Jax thưr 3, hnuz 16/2/2016:

Cheix ntux yiêz nhoz tox siêz Yên Bái

Yên Bái têx hnuz hâur cheix ntux yiêz muôx ntâu tsar zav yiêz thiêz jông. Tox trôngz hâur pêk yiêz viv têx đrox tsuôs, blôngx shôngz blôngx ntông hlar jov jơưk, pax txir đuôx, txir khơưz tơưs đra pâus yiêz cxiê qơư. Tok tsiêz liêz shông no, cux xưk li ntâu ziv chuôz zis tsôngv box txơưr đuô, pos Hà Thị Liên nhoz xã Vũ Linh, huyện Yên Bình, tỉnh Yên Bái shir phaz thâuv đhâu iz shôngk uô tâu têx luôs hâux lưv jông hâur chos jôngr:

“ Chos jôngr mak uô tâu trơưk têk, trơưk tsưr ziv, tiv iz zos njuôz vor tox trôngz câuv har, tiv 2 zos muôx nzir phênhv sâu tâu iz shông yênhx puô tsov đeiv. Chuôz zis muôx nzir nhiêx txiêx, muôx têx zuôr tâu ntâu têx chuôz zênhx phưx vưv luz nênhx xênhz huôx. Chênhr viv li, vav chiê siêz tiêk, tsôngv box sơưr đơưk sir jos chos jôngr chiê muôx cxaz phênhv sâu tâu”.

Cux  xưk li pos Liên chuôz zis, seiz pov njôngr têx jông txix chos jôngr, txix muôz têx liêx têz tsuôs uô tsi jông kôngz tso tsês uô têz phaz, têx shông jê lok no, tsôngv box tỉnh Yên Bái lok six moz siêz trâu luôs hâux lưv chos ntông uô jôngr. Nhoz têx thax tsav jông huôv tsar uô nox, tsôngv box tsênhv huôk njôngr chos shơư têx ntông uz no trâu chiê muôx nzir phênhv sâu. Ntơưv têx thax tsav muôx tsơưs nas, lar heik zos têx huyện nhoz faz Tây hâur tỉnh, mak chos jôngr phiv liv đuô taz sik cux tâu fuô uô jông. Hâur iz chiv chos jôngr ntông, têx huyện, thị xã puôr lênhx tso yênhx puô lênhx canr bôv kỹ thuật muk paz kriê tsưr ziv uô zuz, uô ar, chos thiêz tu têx jôngr ntông. Zơưv Nguyễn Đức Hiển, Phưv Chủ tịch UBND huyện Yên Bình heik:

“ Yên Bình muôx muôx ntâu kror jông chiê huôv tsar chos jôngr, cêr muk lok, đêx ar txos trâu sâu zuôr puôr lênhx zôngx ziv. Viv li, tsôngv box sơưr đơưk txux chi tsưr ziv chos jôngr tưz tâu gra siêz. Chiê uô tiêr tsưr ziv tso tơưv mak txix ciês hâur shôngk shông, huyện tưz cxiv tsa tsưr ziv krêz sâu têx ntông chiê muôx têz chos jôngr, tiv 2 zos bax zuz, tiv 3 zos muôx tsưr ziv paz trâu tsôngv box”.

Tỉnh Yên Bái nhiv no muôx nhos 420 cxênhz ha har jôngr, njuôz vor tox trôngz câuv har muôx 61% ntâu thiêz tsênhv tror tâu chuôz tsar ntâu jux juk thâuv iz shông têx thax tsav hâur tỉnh chos yiêz 15 cxênhz ntâu ha jôngr ntông thiêz thâuv tưs tưz sir jos uô tiêr têx tsưr ziv zok muôz. Uô ntêx iz cheix chos jôngr ntông, Chi cục yuô jôngr tỉnh đros têx huyện, thị, TP thiêz taz viv cik txos qênhz shuôs, nhênhz chơưv, bax tsưr ziv uô ar chos, choz tsênhz mênhx txos trâu têx xã. Iz chas ntơư zos chox kriê cxuô huyện, thị, ban seiz car jôngr cxuô thax tsav, qơư tsiv uô jôngr ntông bax têx zuz ntông cov txâuk chos hâur chiv ntux yiêz.  Zơưv Kiều Tư Giang, Chi cục tsar Chi cục yuô jôngr tỉnh Yên Bái heik:

“ Xav tinhv têx zuz ntông zos hâux lưv zov chênhr hâur tsiv uô jôngr nuvv, chênhr viv li pêz seiz car uô jông txix têx nôngz, zuz cov tsênhz mênhx, fiv đros chiê chos tâu ntơưv Yên Bái. Zos tsi nziv chos trâu têx thax tsav no thiêz tsi muôx nhoz hâur Bộ kôngz nuv thiêz huôv tsar tox siêz, pêz Cục por vêv đrox tsuôs têx zuz ntông uô ntơưr zuôr chos mak pêz zuôr tsi chos”.

