Pêz jêz sâuv qơư uô poz jêz pôngz ntos lok-pêx xênhv nyêi thiêz tso têx liêz têz tsês

Cê jiêz chor poz cưk nhiv kruôr sâu tâu txix chiv uô ntêx, niêv tix Hoàng Thị Huệ nhoz jok 6 Làng Cang cê hêik trâu chor nênhs sâu xor xưv: Tsêr muôx zuôr xar 2.000 thiêr ndis ar têz chos poz cưk, iz chiv uô tâu cux txâuk chiê puz trâu chor tsiêx cxu nox thiêz muôs mê njil chiê muôx nzir nhiêx txiêx sir zôngv. Taz sik li, shông no, poz jêz txix sâuv qơư uô têx poz jêz co pôngz ntos lok chuôs tsi, nyêi hênhr tsik muôx nênhs car muk pêv têz chiê sâu têx kôngz, txơưv tiêk 2,5 cir poz cưk đhâu oz pêz luz hli tsoz phưz tưz txos trâu six hơưv sâu. Chor ar têz zênhx jông viv li iz tuk poz cưk cux muôx 2 luz poz, tsik zos niêv tix chuôz zis xưz mak lênhx tưs cux khur xiv hur si. Niêv tix Huệ tsik pâuz qơư uô poz jêz no zos luz công ty tưs uô, tsuôk pâuz ntu jê lok no lơưr kriz uô poz jêz chuôs tsi xưz, poz jêz ntos lok, pox nhuôs lok six cxơưx hênhr: “Chor ar no tưz tâu uô txix ntêr lok lơưv, nhiv no lênhx tưs cux nyêi tsik car muk uô tiv lơưr fênhx uô poz jêz ntos lok tsik so. Nhiv no tsuv xav chiê paz trâu pox nhuôs, muôx mê njil ar li no taz sik lơưr fênhx six uô poz jêz li co mak zuôr tsik muôx ar uô  nox lơưv”.

Tix lâus Hoàng Quốc Việt, nhoz jok 6 Làng Cang cux puz pâuz: tix lâus chuôz zis muôx nhos 3.000 thiêr ndis ar têz chiê chos poz cưk ciês hâur tơư trôngz, iz saz co zos xar muôx 2.000 thiêr ndis ar chos cuêv fix tâu muôx oz shông ntâu. No zos ar xar choz zok trâu pox nhuôs sir zôngv thiêz chuôz zis tưz uô tâu muôx oz pêz châuv shông lok no, txix fâuv nênhs uô ntêx, tsik zos kror qơư uô poz jêz no chor ar. Taz sik, thâuv kriz uô poz jêz mak công ty tsik hêik trâu tix lâus chuôz zis pâuz. Đrâuv chor mêir đror nxê ntưk thiêz poz jêz ntos yênhx hnuz mak tix lâus Việt chuôz zis cux lok six cxơưx tiv chor poz jêz no ntos lok six ntâu lok trâu hâur chuôz zis chor ar têz, muôx têz luz poz jêz lox luôx iz qar tsêr. Nyêi hênhr viv li tix lâus tưz tsuv tso chor têz tsênhv uô co tsês, xar muôx 3.000 thiêr ndis ar têz tsik tâu chos kôngz nhiv no cux tsuôk tâu tsês chiê khôngz xưv: “Pêx xênhv hâur jok cux hêik cov uô ntơưr xa trâu Ủy ban xar muk hêik qơư uô poz jêz co uô nâtuz ntơưr, taz sik tưz ntêr lơưv lok txos nhiv no cux tsik tâu hnor lơưr têz li chak hlo. Lok tênhv qơư mak pêz luz xar: Phong Dụ Hạ, Xuâm tầm, Phong Dụ Thượng tsuôk muôx luz trôngz poz jêz no thiêx jông xưz, nhiv no lơưr muôz kriz  uô poz jêz mak phiv liv lok six ntâu txos tênhv qơư nhoz ntơưv no”.

Zơưv Hà Văn Huế, Bí thư Chi bộ, Trưởng ban côngz xưv mặt trận jok 6 Làng Cang, xar Phong Dụ Hạ puz pâuz: Muôx 20 ntâu ziv chuôz zis njiz trâus phiv liv txix qênhx shênhx kriz uô poz jêz sâuv kror qơư no đros thax tsav trâus hiêv muôx 4 héc ta. Đrâuv poz jêz ntos lok uô phiv liv ntâu txos pêx xênhv luz nênhx, ruôr hiêv têx ar têz poz cưk, cuêv fix mak chor mêir đror nxê ntưk cux uô phiv liv ntâu txos cxuô lênhx nênhs li đaz ntuz, xênhz huôx, tsik tâu hêik txos têx thâuv muôx ntux nas mak chor cuô ar ntưk pêv kror qơư co lok tsênhv uô trâu chor đêx tsik hur tas thiêz: “Pêz cux hêik pox nhuôs sơưr đơưk uô ntơưr muk trâu chính quyền xar thiêz hêik cov công ty uô hâux lưv đros pêx xênhv. Nhiv no tưz tsik tâu uô têx hâux lưv no lok công  ty cux fênhx six tso nênhs uô poz jêz”.

