Lai Châu uô truôx luôs hâux lưv phax tir thêir moz Covid-19 ntơưv têx ciêz đrôngs

Ciêz Đoàn kết zos luz ciêz lox yax hâur thax tsav TP Lai Châu, muôx yênhx puô qar qơư muôs zav nox thiêz cxuô zav hax huv. Tsi thôngx li cxiê hnuz hâur ntu đrav ntêx, hâur têx hnuz đhâu, hâu nov ntơưv qơư tưz sir jos seiz car truôx, luôs hâux lưv zuôr muôs têx hax huv trơưk li cui tinhv.

Têx tuz luôv zuôr muôs huv hâur ciêz Đoàn Kết, TP Lai Châu heik: Txix thâuv ban seiz car ciêz phênhz qơư nhoz, jâuv tsi siz jê thiêz tsơưs muôs têx huv tsi yuô zôngv txos; ntơư cux iz phênhv tưs uô tuôr thênhv txos têx lênhx zuôr muôs hax huv, tsik muôx phênhv sâu tâu nhiêx txiêx. Nhiv no tsôngv px lênhx tưs muôx hâux lưv muk ciêz zuôr zav no zav tov thiêz pâuz tsưr ziv nhoz siz kuôk đêz mak thiêx tuôx hâur ciêz:

“Txix thâuv muôx moz lol mak muôs têx huv cux tsi yuô tâu li thauav ntêx, taz sik pêz thâuv tưs cux uô trơưk têx cui tinhv. Moz gênhs cux uô hiêv txos pêz hâux lưv zuôr muôs têx huv, taz sik pêz uô trơưk cui tinhv chiê truôx tuk thiêz jông trâu sđ”.

“Thâuv uô qơư seiz jor li no cux jông trâu px thiêz lar heik zos cxuô lênhx sđ thâuv siz chuôs njiz, sik thav pêv uô cê ntơư cux truôx tuk đuô. Taz por jông trâu têx tuz luôv, lênhx nênhs mul lok zuôr muôs huv hâur ciêz. Lênhx nênhs zuôr trâul txos mak cux tsuv zuôr, zuôr têx zav nox uz no bax tsês hâur iz, oz hnuz. Tsôngv px lơưr zuôr lok bax, cux tsuôk zos iz, oz hnuz xưz, bax tsês tsi tâu ntêr...”.

TP Lai Châu tưz muôx iz lênhx nênhs trâul moz Covid-19 zos lênhx nênhs moz số 133 thiêz iz cxiê lênhx nênhs moz tâu xav tiêk zôngx ziv trâul cik tâu moz hâur thax tsav, uô 7 cxênhz ntâu lênhx nênhs tsuv tâu kuôk cêv nưk nhoz nưk iz kro, sox seiz đas jos, uô trâu px sđ cxơưx.

Đhâu thâuv têx lênhx tâu nhoz jê, buôk ti lênhx nênhs moz số 133 thiêz muôx 172 lênhx tâu siv nyar seiz njuôk shuôs sêz pok zos trâus moz  Covid-19, iz cxiê lênhx px hâur TP Lai Châu cux khênhr mul lok trâu uz trâu no. Lar heik zos ntơưv têx ciêz, muôx chôngz nênhs mul lok đhâu zuôr muôs têx huv, viv li luôs hâux lưv kuôk cêv XH tsênhv uô tsik tâu truôx. Txix têx li heik no, Ủy ban tỉnh TP Lai Châu chox kriê, qir txix hnuz xiêz 10/4, hur si ntơưv têx ciêz cux muôx qơư seiz jor chiê txo grêk tsơưs lênhx nênhs mul lok đhâu zuôr muôs hax huv hâur ciêz.

Zơưv Bùi Hữu Cam, Phưv Chủ tịch Ủy ban TP Lai Châu, tỉnh Lai Châu heik pâuz: Nhiv no hâur thax tsav muôx 5 luz ciêz. Iz chas phênhz qơư nhoz, jâuv muôs huv tsuv cêv kuôk tus no trâu tus to txix 3-5 thiêr trâu iz qơư, lưv lươngv uô hâux lưv seiz jor ciêz  nhoz têx qơư heik sâuv qênhz shuôs lênhx nênhs mul lok hâur ciêz uô cê iz luz six hơưv zuôr zav nox thiêz siz hlôngr tso lênhx nênhs mul lok zuôr têx huv trơưk li cui tinhv. Iz chas têx hâux lưv uô heik co, lơưr zuôr sir jos yax kriê, heik têx tuz luôv thiêz px sđ chox ntâuz bos kror ndâux, tus no nhoz cêv kuôk đêz tus tov muôx 2 thiêr thâuv siz chuôs njiz, sik thav lok sâuv zuôr muôs têx huv uz no:

