Việt Nam li sir jos  hâur cxiv tsa tsênhv chêi, cêr chêi lok pox niêv txir nênhx vax huôv siz luôs nhoz thax tsav tsôngv box mênhx cxưx tsơưs nênhs

Đhâu thâuv Ban Chấp hành Trung ương Đảng (Khóa 9) li Nghị quyết số 24-NQ/TW hnuz 12/3/2003 lok côngz xưv mênhx cxưx tâu tso tơưv, tưz muôx zuôr xar 118 tsaz yênhx, đề án, tsênhv chêi chiê paz cxơưz cxiz huôv tsar kinh têr-xar hôiv thax tsav mênhx cxưx tsơưs nênhs nhoz tox siêz đêz đrôngl, hâur co muôx iz cxiê tsênhv chêi trâu pox niêv mênhx cxưx tsơưs nênhs. Côngz xưv cxiv tsa cêr chêi têz qơưk lok pox niêv txir nênhx vax huôv siz luôs thiêz choz vax huôv trâu pox niêv tâu moz siêz txos, đros Chêi pox niêv txir nênhx vax huôv siz luôs shông 2006, Tsưr ziv têz qơưk lok pox niêv txir nênhx vax huôv siz luôs ntu 2011-2020. Đuô li, tsênhv yuôr iz cxiê tsênhv chêi trâu thax tsav tsôngv box mênhx cxưx tsơưs nênhs li: Đề án Txo grêk  tsơưs qênhx shênhx siz zuôr nzor thiêz siz zuôr cxênhx jê hâur tsôngv box mênhx cxưx tsơưs nênhs ntu 2015-2025; Đề án paz trâu hâux lưv pox niêv txir nênhx vax huôv siz luôs thax tsav tsôngv box mênhx cxưx tsơưs nênhs ntu 2018-2025…

Txo grêk tsơưs siz zuôr nzor thiêz siz zuôr cxênhx jê tâu cxuô cấp, cxuô nganhx thiêz sơưr đơưk li moz siêz txos, tiv zix zos pêx xênhv uô nênhx nhoz ntơưv tox siêz, thax tsav đêz đrôngs, thax tsav tsôngv box mênhx cxưx tsơưs nênhs. Pos Phạm Thị Huyền, nhoz jok 6 xar Ea Tiêu, huyện Cư Kuin, tỉnh Đắk Lắk puz pâuz:

“Đros uô phongz yaox no mak lok six muôx liv trâu pox niêv cov zuk muôx nzir txux chi chiê phax tar têx nto tsiv hâur chuôz zis. Zuk pâuz tâu txos chuôz zis li kror zov chênhr thiêz pâuz por vêv zuk li chak. Zos muôx yưv nto tsiv hâur chuôz zis, zos pâuz tiêk zuk uô tsik tâu li chak mak zuk khov trâu chôngz lênhx nênhs, chính quyền chiê paz tu thiêz paz muôx tâu têx kror jông, muôx tâu cêr siz hluz hâur chuôz zis txix co têx phiv liv, nto tsiv hâur chuôz zis zuôr tsik muôx. Viv muôx tâu luz nênhx shir phaz, uô nênhx jông mak hâur chuôz zis zuôr tsik muôx nto tsiv lơưv”.

Đros muôx Đảng, têz qơưk li moz siêz txos, pox niêv txir nênhx vax huôv siz luôs nhoz thax tsav mênhx cxưx tsơưs nênhs tưz uô tâu ntâu kror jông hâur luz nênhx xar hôiv, li: siz luôs hâur hâux lưv chính trị; siz luôs lok kinh têr, zoz zux, y têr thiêz txoz cxơưx txos đas jos. Kror no tâu hêik pâuz tsênhz thâuv Liên hiệp quốc ntâuk gri Việt Nam zos qơư uô jông hâur uô têx tsưr ziv Thiên niên kỷ hêik cxuô thiêz uô lơưr pox niêv txir nênhx vax huôv siz luôs hêik taz.