Lơưr chor nênhs sâu xor xưv nriêr pâuz, trơưk têx ntâuz ntơưr kriz uô mak kror qơư uô poz jêz no zos Công ty TNHH Vinasan kror qơư, muôx ntơưr tso chêi sôr 951/GP-UBND zos Ủy ban tỉnh Yên Bái tso tơưv hnuz 30/6/2011, tas six hơưv trâu hnuz 20/6/2023 đros thax tsav uô đar muôx 8,97 héc ta.

Xav jênhv qênhx shênhx kriz uô poz jêz uô phiv liv txos pêx xênhv luz nênhx, zơưv Lê Văn Thọ, Chủ tịch UBND xar Phong Dụ Hạ, huyện Văn Yên, tỉnh Yên Bái puz pâuz: Qơư uô poz jêz zos công ty Vinasan sơưr bê, taz sik tưz đhâu oz pêz jiês hlôngr đuô tsưr. Xar li tsưr ziv, siêz xar zos tiêk têx thax tsav ar têz nhoz saz đrâuv thax tsav qơư kriz uô co trâus hiêv mak tsuv pâux nzir trâu pox nhuôs, hok zos têx ar têz nhoz hâur thax tsav qơư kriz uô poz jêz co mak tsuv muôx têx phênhv paz trâu pox nhuôs… “Thâuv tis lâus Cường nhiv no zos nênhs sêiz car (công ty) cur ndo mak tưz zos lênhx nênhs tiv pêz lơưv, tix lâus hêik tiêk tas nro têx kror ar têz nhoz hâur công ty li thax tsav qơư uô co mak tix lâus tsik muôx txơưx jênhv, kror tưs nhoz saz đrâuv công ty thax tsav uô co trâus hiêv mak công ty zuôr sêiz shuôk chiê pâux nzir trâu pêx xênhv…”

Nhiv no tưz đhâu ntâu luz hli nhoz tok têx tsưr ziv chiê đơưk kho, têz poz cưk, cuêv fix txos six hơưv sâu, tsoz phưz taz sik pêx xênhv nhoz jok 6 Làng Cang cux tsênhv tsik tâu car tror tuôx uô têx liêx têz. Khur xiv taz sik cux tsik muôx nênhs car uô viv nyêi tsav trâus hiêv txos txox siê. Pêx xênhv nhoz ntơưv no vav tiêk chor cơ quan muôx vax huôv thiêz chính quyền ntơưv qơư sêi đrơưv muôx tsưr ziv chiê khưx phưx cov huv đros paz taz por tâu cxuô kror trâu pox nhuôs hâur kriz uô nox thiêz luz nênhx./.

(Đinh Tuấn-Lik Thox cxêik nhênhv)

Đảng viên sir jos zos lênhx nênhs uô ntêx nyuôk, Mộc Châu tsi chiê lênhx tưs trâus tso tsês tov kaz

1/ Thor cox puz pâuz, hâux lưv krêz uô côngz xưv txu grês cêr pluôs nhoz têx tiv phaz Tây Bắc njiz lok six ntâu phêv liv tiv phênhv ntâu tsôngv box zos nênhs mênhx cxưx tsơưs nênhs, yênhx tưv jênhv pâuz tsênhv kis. Nhoz ntâu xã, huyện, chor ziv chuôz zis pluôs tsav txos 50%. Taz sik ntơưv Mộc Châu mak tsuôk yuôr 4%. Thor cox puz pâuz, huyện tưz muôx tsưr ziv uô li chas chiê tax tâu chêx cuk jông li ntơư?

          Pos Nhung: Thâuv Mộc Châu tsưr tsix Đại hội Đảng bộ huyện, ntu 2015-2020, chor ziv chuôz zis pluôs yuôr 14% ntâu, taz sik txos tas shông 2020 mak chor ziv chuôz zis pluôs tâu xav yuôr 3% ntâu xưz, li ntơưv hâur 5 shôngk đhâu, chor ziv chuôz zis pluôs hâur huyện txu grês 10% ntâu.

