Khơưz yâu hmôngr suôz jêz ntâu, di tích têz qơưk Nja Tam Vạn nhoz Điện Biên trâus ruôr hiêv hnhar

          Tơư tês lok thax tsav faz Tây qơư di tích nja ar Tam Vạn, zơưv Nguyễn Viết Thỏa, tsôngv box tuêv 4, xã Pom Lót tsi jông siêz puz pâuz: 3 luz hlik no, qênhx shênhx ar poz ntơưv qơư di tích no tsi so muôx yưv, ntêr yênhx châuv yiv. Qir tiv tâu xav tênhv zos tiv huôx tôngv khơưz yâu hmôngr suôz jêz jê thax tsav nja ar. Cux lơưr zơưv Thỏa, qênhx shênhx khơưz yâu hmôngr suôz jêz muôx cxôngx nzor lol sâuv thax tsav, uô zênhr shar lok six lox txos tsôngv box hâur thax tsav thiêz thax tsav buôk co li luz nênhx. Ntâu mênhv chêx ar chos poz cưk, tsoz chos kôngz nuv tưz trâus ar poz, đêx cuôr yôngz thiêz jux jus yênhx têx luz pas, pas grus môngr jêz. Tsôngv box luz nênhx tsi jông nhoz ciês hlo viv têx suôz meir, yêz mul lol yênhx hnuz yênhx hmo. Cxơưx tiv zix zos Di tích têz qơưk nja ar Tam Vạn li têx tsiv grê lix xưv coaz tsôngv zos cxênhx nênhs tov ntêx tsês chiê jux jus trâus ruôr hiêv tas:

          “ Ntơưv nja Tam Vạn zos tiv lơưr khơưz yâu hmôngr suôz jêz viv li thiêx li poz li ntơưv, thâuv ntêx tsi poz li no. Muôx cưx đês tso đêx, taz sik nhiv no saz đrâuv mak grus toz viv li poz tas, txos cheix lol nas, ar txơưv poz, đêx ntưs txos tưs mak poz txos co”.

          Đros thiêz nênhs sâu xor xưv thav lok njiêz luv no six hơưv jê ntơưv no, zơưv Đào Ngọc Lượng, Phưv giám đốc Sở vênhx huôv thiv thao thiêz ju lix tỉnh Điện Biên puz pâuz: Lok qênhx shênhx ar poz zov chênhr ntơưv qơư di tích têz qơưk nja ar Tam Vạn sâuv thax tsav xã Pom Lót, taz viv cux pâuz thiêz choz trâu têx phòng ban chuyên môn qênhz yuôx tsênhv tsênhz. Qir thơưx tso pov no zos iz hâux lưv uô cxâuv zov chênhr. Đros thiêz di tích têz qơưk li Nja Tam Vạn mak huyện Điện Biên tsuv uô ntâuz ntơưr xa trâu Sở vênhx huôv thiv thao thiêz ju lix tỉnh. Cxôngx co Sở zuôr seiz shuôk heik trâu UB tỉnh thiêz tỉnh muôx ntâuz ntơưr xa trâu Bộ vênhx huôv thiv thao thiêz ju lix, zos seiz pov tsi uô zênhr shar lok sik uô zênhr shar taz sik tsi ntâu mak thiêx li uô têx huôx tôngv tsiv uô lok sik tsuv hlôngr tsưr ziv uô têx côngz tsinhx cxiv tsa zos njuôs xav uô zênhr shar txos di tích. Taz sik, txos nhiv no Sở tsi jênhv tâu ntâuz ntơưr tưs muôx lênhx coaz txos huôx tôngv tsiv uô jê thax tsav di tích têz qơưk Nja Tam Vạn:

          “ Qênhz yuôx tsênhv tsênhz mak pêz pov no zos têx ruôr hiêv zov chênhr. Pêz tưz heik UB huyện tsưr tsix qênhz yuôx thiêz pov cov ciês chêx cuk chiê Sở vênhx huôv thiv thao thiêz ju lix heik kriê thiêz huyện khưx phưx têx trâus ruôr hiêv. Zos hâur six hơưv 5 hnuz mak tsi yưr lir thiêz huyện tsi pov cov mak no zos hâux lưv zov chênhr pêz zuôr tsưr tsix seiz car cấp nganhx, tsi chiê qênhx shênhx grus môngr suôz jêz tror muôx li nhiv no, viv uô zênhr shar hnhar txos qơư di tích”.