Chiê hlôngr yiêz têx tsưr ziv, luk hêik tsik jông lok pox niêv txir nênhx nhoz thax tsav mênhx cxưx tsơưs nênhs, hnuz 28/11/2017, Thủ tướng chính phủ tưz cir tso tơưv Cuêz tênhv số 1898/QĐ-TTg tso tơưv Đề án paz trâu hâux lưv pox niêv txir nênhx vax huôv siz luôs thax tsav mênhx cxưx tsơưs nênhs ntu 2018-2025 đros tsưr ziv: paz muôx  hlôngr yiêz jông hâur uô lơưr pox niêv txir nênhx vax huôv siz luôs thiêz paz trâu pox niêv nhoz thax tsav mênhx cxưx tsơưs nênhs muôx qơư sơưr đuô, paz uô tiêr tâu jông Công xưv têz qơưk pox niêv txir nênhx vax huôv siz luôs li têx tsưr ziv.

Đề án cux tso tơưv têx tsưr ziv tsênhv tsênhz: txos shông 2025, 100% cán bộ uô côngz xưv mênhx cxưx nhoz cxuô thax tsav qơư, 50% cán bộ uô côngz xưv cik txos pox niêv txir nênhx vax huôv siz luôs nhoz cấp huyện, cấp xar thiêz nênhs muôx suôz bê, lâul jok, tsar jok thax tsav mênhx cxưx tsơưs nênhs muôx tsôngv box mênhx cxưx lok sik tsơưs nênhs nhoz uô nênhx tâu piêr pâuz cêr chêi lok pox niêv txir nênhx vax huôv siz luôs thiêz kruôz kriê nzir txux chi, đas jos tsưr tsix kriz uô têx tsênhv chêi, cêr chêi lok pox niêv txir nênhx vax huôv siz luôs.

Sir jos cov 80% chor ziv chuôz zis tsôngv box mênhx cxưx tsơưs nênhs lok six tsơưs nênhs tâu pâuz xor mông lok pox niêv txir nênhx thiêz cêr chêi lok pox niêv txir nênhx vax huôv siz luôs. 100% chor tsêr cơưv ntơưr niêv txir zus mor thiêz mênhx cxưx nội trú tâu yax kriê lok tsưr ziv uô nênhx, lok pox niêv txir nênhx thiêz pox niêv txir nênhx vax huôv siz luôs cov huv đros trâu cxuô cxênhx nênhs. Tsơưs tiv zix 50% cán bộ uô côngz xưv mênhx cxưx nhoz huyện, xar muôx tsôngv box mênhx cxưx lok six tsơưs nênhs nhoz uô nênhx tâu kruôz kriê txux chi lok pox niêv txir nênhx vax huôv siz luôs, tsưr ziv txux chi hâur uô lơưr pox niêv txir nênhx vax huôv sâu trâu hâur têx ntâuz ntơưr thiêz tsưr tsix uô lơưr têx tsênhv chêi thiêz muôx 30-50% chor xar muôx chôngz tsôngv box mênhx cxưx lok sik tsơưs nênhs uô nênhx nhoz cxiv tsa uô tsưr ziv lok pox niêv txir nênhx vax huôv siz luôs thiêz phax, tar nto tsiv muôx nhoz pox niêv txir nênhx./.

(VOV4-Lik Thox cxêik nhênhv)

Luôs hâux lưv uô tâu hâur 5 shông đhâu (2013-2019) uô lơưr công ước ntiêx têz lok tso tsês seiz tsi muôx grê cxuô heir nênhs tsơưs

PV: Jông siêz tâu chuôs njiz cox, thiêz uô tsâus ntâu cox tưz tsês six hơưv, hnuz nhôngs đros pêz thav! Uô li thor cox heik trâu sđ pâuz mê njik, cox ntâuk grê li chas lok têx luôs hâux lưv uô tâu hâur 5 shông uô lơưr công ước ntiêx têz lok tso tsês seiz tsi muôx grê cxuô heir nênhs ntơưv VN ntu 2013-2019?

