Kuz Tổng Bí thư Lê Khả Phiêu: Lênhx tuz nhuôs xứ Thanh siêz jông

          Txox cêr muk xã Đông Khê, huyện Đông Sơn hâur têx hnuz no, txơưv lênhx tưs cux pov qiv siêz. Thâuv tâu hnor mông kuz Tổng Bí thư Lê Khả Phiêu tâu tas siv nênhx, cxuô lênhx nênhs tuôx trâu kuz Tổng Bí thư li chuôz zis chiê ndo txos têx jiês tâu njiz zơưv. Nhiv no, hâur luz tsêr co, tsôngv box Đông Khê cux zuôr tsi tâu mnôngs zơưv suôz luk thav lơưv:“Tâu mông Hloz tâu tas siv nênhx, cur thiêz tsôngv box nhoz no lok six qiv siêz. Iz jiês lok uô hâux lưv tas Hloz cux tror lok jos 2 zos qơư hloz tâu xênhz zus thiêz hloz lox, muk seiz iz cxiê chuôz zis muôx nênhs muôx hnuz nhôngs siêz cux xưk li chuôz zis pluôs thiêz têx mê nhuôs zâu”.“Xã Đông Khê li têx đoàn viên hluôk nênhs thâuv tưs cux seiz hloz zos đeiv iêr chi cax luk chiê sir jos uô lơưr, sir jos tâu nhoz hâur Đảng, sir jos sâuv cxuô vênhv thix chiê cxiv tsa têz qơưk ziv hnuz ziv huôv tsar”.

          Zơưv Nguyễn Quang Lân, zos kuz Tổng Bí thư Lê Khả Phiêu li fôngx zưs đros iz fâuv nênhs nhoz xã Đông Khê heik: Cxôngx thâuv tsênhv zâu, lok sik thâuv uô Tổng Bí thư, zơưv Lê Khả Phiêu thâuv tưs cux tso pov siêz nhiêv têz nhiêv qơư. Txơưv uô tul tsi, iz jiês tror lok kuz têz qơưk zơưv puôr lênhx muk seiz nus pox nhuôs jêx jos, đros tsôngv box nhuôs thav.“Cur thiêz tix Phiêu zos fôngx zưs cxôngx thâuv tsênhv zâu, tsi phênhz pêx cán bộ thênhv siêz lok sik tsôngv box. Tix lok mak tuz nhuôs, cưr tix nênhx tsa tuôx seiz lok sik nưs heik tuz nhuôs tuôx hu, pêz lok six hluz nưs”.

          Thâuv tsênhv uô nênhx nhoz, kuz Tổng Bí thư Lê Khả Phiêu thâuv tưs cux tsov cưv txos têz qơưk Thanh Hóa li huôv tsar. Zơưv khênhr tôngv vênhx, heik tiv phaz tsuv uô jông luôs hâux lưv cxiv tsa cán bộ, huôv tsar đảng viên. Zơưv Lê Minh Thư, kuz Tsar ban chính sách, Bộ chỉ huiz quân sự tỉnh Thanh Hóa, ntâu jiês tâu đros kuz Tổng Bí thư Lê Khả Phiêu muk uô côngz xưv ntơưv tỉnh Thanh Hóa puz pâuz:“Cur lok six txưv haox, đồng chí Lê Khả Phiêu zos Thanh Hóa li iz lênhx tuz nhuôs, zos cán bộ thênhv siêz, Thượng tướng xuz thơưx hâur lưx lươngv vũ trang Thanh hóa, têx jiês lok Thanh Hóa, hloz thâuv tưs cux tsês six hơưv muk seiz lưx lươngv vũ trang Thanh Hóa. Kror mak hloz xar txos ntâu tiv zix zos đrâuv huôv tsar kinh têr tsuv sir jos cxiv tsa Đảng, kriê cxaz cán bộ, tiv zix zos cán bộ hluôk, hloz heik ntâu txos vênhv thix huôv tsar đảng viên zos tsôngv box mênhx cxưx”.

          Yuôr đros zơưv Nguyễn Minh Ánh, iz cán bộ quân đội so lâuk, kuz Tổng Bí thư Lê Khả Phiêu li têx luk choz kriê, zơưv thâuv tưs cux ndo njôngr txos tas iz tiêv, seiz co zos đas jos chiê zơưv sir jos uô txos nhiv no:“Pov lok six jê, jông li iz lênhx txir, iz lênhx zơưv hâur chuôz zis, viv li thâuv muk hloz tsêr uô si hloz zâuv đros hloz nox mor, hloz choz chêv lok six jông, viv li thâuv tưs cux xar njôngr uô li chas cov uô tâu li hloz luk kruôz kriê. Zuk zos iz sĩ quan quân nhân Việt Nam tsuv tuôr tsês jông siêz xar cơưx mênhv”.

          Nhoz qơư tir ntâuk tros châuz zos đồng đội, nhoz taz viv uô côngz xưv zos đồng chí, ntâu shông uô lênhs tov têz qơưk, taz sik thâuv lok txos jêx jos, kuz Tổng Bí thư Lê Khả Phiêu lok six jê tsôngv box jêx jos. Hnor mông zơưv tâu tas siv nênhx, cán bộ thiêz tsôngv box nhoz Thanh Hóa heik cxuô, pox nhuôs Đông Khê heik taz puôr lênhx pôngz siêz thiêz ndo txos kuz Tổng Bí thư Lê Khả Phiêu ./.

(Sỹ Đức-Txâur Vax cxeik nhênhv)