Yên Bái: Hlôngr canr bôv  qơư uô hâux lưv cxơưz cxiz huôv tsar kinh tế-XH thax tsav txov nhêv

Uô lơưr tỉnh Yên Bái thiêz huyện Văn Yên tsưr ziv hlôngr canr bôv qơư nhoz uô hâux lưv, shông 2017, zơưv Phí Hùng Sơn, Phưv thơưx  Cơ quan Tsưr tsix-Nội vụ Văn Yên hlôngr muk uô Bí thư Đảng ủy xã Hoàng Thắng. Muk uô hâux lưv hâur thax tsav qơư, lênhx Bí thư yiêz Phí Hùng Sơn qir hlo uô têx nuv cxiv kho, qênhz shuôs, phênhz đuô têx canr bôv xã cov fiv đros; kho chor canr bôv công chức têx cui tinhv, tsưr ziv lês uô cxuô luôs hâux lưv, lar heik zos thâuv chuôs njiz tsôngv px. Iz chas ntơư, tso tơưv tsưr ziv thiêz cxơưz cxiz tsôngv px huôv tsar uô nox txix: Tsưr ziv chos ciêv fix thiêz tu zus tsiêx cxu chiê huôv tsar kinh tế, cxuz cêr yeiz pluôs. Khov li ntơư, hâur 2 shông 2017-2018, têx chuôz zis pluôs hâur xã xav kror đruôz đraz iz shông txo grêk 5%. Shông 2018, Hoàng Thắng tưz tâu  côngk nhav uô tâu tiêr luôs hâux lưv cxiv tsa jêx jok yiêz. Nhiv no, 100% luz jêx jok hâur xã muôx trâur nuv txơưx jênh vênhv uô tâu hâux lưv jông. Bí thư Đảng ủy Hoàng Thắng Phí Hùng Sơn heik pâuz:

“Cur đros têx đôngx chir hâur Ban thường vụ, BCH muk têx jêx jok chiê qênhz shuôs tsênhv tsênhz, txix ntơư tso tơưv têx tsưr ziv chiê paz tsôngv px huôv tsar uô nox, lar heik zos hlôngr yiêz tsưr ziv uô kôngz nuv. Nhiv no, tsôngv box phôngz yaox huôv tsar uô nox uô hnar tâu gra siêz lok six ntâu, trơưk li thôngz sâu shông 2018, xav kror đruôz đraz tsôngv box hâur thax tsav xã Hoàng Thắng phênhv sâu tâu zos 32 tsov đeiv”.

Phong Dụ Thượng zos huyện Văn Yên xã tox siêz đêz đrôngs, yuôr ntâu txov nhêv, 90% ntâu jênh sôr zos tsôngv box heir nênhs tsơưs. Tiv tsi yuô tâu muôx txux chi, tsưr ziv jênhv pâuz, viv li tsôngv box nhoz no tsênhv tuôr tsês ntâu phôngz cxưx cêr nênhx pôngz kaz hâur têx chei đaz kruôs, nox yôngz cok; têx nhuôs shux xênhz tso ntơưr tsês muôx yưv ntâu thiêz tsôngv px tsik tâu muôx tsưr ziv huôv tsar uô nox, tsuôk lav uô iz kro mê njik trơưl zuk tsưr ziv, siêz xar..... Hâur ntâu shông, têx chuôz zis pluôs nhoz Phong Dụ Thượng thâuv tưs tưz sơưr tiv iz hâur huyện.

Shông 2017, zơưv Nguyễn Thượng Phi, Phưv tsar Ban Tuyên giáo huyện ủy Văn Yên tâu tso lok uô Bí thư Đảng ủy xã. Iz chas đros cấp ủy đảng nhoz no cxiv kho đuô cxix luôs chính trị ntơưv qơư, Bí thư yiêz cux moz siêz txos cxiv tsa têx trâur nuv uô li: Chuôz xênhv tưx seiz car, Jok Hmôngz tưx seiz car,.... Iz chas ntơư, hâux lưv fuô uô têx tsưr ziv huôv tsar kinh tế, li tu zus keiz, zus ok ntơưv qơư, zus nhux tưv muôs....cux uô hlôngr yiêz tâu cêr huôv tsar kinh tế chuôz zis hâur thax tsav qơư, iz zav li tix lâus thiêz niêv lâuk Mai Hồng Hà thiêz Hoàng Thị Biến nhoz jok Làng Than chuôz zis, txix iz chuôz zis txov nhêv đrav ntêx mak nhiv no tưz zos iz hâur têx chuôz zis bluô nux thâuv đros uô lơưr tsưr ziv tu zus cxênhz tuk keiz:

“Thâuv ntêx, ưz 2 niêv txir cux lok six txov nhêv, thâuv muôx tsưr ziv lok cxơưz cxiz huôv tsar huôv tsar uô nox, cur 2 niêv txir tưz sir jos uô qơư tu zus keiz, nhiv no tưz huôv tsar uô tâu truôx”.

Xav txix hâur six cxiv Đại hội 15 txos nhiv no, Huyện ủy Văn Yên tưz tso thiêz hlôngr 23 lênhx canr bôv muk uô hâux lưv trâu têx xã, uô Bí thư Đảng ủy lok sik Chủ tịch, Phưv Chủ tịch ủy ban xã, thị trấn. Têx lênhx canr bôv tâu hlôngr thiêz tso muk uô hâux lưv trâu têx xã phênhv ntâu tâu ntâuk grê zos uô tiêr luôs hâux lưv zok muôz, sir jos lês uô jông cxuô luôs hâux lưv; ntâu lênhx đhâu thâuv tâu tso thiêz hlôngr muk uô hâux lưv trâu têx xã tưz đros cấp ủy ntơưv qơư muôx ntâu tsưr ziv jông hâur huôv tsar kinh tế-XH, paz tsôngv box hlôngr yiêz luz nênhx nox nhoz. Txix ntơư, paz txo grêk tsơưs têx chuôz zis pluôs hâur huyện txos nhiv no yuôr 18% ntâu; xav kror đruôz đraz iz lênhx nênhs sâu tâu 29 tsov đeiv iz shông thiêz tưz muôx 8 hâur 27 xã uô tâu luôs hâux lưv cxiv tsa jêx jok yiêz. Zơưv Nguyễn Trọng Thủy, thơưx cơ quan Tsưr tsix-Nội vụ huyện Văn Yên, tỉnh Yên Bái heik:

“Têx canr bôv txix huyện muk uô hâux lưv hâur xã zos uô jông têx nuv lok sâuv sik thôngx siêz, chor xã muôx canr bôv huyện muk uô hâux lưv li heik sâuv, uô tâu tiêr cxuô luôs hâux lưv hâur niêx shông thiêz ntơưv qơư nox nhoz truôx tuk. Tsôngv px luz nênhx jux juk tâu gra siêz, txo grêk tsơưs tsôngv px têx tsưr ziv, lul heik li uz li no tsi jông, uô trâu tsôngv box ntơưv qơư njênhs njôngr đuô lok têx canr bôv”.

Txix têx uô tâu li heik sâuv, hâux lưv tso hlôngr canr bôv huyện muk uô hâux lưv trâu têx xã tox siêz đêz đrôngs, thax tsav txov nhêv zuôr tror tâu huyện Văn Yên thiêz tỉnh Yên Bái moz siêz fuô uô hâur ntu zuôr txos./.

                             (Thừa Xuân-Riê Lâux cxeik, nhênhv)

JÔNG SIÊZ TÊX JIÊS YÊZ KRUÔ THÂUX NÊNHS MOZ TRƯX PHAX MUk KHO MOZ TSI ZUÔR NHIÊX TXIÊX

Tix lâuk Lê Văn Nguyên, tsưr yêz Sơn Nam puz pâuz: Qir huôx tôngv shông 2017, yêz muk đhâu Tsêr kho moz Nội tiết Trung ương thiêz Tsêr kho moz trưx phax Tân Triều, Hà Nội, yêz tưz tos ntâu lênhx kruô zos têx lênhx nênhs moz trưx phax. Iz jiês jiês yêz mul lok zos têx jiês têx lênhx nênhs tsar yêz tâu mnôngs thiêz pâuz cxaz têx nênhs moz trưx phax li luz nênhx. Muôx têx lênhx 1 luz hlik tsuv muk tsêr kho moz 3-4 jiês chiê kho moz. Chuôz zis cux muôx lênhx nênhs trâus moz trưx phax, viv li tix lâuk Nguyên lok six pâuz tsênhz têx nhiêx txiêx yưv zôngv chiê mul lok kho moz trâu nênhs moz trưx phax. Nhiv no njiz têx lênhx nênhs muôx luz nênhx li ntơư, ho trâus moz hnhar, tix lâuk Nguyên cuiz tênhv heik tas nro têx lênhx nênhs tsar yêz thôngx ziv tsi sâu nhiêx txiêx têx lênhx nênhs trâus moz trưx phax muk kho moz ntơưv tsêr kho moz trưx phax Hà Nội.