          Cux lơưr lênhs tov Sở vênhx huôv thiv thao thiêz ju lix tỉnh Điện Biên, Nja Tam Vạn tưz tâu tỉnh uô ntâuz ntơưr, tâu Bộ vênhx huôv thiv thao thiêz ju lix côngz jênhv zos di tích cấp têz qơưk lok shông 2009. Thâuv tâu Bộ côngz jênhv, Sở tưz uô ntâuz ntơưr choz qơư di tích trâu huyện Điện Biên coar lik. Huyện cux tưz uô ntơưr choz trâu UB xã Pom Lót coar lik di tích ntơưv qơư no. Taz sik, cux ntơưv jiês nênhs sâu xor xưv VOV uô hâux lưv đros lênhs tov UB xã Pom Lót mak zơưv Lò Văn Việt, Phưv chủ tịch Ub xã ho khav tênhv tsi muôx qênhx shênhx ar poz zov chênhr ntơưv qơư di tích Nja Tam Vạn:

          “ Lok qênhx shênhx ar ntơưv Nja Tam Vạn poz mak tsi muôx. Qơư khơưz yâu hmôngr suôz jêz cux nhoz đêz thax tsav no. Thâuv ntêx grus môngr jêz tsi trơưk chei mak pêz tưz uô ntâuz ntơưr thiêz xưv phuôv hành chính. Nhiv no taz viv uô cxâuv tưz tso tsês tsi khơưz yâu môngr suôz jêz, tsuôk muôx 2 doanh nghiệp grus môngr suôz jêz tsênhv nhoz sâuv thax tsav taz sik tsi uô zênhr shar txos qơư di tích têz qơưk”.

          Nja Tam Vạn ( lok sik hu uô Nja Sam Mứn) tâu Bộ vênhx huôv thiv thao thiêz ju lix cungz ntơưr zos qơư di tích têz qơưk lok shông 2009. No zos côngz tsinhx tâu têx lênhx nênhs sơưr thơưx mênhx cxưx Lự cxiv uô lok thâuv thế kỷ 11, chiê uô qơư tir tar têx nênhs sơưr thơưx faz Bắc, zos 19 cxênhx nênhs sơưr thơưx mênhx cxưx Lự têz qơưk Mường Thanh li qơư nhoz. No tau seiz zos côngz tsinhx muôx ziz njiêz lix xưv thiêz coaz tsôngv nhoz Điện Biên heik taz, heik tơưv ntu huôv tsar tsôngv box nhoz thax tsav Tây Bắc heik cxuô.

          Hâux lưv cxoz txưv tsi pâuz, tsi muôx txơưx jênhv por vêv, coar lik qơư di tích coaz tsôngv no uô ar poz zov chênhr tiv huôx tôngv khơưz yâu hmôngr suôz jêz uô tsôngv box lok six tsi jông siêz, tsuv tâu tỉnh Điện Biên thiêz têx chiz coaz muôx txơưx jênhv muôx lênhx coaz sik côngv đros seiz car, car chêx chiê por vêv têx tsiv grê lix xưv coaz tsôngv no./.

                                      (Vũ Lợi- Txâur Vax cxeik nhênhv)

Hêik kriê sâu tsês têx hưx, hnaz trâu yuôx tsưx phưv đrox tsuôs đhâu sir zôngv tas

Sơn la uô jông luôs hâux lưv sêiz car zuôr muôs, sir zôngv yuôx tsưx phưv đrox tsuôs

          Trơưk li chi cục sêiz car yuôx tsưx phưv đrox tsuôs tỉnh Sơn la thôngz sâu, nhiv no hur si tỉnh muôx 350 kror qơư muôs yuôx tsưx phưv đrox tsuôs; hâur ntơư muôx 58 kror qơư tsik tâu muôx ntâuz ntơưr, zuôr muôs yuôx tsưx phưv đrox tsuôs. Xav hâur shông 2017, hur si têx yuôx tsưx phưv đrox tsuôs tâu muôs trâu tsôngv px sir zôngv zos 757 cxênhz cir thiêz xav 6 luz hli hâur shông 2018, zos 252 cxênhz cir.  Iz cxiê thax tsav qơư sir zôngv ntâu yuôx tsưx phưv đrox tsuôs hâur thax tsav tỉnh li: Huyện Phù Yên, Mai Sơn…. zos 1,5 txos 2 lít tsuôs hâur 1 ha ar têz; Hâur ntơư, yuôx tuô đrox muôx txos 72%.

