Jax sâu thưr 4 hnuz 16/11/2016:

Sơn La huôv tsar kinh têr-xar hôiv thax tsav qơư nhoz yiêz tsêr mêir đêx tênhv Hoax Binhx

     Thax tsav pak đêx tênhv Hoax Binhx nhoz thax tsav huyênv Phux Yên, tinhv Sơn La muôx 9 xar, 87 jêx jok thiêz zuôr xar 5.800 ziv chuôz zis. Phux Yên zos huyênv muôx chor ziv chuôz zis tsuv txar qơư nhoz ntâu tiv zix.

Chiê truôx tuk, huôv tsar kinh têr-xar hôiv thax tsav qơư nhoz yiêz tsêr mêir đêx tênhv Hoax Binhx, chor shông đhâu, huyênv Phux Yên tưz hêik pox nhuôs tu zus njêl hâur vax sâuv pak đêx; kriz đar thax tsav chos ntông nox txir ntơưv thax tsav iz ndis ntus pak đêx. Tiv zix, chor shông jê lok no, huyênv tưz zaz zâuv iz cxiê doanh nghiêpx tuôx kdiz qơư uô khâu, qơư xơưk trik yo ntơưv tiv phaz, cêir chêx hâux lưv uô truôx trâu yênhx cxênhz lox tôngv tiv phaz, hâur co phênhv ntâu zos lox tôngv txar qơư nhoz tsêr mêir đêx tênhv Hoax Binhx. Zơưv Đaox Văn Nguyên, Chuv tiv Uyv ban huyênv Phux Yên, tinhv Sơn La puz pâuz: “Pêz tror tsov cưv txos chor tsênhv chêi zaz zâuv yưv pênhr công nghiêpx, huôv tsar công nghiêpx sâuv thax tsav chiê xêir zuôr, thox cxov đros hâux lưv uô trâu têx tuz nhuôs thax tsav pak đêx tênhv Hoax Binhx. Pêz tror yax kriê, hêik pêx xênhv hlôngr yiêz sêi tsoz chos sâuv ar tox nxaz, phênhv ntâu zos ntông nox txir thiêz nhiv no huyênv tưz tsêx tsung trâu txir nhanr, txir xoaix tsơưr lươngv siêz côngv đros qơư muôl muôs chiê muôx qơư sâu zuôr huv trâu pox nhuôs. Vênhv thix thiêz zos huyênv sir zôngv muôx chêx cur phênhv pênhr paz trâu pêx xênhv huôv tsar njêl tu zus hâur vax thêir”.

      Xar njôngr tror tâu yưv pênhr cxiv uô vax tsêr cxuô zav, tiv zix zos cêr muk lok thiêz tênhv tênhz chiê huov tsar kinh têr, xar hôiv zos kror mak chor xar tox siêz pak đêx tênhv Hoax Binhx ntơưv tỉnh Sơn La tsênhv tsuv muôx tiv zix nhiv no. Viv nhiv no nhiv kruổ rmuôx 72% chor xar muôx cêr txos tsênhv qơư tâu uô truôx jông, thiêz yuôr 30 jêx jok tsik tâu muôx tênhv. Zơưv Nguyễn Văn Kỳ, chuv tiv Uyv ban huyênv Băcz Yên puz pâuz, đros iz huyênv pluôs mak yưv pênhr uô cxuô kror trâu pox nhuôs txar qơư nhoz tsik zos iz oz hnuz zuôr uô tâu ciês, mak tsuv muôx chinhr phuv tror paz, uô tâu li co thiêx paz trâu chor thax tsav nox huôv tsar: “Chor jêx jok puôr lênhx nhoz trơưk ntus đêx đas. Taz sik cêr txix chor jêx jok muk trâu chor qơư ntơưv ntus đêx tsik muôx viv li muk lok, thâux xa hax huv thiêz muôl muôs njiz ntâu phiv liv. Pêz lok six vav tiêk Đangv thiêz chinhr phuv tsov cưv đuô yưv pênhr hâur ntu 4 đros thiêz chor xar thax tsav pak đêx tênhv Hoax Binhx”.