Zơưv Hà Việt Quân: Hli 8 nhiv kruôr đhâu, Thủ tướng tưz cir ntơưr heik pâuz lok sâuv uô lơưr Công ước. Zos heik lol têx uô tâu hâur 5 shông đhâu, tis seiz njiê têx luôs hâux lưv uô jông trơưk li Công ước hâur  ntu fuô uô. Công ước li têx tsênhv njiêz tưz  hêik tsênhv tsênhz thôngz đhâu luôs hâux lưv fuô kriê uô trơưk tsênhv chei. Tiv 2 zos chuôz tsar sđ cêr jênhv pâuz, uô nênhx sik thôngx siêz, siz hluz siz paz, sik đros pheiz kênh têx cêr nênhx pôngz kaz đros luôs lưv heir nênhs cux li vênhx huôv, uô lơưr tâu jông hâur cxuô heir nênhs tsơưs têx ntênhs hội nhiêk txơưr nhiêk tsi siz thôngx, muôz têx txux chi vênhx huôv jông ntơư lok nthuôr uô lov jêv uô cê hâur têx hnuz hội, hnuz ntênhs ntơưv qơư trâu sđ seiz njiê pov, chiê sik đros por hưv, tuôr tsês têx heir nênhs tsơưs li txux chi cêr nênhx vênhx huôv jông tsi chiê pôngz plox.

PV: Uô li hâur ntu đhâu lok  no, hâur luôs hâux lưv huôv tsar kinh tế XH thax tsav tsôngv box heir nênhs tsơưs nhoz tox siêz đêz đrôngl ntu 2021-2030, tưz muôx iz luôs hâux lưv piêr kriê, por hưv tsôngv box heir nênhs tsơưs têx txux chi vênhx huôv. Zos li thor cox heik trâu sđ pâuz tsênhz đuô lok tsênhv njiêz no seiz zos li chas?

Zơưv Hà Việt Quân: Hâur luôs hâux lưv huôv tsar kinh tế XH thax tsav tsôngv box heir nênhs tsơưs nhoz tox siêz đêz đrôngl ntu 2021-2030, nưk cux muôx nưk iz luôs hâux lưv uô chiê chêx tsôngk trâu yax kriê cux li por hưv, tuôr tsês tsôngv box heir nênhs tsơưs têx txux chi vênhx huôv jông reik đros huôv tsar ju lix, cux iz zav li khav tinhv tsôngv box heir nênhs tsơưs têx chei, vax huôv hâur ntu têz qơưk hlôngr yiêz.

Lok têx luôs hâux lưv uô tâu, chênhr zos hâux lưv uô lơưr VN tsênhv chei mênhx cxưx lok kinh tế, vênhx huôv, XH, lar heik zos fuô uô tsênhv njiêz cxiv tsa luz nênhx vênhx huôv nhoz thax tsav tsôngv box heir nênhs, li: Côngz têx mông, tsưr ziv jông.....lok y tế, zoz zux, lok sik kriê uô lơưr têz qơưk têx chei.

Hâur 5 shông đhâu, pêz tưz fuô uô đros uô cê têx hâux lưv li heik sâuv. Iz zos yax mông thiêz piêr kriê. Iz chas co cux cxơưz cxiz uô têx hâux lưv jông thiêz muôx liv trâu sđ luz nênhx niêx hnuz, tso tsês têx cêr pôngz kaz, tso tsês seiz tsi muôx grê cxuô heir nênhs tsơưs, cux li heir nênhs tsơưs thiêz heir nênhs tsơưs uô cê chiê taz por fiv đros trâu cui tinhv cux li têx tsênhv njiêz công cước ntiêx têz lok phax tar têx tsik jông li heik sâuv zos VN đros cxaz chuôz.

Tsôngv box....! Muôx têx khav tinhv: Tâu Chính phủ moz siêz txos,  hâur co tsuv heik lol Ủy ban mênhx cxưx li pưs txux seiz car, đros trâu cxuô cấp, cxuô ngênhx, cxuô thax tsav qơư li cêr sik thôngx siêz, côngv têk, Công ước ntiêx têz tso tsês seiz tsi muôx grê cxuô heir nênhs tsơưs, tưz tâu fuô kriê đêz đar thiêz sâu cxix cxuô tuôr tsês trâu hâur ntâuz ntơưr: Uô tiêr cxix luôs chei têz qơưk, lar heik zos têx cui tinhv taz por lok lênhx nênhs li vax huôv, têx tsênhv chei tsênhv tsênhz lok huôv tsar kinh tế-XH thiêz fuô uô hâur luz nênhx niêx hnuz.... chiê ziv hnuz ziv uô tâu jông đuô têx chei ntơư trâu tsông box heir nênhs tsơưs./.

(VOV4-Riê Lâux cxeik, nhênhv)