Kriê chei têz qươs trâu tsôngv box 2 saz ntus đriv Việt Nam- Trung Quốc

Jos Pò Hèn xã Hải Sơn, thành phố Móng Cái, Quảng Ninh zos tsôngv box têx mênhx cxưx Choz tsiz, Cho, Sán Chỉ li qơư nhoz uô nênhx, muôx ntâu txox mêr cêr mul lol đhâu ntus đriv đros têz qơưk Trung Quốc. Tsôngv box 2 saz yax six mul mul lol lol, tsi taz mul seiz cưr tix nênhx tsa, muôv muôs hax huv mak tsênhv mul đhâu ntus đriv chiê uô jos, muôv muôs hax huv tsi trơưk chei. Chênhr zos tsôngv px nhoz oz saz ntus đriv  txux chi kik, pâuz tsik thôngz lok chêi têz qươs, uô têx hâux lưv cxâuv cêr chei, uô zênhr shar lox txos txiv ngaz nhoz 2 têz qơưk Việt Nam- Trung Quốc.

          Chiê heik kriê chei têz qươs trâu tsôngv box, cxôngx Phongz yaox sik côngv têx qơư tsôngv box nhoz uô nênhx nhoz 2 ntus đriv jos Pò Hèn (xã Hải Sơn, Móng Cái, Quảng Ninh, Việt Nam) đros jos Thán Sản (trấn Na Lương, Phòng Thành Cảng, Quảng Tây, Trung Quốc) shông 2015, zênhx pênhz phax Pò Hèn tưz đros Đại đội Công an pênhz phax faz Trung Quốc tsưr tsix ntâu jiês yax mông, heik kriê chei têz qươs trâu tsôngv box. Thượng tá Vũ Quốc Huy, Chinhr trị viên Zênhx pênhz phax Pò Hèn puz pâuz:

          “ Zênhx pênhz phax Pò Hèn đros Đại đội công an pênhz phax Trung Quốc sik đros yax mông trâu cấp ủy chinhr quyênx tiv phaz 2 saz, tsôngv box 2 saz ntus đriv cxôngx 2 zav lul heik. Chêx cuk sâu tâu zos tsôngv box 2 saz puôr lênhx pâuz lul Trung thiêz lul Việt, pâuz thôngz chiê uô trơưk cêr chei”.

          Tsưr ziv yax mông huv đros, sik côngv đros uô têx huôx tôngv vênhx huôv vênhx ziv đros têx njiêz luv zôngx ziv pâuz thôngz. Iz jiês yax mông puôr lênhx muôx chôngz tsôngv box 2 saz ntus đriv tuôx cxaz chuôz, sik đros mnôngs heik cưr cxiêx, đhiê pax vuôs lov jêv li hnuz ntênhs. Bộ đội pênhz pahx pêz têz qơưk, Công an pênhz phax saz Trung Quốc tưz khơưk muôz ntươr sâu 2 zav lul, têz tsênhz mênhx têx vênhv thix tsôngv box nus.

          Pos Nguyễn Thị Thùy Dương, Phưv chủ tịch Hội pox niêv xã Hải Sơn puz pâuz, pox nhuôs tsov cưv tiv zix zos têx vênhv thix chei têz qươs cui tênhv siz zuôr đros nênhs đrâuv luôk oz chas têz qơưk, cui tênhv mul lol đrâuv luôk oz chas têz qơưk:

          “ Zos thâuv ntêx muôx lênhx nênhs tsir mul đhâu ntus đriv tsi trơưk chei, mul uô hâux lưv mak nhiv no phênhv ntâu tsi yuôr qênhx shênhx co. Thâuv tâu cxaz chuôz têx jiês yax mông cêr chei phar luôx mak tsôngv box li siêz xar tâu hlôngr yiêz. Vênhv thix mul lol 2 saz ntus đriv, pox niêv pâuz cxaz vênhv thix zuôr txir đrâuv luôk oz chas têz qơưk tsuv uô têx cui tênhv li chas, tsuv uô ntâuz ntơưr li chas, đhâu têx taz viv tưs....”

          Tsi taz chuôz tsar jênhv pâuz lok njiêz luv hiệp định coar lik ntus đriv sâuv têz qơưk Việt Nam-Trung Quốc, tsôngv box nhoz 2 saz ntus đriv tsênhv pâuz thôngz lok chei 2 têz qơưk. Tsôngv box li jênhv pâuz đros hâux lưv por vêv ntus đriv, ndêx đriv têz, tuôr truôx txiv ngaz nhoz tiv phaz. Zơưv Lê Văn Bày, tsêr nhoz jê ciês ntus đriv nhiv no tưz muôx 60 shông hnuz nhôngs thâuv tưs cux zos lênhx nênhs uô ntêx nyuôk hâur Tuêv chiv chir coar lik por vêv ntus đriv têz qơưk. Zơưv Bày puz pâuz, zơưv yax six mul qênhz yuôx ntus đriv, thâuv tưs zos pov muôx tul tsi txơưv ciêr chênhr pov ciês trâu lưx lươngv pênhz phax, công an xã:

          “ Cur cux zos thax tsav ntus đriv no li iz lênhx nênhs por vêv txiv ngaz, yax six heik tuz nhuôs mul qơư no qơư uz chiê qênhz yuôx ntus đriv. Tsôngv box tsi siêz viv pâuz tâu vênhv thix yax mông hâur nghị quyết, uô jông têx vênhv thix co viv li shông đhâu tsi muôx vênhv thix tưs tsi jông muôx yưv”.

