Bộ đội pênhz phax hla đhâu phêv liv kriê ntơưr trâu pox nhuôs jêx jos tox siêz

          Nền tiếng xe máy...

          Hnuz tưs cux li ntơưv, txơưv nyar ntux lok sik lok nas, Trung úy pênhz phax mênhx cxưx Hmôngz Vàng Lao Lừ, cán bộ nhoz Zênhx pênhz phax Mường Lạn cux muk luz yêz meir muk đhâu trôngz đhâu har yênhx châuv cei cêr muk kriê ntơưr ntơưv têx jos tox siêz Mường Lạn. Trung úy Vàng Lao Lừ pheiz kênh: Tsênhz mak lok six phêv liv thâuv shux xênhz nhoz no phênhv ntâu tưz muôx hnuz nhôngs mak tsi pâuz ntơưr, tsi txơưx heik luk choz tsiz. Taz sik sik đros nox, đros nhoz, đros uô thiêz đros heik luk mênhx cxưx, cur jênhv pov tâu pox nhuôs li têx cêr khưr, têx phêv liv thâuv tsi pâuz ntơưr. Thiêz cxôngx têx co ziv cxơưz cxiz tix lâuk hla đhâu cxuô phêv liv chiê cxuôv đis muôs ntơưr trâu pox nhuôs:

          “Đros iz lênhx cán bộ, đảng viên hluôk li txơưx jênhv mak tsuv jênhv pâuz lok vênhv thix uô ntêx nyuôk hâur tas nro côngz xưv. Tiv zix cur tuôx no tâu Đảng ủy, Ban chỉ huyz Zênhx pênhz phax njênhs njôngr thiêz choz jênhv vưv kriê ntơưr, uô côngz xưv cxuôv đis muôs ntơưr, cur xar zuk tsuv sir jos uô chiê paz max tsôngv box ntâu đuô”.

          Mường Lạn zos xã tox siêz ntus đriv, txov nhêv tiv zix huyện Sốp Cộp. Tas nro xã muôx 16 jêx jos, hâur co muôx 9 jos ntus đriv, muôx 54 cei cêr ntus đriv đros têz qơưk Lào, tsôngv box têx mênhx luz nênhx tsênhv yuôr ntâu phêv liv. Tiv zix, têx lênhx nênhs tsi pâuz ntơưr nhoz têx xã tox siêz tsênhv ntâu, đros 1 cxênhz ntâu lênhx, chêx chôngk phênhv ntâu zos pox niêv. Xar paz tsôngv box ciêr chênhr hla đhâu cêr pluôs, uô ntêx tsuv paz pox nhuôs cxuôv đis muôs ntơưr chiê pâuz njuôs xav, txơưx uô nox uô hâuk.

          Nền tiếng thầy Lừ...

          Chiê paz shux xênhz txơưx nhênhv ntơưr, sâu ntơưr sei, zos iz lênhx nênhs Hmôngz, tix lâuk tưz zôngv 2 zav luk chiê cxeik thiêz kriê ntơưr trâu tsôngv pox. Đrâuv kriê ntơưr, kriê xav fax, tix lâuk tsênhv kriê cxaz têx tsưr ziv tsêz chos, tu zus, tsưr ziv zôngv KHKT lok uô kôngz nuv. Tix lâuk Sồng A Lau thiêz niêv lâuk Zax Thiv Sông cưk kriê Lừ li shux xênhz ntơưv lớp cơưv jos Noong Phụ puz pâuz:

          “Cưk kriê Lừ tuôx kriê ntơưr nhoz no tsênhv kriê pêz tsưr ziv tu zus, tsêz chos. Nhiv no keiz, ok tu zus tsi trâus tuôs li ntu đrav ntêx thiêz. Nhiv no chuôz zis luz nênhx cux jông đuô thâuv ntêx”.

          “ Cur uô Chi hội tsar pox niêv. Qir thơưx cur tsi pâuz ntơưr, nhiv no tưz pâuz ntơưr lơưv, txơưx nhênhv, txơưx xav fax uô tul tsi cux zôngx ziv đuô. Muôx ntâuz ntơưr nhoz xã xa tuôx cur cux txơưx krêz uô txos pox niêv hội viên pox niêv hâur jos. Uô tsâus cưk kriê Lừ lok six ntâu”.

          Pâuz ntơưr, hâux lưv krêz uô Đảng li chủ trương cêr chei, têz qơưk li phuôx lix txos tsôngv box cux zôngx ziv đuô. Tsôngv box ziv njênhs njôngr txos Đảng, Chinhr phuv thiêz têx lênhx bộ đội, por vêv ntus đriv, ndêx đriv têz, tso siêz uô lox tôngv, kôngz nuv sâuv zuk têz qơưk. Thiêz chêx cuk co muôx trung úy- cưk kriê Vàng Lao Lừ li têx gôngr côngv lox. Bí thư Đảng ủy xã Mường Lạn Tòng Văn Hòa li têx ntâus grê ziv khav tênhv tâu hâux lưv no:

          “Txơưv tsi tâu đhâu thox cxov lok pênhr xưv kriê ntơưr, taz sik đros zuk li moz siêz txos tsôngv box, viv tsôngv box chiê phưx vưv mak têx cưk kriê bộ đội pênhz phax tưz uô jông zuk li jênhv vưv kriê ntơưr trâu tsôngv box. Tsênhz tsênhz yênhx têx đeiv iêr chi cax luk hâur luz nênhx, tâu tsôngv box njênhs njôngr, seiz jông, zaz zâuv tâu chôngz tsôngv box tuôx cơưv ntơưr”.