          Thax tsav pak đêx tênhv Hoax Binhx sâuv thax tsav tinhv Sơn La chor shông thâuv ntêx no tưz tâu yưv pênhr txix phênhv pênhr Đêx anr truôx tuk qơư nhoz, huôv tsar kinh têr-xar hôiv thax tsav txar qơư nhoz đêx Đas cxiv tsa tsêr mêir đêx tênhv Hoax Binhx, đros chor tsênhv chêi paz yưv pênhr txix chor tsaz yênhx 135, 30a, jêx jok yiêz… Chor tsaz yênhx no tưz paz thơưz kinh têr-xar hôiv thax tsav huôv tsar, cxiv luôs cxuô zav tâu tsov cưv yưv pênhr, pêx xênhv luz nênhx tâu hlôngr yiêz ntâu.

       Taz sik, huôv tsar kinh têr hâur thax tsav pak đêx tsik tâu huv đros, tsik tâu zaz zâuv tâu tas nro sơưr đơưk cxaz chuôz yưv pênhr. Tiv zix, têx huôx tôngv tu zus suôz njêl nhiv kruôr huôv tsar zâu. Chiê kriz uô muôx chêx cur thiêz truôx đrênhk thax tsav pak đêx tênhv, Nghiv quyêtz HĐND tinhv Sơn La khoar 14, six cxiv 2016-2021, tưz thôngz đhâu Đêx anr kriz uô huôv tsar thax tsav pak đêx chor tsêr mêir đêx tênhv sâuv thax tsav tinhv ntu 2016-2020, đros tsưr ziv txos shông 2020, chor vax zus suôz njêl sâuv pak đêx tênhv muôx 5.000 ntâu luz, hâur co: zus njêl tầm muôx nhos 2.800 luz. Tas nro tsiv gri tsiêx đêx muôx nhos 550 tiv đêiv.

       Tsưr ziv huôv tsar tưz tâu tinhv Sơn La xav jênhv zos: Kriz uô tsuv đros đrêiv por vêv thiêz huôv tsar truôx, muôx chêx cur têx kror nhiv no muôx, uô siz bâus nhz huôv tsar đros por vêv chiv xênhz, tênhv qơư, taz por kror liv cxuô nhoz chor nganhx, chor tiv phaz. Phuôx huiz tas nro têx kror liv lok đêx ar; hlôngr yiêz tsưr tsix uô xênhz yar, sir zôngv khoa hocv công nghêv, sik đros sir jos uô sik côngv nhoz cxuô zav kinh têr… Zơưv Hax Quyêtz Nghiv, giamr đôcz Sơv Kôngz nuv thiêz huôv tsar jêx jok tinhv Sơn La puz pâuz:

 “Nganhx kôngz nuv tsênhv hêik trâ UBND tinhv cxiv tsa đêx anr huôv tsar kôngz nuv công nghêv siêz. Pêz vav tiêk hâur ntu zuôr txos thax tsav pak đêx tênhv hêik cxuô thiêz pêx xênhv Sơn La zuôr buôs ti tâu têx tsênhv chêi no thiêz têx no zuôr tror tâu tso tơưv kriz uô cov jông đuô hâur ntu zuôr txos”.

        Nhiv kruôr no, đhâu jiês qênhz shuôk thax tsav pak đêx tênhv Hoax Binhx, ntơưv oz huyênv Phux Yên thiêz Băcz Yên, tinhv Sơ La cux tưz hêik chor tiv phaz thiêz nganhx txơưx jênhv ntâuk gri muôx chêx cur thiêz tsênhz mênhx  uô lơưr Ban thươngx vuv tinhv uyv lok paz chos ntông nox txir sâuv ar tox nzaz; tsêx tsung hlôngr yiêz đuô vax ntông; cxơưz cxiz yênhx lix chor hơpv tacz xar, chos ntông nox txir đros yuôx; tsov cưv huôv tsar txir tuôz ziz ntơưv tox siêz; tsưr ziv cxiv tsa tsưr ziv uô Đêx anr truôx tuk qơư nhoz, huôv tsar kinh têr-xar hôiv thax tsav pak đêx tênhv Hoax Binhx ntu 4, tiv zix zos paz uô xênhz yar trâu pêx xênhv txix zênhx hangx tsêhv chêi xar hôiv li phênhv nhiêx liv kik./.

