Jax sâu thưr 6, hnuz 16/10/2015

Lai Châu muôx yưv caz moz ơưk AH5N6 cik trâu keiz ok

 

 

Txos iz jiês no tỉnh Lai Châu tưz côngz fur moz ơưk keiz ok AH5N6 ntơưv 2 xã Bình  Lư thiêz Sơn Bình, huyện Tam Đường. Cơ quan muôx vax huôv thiêz hâu nov ntơưv qơư tưz hlơưr por tsês 1.200 ntâu tuk keiz ok, zax zuôv; iz chas ntơư kuôk cêv thax tsav muôx moz huôv xênhz chiê seiz car, qênhz shuôs. Taz sik, đhâu thâuv qênhz pov moz ơưk keiz ok huôv xênhz ntơưv qơư uô nôngz keiz ok hâur xã ình Lư thiêz 12 ziv chuôz zis tu zus txơưr đuô ntơưv jok 46, xã Sơn Bình mak nhiv no têx ziv chuôz zis tu zus txơưr đuô ntơưv têx thax tsav no têx keiz ok cux tuôs chuôs tsi:

Tix lâus Hoàng Xuân Quý, nhoz jok 46, xã Sơn Bình, huyện Tam Đường, iz hâur têx ziv chuôz zis muôx keiz ok trâus moz ơưk heik pâuz:

Băng: “ Cur chor keiz, ok nưk tuôs pok thâuv hli 9 lok. Cur zus muôx iz cxênhz ntâu tuk, ntu no moz tuôs tas, yuôr 200 ntâu tuk ok xưz. Cơ quan kho moz tsiêx cxu tuôx qênhz shuôs , lơưr tiêk trâus moz ơưk keiz ok A/H5N6 no. Đhâu yax kriê, cur chuôz zis cux jông siêz chiê muôz têx keiz ok hlơưr por tsês, txar jav tsi chiê moz siz cik”.

Tỉnh Lai Châu tưz chox kriê cơ quan muôx vax huôv hux jos đros hâu nov ntơưv qơư fuô uô luôs hâux lưv cêv kuôk thax tsav  muôx moz, hlơưr por tsês hur si têx keiz ok trâus moz. Iz chas ntơư, qêz suô, tsuôs yuôx tuô, lov caz moz trâu têx thax tsav qơư tu zus thiêz iz ndis tsôngv box têx chôngx, qơư zus keiz ok, tsi chiê caz moz tri cik đêz đar. Taz sik, tiv tsôngv box sơưr đơưk têx qơư tu zus keiz ok tsi nhoz uô cê , khênhr tso têx keiz muk ndis uô si nox caz, tsi uô qơư cơư, viv li phiv liv trâu cơ quan muôx vax huôv qênhz yuôx, njuôk shuôs moz.

Pos Nguyễn Thị Bích Thuận, Trạm tsar Trạm kho moz tsiêx cxu huyện Tam Đường, tỉnh Lai Châu heik pâuz:

Băng: “ Txix têx moz ơưk keiz ok huôv xênhz phiv liv ntơưv thax tsav huyện Tam Đường, Trạm kho moz tsiêx cxu tưz tso canr bôv muk têx thax tsav qơư qênhz yuôx, iz chas ntơư heik trâu UBND huyện pâuz lok têx moz ơưk huôv xênhz. Đhâu thâuv pâuz tiêk, chor keiz ok heik sâuv trâus moz ơưk A/H5N6 mak qơư kho moz tsiêx cxu tưz hux jos đros phongx kôngz nuv fuô uô têx faz tsưr ziv phax tir thêir moz. Nhiv no qơư kho moz tsiêx cxu huyện tsênhv sir jos uô luôs hâux lưv qênhz yuôx, seiz kaz qênhx shênhx moz ơưk nhoz têx keiz ok hâur thax tsav huyện”.

