Mộc Châu cxiv uô tsêr niêv côngz siêz- cxơưz cxiz sđ sik đros uô

          Tror lok đhâu jiês mul seiz ziv chuôz zis pluôs nhoz jos Hin Phá hâur hnuz nyar ntux cuz sor, txơưv lok six cuz thiêz lok hưk ntuz flu tas, taz sik lênhx pox niêv Bí thư Đảng ủy xã Chiềng Hắc Hà Thị Phước lok six jông siêz thav tiêk: Txos nhiv no, tas nro 89 ziv chuôz zis pluôs nhoz hâur xã tưz muôx tsêr nhoz ngaz tul, tsi muôx lênhx tưs nhoz hâur têx luz tsêr fênhz suôz, xâu nas li ntu đrav ntêx.        Lơưr Bí thư Hà Thị Phước, xar njôngr paz tsôngv box hla đhâu cêr pluôs tsuôk zos iz tsưr ziv uô mê, kror zov chênhr zos tsuv cxơưz cxiz, hu zâuv yênhx lênhx nênhs, yênhx chuôz zis, yênhx lênhx cán bộ đảng viên sik côngv đros uô. Ntơưv Mộc Châu, tsưr ziv cxiv uô tsêr niêv côngz siêz thâuv tưs cux zos njiêz luv tsênhv hâur têx jiês khiêz phêv cấp ủy thiêz chinhr quyênx tiv phaz. Đhâu co, têx ntâuz ntơưr tâu tso tơưv lơưr tsưr ziv huiz tôngv tas nro cxix luôk chinhr trị sik đros uô li: pheiz têx paz nênhs pluôs lơưr hov hnuz nhôngs chiê xav tênhv tsov cưv paz txưv; pheiz lênhx nênhs pluôs lơưr qir tiv pluôs tiv tsi muôx hâux lưv uô, tiv muôx zênhs zax zênhz; lok sik pheiz côngz trâu yênhx cán bộ, đảng viên paz yênhx ziv chuôz zis pluôs tsênhv tsênhz.       “Pêz cux tưz pheiz côngz têx tsưr tsix đoanx thêv thiêz pheiz côngz đảng viên paz txưv uô tsêr thiêz paz yênhx chuôz zis pluôs hla đhâu cêr pluôs yênhx shông. Shông 2015 pêz xã Chiềng Hắc yuôr zuôr xar 19% ziv chuôz zis pluôs, txos shông 2019 tưz txu grês tsuôk yuôr 5% ntâu”.

          Bí thư Đảng ủy xã Mường Sang Hoàng Văn Thắng puz pâuz, Mường Sang muôx 1 cxênhz 400 ziv chuôz zis, 6 cxênhz ntâu lênhx nênhs, têx mênhx cxưx phênhv ntâu zos Thái, Mường, Kinh...Đros qơư tsov txos zos côngv thôngx li txơưx jênhv, sik côngv tês uô ntâu hâux lưv muôx ziz njiêz đuô, paz tsôngv box têx mênhx cxưx muôx luz nênhx jông đuô, shông 2017, Cuiv “Uô hâux lưv jông hâur niêx hnuz, sik pheiz kênh cêr jông siêz” xã Mường Sang qir tâu yênhx lix. Đros phênhv sâu iz cán bộ, viên chức thiêz đangv viên cxôngx 500 txos 1 cxênhz, lok sik 2 cxênhz iz hnuz iz shông, cxôngx thâuv krêz uô, Cuiv tưz sâu lok tâu yênhx puôk tsov đeiv:“Cuiv no sâu lok puôr lênhx zos chiê cxuôv tsêr lav uô thiêz paz txưv chuôz zênhx tsiv uô kôngz nuv trâu ziv chuôz zis pluôs. Fênhx pheiz iz shông, pêz cux tâu 45-50 tsov đeiv. Phênhv cuiv no zos Đảng ủy coar lik, đhâu co muôz paz têx ziv chuôz zis cxuôv tsêr fênhz suôz, lav uô lav nhoz”.