                         (Thanh Thủy-Lik Thox cxêik nhênhv)

Phênhv thưr 4, hnuz 16/11/2016:

Phênhv đas jos thiêz siv nênhx

Moz hơưz poz thiêz tsưr ziv phax tir thêir

         Moz hơưz poz zos zav moz lênhx tưs cux muôx têx zôngx ziv trâus, lar heik zos têx lênhx lâuk nênhs thiêz nhuôs zâu. Điện Biên zos tỉnh tox siêz tsênhv yuôr ntâu txov nhêv, iz cxiê lênhx tsôngv box, lar heik zos tsôngv box heir nênhs tsơưs tsi yuô tâu muôx txux chi tsưr ziv jênhv pâuz lok sâuv moz hơưz poz, viv li ntâu lênhx tưz trâus moz thiêz tsi car heik kriê zuk lok sik chor nênhs hâur ziv chuôz zis têx moz trâu cưk yuôx. Thâuv trâus moz hơưz poz, lơưr tsi chox muk seiz njuôk shuôs moz trâu têx qơư y tế; tsuôk zok nriêr yuôx đrox njuôz chox lok kho, uô nênhz seiz …. tsi tiêk uô li ntơư moz zuôr jông jux juk mak ziv uô trâu moz iz hnuz hnhar đuô. Iz lênhx nênhs nhiêk muôx nhiêk têx qir tiv trâus moz hơưz poz.

        Qir tiv uô moz hơưz poz huôv uô moz lox li: Lênhx nênhs moz nhoz jê lok sik hniê, gruk tâu têx pa zênhz gaz ntơưr, têx pa kiêk nênhs, pa ar, pa hluôr tơưk, lok sik tiv ntux txơưr txar, ntux no, ntux nas thiêz nông thiêz iz cxiê zav jâuz mor…..uô moz huôv xênhz.

        Thâuv moz hơưz poz huôv xênhz khênhr muôx yưv têx li: Hnôngk, uô tsi yuô tâuk pa, moz hâur siêz…., têx muôx yưv no khênhr muôx tsi so thiêz lar heik zos thâuv hmo ntux, têis cik sơưr nzor. Tiv têx siêz njưk muôx ntâu hnôngk kênhr li uô trâu hơưz poz, uô tsi yuô tâuk pa, zos trâus moz hnhar đuô, jâuv nhoz jê uô cê đros tuk nênhs moz cux hnor hơưz poz. Têx uô tsi tâuk pa no cux seiz trâus moz hnhar lok sik siz mak uô txix 5-10 phênhz lok sik yênhx six hơưv, đhâu ntơư jông jux juk thâuv tuk nênhs moz hnôngk tas, tâu têx hnôngk kênhr. Cux muôx kênh lênhx trâus moz hơưz poz hnhar, uô tsi tâuk pa, đi ndâux đơưz tas, têx sâur nyar ndê tsi tâuk, uô tuôs nênhs. Taz sik muôx txos 85% lênhx trâus tuôs tiv moz hơưz poz muôx têx phax tir thêir tâu.

        Chiê qênhz yuôx, qênhz shuôs tâu jông moz hơưz poz, lênhx nênhs moz tsuv uô trơưk đreiv têx lênhx cưk yuôx tsưr ziv  heik kriê: Ntơư zos tsi so qênhz njuôk shuôs moz, tsi buôk ti, nhoz jê têx pa kiêk nênhs, pa zênhz….zôngx ziv uô moz huôv xênhz, hlôngr đuô tsưr ziv nox nhoz, xênhz huôx, qêz suô hur si têx vax tser tsi tuôx pưv, nông; nox cxix cxuô têx jâuz mor, iz hnuz hâuk txâuk 1,5 txos 2 lir đêx; tsi so tập thể dục li: Muk tơư, tuôv yêz….. Lênhx nênhs moz cux tsi tâu uô têx nuv hnhar, tas ntâu đas jos li: Đhiê, cơưv shâuv têk tơư thiêz tsi tâu tập thể dục trâu thâuv muôx ntux no, kruôr viv zôngx ziv uô moz hơưz poz huôv xênhz; uô ntêx thâuv zuôr xar tập thể dục tsuv nuk têx cưk yuôx chiê xeir tsưr ziv fiv đros thiêz lênhx nênhs moz tsuv qênhz njuôk shuôs đas jos 6 luz hlik iz jiês; thâuv muôx yưv moz gênhk tsuv zênhx max  chox ciês muk trâu qơư y tế chiê seiz njuôk shuôs thiêz kho moz./.

                          (Hồng Việt-Riê Lâux cxeik, nhênhv)