Txix caz moz ơưk A/H5N6 huôv xênhz phiv liv, zôngx ziv cik đêz đar trâu têx keiz ok hâur thax tsav, hnuz 9/10 nhiv kruôr đhâu, tỉnh Lai Châu tưz tso tơưv Quyết tinhv côngz fur fâuv moz ơưk keiz ok A/H5N6 hâur thax tsav xã Sơn Bình. Iz chas ntơư, thax tsav trâus muôx moz  ơưk zos têx xã nhoz jê xã Sơn Bình thiêz heik hâu nov huyện Tam Đường hux jos đros têx ngênhx muôx vax huôv fuô uô  zênhx max têx faz tsưr ziv chiê phax tir thêir caz moz, tsi chiê cik trâu cxuô qơư hâur thax tsav. Ntơưv qơư tưz choz trâu ngênhx y tế chuôz tsar hâux lưv qênhz yuôx, seiz kaz caz moz ơưk cik trâu lênhx nênhs, chiê qênhz pov tâu nzor têx lênhx nênhs trâus moz; iz chas ntơư bax cxix cxuô têx chuôz zênhx, yuôx kho moz, yuôx tsuôs tuô, lov caz moz ơưk phưx vưv hâux lưv phax tar moz.

Zơưv Bùi Quang Vinh, Phưv Chủ tịch UBND huyện Tam Đường heik pâuz:

Băng: “ Pêz tưz hux jos đros cơ quan car uô đreiv luôs hâux lưv no hâur tỉnh chox kriê cơ quan car uô đreiv hâux lưv phax tar têx caz moz trâu tsiêx cxu hâur huyện, hâur xã yax kriê, vênhv tôngv tsôngv box muôz têx keiz ok trâus muôx moz hlơưr por tsês. Tror seiz car, qênhz shuôs jông tsi chiê thâux gra têx keiz ok muk lok, yênhx lix têx qơư seiz jor, qênhz yuôx tsi chiê thâux têx keiz ok muk đhâu thax tsav, qơư nhoz. Tiv 2 zos chuôz tsar lênhx tiz nênhs muk hur si trâu têx thax tsav hâur huyện  thiêz kriê uô jông lơưr tỉnh, huyện têx chei, cui tinhv hâur fuô kriê, vênhv tôngv thiêz qênhz yuôx, seiz kaz, qênhz pov têx caz moz huôv xênhz hâur thax tsav. Iz kro thiêz zos pêz pheiz yuôx tsuôs tuô, lov caz moz thiêz cxax yuôx phax tar moz trâu tas nro têx keiz ok, zax zuôv hâur hur si thax tsav huyện”.

Chiê phax tir thêir caz moz ơưk cik trâu lênhx nênhs, Bộ y tế tưz hu tênhv heik ngênhx y tế Lai Châu chuôz tsar tiês hâux lưv hux jos đros cơ quan kho moz tsiêx cxu thiêz hâu nov ntơưv qơư seiz kaz, xưv lik zênhx max thiêz jông moz ơưk, nzor qênhz yuôx têx lênhx nênhs tâu xav tiêk zôngx ziv trâus cik tâu caz moz ơưk. Ngênhx y tế Lai Châu tưz qir kuôk cêv têx lênhx trâus moz khâuz thuôs thiêz nhoz jê, buôk ti têx keiz ok trâus moz ơưk ntơưv têx thax tsav muôx moz huôv xênhz. Taz sik, chiê txar jav caz moz ơưk A/H5N6 cik đêz đar thiêz cik tâu trâu lênhx tiz nênhs, lênhx nênhs tu zus tsuv uô lơưr jông têx tsưr ziv phax tir thêir moz, zênhx max heik trâu cơ quan muôx vax huôv pâuz lok têx keiz ok thiêz chor keiz ok tâu xav tiêk trâus muôx moz./.

                                       (Khắc Kiên-Riê Lâux cxeik-nhênhv)

 

 

 

 

 Phênhv “Chêi têz qơưs” hnuz 16-10-2015

 CHÊI SIZ ZUÔR

 

Grê 8: Siz zuôr

1. Txir nênhx, pox niêv siz zuôr tsuv uô lơưr têx tsar tov li đrav kaz:

a) Txir nênhx muôx 20 shông tror sâur, pox niêv txix 18 shông tror sâur;

b) Hâux lưv siz zuôr zos txir nênhx, pox niêv chiv chir cuêz tênhv;

c) Tsik zos nênhs tsik muôx đas jos thiêz jênhv pâuz tsik mênhx…

d) Siz zuôr tsik nhoz hâur têx kror trâus txưr lơưr cuiz tênhv ntơưv điểm a, b, c thiêz d khoản 2 grê 5 luật no.

