Têx tsêr cơưv thax tsav trâus đêx nas cuôr yôngz Mù Cang Chải sir jos hla cov đhâu têx phiv liv bax trâu shông cơưv yiêz

       Coz nas lox tas cik hnuz xiêz 3/8 tsi tiêk cuôr yôngz lênhx tiz nênhs, tsôngv box têx chuôz zênhx chuôz tas mak tsênhv uô ruôr hiêv tas ntâu têx côngz trênhx, hâur ntơư muôx têx tsêr, qar cơưv ntơưr nhoz huyện Mù Cang Chải, tỉnh Yên Bái. Hla đhâu têx phiv liv, đros thiêz hâu nov ntơưv qơư thiêz hur si côngv thôngx têx cêr siz chos paz, chor tsêr cơưv ntơưr nhoz thax tsav trâus đêx nas cuôr yôngz tsênhv zênhx max cxiv kho, uô cov tiêr têx qơư, côngz trênhx uz no....phưx vưv kriê thiêz cơưv ntơưr chiê bax tok têx nhuôs shux xênhz tuôx cơưv ndar tâu six hơưv hâur shông cơưv yiêz.

       Tsêr cơưv cxênhx iz thiêz cxênhx 2 thị trấn Mù Cang Chải trâus uô ruôr hiêv hnhar yax hur si. 4 qar tsêr cơưv đros trâu ntâu côngz trênhx txơưr đuô tưz trâus puôk tsuôx, tsi jông tas hur si; tas nro luz tsêr trâu têx cưk kriê ntơưr tuôx nhoz kriê ntơưr muôx 5 qar tsêr nhoz, iz qơư uô jâuz uô mor nox, 2 côngz trênhx tơưv trôngx, qơư trâu yêz, têx car đêx tok đêx hur cux trâus puôk tsuôx thiêz ar, poz jêz cxuz tas...... Tâu têx lưv lươngv sơưr đơưk siz chos côngv tês paz max, tập thể canr bôv, cưk kriê ntơưr thiêz nhân viên tsêr cơưv tsênhv sir jos hla đhâu têx phiv liv chiê bax trâu shông  cơưv yiêz. Cưk kriê Phạm Thị Thủy, thơưx seiz car tsêr cơưv cxênhx iz thiêz cxênhx 2 thị trấn Mù Cang Chải heik pâuz:

        "Nhiv no pêz cux tsênhv tror cxiv kho, khưx phưx têx tsi jông đhâu coz nas lox uô hiêv nhiv kruôr đhâu. Chiê bax trâu shông cơưv yiêz mak pêz cux vav chiê siêz tiêk, zuôr txeik tâu têx tsưr tsix têx cêr moz siêz, paz txos chiê chor nhuôs shux xênhz muôx têx cơưv tâu ndar six hơưv, tsưr ziv. Đros thiêz cxênhx 2 mak txos hnuz 21/8 no zos tưz qir cơưv hâur shông cơưv yiêz lơưv....".

      Coz nas lox cuôr yôngz nhiv kruôr đhâu tưz uô 4 luz tsêr cơưv hâur huyện Mù Cang Chải trâus puôk tsuôx hnhar zos, tsêr cơưv cxênhx nhuôs zâu Hoa Lan, tsêr cơưv Tàng Ghênh xã lao Chải; tsêr cơưv cxênhx iz thiêz cxênhx 2 thị trấn, tsêr cơưv cxênhx 3 hâur huyện. Hâur ntơư, tsêr cơưv cxênhx nhuôs zâu Tàng Ghênh hâur xã Lao Chải mak trâus ar, poz jêz cxuz tiêx tas hur si. Iz chas têx qar tsêr cơưv trâus đêx nas cuôr yôngz, poz vâu, tsi jông mak têx trôngx tos, chuôz zênhx phưx vưv kriê thiêz cơưv ntơưr mak cux trâus đêx nas cuôr yôngz, uô tsi jông tas......Txơưx tiêk ntâu phiv liv thiêz txov li ntơư taz sik huyện Mù Cang Chải sir jos tsi chiê iz luz tsêr cơưv tưs trâus kênhz, uô ndar tsi tâu six hơưv krêz shông cơưv yiêz. Zơưv Vũ Tiến Đức, Chủ tịch UBND huyện Mù Cang Chải, tỉnh Yên Bái heik:

       "Pêz zuôr zênhx max yeik txar têx tsêr cơưv trâus puôk tsuôx tsi jông heik sâuv muk trâu têx qơư yiêz. Xưk li tsêr cơưv cxênhx iz thiêz cxênhx 2 thị trấn (Tsêr cơưv Võ Thị Sáu) mak pêz yeik muk trâu tsêr cơưv cxênhx iz Kim Đồng chiê cơưv thiêz zuôr cơưv 2 jiês hâur iz hnuz; tsêr cơưv cxênhx nhuôs zâu Tàng Ghênh trâus ar, poz jêz cxuz tiêx tas ntơư mak pêz cxiv uô, muôz kuôr hlâu đhok uô têx tsêr chiê chor nhuôs shux xênhz muôx têx tuôx cơưv tâu ciês...''.

