Yên Bái taz por đas jos trâu shux xênhz hâur têx hnuz ntux no njiv

Huyện tox siêz Mù Cang Chải, tỉnh Yên Bái tưz 2 ciêz lok no thâuv tưs ntux cux no njiv. Nhoz têx suôv qơư tox siêz li đơưv trôngz Khau Phạ, đơưv trôngz Kháu Nha, Tà Xung.....thâuv hmo thiêz tas cik sơưr nzor lok six no njiv đros trâu muôx đâuk tê.

Chiê taz por đas jos trâu zuôr xar 19 cxênhz lênhx shux xênhz hâur têx hnuz ntux no njiv, lar heik zos têx nhuôs shux xênhz nhoz hâur tsêr cơưv, cơưv ntơưr niêv txir zus mor thiêz têz qơưk zus mor, huyện Mù Cang Chải tưz chox kriê têx tsêr cơưv chuôz cxaz nzir têx pav sor trâu chor nhuôs shux xênhz nox nhoz hâur tsêr cơưv niêv txir zus mor thiêz têz qơưk zus mor; paz thiêz heik sđ siz chos gôngr paz têx tsôngk tril yo sor trâu têx shux xênhz pluôs, shux xênhz muôx luz nênhx txov nhêv. Sâuv têx loa nta suôz nhoz têx xã tsi so sâuv jênhv, nriêr pâuz lok ntux têx txơưr txar thiêz heik shux xênhz niêv txir moz siêz txos đuô hâux lưv taz por đas jos trâu têx tuz nhuôs. Têx tsêr cơưv tưz heik chor nênhs uô jâuz uô mor bax tsês chiê têx tơưk trâur ntê thiêz râuz đêx sor trâu shux xênhz. Shux xênhz têx qơư cơưv, qơư nox mor thiêz nhoz so thâuv tưs cux ntov, tsi chiê chuô txiêk yâu......

Zơưv Hoàng Văn Đồng, Tsar phongx Zoz zux thiêz thox cxov huyện Mù Cang Chải, tỉnh Yên Bái heik pâuz:

           “Phongx Zoz zux thiêz thox cxov heik têx tsêr cơưv tsi so nriêr pâuz lok ntux têx txơưr txar chiê zênhx max heik trâu shux xênhz niêv txir, têx nhuôs shux xênhz thiêz cưk kriê ntơưr, chor nênhs uô hâux lưv hâur têx tsêr cơưv pâuz chiê bax tsưr ziv phax txar jav. Têx tsêr cơưv tsuv sir jos cxiv kho têx côngz trênhx, xor thêir têx qơư nhoz thiêz qơư cơưv cov ntov jông chiê taz por đas jos trâu shux xênhz”.

Ntơưv huyện Lục Yên, chor tsêr cơưv tưz cxaz nzir têx jâuz mor nox, muôx tsơưr pưr, pav thiêz tsôngk tril yo sor trâu têx shux xênhz cxênhx nhuôs zâu, shux xênhz nox nhoz hâur tsêr cơưv, cơưv ntơưr niêv txir zus mor thiêz têz qơưk zus mor. Têx tsêr cơưv tưz tax nduô tsês tsi chiê shux xênhz cơưv, uô têx nuv uz no saz đrâuv jôngr, hlôngr trâu co zos chiê têx nhuôs cơưv thiêz nhoz hâur lớp cơưv, ntơưv têx qơư nhoz hâur tsêr cơưv. Cưk kriê Trần Đình Vũ, thơưx seiz car tsêr cơưv phưv thôngz mênhx cxưx chêx chôngz lok zos phổ thông Dân tộc nội trú cxênhx 2 huyện Lục Yên heik pâuz:

“Tiv iz zos lok sâuv têx qơư nhoz cơưv tâu taz por jông thiêz sor. Hâux lưv txoz cxơưx, tu têx nhuôs cux tâu chor nênhs uô jâuz mor nox râuz têx đêx sor trâu shux xênhz hâuk hâur niêx hnuz. Iz chas shux xênhz niêv txir têx cêr moz siêz txos chor nhuôs, tsêr cơưv cux muôz nzir iz lênhx shux xênhz iz đeiv pav sor thiêz iz luz yo sor”.

Trơưk li pos Tô Thị Ánh, phưv Giám đốc Sở Zoz zux thiêz thox cxov tỉnh Yên Bái: Txơưv hâur têx hnuz đhâu ntux lok six no, tox siêz no njiv hênhr, taz sik phênhv ntâu zos thâuv hmo ntux thiêz tas cik sơưr nzor, zar tar su thiêz hnuz kêix ntux yar sor sơưr, tsi uô hiêv ntâu txos hâux lưv kriê thiêz cơưv ntơưr cux li shux xênhz đas jos.

Txix ntux têx txơưr txar li heik sâuv, Sở Zoz zux thiêz thox cxov tưz chox kriê têx Phongx Zoz zux thiêz thox cxov, cxuô tsêr cơưv hâur thax tsav hux jos jông đros hâu nov ntơưv qơư sir jos uô têx faz tsưr ziv phax tar no trâu shux xênhz:

“Sở Zoz zux-Thox cxov tưz kriê trâu têx tsêr cơưv cov phax tar no trâu shux xênhz. Heik chor tsêr cơưv moz siêz txos cxaz nzir têx jâuz mor nox trâu shux xênhz, uô lơưr têx tsưr ziv siz paz chiê paz max têx nhuôs shux xênhz muôx txâuk tsôngl trik yo sor hnar, têx pav sor, đêx sor trâu shux xênhz vor thiêz hâuk, zôngv, vêv xênhz hâur niêx hnuz; bax tsês têx yuôx nox uz no..... Seiz lok ntux têx txơưr txar, têx Phongx Zoz zux kriê chor tsêr cơưv muôx têx kho six hơưv kriê thiêz cơưv ntơưr li chas cov huv đros, tsi tas chiê têx shux xênhz muk cơưv nzor, cov têx nhuôs mul lok tsi yuô phiv liv thiêz taz por tâu đas jos trâu shux xênhz”.

Njuôk xav hâur têx hnuz zuôr txos, ntux zuôr tror no njiv, no hênhr trâu thâuv hmo ntux thiêz tas cik sơưr nzor, thax tsav tox siêz mak lok six no njiv hênhr..... Iz chas ntơư, tỉnh Yên Bái heik ngênhx Zoz zux tror bax uô têx tsưr ziv chiê cê taz por đas jos trâu shux xênhz, cê taz por tâu trâu hâux lưv kriê thiêz cơưv ntơưr trơưk li tsaz yênhx tưz tso tơưv./.

                     (Xuân-Riê Lâux cxeik, nhênhv)