          “Pêz uô li ntơưv tsuôk xar cov lơưr txu gris tâu phênhv tưs nhiêx txiêx mul lok kho moz. Iz jiês mul, pêz jênhv tâu têx lo lul uô tsâus cux pov sor siêz, cux chuôz cxaz đas jos trâu pêz thâuv uô hâux lưv tsar yêz thâux kruô”. Tix lâuk Nguyên pheiz kênh.

          Hâux lưv yêz Sơn Nam tsi sâu nhiêx txiêx đros têx lênhx nênhs trâus moz trưx phax mul yêz tâu uô cxôngx hli 4 nhiv kruôr đhâu. Uô tâu iz đraz hli, viv xar muôx ntâu lênhx nênhs pâuz txos hâux lưv no, viv li tsưr yêz tưz chuv tôngv heik kriê trâu sâuv mạng xã hội, têx jiês sik thav thiêz lo ntơưr sâuv yêz heik kriê trâu cxuô lênhx nênhs pâuz. Cxôngx co iz jiês yêz mul puôr lênhx muôx 2-3 lênhx kruô zos nênhs moz rtưx phax, muôx têx jiês muôx txos 8 lênhx kruô zos nênhs moz trưx phax.

          Zos lênhx nênhs moz siêz đros hâux lưv uô, tix lâuk Nguyên thiêz têx lênhx nênhs txơưr thâuv tưs cux chuv tôngv seiz yênhx lênhx nênhs moz li đas jos chiê nriêr qơư jâuv trâu lơưr mul yêz. Têx lênhx nênhs tênhv qơư uô ntêx thiêz grês yêz ntơưv tsêr kho moz K tâu sâu tsênhz mênhx hâur ntâuz ntơưr. Thâuv sâu nhiêx txiêx mul yêz, lơưr chuv tôngv nus, pâuz tâu zos nênhs moz trưx phax mak lơưr tsi sâu nhiêx txiêx. Têx hnuz ntênhs, hnuz tsiêz txơưv yêz muôx chôngz kruô mul lok, taz sik yêz cux tsês qơư trâu nênhs moz jâuv. Muôx ntâu jiês yêz tsênhv heik têx kruô txơưr hlôngr mul yêz txơưr chiê nênhs moz trưx phax mul yêz no.

          Niêv lâuk Lê Thị Hường nhoz thị trấn Ít Ong, huyện Mường La muôx tul niêv hluôk trâus moz trưx pahx, yax six muk yêz no puz pâuz, tsi taz nênhs moz tsi trâus pôngz nhiêx txiêx mul yêz mak lênhx nênhs cxênhz jê cux tsi trâus pôngz nhiêx txiêx. Đros chuôz zis muôx luz nênhx txov nhêv, mul yêz tưz pôngz lơưv 1 tsov đeiv.

          “Thâuv muôx yêz thâux kruô jông siêz mak cux tưz txu gris tâu iz phênhv lox nhiêx txiêx, pêz tsi cxơưx thâuv mul lok kho moz thiêz. Pêz lok six uô tsâus ntâu txos yêz kruô, cux xar njôngr zuôr muôx cxaz ntâu luz yêz kruô txơưr uô tâu têx hâux lưv jông li no”.

          Têx lênhx nênhs moz trưx phax li hâux lưv kho moz zos iz hâux lưv lok six phêv liv. Cxôngx têx lênhx nênhs tsar yêz kruô Sơn Nam luôs hâux lưv uô jông co, tưz chuôz cxaz đas jos paz lơưr kho moz trưx phax.

          Yêz kruô thâux nênhs moz trưx phax mul kho moz tsi zuôr nhiêx txiêx zos iz luôs hâux lưv huôv tsar cêr uô nênhx jông hâur luz nênhx nhiv no./. 

Đắc Thanh- Txâur Vax cxeik nhênhv)