Điện Biên sir jos phax tar chor nênhs txix Lào lok hâur thax tsav qơư

Huyện Điện Biên, tỉnh Điện Biên muôx 12 xar buôk ntus đriv đros têz qơưk Lào, sâuv thax tsav ntus đriv mak muôx lok six ntâu têx cêr zâu muk trâu saz têz qơưk Lào đros thax tsav ntus đriv ntêr muôx 170 ntâu cêik cêr. Đuô li, sâuv thax tsav ntus đriv nhoz huyện no tsênhv muôx oz trôngx đriv tsik so muôx chôngz nênhs muk lok đhâu zos: Trôngx đriv têz qơưk Huổi Puốc thiêz trôngx đriv ntiêx têz Tây Trang.

Ntơưv trôngx đriv ntiêx têz Tây Trang, qơư thâux xa, zuôr muôs hax huv muk lok đhâu nhoz oz têz qơưk Việt Nam thiêz Lào ntu no mak chor nênhs txix têx tỉnh Phong Sa Lỳ, Luông Pha Băng, U Đôm Xay, Thủ đô Viêng Chăn thiêz thax tsav qơư tam giác vàng (Lào) lok hâur Việt Nam đhâu trôngx đriv no chuôz ndê chôngz lênhx. Txix hli 10/2020 txos nhiv no, lưx lươngv muôx vax huôv ntơưv Trôngx đriv ntiêx têz Tây Trang tưz uô ntâuz ntơưr muk lok đhâu ntơưv trôngx đriv trâu 6.200 ntâu lênhx nênhs. Lơưr chor nênhs muôx vax huôv hêik pâuz, txix nhiv no txos kaz shông 2021, chor nênhs muk lok đhâu ntơưv trôngx đriv thiêz chor nênhs muk lok đhâu đriv têz tsik zos chêi txix têx cêr zâu zuôr tror chuôz ndê. Viv li, sir jos uô truôx jông têx tsưr ziv phax, tar caz moz Covid-19 ntơưv Trôngx đriv ntiêx têz Tây Trang zos iz kror lok six zov chênhr chiê phax tar caz moz cik tâu lok hâur thax tsav qơư.

Tiv zix, zos nhiv no moz Covid-19 ntơưv Lào tsênhv muôx ntâu txơưr txar phiv liv, kror muk lok tsik zos chêi đhâu ntus đriv trâu oz saz têz qơưk muôx yưv tsik so. Tsuôk xav txix hli 10 txos nhiv no, lưx lươngv muôx vax huôv tưz pov thiêz cxov tsês tâu 8 txuz, 11 lênhx nênhs nhiês cêr muk lok đhâu ntus đriv tsik zos chêi; txêik jênhv choz zok 4 txuz muôx chôngz đuô 51 lênhx nênhs zos công an saz têz qơưk Lào choz zok lok. Chor nênhs txix Lào lok hâur Việt Nam zos 190 ntâu lênhx nênhs.

Đros kriz uô truôx jông hâux lưv qênhz yuôx, phax tar caz moz txix chor nênhs lok hâur thax tsav qơư đhâu trôngx đriv, Zênhx Pênhz phax Trôngx đriv ntiêx têz Tây Trang cux tưz sik côngv truôx jông đros chor lưx lươngv sêiz car ntus đriv Lào chiê tsik so sik thav, hêik pâuz xor mông lok qênhx shênhx caz moz nhoz oz tos. Đros co, tôv phax tar caz moz txos cxiê qơư hâur taz viv cux tsik so qênhz yuôx yênhx hnuz hmo ntơưv iz ndis thax tsav trôngx đriv chiê sêiz jor tâu jông têx cêr zâu sâuv thax tsav ntus đriv, tsik chiê muôx yưv qênhx shênhx muk lok đhâu ntus đriv tsik zos chêi.

Đros zos chor lưx lươngv chênhr phax tar caz moz nhoz thax tsav ntus đriv, Bôv đôiv Pênhz phax tỉnh Điện Biên tsênhv uô truôx jông 76 tôv sêiz jor phax tar caz moz Covid-19, sêiz car, por vêv thax tsav ntus đriv buôs ti đros têz qơưk Lào, Trung Quốc.

Đại tá Bùi Thế Tuyên, Chỉ huy trưởng Bôv đôiv Pênhz phax tỉnh Điện Biên puz pâuz: Đảng ủy, Bôv Chỉ huy Bôv đôiv Pênhz phax tỉnh Điện Biên tsik so hêik txos trâu tas nro chor cán bộ, chiến sĩ pâuz txos thênhv siêz li têx chox kriê lok côngz xưv phax, tar caz moz thiêz tsưr tsix kriz uô cxix cxuô têx tsưr ziv phax tar nênhs muk lok đhâu ntus đriv tsik zos chêi thiêz phax, tar caz moz Covid-19.