2. Têz qơưk tsik côngz jênhv siz zuôr nhoz oz lênhx nênhs puôr lênhx zos txir nênhx lok sik puôr lênhx zos pox.

Grê 9: Uô ntơưr siz zuôr

1. Siz zuôr tsuv tâu đăngk cir thiêz zos cơ quan têz qơưk muôx qênhx uô lơưr luật no thiêz pháp luật lok chuôz zis li cuiz tênhv.

Siz zuôr tsik tâu đăngk cir lơưr cuiz tênhv ntơưv khoản no mak tsik muôx tsiv gri pháp lý.

2. Oz niêv txir tưz siz đrâux xar tror uô niêv txir mak tsuv tror đăngk cir siz zuôr.

Grê 10: Muôx vax huôv hêik lok siz zuôr tsik zos chêi

1. Nênhs trâus kruôz zuôv siz zuôr, trâus nziêk đas siz zuôr, lơưr pháp luật li cuiz tênhv lok pháp luật tố tụng dân sự, muôx qênhx chiv chir zuk hêik lok sik hêik tiz nênhs, tsưr tsix cuiz tênhv ntơưv khoản 2 grê no hêik toàn án tsik khênhr siz zuôr tiv siz zuôr phamv cxâuv cuiz tênhv ntơưv  phênhv b khoản 1 grê 8 hâur luật no.

2. Tiz nênhs, cơ quan, tsưr tsix đrav no, lơưr pháp luật li cuiz tênhv lok tố tụng dân sự, muôx qênhx hêik tòa án tsis khênhr siz zuôr tsik zos chêi tiv siz zuôr phamv cxâuv cuiz tênhv ntơưv chor điểm a, c thiêz d khoản 1 grê 8 hâur luật no.

a) Nênhs tsênhv muôx pox niêv, muôx txir li tuk pox niêv, tuk txir zuôr nênhs txơưr đuô; niêv, txir, mê nhuôs, nênhs sêiz car lok sik nênhs hlôngr njêx muôs lơưr pháp luật nênhs sir zuôr tsik zos chêi;

b) Cơ quan coangr lik têz qơưk lok chuôz zis;

c) Cơ quan coangr lik têz qơưk lok nhuôs zâu;

d) Hội liên hiệp gâux muôv vir ndâuk.

Grê 11: Xưv lik siz zuôr tsik zos chêi

1. Xưv lik sik zuôr tsik zos chêi tâu tòa án uô lơưr cuiz tênhv ntơưv luật no thiêz pháp luật lok tố tụng dân sự.

2. Hâur ntu tòa án cêir chêx zoz qơưx siz zuôr tsik zos chêi mak tas nro cxuô tos tưz muôx txâuk tsar tov siz zuôr lơưr cuiz tênhv ntơưv Grê 8 luật no thiêz oz tos hêik côngz jênhv cêr coangz siv siz zuôr mak tâu tòa án côngz jênhv coangz siv siz zuôr co. Zos li no, coangz siv siz zuôr tâu xav jênhv txix  thâu cxuô tos txâuk tsar tov siz zuôr lơưr cuiz tênhv hâur luật no.

Grê 12. Têx muôx yưv thâuv siz zuôr tsik zos chêi

1. Thâuv siz zuôr tsik zos chêi tâu tso tsês mak oz tos siz zuôr tsuv tso tsês uô niêv txir.

2. Niêv, txir, mê nhuôs li qênhx, jênhv vưv tâu cêir chêx lơưr Niêv, txir, mê nhuôs li cuiz tênhv lok qênhx, jênhv vưv thâuv siz đrâux.

3. Coangz siv lok cxuô zav, jênhv vưv thiêz hux thôngx nhoz cxuô tos tâu cêir chêx lơưr cuiz tênhv ntơưv grê 16 hâur luật no./.

                                                      (Tuyết Lan-Ly Thox cxêik-nhênhv)