          Khov tsôngv box 2 jêx jos ntus đriv Pò Hèn thiêz jos Thán Sản yax six cungz xor mông lok qênhx shênhx txiv ngaz, lưx lươngv muôx txơưx jênhv 2 têz qơưk muôx cxaz xor mông chiê sik côngv car chêx muôx chêx cuk đuô. Thượng tá Vũ Quốc Huy, chinhr trị viên Zênhx pênhz phax Pò Hèn khav tênhv, six hơưv đhâu, tiv zix zos shông 2017 tưz muôx lok six ntâu hâux lưv tsi jông tâu car chêx khov muôx tsôngv box heik kriê, li lênhx nênhs muôv muôs zax zênhz, thâux fov ntơưr, mul lol đhâu ntus đriv tsi trơưk cêr chei...Đros têx huôx tôngv yax mông, heik kriê cêr chei; sik côngv jông hâur tsôngv box 2 saz ntus đriv, njênhs njôngr tsôngv box 2 saz ntus đriv zuôr ziv hnuz ziv chuôz tsar sik côngv tês cxiv tsa ntus đriv hôx fênhx, ngaz tul thiêz ziv hnuz ziv huôv tsar truôx, muôx liv trâu tsôngv box oz saz ntus đriv./.

( TTĐB- Txâur Vax cxeik nhênhv)

Tsưr ziv xêir zuôr nênhs muôx suôz bê hâur tsôngv box mênhx cxưx tsơưs nênhs

Lơưr co, muôx 5 tsưr ziv xêir zuôr nênhs muôx suôz bê zos:

1- Zos nênhs Việt Nam, tsik xav txos mênhx cxưx, nhoz huv cêr chêi ntơưv têz qơưk Việt Nam.

2- Chuôz zis thiêz zuk uô jôngr lơưr Đảng, têz qơưk li têx cêr chêi thiêz tiv phaz li têx cui tênhv.

3- Zos nênhs uô ntêx hlo trâu cxuô luôs hâux lưv zok muôz thiêz sir tas ntâu đas jos tsưr ziv hâur luôs hâux lưv sik tưr nhiêv têz qơưk, txo grêk yêiz pluôs, tuôr truôx têx vênhx huôv thiêz sik côngv đros cxuô mênhx cxưx.

4- Pâuz lok vênhx huôv cxôngx nzor, phongx cxưx; tâu chuôz xênhv, mênhx cxưx thiêz côngv thôngx njênhs njôngr.

5- Muôx txux chi, tsưr ziv chiê hêik tsôngv box hâur iz thax tsav txix luk hêik, đhâu têx hâux lưv uô, tâu pêx xênhv njênhs njôngr, uô trơưk.

Nênhs muôx suôz bê tâu xêir tsov txix chor nênhs đrav kaz: Cán bộ, công chức, viên chức, lưx lươngv vũ trang lơưr cêr chêi têz qơưk li cui tênhv, muôx six hơưv uô hâux lưv ntêr shông, sir tas ntâu đas jos tsưr ziv đros paz px, têz qơưk, nhiv no tâu so côngz xưv; lâul jok, tsưr jok, txir ndâux txir luk cxuô xênhv lok sik chor nênhs tsik so tâu tsôngv box mênhx cxưx tsơưs nênhs hu tuôx uô têx ntênhk txi côngv hâur chuôz zis, chuôz xênhv, jêx jok; Luôs hâux lưv uô hâur chor tôn giáo nhoz thax tsav mênhx cxưx tsơưs nênhs (Phật giáo, Hồi giáo, Tin lành, Công giáo…); doanh nhân, cưk kriê ntơưr, nênhs txơưx kho moz gênhs lok sik chor nênhs pâuz huôv tsar kinh tế, tsik so paz sơưr đơưk thiêz tâu pox nhuôs njênhs njôngr.

Lok luôs hâux lưv bâux xêir nênhs muôx suôz bê, iz jêx jok thax tsav mênhx cxưx tsơưs nênhs muôx tsơưs tiv zix 1/3 chor chuôz zis lok sik chor nênhs zos mênhx cxưx tsơưs nênhs tâu xêir tsov iz lênhx nênhs muôx suôz bê; zos tiêk jok tsik muôx txâuk trươk li cui tênhv hêik sâu lok sik muôx chôngz hêir nênhs sik đros uô nênhx nhoz uô cê, khov lơưr qênhx shênhx tsênhv tsênhz thiêz chủ tịch UB cấp huyện hêik pâuz, chủ tịch ủy ban cấp tỉnh sêiz shuôk, cuêz tênhv chor nênhs muôx suôz bê tâu bâux xêir, taz sik tas nro chor nênhs muôx suôz bê tau bâux xêir tsik ntâu đuô chor jêx jok nhoz thax tsav mênhx cxưx tsơưs nênhs sâuv thax tsav tỉnh./.

                  (KT-Lik Thox cxêik nhênhv)