“Tsôngv px tuôx ciêz zuôr muôs hax huv tsênhv qir chôngz jux juk tuôx. Chênhr viv li, hâux lưv qênhz shuôs tsênhv qir njiz trâul ntâu phiv liv lok sâuv lênhx nênhs lês uô têx hâux lưv co. Lar heik zos ntơưv ciêz lox hâur TP, phường Đoàn Kết, nhiv no mak chor nênhs zuôr muôs huv hâur ciêz ntâu thiêz tsôngv px mul lok car ciêz zuôr têx huv uz no cux chôngz. Chênhr zos li heik co, TP cux tsênhv heik phường, cux li ban seiz car ciêz tso nzir lênhx nênhs chiê đros uô hâux lưv qênhz shuôs trơưk li Chỉ thị 16 cux li TP ntâuz ntơưr fuô kriê, taz por uô tâu jông luôs hâux lưv no, tsi chiê moz siz cik đêz đar trâu chôngz lênhx ntâu tus”./.

(Khắc Kiên-Riê Lâux cxeik, nhênhv)

Hà Giang: Cưk kriê mênhx cxưx Hmôngz gôngr đas jos phax tar moz COVID-19 cxôngx têx clip lul Hmôngz yax mông sâuv mạng xã hội

Pov moz COVID-19 huôv xênhz muôx ntâu txơưr txar, cưk kriê ntơưr Vàng Thị Lưu Ly xar: Zuôr uô li chas chiê yax mông, heik kriê sei tiv zix, gôngr mê njik zuk li đas jos đros tas nro têz qơưk txu gris moz? Đhâu tsênhz mênhx cưk kriê pov: zuk thax tsav qơư nhoz uô nênhx muôx lok six chôngz tsôngv box Hmôngz thiêz ntâu lênhx nênhs hâur co cux zôngv điện thoại yiêz, txơưx zôngv mạng xã hội Facebook. Đros thiêz tiv phaz li têx tsưr ziv yax mông, hâux lưv tso têx njiêz luv phax tar moz tâu cxeik lul Hmôngz trâu sâuv mạng xã hội mak pox nhuôs zuôr pâuz txos sei. Xar tâu mak txơưv uô, cưk kriê hluôk qir cxeik têx njiêz luv muôx lênhx coaz txos moz Covid-19 li: Têx tsuv pâuz lok moz covid-19, heik kriê tsưr ziv uô cuô đêx nzuôr tês hâur tsêr, heik kriê Thủ tướng chinhr phuv li chỉ thị 16 lok têx tsưr ziv zov chênhr phax tar moz covid-19...Đhâu co, cưk kriê chiv chir nhênhv, thav lul Hmôngz thiêz quay têx clip lur tso sâuv mạng xã hội. Cưk kriê Ly pheiz kênh:

          “Tiếng Mông”

          Ciês clip xuz thơưx cưk kriê Ly tso sâuv mạng xã hội thâuv hâur hlik hli 2 tưz muôx 5 cxênhz ntâu jiês lênhx nênhs seiz thiêz pheiz kênh. Têx clip tov kaz no, hâur co muôx clip heik lok thủ tướng chinhr phuv li chỉ thị 16 lok têx tsưr ziv zov chênhr phax tar moz cux zaz zâuv tâu chôngz tsôngv box seiz. Ntâu lênhx nênhs thâuv seiz tas cưk kriê Ly li têx clip yax mông mak heik tiêk: Cưk kriê cxeik lơưr pox nhuôs ntơưv qơư li lul heik, seiz thiêz mnôngs mak zôngx ziv to tâuz. Niêv lâuk Suôr Xênhv Vax, mênhx cxưx Hmôngz nhoz phường Ngọc Hà, thành phố Hà Giang puz pâuz:

          “Cur seiz cưk kriê Ly li têx clip tso sâuv mạng pheiz kênh lok tsưr ziv phax tar moz covid-19 mak zôngx ziv to tâuz thiêz, đhâu co pâuz pahx tar moz, taz por trâu đas jos côngv thôngx”.

          Tâu pâuz, cưk kriê Vàng Thị Lưu Ly nhiv no tsênhv sir jos cxaz chuôz têx huôx tôngv yax mông viên “txưv zênhv”, gôngr đas jos đros tas nro têz qơưk txu grês, phax tar moz covid-19 cik đêz đar hâur côngv thôngx./.

(Txâur Vax cxiv sâu-cxeik nhênhv)