz yo, iz luz tiêz, iz txox fuôv txiêx, 4 đêiv ntâuz đơưz, mê njil nhiêx txiêx, têx co bâuv chak mak muôz lơưr saz tos nxêik tsêr hêik, iz gơưv kêiz chiê tos nxêik tsêr txi côngv pox côngz zơưv côngz, iz đêiv pav vor, iz đêiv pav puô, iz luz hâur ndông yiêz chiê tuk vâur pư thâuv nhoz uô vâur. Zơưv Lò Văn Thắng, nhoz jok Nà Bó 1, xã Mường Sang, huyện Mộc Châu puz pâuz:

     “Hnuz tuôx sêiz huôk tos nxêik tsêr, tos tuz zuôr chiê tuk hluôk tuz nhoz ntơưv tos nxêik tsêr chiê lơưr kruôz kriê uô ntêx thâuv zuôr cxiv tsa chuôz zis. Đhâu iz ntu mak lơưr thiêz chiê nênhs yax so muk nus tênhv yôngz, thiêz nox yôngz cok tov tos nxêik tsêr, tos tuz tsuv muôx gơưv kêiz, tuk buô lok sik chuôz zis tưs muôx mak tuô nhux taz sik cux tsuv muôx iz tuk buô chiê txi côngv pox côngz zơưv côngz tov tos nxêik tsêr. Tuk tuz tsuv nhoz tov tos nxêik tsêr uô vâur iz ntu lơưr thiêx chiê chox tuk nxêik lok tsêr”.

      Thâuv tos tuz gra cxuô zav tuôx thiêz thor tos nxêik chiê tuk tuz tâu nhoz uô vâur, tos nxêik zuôr xêir nênhs muôx hnuz nhôngs lâul hâur chuôz xênhv tuôx txêik thiêz tuô kêiz chiê txi côngv. Thâuv txi côngv tas, tuk hluôk tuz tâu tos nxêik jênhv lok uô vâur. Nox tơư yôngz tas mak tos tuz bax cxuô zav chiê uô yôngz cok tov tos nxêik tsêr. Lơưr phôngx cxưx mak tox tuz zuôr gra iz tuk buô muk tuô tov tos nxêik tsêr txix 90-100 cir, chơưr thiêz cxur mak khov lơưr chor kruô thiêz tos nxêik li chor nênhs cxênhz jê chôngz lok tsơưs, tsơứ stiv zix mak oz gơưv kêiz, têx thâuv mak txos 5, 6 gơưv khov lơưr tos nxêik li chor thax đaz thiêz 5 lok 7 lok sik 9 gơưv têik kâuz, kaz jiz. Têik kâuz mak têx jâuv zos grêix njêl kâuz, lok sik grêix kâuz, têik kaz jiz zos cuôz kuôr njuôl jox, thax njêr. Têik lox zâu cux xix tz sik mak phênhv ntâu zos têik 5 las. Đros co zos 5 lok sik 7 lok sik 9 tơưz kê. Taz sik chor tơưz kê no tsuv muôz jux juk txix tơưz iz mak iz luz kê, tơưz oz mak oz luz kê thiêz jux juk txox tơưz 9 zos 9 luz kê. Đuô li tsuv bax xar tôngx chox hcax đaz, ntâuz đơưz, ntâuz pas đuz, liêz, 5-7 poz luôv zênhz, 5-7 poz pênhz laz tso trâu sâuv tos nxêik li luz thax đaz. Nhiêx txiêx tso sâuv thax đaz mak lơưr oz chuôz zis sik sêiz lax. Zơưv Lương Văn Hoạt nhoz jok Nà Bó, xã Mường Sang, huyện Mộc Châu puz pâuz nzir:

       “Chor nênhs tuôx nox yôngz tsuv muôx iz gơưv kêiz, têx chuôz zis mak 2 txos 3 gơưv, khov lơử rtos nxêik tsêr hêik pâuz. Kêiz tsik zos chiê txi côngv pox côngzz zơưv côngz xưz mak tsênhv txi côngv têx đaz vas, đaz tsêr, tox trôngz hâur pêk. Thiêz uô ntêx thâuv zuôr chox tuk nxêik lok uô nhaz mak cux muôx iz tuk kêiz thor pox côngz zơưv côngz saz tos nxêik tiêk chox tuk nxêik lok uô nhaz”.

       Đros bax cxuô zav trâu saz tos nxêik tsêr, mak tos tuz tsêr cux bax chiê tok nhaz muôx: iz tuk buô txix 80-100 cir, tuk buô no chiê txi côngv pox côngz zơưv côngz; iz tuk kêiz txi côngv đaz vas đaz tsêr, iz tuk kêiz lok sik muôz iz kror grêix buôs ntơưv chax đaz chiê txi côngv saz tos tuz li niêv têik tsêr… Thâuv chor nênhs chox nhaz lok txos mak niêv tuôr tuk nhaz têk chox muk sâuv tsêr, muôz tos jâuv thiêz nzuôr tơư trâu tuk nhaz. Đhâu co chox tuk nhaz lok jâuv hâur đêiv lêr puô hâur luz đraz tsêr tok txir nênhz txi côngv pox côngz zơưv côngz tas mak li tâu sơưr. Txi côngv tas mak sơưr đơưk sik đros nox hâuk phôngv jông trâu oz niêv txir. Chor lâul mak hêik gâux shir phaz tok nhaz, zok nhaz, jênhv nhaz…Chor hluôk tuz, hluôk nxêik mak hêik gâux siz lưr txos yênhx tas hmo.

      Tsôngv box Thái Mộc châu li phôngx cxưx yôngz cok nhiv no tsik phiv liv thâuv ntêx, taz sik cux tsênhv tuôr chiê tâu mênhx cxưx têx vênhx huôv jông cxôngx nzor thiêz tâu pox nhuôs nhoz no tuôr tsês jông tsik chiê plox./.

(Lường Hạnh-Lik Thox cxêik nhênhv)