          Sik côngv siêz cxôngx cán bộ txos tsôngv box, đros ntâu tsưr ziv krêz uô, tsaz yênhx cxiv tsêr niêv côngv siêz trâu ziv chuôz zis pluôs nhoz Mộc Châu ziv hnuz ziv tso pov têx chêx cuk jông, thâuv chor tsêr tâu cxiv hâur yênhx shông ziv chuôz ndê siêz. Thâuv ntêx, fênhx pheiz iz shông, huyện tsuôk cxiv yiêz tâu muôx nhos 50-60 luz tsêr niêv côngz siêz; taz sik 3 shôngk jê ntơưv no, chor tsêr fênhz suôz tâu cxuôv por tsês zos tas nro zuôr xar 700 luz, tsi yuôr chuôz zis tưs nhoz uô nênhx hâur tsêr fênhz suôz, trâus xơư nas. No tsênhz tsênhz zos têx hâux lưv jông mak ntâu tiv phaz txơưr xar njôngr uô tâu li ntơư: Pos Nguyễn Thị Hoa, Phưv Chủ tịch UB huyện Mộc Châu khav tênhv: Iz hâur têx kror coaz tsôngv zos têx hâux lưv uô tâu heik tơưv tsênhz mênhx thâuv krêz uô:“Hnuz “Viv nênhs pluôs 17/10” yênhx shông, huyện Mộc Châu khênhr tsưr tsix tsaz yênhz hu têx chiz coaz, taz viv, lênhx nênhs siêz jông cxaz chuôz gôngr côngv uô tsêr niêv côngv siêz trâu nênhs pluôs thiêz sâuv đeiv fiêx reik đros sâuv tsêr zuôr sâu bê têx taz viv, lênhx nênhs siêz jông paz txưv. Viv li, têx tsưr tsix tưz paz uô tsêr niêv côngz siêz thiêz pâuz tsênhz zuk paz txưv trâu lênhx nênhs tưs, paz hor ntâu thiêz paz li chas....Têx hâux lưv uô tsênhz mênhx li co ziv chuôz cxaz siêz njênhs trâu têx taz viv, lênhx nênhs siêz jông tror paz txưv pêz hâur ntâu shông đhâu. Thiêz khov co, txos nhiv no, huyện thiêx uô tiêr tâu hâux lưv cxuôv tsêr fênhz suôz sâuv thax tsav”.

          Sâuv tox siêz Mộc Châu jông jav, têx luz tsêr yiêz tâu cxiv uô truôx jông cxôngx tas nro côngv thôngx li têx pheiz kênh, siêz jông zuôr zos đas jos chiê têx lênhx nênhs pluôs tror sir jos đuô hâur luz nênhx. Têx luz tsêr niêv côngv siêz no zuôr paz lơưr tso siêz uô nox uô hâuk, sik côngv tês chiê Mộc Châu ziv hnuz ziv huôv tsar thiêz zos têz qơưk ju lix tâu ntâu lênhx nênhs pâuz thiêz nhiêv txos. Thiêz tiv zix zos têx luz tsêr niêv côngv siêz co tưz paz uô trâu tsôngv box ziv hnuz ziv njênhs njôngr txos têx cxênhx cán bộ thâuv tưs cux sir tas đas jos viv côngv thôngx li luz nênhx./.

(T.Thùy-T.Lan-Txâur Vax cxeik nhênhv)

Phênhv xưv bluô hâuk chơưr, bia tsar yêz ô tô, yêz mêir txix shông 2020

Phênhv 1: Muôx tsik tâu ntâu đuô 50mg/100ml nyar lok sik 0,25mg/11 pa tso lok:

Ô tô: Phênhv xưv bluô 6-8 triệu đêiv

Yêz mêir: Phênhv xưv bluô 2-3 triệu đêiv

Yêz tuôv, yêz tuôv tênhv: Phênhv xưv bluô 80.000-100.000 đêiv

Xưv bluô nzir: Sâu tsês ntơưr tsar yêz txix 10-12 luz hli.

Phênhv 2: Muôx ntâu đuô 50mg txos 80mg/100ml nyar lok sik siêz đuô 0,25mg txos 0,4mg/11 pa tso lok:

Ô tô: Phênhv xưv bluô 16-18 triệu đêiv

Yêz mêir: Phênhv xưv bluô 4-5 triệu đêiv

Yêz tuôv, yêz tuôv tênhv: phênhv xưv bluô 200.000-300.000 đêiv

Xưv bluô nzir: Sâu tsês ntơưr tsar yêz txix 16-18 luz hli.

Phênhv 3: Muôx ntâu đuô 80mg/100ml nyar lok sik ntâu đuô 0,4mg/11 pa tso lok:

Ô tô: Phênhv xưv bluô txix 30-40 triệu đêiv

Yêz mêir: Phênhv xưv bluô txix 6-8 triệu đêiv

Yêz tuôv, yêz tuôv tênhv: Phênhv xưv bluô txix 400.000-600.000 đêiv

Xưv bluô nzir: Sâu tsês ntơưr tsar yêz txix 22-24 hli./.

(Bích Thủy BT-Lik Thox cxêik nhênhv)