          Txix shông 2015 txos trâu nhiv no, ngênhx kôngz nuv Sơn la tưz đros cxuô huyện, thành phố tưz muôx 47 jiês qênhz yuôx zuôr muôs yuôx tsưx phưv đrox tsuôs. Đhâu qênhz yuôx tưz pov muôx 177 kror qơư  muôs yuôx tuô đrox, yuôx tsưx phưv đrox tsuôs uô cxâuv chêi, tsik muôx txâuk ntâuz ntơưr muôs yuôx, yuôx tsik lo grê muôs, tsik muôx chuôz zênhx tir thêir tuô hluôr tơưk; tsik sâu ntơưr hêik kriê sir zôngv thiêz chor hêik ntơư tưz trâus bluô nhiêx trâu têz qơưs zos 455 triệu đêiv; muôz hur tiz si chor yuôx tsưx phưv đrox tsuôs tas hax sir zôngv hlơưr por tsês, grê nhiêx zos 11 triệu đêiv. Cir 125 đêiv ntơưr tsuv uô trơưk quy tênhv muôs yuôx tsưx phưv đrox tsuôs. Đros ntơư, cux tsưx tsix 236 lớp cơưv hêik kriê lok chêi têz qơưs, chêi sir zôngv yuôx tsưx phưv đrox tsuôs trâu 7 cxênhz lênhx px.

          Hâur luôs hâux lưv sau tsês têx hưx thiêz hnaz yuôx tsưr phưv đrox tsuôs, yuôx tuô đrox đhâu sir zôngv tas thiêz tưz cxiv uô tâu 670 kror qơư trâu têx hnaz, hưx yuôx đhâu sir zôngv  trâu ntơưv 8 xã uô tâu tiêr luôs hâux lưv cxiv tsa jêx jos yiêz. Taz sik, ntơưv iz cxiê xã nhoz thax tsav tox siêz đêz đrôngl, px tsưr ziv, txux chi tsênhv kik, tsênhv sir zôngv têx yuôx tuô đrox tsik trơưk chêi kriê, tsik muôx ntâuz bos kror ndâux thâuv tsuôs yuôx thiêz uô têx yuôx tuô đrox co kênhk nênhs vuôz tsuôz trâu têx hâur đêx, uô ruôr hiêv tsik jông txos lênhx nênhs li đas jos, txox siê.

(Nhạc cắt)

Uô trơưk luôs hâux lưv sêiz car, sâu tsês têx hưx, hnaz yuôx tsưx phưv đrox tsuôs thiêz yuôx tuô đrox đhâu sir zôngv hâur thax tsav tỉnh Sơn la shông 2018.

          1, Luôs hâux lưv uô:

          -Chiê uô cov tâu trơưk cxuô quy tênhv lok luôs hâux lưv sêiz car, sâu tsês têx hưx, hnaz trâu yuôx tsưx phưv đrox tsuôs đhâu sir zôngv tas cov zos đrêiv Thông tư số 05/2016/TTLT-Bộ ko0ongz nuv huôv tsar tox siêz; Bộ tênhx qơư.

          -Cxiv uô cov tiêr cxuô qơư trâu tsês têx hưx, hnaz trâu yuôx tsưx phưv đrox tsuôs đhâu sir zôngv tas.

          -Fuô yax kriê tsôngv px hâur thax tsav tỉnh sâu tsês têx hưx, hnaz trâu yuôx tsưx phưv đrox tsuôs đhâu sir zôngv.

          -Lênhx nênhs sir zôngv yuôx tsưx phưv đrox tsuôs, tsuv gra siêz tsưr ziv, txux chi trâu thâuv đhâu sir zôngv têx hưx, hnaz trâu yuôx tsưx phưv đrox tsuôs.

          2, Tsênhz mênhx:

          -100% cxuô xã hâur thax tav đrôngl Sơn la, huyện Mộc Châu thiêz 8 xã uô tâu tiêr luôs hâux lưv cxiv tsa jêx jos yiêz hâur shông 2018, muôx qơư trâu têx hưx, hnaz trâu yuôx tsưx phưv đrox tsuôs đhâu sir zôngv.

          -Tsưr tsix sâu tsês têx hưx, hnaz trâu yuôx tsưx phưv đrox tsuôs hâur thax tsav tỉnh.

          -Luôs hâux lưv uô siv, sâu tsês têx hưx, hnaz trâu yuôx tsưx phưv đrox tsuôs đhâu sir zôngv, tsuv uô cov zos đrêiv jêx jos chêi quy tênhv./.

                       (Tsu cxêik nhênhv-Bích Thuỷ biên soạn)