        Iz chas hâu nov ntơưv qơư thiêz chor cưk kriê ntơưr, shux xênhz têx sir jos, têx luz tsêr cơưv nhoz thax tsav trâus đêx nas cuôr yôngz uô ruôr hiêv Mù Cang Chải nhiv no tsênhv lok six zuôr trâus txos chor tsưr tsix, lênhx nênhs siêz jông li têx cêr paz max chiê hla đhâu phiv liv bax trâu shông cơưv yiêz./.

(Đinh Tuấn-Riê Lâux cxeik, nhênhv)

Vâuv jâuz tâux kâuz tsês trâu tsiêx cxu nox

(Hlôngr suôz)

          Faz tsưr ziv vâuv jâuz tâux uô kâuz tsês trâu tsiêx cxu nox, zos faz tsưr ziv uô huv đros thiêz tsiêx cxu nhiêv nox, grê zuôr muôs tsik civ pês tsơưs thiêz zav jâuz tâux uô kâuz co zôngx ziv uô, tsês tâu ntêr hnuz. Zos vâuv cov tâu jâuz tâux kâuz huv đros, tsôngv px sđ tsuv uô trơưk faz tsưr ziv li đrav kaz:

          Uô ntêx, tsôngv px tsuv khơưz kror chiê vâuv cov jâuz tâux kâuz; têx kror vâuv jâuz tâux tsuv khơưz trâu hâur chuooz zis li têx vax; zos chor jâuz taux zuôr vâuv ntơư ntâu, tsuv khơưz luz kror ntơư lox thiêz luz kror ntơư, chuôz zis muôz xi măng chox lok puôz lênhv cux tâu; zos luz kror ntơư tsik lênhv xi măng, tsuv muôz ntâuz tax chox lok puô thêir tsik chiê điv pa, tsik chiê ntux lok nas cxênhz ntuz chor jâuz tâux hâur luz hnaz tax.

Nhạc ngắn:

          Cxuô zav jâuz tâux thiêz car poz cưk, thâuv sâu ntêik poz cưk tas, tsoz poz cưk ntơư tsik tâu kruôr, tsuv muôz txiêr hur si tus car poz cưk đros trâu chor blôngx lok sik txiêr tsoz chos lâuk huôz xênhz; blôngx vơưs kok ntông; blôngx pôngr lux; hmôngr vơưs kok ntông; suô blêx; hmôngr poz cưk…muôz mê njik njêr chox lok shơư mav li muôz trâu hâur kror vâuv cov chor jâuz tâux ntơư kâuz; zos jông đuô, tsôngv px tsuv vâuv trâu têx hnuz ntux yar.

          Zos chor jâuz tâux, blôngx tsênhv mok, tsuv muôz jiêz yar ntux cov njưk, kruôr đêx mav li muôz chox muk vâuk uô kâuz. Thiêz tsuv vâuv trâu thax tsav qơư kruôr, tsik chiêx ntux lok nas ntuz. Chor jâuz tâux chox lok vâuv ntơư, tsuv txiêr cov ntêr li iz txos 2 zak ntir têk li muôz chox muk vâuv. Thâuv muôz ntiv trâu hâur luz kror lok sik hâur hnaz, tsuv muôz niêk cov chênhr; muôz oz cxênhx hnaz tax vor sâuv ndâux hnaz, tsik chiê chor jâuz tâux co điv pa.

Nhạc ngắn:

          Hâur ntu vâuv cov chor jâuz tâux ntơư kâuz zos 21 hnuz, cux jông muôz chox lok trâu tsiêx cxu nox. Chor jâuz tâux, thâuv vâuv tâu ntơư, đax thiêz tsư kaz, tsiêx cxu nhiêv nox thiêz thâuv muôz chor jâuz hâur luz hnaz co trâu tsiêx cxu nox, ndo njôngr tror vor tsik điv pa, tsik chiê chuô yuôz muk trâu hâur chor jâuz tâux co. Zos thâuv pov  chor jâuz tâux co, đuz thiêz tuôx pưv thiêz lưx, tsuv muôz por tsês, tsik muôz trâu tsiêx cxu nox thiêz cxuô zav jâuz tâux vâuv uô kâuz hêik ntơư, zos tsês tâu ntêr 6 luz hli.

          Phênhv “Nôngx mênhx zuôr tsuv pâuz” ciêz no zos Đêix nta suôz VN đros tsênhv qơư cxiz kôngz têz qơưs uô./.

(Tsu Vưx cxeik, nhênhv)