          Đros têx gôngr côngv jông hâur por vêv txiv ngaz ntus đriv thiêz cxuôv đis muôs ntơưr trâu tsôngv box, Trung úy bộ đội pênhz phax Vàng Lao Lừ tưz tâu khơưk muôz ntâu ntơưr kruôk cxôngx têx cấp nganhx cxôngx Trung ương txos tiv phaz. Tix lâuk xar njôngr tâu gôngr đas jos ntâu đuô thiêz trâu côngz xưv cxuôv đis muôs ntơưr, chiê paz pox nhuôs muôx cxaz yênhx tưv cxuôv yeiz thiv pluôs:

          “Cur thâuv tưs cux xar njôngr kriê ntơưr trâu pox nhuôs chiê lơưr pâuz ntơưr, txơưx zôngv têx tsưr ziv yiêz lok uô nox uô hâuk. Viv li tsi tâu muôx jiês tưs cur xar tso tsês hâux lưv no. Cxôngx co zuôr zos qơư khov txos truôx jông chiê paz bộ đội pênhz phax por vêv txiv ngaz ntus đriv jông đuô hâur qênhx shênhx yiêz”.

          Nền kết bài hát “Tình yêu bên suối...

          (Tòng Anh- Txâur Vax cxeik nhênhv)

Chiê tsôngv box heir nênhs tsơưs pâuz tâu cxuô xor mông

Nhiv no, zos ntu cách mạng công nghiệp jiês tiv 4 (4.0) tsênhv taz tov uô trâu tsôngv px jênhv pâuz lok cxuô xor mông, hâur co muôx tsôngv box heir nênhs tsơưs. Hlôngr viv ntơưr pov tsir tso tơưv têx mông li thâuv ntêx, tsôngv px muôx ntâu tsưr ziv chiê seiz, nhênhv têx xor mông, lar heik zos thôngz đhâu mạng Internet, hâur co tsuv heik txos têx xor mông hâur mạng XH li: Faceboot.....

Pâuz tsênhz lok têx xor mông tso đhâu ntâu faz tsưr ziv, Thủ tướng Chính phủ tưz thôngz đhâu luôs hâux lưv “Chuôz tsar tiês uô lơưr công nghệ thôngz xor mông chiê paz max tsôngv box heir nênhs tsơưs huôv tsar kinh tế XH thiêz taz por txiv ngaz, truôx tuk thax tsav tsôngv box heir nênhs tsơưs VN ntu 2019-2025”. Luôs hâux lưv uô txos trâu shông 2023 yênhx lix cxix luôs thôngz xor mông paz max tsôngv box heir nênhs tsơưs pâuz txos Đảng, têz qơưk têx tsênhv chei; pâuz lok xor mông khoa học công nghệ; por hưv tênhx qơư, phax tar ntux têz uô ruôr hiêv thiêz txiv ngaz truôx tuk.

Chênhr zos li ntơư, chiê tsôngv box heir nênhs tsơưs pâuz tâu cxuô xor mông txix ntâu faz tsưr ziv zos hâux lưv tsuv uô nhiv no, cux chênhr zos moz siêz txos luôs hâux lưv kriê txux chi tsưr ziv trâu tsôngv px heir nênhs tsơưs jênhv pâuz lok công nghệ thôngz xor mông; cxiv tsa, uô tiêr têx tsưr ziv, tsênhv chei; gra siêz txux chi lơưr công nghệ thôngz xor mông trâu lênhx nênhs uô côngz xưv.

Zơưv Hà Việt Quân-Vụ tsar têz qơưs-Ủy ban Mênhx cxưx xav tiêk, hâux lưv pâuz tâu têx xor mông txix ntâu faz tsưr ziv li nhiv no zos iz kro jông chiê pêz khav tinhv Đảng, têz qơưs têx cơ quan thôngz xor mông txix têx cơ quan ntơưr pov tsir. Chênhr zos li heik co, tsôngv box heir nênhs tsơưs pâuz tâu cxuô xor mông thôngz đhâu ntâu faz tsưr ziv lơưr tsênhv sir zôngv, lar heik zos mạng XH lok six zov chênhr. Taz sik tsuv uô li chas chiê tsôngv box heir nênhs tsơưs pâuz tâu cxuô xor mông yax kriê huôv tsar cêr uô nênhx.

“Zov chênhr thiêz jông yax nhiv no zos krêz uô cxix luôs buôk ti thôngz xor xa mông txuôk đros luôs 2 chas thax tsav qơư thiêz đhâu ntâu faz tsưr ziv chiê uô tâu luôs hâux lưv yax xa têx xor mông. Tsưr ziv kriê co zos muôz têx xor mông, tsưr ziv; muôz xor mông, tsưr ziv zos gra siêz txux chi, gra siêz jênhv pâuz. Tsôngv box heir nênhs tsơưs cux tsênhv tưx zuk cơưv đhâu têx tsưr ziv nriêr pâuz têx xor mông cik txos huôv tsar uô nox uô hnar, sâu zuôr têx xiv huv, ntux têx txơưr txar. Cur xar, pêz nzaz nzơưv têx li heik no chiê muôz têx tsưr ziv, kriê txux chi trâu lơưr zos lok six jông, zênhx max thiêz fiv đros trâu ntu nhiv no”.

Li ntơư, hâux lưv gra siêz chơưr lươngv thôngz đhâu kriê txux chi chiê tsôngv box heir nênhs tsơưs pâuz tâu  cxuô xor mông li nhiv no zos hâux lưv zov chênhr. Txix ntơư, paz gra siêz tsơưr lươngv thiêz uô tâu jông hâux lưv tso têx xor mông, chuôz tsar tsôngv box thax tsav heir nênhs tsơưs tsưr ziv jênhv pâuz, ndar txos trâu uô têx nuv jông thiêz tsênhv tsênhz./.

(VOV4-Riê Lâux cxeik, nhênhv)