          Lok tsưr ziv uô mak pêz qênhz yuôx, pheiz yênhx 7 paz chuôz zis pluôs tsênhz mênhx. Đhâu co thiêx li pâuz tsênhz lơưr pluôs zos tiv tul tsi. Txix co xav tênhv tâu tsưr ziv chiê paz max jông thiêz huv đros tiv zix.

          Tiv 2 zos pêz pheiz côngz têx đồng chí Ủy viên Ban thường vụ, Ủy viên BCH thiêz têx đồng chí zos cấp ủy viên têx cấp, txix têx Chi bộ phưv txơưx têx jos pluôs, chuôz zis pluôs. Tiv zix zos đảng viên tsuv zos lênhx nênhs uô ntêx nyuôk, paz têx jos pluôs thiêz yênhx ziv chuôz zis hla đhâu cêr pluôs. Txix têx tsưr ziv uô co, pez tưz muôx tâu chor ziv chuôz zis hla đhâu cêr pluôs siêz li ntơưv.

          2/ Phêv ziv TW 4 khóa 13 nhiv kruôr đhâu iz jiês thiêz khav tênhv hâux lưv cán bộ, đảng viên, tiv zix zos nênhs sơưr thơưx cấp ủy têx cấp li hâux lưv uô ntêx nyuôk. Li ntơưv Mộc Châu xav tênhv tror seiz jông hâux lưv uô lơưr li chas hâur ntu zuôr txos, thor cox puz pâuz?

          Pos Nhung: Hâux lưv cơưv shâuv uô lơưr tâu pêz tsov cưv krêz uô. No cux zos iz hâur têx njiêz luv tsênhv hâur tas nro six cxiv. HUyện Mộc Châu nhiv no tsênhv sir jos txos shông 2025 tax têx ploz tsênhr lok huyện nôngx cxênhz yiêz, yênhx thị xã thiêz tax têx ploz tsênhr yênhx qơư ndis shuôk uô si ntu bê têz qơưk.

          Chiê uô tiêr têx njiêz luv co, pêz xav tênhv tsênhz tsênhx yênhx cán bộ, đảng viên tsuv uô uô ntêx jênhv vưv Đảng, têz qơưk thiêz tsôngv box choz, chiê uô li chas cov zuk li côngz xưv tax tâu chêx cuk jông tiv zix. Iz cán bộ, đảng viên cux tsuv xav tênhv zuk li txơưx jênhv chiê uô jênhv vưv muôx chêx cuk. Zos tsi uô tiêr jênhv vưv mak zuôr phê bình, heik; heik 3 jiês tsi tâu mak pêz hlôngr qơư uô côngz xưv txơưr.

          3/ Tâu pâuz, đros thiêz tror cxơưz tiês hâux lưv cxuôv cêr pluôs, Đảng bộ huyện Mộc Châu cux tsênhv cxiv tsa tsưr ziv paz têx jos ntus đriv txov nhêv tiv zix huôv tsar. Thor cox puz pâuz tsưr ziv uô tsênhz mênhx zos li chas?

          Pos Nhung: Hâux lưv hlôngr yiêz 10 jos ntus đriv txov nhêv tiv zix thiêz txiv ngaz tsi ngaz tul, pêz xav tênhv 3 njiêz luv tsênhv zos paz huôv tsar kinh têr xã hội li chas chiê têx jêx jos huôv tsar truôx vênhs.

          Tiv 2 zos hlôngr yiêz lok txiv ngaz jêx jos li chas thiêz tiv 3 zos tsuv cxiv tsa cxix luôk chinhr trị, têx tsưr tsix đoanx thêv co truôx vênhs li chas... Huyện Mộc Châu txos nhiv no tưz yênhx lix Ban chox kriê chiê krêz uô njiêz luv no. Têx đồng chí hâur Ban thường vụ thiêz Lênhs tov UB huyện zos tuêv tsar têx tuêv côngz xưv tsuv cxiv tsa tsưr ziv paz tsênhz mênhx yênhx jêx jos no thiêz tsuv muk qênhz yuôx chiê paz max...Pêz xar mak txix têx tsưr ziv uô li ntơư thiêx li hlôngr yiêz tâu thax tsav jông tiv zix, paz 10 jos ntus đriv no muôx têx huôv tsar truôx vênhs.

          Thor uô cox tsâus ntâu tưz tsês six hơưv đros pêz thav, thor phôngv trâu Đảng bộ huyện Mộc Châu tror lênhs tov, chox kriê huôv tsar KTXH tax tâu ntâu chêx cuk jông, tsôngv box luz nênhx tsênhz tsênhz tâu tsâu sor, shir phaz./.

(Thu Thùy-Txâur Vax cxeik nhênhv)