Tưz tror txos iz cheix ntux yiêz, tsôngv box nhoz cxuô thax tsav ntơưv Yên Bái ho shir phaz, siz zâuv đrông ntưk muk chos têx ntông uô jôngr./.

                                (Đinh Tuấn-Riê Lâux cxeik, nhênhv)

Phênhv thưr 3 hnuz 16/2/2016:

Têx kror tsuv tsov cưv thâuv uô chiv kôngz ntux tsâus yiêz

Lok chêix chiv, tsuv uô lơưr tsưr ziv ntux yiêz lis, uô zuz trâu hâur hlik hli 2 zos huv đros thiêz huv trâu qiv hơưv cxiê qơư, chos thâuv zuz muôx 2-3 đêiv blôngx, suôv câuv chos hâur hli 2. Cxơưz cxiz tsưr ziv tsêz ciês trâu hâur liêx chor zav nôngz lur hnuz. Khov lơưr chor ar mak chor zav nôngz  lur hnuz co zuôr tâu tsêz chos ciês hâur liêx txix hnuz 10/2 txos hnuz 25/2, sik six hơưv chos huv tiv zix zos txix hnuz 15-20/2.

Chos siz đros tsưr ziv “Chos nzir jông đuô yiz”. Chos tas nro hur si zos chor zav nôngz lur hnuz, tsik chos chor zav zuz nôngz trâs moz đạo ôn ntâu, hlôngr trâu chor zav nôngz tir tar tâu caz hmoz thiêz qiv hơưv, muôx tsơưr lươngv siêz, jông, tiv zox zos chor zav zuz nôngz Nhật, xưk li: ĐS1, TBJ3, QJ4, J02…hâur iz chor liêx, zav zuz nôngz six hơưv ntêr đuô (ntâu đuô 130 hnuz) mak chos uô ntêx, chor zuz nôngz lur hnuz đuô mak chos lơưr kaz chêix chiv.

Lok qir zuôv, chor shông ntux sor mak tsoz chos muôzz tsik txâuk tsơưr gruk trâu kaz chiv, viv li zuôv qir trâu blêx chiv yiêz no mak tsuv zuôr tov kaz, zuôv ntâu, zuôr zuôv tâu 2 jiês khov lơưr tsả rtov tsoz chos thiêz qiv hơưv.

Tso đêx lok trâu blêx chiv yiêz mak cux tsuv tsov cưv, tưz tsik zos chor shông qiv hơưv sor kruôr mak tas nro chor shông sor-nông, tsik muôx yar ntux ntêr hnuz. Đros chor zuz nôngz blêx tsêz chos ciês hâur liêx thâuv tsênhv zâu (txix thâuv tsêz txos muôx 2 đêiv blôngx) tsuv taz por muôx đêx vor hâur pâuk blêx, tsik chiê đêx pur siêz nhaz tas blêx. Tso đêx lơưr tsưr ziv co chiê blêx hlar nzor cê paz uô trâu blêx muôx jos, tsik chiê caz hmoz ruôr hiêv.

Đros chor tsưr ziv lok kỹ thuật tsuv cxơưz cxiz tsês chiê đêx ar, uô muôx yưv têx đrak liêx lox chiê chos iz zav zuz nôngz, zôngx ziv uô ar thiêz sir zôngv kỹ thuật chiê paz uô chuôz ndê tsơưr lươngv thiêz muôx chêx cur. Uô jông sik côngv hâur chor nênhs chos thiêz chor nênhs chos blêx đros nênhs sâu zuôr, doanh nghiệp sâuv qơư nhoz chiê paz uô muôx liv trâu oz tos thiêz muôx chêx cur truôx./.

                                                                   (Báo TB-Ly cxêik nhênhv)