Jax sâu thưr 4.15.6.2016:

SƠN LA: BAX CXUÔ HÂUX LƯV TRÂU JIÊS TƯR THIK CƠƯV TAS NTƯƠR LỚP 12.

          Đros siêz xar đăng cir cơưv Học viện cảnh sát công an, shux xênhz Vừ A Ty, shux xênhz tsêr cơưv phổ thôngz mênhx cxưx nội trú tỉnh Sơn La tsênhv ciêr chênhr cơưv chiê bax trâu jiês tưr thik zuôr txos. Vừ A Ty heik: No zos jiês tưr thik coaz tsôngv, viv li cur lok six cxơưx, taz sik tâu cơưv shâuv hâur six hơưv đhâu, ho tâu cưk kriê heik kriê cxix cxuô lok tưr thik, viv li cur tso siêz đuô:

          “ Six hơưv zuôr txos zuôr thik đại học, tsêr cơưv muôz cxuô theox chênhv trâu pêz co zos tsưr tsix 2 jiês kriê cxaz. Tâu tsêr cơưv tsov cưv mak pêz cux truôx siêz đuô thik”.

          Tsêr cơưv phổ thôngz mênhx cxưx nội trú tỉnh Sơn La muôx 211 lênhx shux xênhz cxaz chuôz tưr thik tiêr ntơưr lớp 12, hâur co muôx 157 lênhx đăng cir xeir zuôr cơưv đại học, cao đẳng cxôngx tưr thik tiêr ntơưr lớp 12. Xav tênhv no zos jiês tưr thik coaz tsôngv đros shux xênhz khối 12, ciês cxôngx hâur shôngk shông cơưv, đros thiêz tsaz yênhx kriê ntơưr, têx cưk kriê tsêr cơưv tsênhv tsưr tsix kriê cxaz trâu shux xênhz, paz shux xênhz pâuz thôngz quy chế tưr thik. Cưk kriê Nguyễn Xuân Tuy, hiệu trưởng tsêr cơưv phổ thôngz mênhx cxưx nội trú tỉnh Sơn La heik:

          “ Tsêr cơưv tưz muôx tsưr ziv cxôngx ciês hâur shôngk shông cơưv zos tsưr tsix kriê cxaz trâu shux xênhz cxôngx hli 10/2015, thiêz six hơưv kriê cxaz truz ntêr mak cơưv txos tưs kriê txos co, muôz siêz tsơưr lươngv cơưv trâu shux xênhz hâur shông cơưv”.

          Shông no, Nganhx zaoz zux-thox cxov tỉnh Sơn La yênhx lix 2 hôiv đôngx sêiz car tưr thik nhoz 2 qơư thik, đros 400 ntâu qar thik. Hâur co, qơư tưr thik tsês trâu shux xênhz dưv thik cơưv tiêr ntơưr lớp 12, thiêz xeir zuôr cơưv đại học, cao đẳng tsưr tsix ntơưv thành phố Sơn La muôx zuôr xar 100 qar thik. Txos nhiv no, luôs hâux lưv bax trâu jiês thik tưz uô tâu tiêr. zơưv Nguyễn Ngọc Hà, tsar phòng coar lik tsơưr lươngv zaoz zux thox cxov tỉnh Sơn La puz pâuz:

          “ Chiê bax trâu jiês thik THPT têz qơưk shông 2016, ngành zaoz zux thox cxov Sơn La tưz heik kriê, yax mông lok jiês thik trâu tsôngv box thiêz shux xênhz. Txos nhiv no jiês thik tâu taz por lok têx tsưr ziv zaoz thôngz, vêv xênhz zav nox, taz por tsưr ziv tsưr tsix thik jông tiv zix...”

          Jiês tưr thik cơưv tiêr ntơưr lớp 12 shông 2016, tas nro tỉnh Sơn La muôx 10 cxênhz ntâu lênhx shux xênhz dưv thik, hâur co muôx 3000 lênhx shux đăng cir xeir zuôr cơưv đại học, cao đẳng cxôngx chêx cuk tưr thik cơưv tiêr ntơưr lớp 12. Đros  trâu bax jông luôs hâux lưv tưr thik, tỉnh Sơn La tưz muôz cxuô theox chênhv paz shux xênhz truôx siêz thiêz sir jos tưr thik cov tâu zos đrêiv siêz xar./.

( Trấn Long- Txâur Vax cxeik nhênhv)

Phênhv thưr 4 hnuz 15/6/2016:

Tsưr ziv phax tar cxuô zav moz hâur chêix ntux sor

Moz thox plaz

Qir tiv: Zos tiv hâuk tâu têx đêx thiêz nox tâu têx zav nox tsik hur, tsik vêv xênhz thax tsav qơư nhoz.

Muôx yưv: Kror zôngx ziv pov zos ntuôr, moz plaz, kror ndâux kruôr, tơưr grêix muôx tsơưs đêx, tso jik tsơưs. Zos tiêk têx thâuv mê nhuôs trâus moz hnhar, zuôr uô trâu tus mê nhuôv ntơư tsik ndo kaz thiêz tsik muôx jos.

Têx tsưr ziv phax tar: Chiê phax tar moz thox plaz trâu nhuôs zâu, niêv txir tsuv chiê mê nhuôs hâuk đêx râuz bâu, nzuôr têk tơư uô ntêx thâuv zuôr nox hâuk, txiêr têx trâu têk trâu tơư cov hur si, tsik uô vuôz tsuôz kiêk nênhs. Zos tiêk trâus moz thox plaz, tsuv chiê mê nhuôs hâuk ntâu đêx, hâuk nzir yuôx ORS. Txơưv tiêk tưz jông moz, tsuv tsik so uô trơưk têx faz tsưr ziv no trâu nhuôs zâu txos thâuv nus cưk yuôx bác sỹ  hêik kriê huv đros.

Moz kruô tâuv

Moz kruô tâuv zos zav moz muôx caz moz uô yưv. Nhuôs zâu trâus moz kruô tâuv, mê nhuôv mêx njik uô cuz, đhâu co cux uô trâu tus mê nhuôv ntơư luz chêr cuz  hênhr. Moz zuôr truz ntêr 4-5 hnuz.

Zos mê nhuôs hâuk tsik huv yuôx, tsik huv six hơưv cux zuôr uô trâu zav moz no trâus moz vôngk. Thâuv  co, cux zuôr uô trâu tus mê nhuôs ntơư moz hnôngk, moz ka…niêv txir tsuv lok six tsov cưv txos, viv tiêk zos chiê mê nhuôs hnôngk, moz ka truz ntêr hnuz, zuôr uô trâu tus mê nhuôs trâus moz njưk.

Zos tiêk mê nhuôs trâus uô cuz thâuv muôx yưv ntâu poz trâu iz chê, tsuv chox ciês mê nhuôs muk trâu cưk yuôx njuôk shuôk chiê muôz yuôx chơưv kho cov jông, tsik chiê mê nhuôv trâus moz hnhar./.

(Báo SK&ĐS-Lik Thox cxêik nhêhv)