Lơưr co hêik chor zênhx Pênhz phax sik côngv truôx đros cấp ủy, chính quyền ntơưv thax tsav qơư, lưx lươngv nhoz sâuv thax tsav kriz uô phongz yaox “Tas nro pêx xênhv sik đros phax, tar caz moz Covid-19 thiêz muk lok đhâu ntus đriv tsik zos chêi” sâuv thax tsav ntus đriv; hêik chor chuôz zis cir jênhv lok phax, tar caz moz Covid-19, tsik paz trâu chor nênhs muk lok đhâu ntus đriv tsik zos chêi, tsik tsưr tsix chox nênhs muk lok đhâu ntus đriv tsik zos chêi, hêik pâuz chor nênhs lok hâur thax tsav qơư tsik zos chêi thiêz kriz uô jông têx tsưr ziv phax, tar caz moz Bôv Y têr tưz hêik kriê. Đros co, chor taz viv tror sir jos uô têx tsưr ziv nriêr pâuz lok thax tsav, tir tar, xưv lik truôx chor nênhs uô cxâuv txos têx côngz xưv phax tar caz moz sâuv thax tsav ntus đriv./.

(Vũ Lợi-Lik Thox cxêik nhênhv)

PHÊNHV POR VÊV THIÊZ HUÔV TSAR JÔNGR

     Grê 95: Cuiv por vêv thiêz huôv tsar jôngr

1. Cuiv por vêv thiêz huôv tsar jôngr zos cuiv nhiêx txiêx têz qơưk; tsưr tsix, huôx tôngv lơưr taz viv sự nghiệp công lập, zos chiz coaz têz qơưk muôx qênhx cuiz tênhv yênhx lix.

2. Cuiv por vêv thiêz huôv tsar jôngr li tsưr ziv huôx tôngv tâu cui tênhv li đrav kaz:

a)Huôx tôngv tsi viv liv zix;

b)Tsuôk paz txưv trâu tsaz yênhx, dự án lok sik huôx tôngv tsi nhoz hâur dự án muôx lênhx coaz txos por vêv thiêz huôv tsar jôngr mak nhiêx txiêx têz qơưk tsi tâu yưv pênhr lok sik tuôv zênhv cxix cxuô hâux lưv yưv pênhr;

c) Taz por tsênhz mênhx, muôx chêx cuk; coar lik, sir zôngv trơưk tsưr ziv thiêz huv đros Pháp luật li cui tênhv.

3. Tsưr tsix cuiv por vêv thiêz huôv tsar jôngr tâu cui tênhv li đrav kaz:

a) Cuiv por vêv thiêz huôv tsar jôngr Việt Nam zos Bộ trưởng Bộ kôngz nuv thiêz huôv tsar nôngx cxênhz yênhx lix nhoz cấp Trung ương;

b) Cuiv por vêv thiêz huôv tsar jôngr nhoz cấp tỉnh zos Chủ tịch UB cấp tỉnh cui tênhv yênhx lix.

4. Nhiêx txiêx yênhx lix Cuiv por vêv thiêz huôv tsar jôngr muôx:

a) Paz txưv, txưv zênhv gôngr côngv, pênhr txix tsưr tsix, lênhx nênhs hâur têz qơưk thiêz saz đrâuv têz qơưk muôz paz;

b) Nhiêx txiêx thêv jux vưv tênhx qơư jôngr;

c) Nhiêx txiêx chos jôngr viv hlôngr tsưr ziv sir zôngv jôngr;

d) Têx phênhv nhiêx txiêx huv cêr chei txơưr đrâuv têz qơưk li chor nhiêx txiêx.

5. Niêx shông, Bộ trưởng Bộ kôngz nuv thiêz huôv tsar nôngx cxênhz pov cov Thủ tướng chính phuv lok qênhx shênhx coar lik, sir zôngv Cuiv por vêv thiêz huôv tsar jôngr Việt Nam; Chủ tịch UB cấp tỉnh pov cov Bộ trưởng Bộ kôngz nuv thiêz huôv tsar nôngx cxênhz lok qênhx shênhx coar lik, sir zôngv cuiv por vêv thiêz huôv tsar jôngr nhoz cấp tỉnh.

6. Chính phuv cui tênhv tsênhz mênhx lok jênhv vưv, cơ cấu tsưr tsix, phênhv nhiêx txiêx, cơ chế coar lik, sir zôngv Cuiv por vêv thiêz huôv tsar jôngr li nhiêx txiêx./.  

(Tuyết Lan-Txâur Vax cxeik nhênhv)